17/05/2025
🪷 ဖြူနေတဲ့ အင်္ကျီ နဲ့ သန့်ရှင်းနေတဲ့ စိတ် 🪷
တခါတလေတော့လေ တွေးမိတယ်….
Thinzar တို့ဟာ ကိုယ့် စိတ်ကိုယ် အင်္ကျီ တထည်လောက်တောင် တန်ဖိုးထား မိရဲ့လားလို့…
စာဖတ်နေတဲ့ သူတွေ အားလုံး ကြုံဖူးကြမယ်ထင်ပါတယ်…
Thinzar တို့ အင်္ကျီ အသစ် အဖြူရောင်လေး ဝတ်လာတဲ့နေ့ဆို တစ်ခုခု ပေသွားမှာ စိုးရိမ်မိကြတဲ့ အချိန်မျိုးပေါ့….
🍀 အစားစားတဲ့ အခါ ပေသွားမှာ..
🍀 တစ်နေရာရာမှာ ထိုင်တဲ့အခါ ပေသွားမှာ…
🍀 တစ်ခုခုနဲ့ တိုက်မိတဲ့အခါ ပေသွားမှာ… စသည်ဖြင့် ဂရုတစိုက်နေကြတယ်မလား…..😊
ဒါဆို Thinzar တို့ရဲ့ စိတ်ကိုကော?
🪷 အာရုံ တစ်ခုခုကြောင့် ညစ်ပေသွားမှာ…
🪷 ကိုယ့်စိတ်ကိုယ် ထားချင်တဲ့ အာရုံမှာထားမိလို့ ညစ်ပေသွားမှာ…
🪷 အာရုံငါးပါး တစ်ပါးပါးနဲ့ တိုက်မိတဲ့ ညစ်ပေသွားမှာ…
စသည်ဖြင့် ဂရုတစိုက်နေဖူးတာမျိုးရှိရဲ့လား…
Thinzar တို့ဟာ ကိုယ့်စိတ်ကိုယ် အင်္ကျီ အဖြူတထည်လောက်တောင် ဂရုစိုက်မိရဲ့လား ဆိုတာ ပြန် စဉ်းစားဖို့လိုပါတယ်နော် 🙏🏻🪷
ဒါဆိုရင် ဘယ်အရာတွေက စိတ်ကို ညစ်နွမ်းသွားစေတာလဲ…..
ဗုဒ္ဓမြတ်စွာဘုရားရှင်က စိတ်တွေကို ညစ်ညမ်းသွားစေတဲ့ နီဝရဏ တရား(၅) ပါး အကြောင်းကို ဟောပြောပေးတော် မူခဲ့ပါတယ်ရှင် 🙏🏻
(၁) ကာမစ္ဆန္ဒနီဝရဏ - နှစ်သက်စရာအာရုံ ပေါ်မှာ နှစ်သက်တွယ်တာတဲ့ စိတ်ဆန္ဒ
အရှင်းဆုံး ဥပမာအနေနဲ့ဆို ဖုန်းကြည့်မလား တရားထိုင်မလားဆိုရင် ဘယ်အရာကို အများဆုံးရွေးဖြစ်လဲဆိုတာ ကိုယ့်ကိုကိုယ် အသိဆုံးနေမှာပါနော် 😁
(၂) ဗျာပါဒနီဝရဏ- မုန်းတီးမှု အလိုမကျမှု
ကိုယ်ဖြစ်ချင်တာ မဖြစ်ရတဲ့အခါ စိတ်တို ဒေါသထွက်တာမျိုးပေါ့
တချို့လူတွေဆိုရင် ငါ့ကို လာမစမ်းနဲ့ “ မရဘူး ဒေါသကြီးတယ် ဆိုတာကို ဂုဏ်ယူတတ်ကြသေးတာမဟုတ်လား… 😅
(၃) ထိန၊မိဒ္ဓ - စိတ် တက်ကြွမှုမရှိခြင်း ၊ ထုံမှိုင်းခြင်း၊ စိတ်ပါဝင်စားမှုမရှိခြင်း
ကုသိုလ်တရားတွေကို ပြုလုပ်တဲ့အခါ နေ့ရွှေ့ ညရွှေ့ ရွှေ့တတ်တာမျိုးပေါ့ စိတ်အားတက်ကြွမှုမရှိပဲ လုပ်ဆောင်ရတဲ့အခါ ပိုပြီး စိတ်ပင်ပန်းလာရင်း ဆက်မလုပ်ချင်တော့တာမျိုး ဖြစ်တတ်ပါတယ်ရှင် 🙏🏻
(၄) ဥဒ္ဓစ္စ,ကုက္ကုစ္စနီဝရဏ- စိတ်ကလေးဟာ ငြိမ်အောင်ထားလို့ မရဘူး, ပျံ့လွင့် နေတယ်၊
ကုက္ကုစ္စ - ကိစ္စတစ်ခုကို လုပ်မိ တာတို့, မလုပ်မိတာတို့ အပေါ်မှာ နောင်တ ရနေတယ် . စိတ်ထဲမှာ ပူပင်နေတယ်
လက်ရှိအချိန်ကသာ ကိုယ်တကယ် နေထိုင်ရှင်သန်နေတာမဟုတ်ပဲ စိတ်တွေပျံလွှင့်နေတာ၊ အတိတ် အနာဂတ်ကအရာတွေကို ပူပန်နေတာမျိုးဟာလဲ စိတ်ကို အားလျော့စေပါတယ်ရှင် 🙏🏻
(၅) ဝိစိကိစ္ဆာ နီဝရဏ - ကိုယ်လုပ်နေတဲ့ လုပ်ငန်း တစ်ခုပေါ်မှာ ဟုတ်သလား မဟုတ်ဘူးလား ဆိုတဲ့ ဇဝေဇဝါဖြစ်မှု သံသယဖြစ်မှု
Thinzar တို့ဟာ ကိုယ်သွားတဲ့ပန်းတိုင်ဟာ ဘယ်ကို သွားနေတယ်ဆိုတာ အတိအကျ သိထားဖို့လိုပြီး သိတဲ့အတိုင်း ယုံကြည်စွာလျှောက်လှမ်းဖို့လိုပါတယ် ရှင် 🙏🏻
ဒီ ၅ ချက်ဟာ Thinzar တို့ စိတ်ထဲကို ရောက်လာတာနဲ့ အင်္ကျီ အသစ်လေးကို ဂရုတစိုက်ဆေးကြော လျော်ဖွတ်သလို ကိုယ့်ရဲ့ စိတ်လေးကိုနီဝရဏတရားတွေ ကင်းတထက်ကင်း အောင် ကိုယ်ကိုတိုင်လဲ ကြိုးစားရင်း မိမိစိတ်ကို ဂရုတစိုက်ဆေးကြော သန့်စင်ရအောင်လို့ တိုက်တွန်းလိုက်ပါတယ်ရှင် 🙏🏻🤍
8.5.2025
မေတ္တာများစွာဖြင့်
Be Your Own Healer
Sharing Is Caring 💛
We love We share We care 🤍
🙏🏻 May you be free from all kind of sufferings
Crd-Photo
