01/12/2024
କ୍ରିୟାଯୋଗ ମାର୍ଗଦର୍ଶନ : -
କ୍ରିୟାଯୋଗ ସାଧନାର ପ୍ରଥମ ଭାଗରେ ରହିଛି ,କିଛି ଗୋପନୀୟ ଶାରୀରିକ ସାଧନା । ଶରୀର ଉପରେ ଦୈବୀଶକ୍ତିର ଅବତରଣ ପାଇଁ ଏହା ନିତାନ୍ତ ଆବଶ୍ୟକ । ଜଡ ଉପରେ ଚୈତନ୍ୟଙ୍କ ଅବସ୍ଥାନ ଯୁଗେ ଯୁଗେ ଭାରତୀୟ ଆଧ୍ୟାତ୍ମିକ ଯାତ୍ରୀଗଣ ଅଧିକ ଗୁରୁତ୍ବ ଦେଇ ଅଛନ୍ତି । ଭାରତବର୍ଷର ଆଧ୍ୟାତ୍ମିକ ସାଧକ ପ୍ରକୃତି ଭିତରେ ଶକ୍ତିର ଦର୍ଶନ କରିଥାଏ । ଏଠାରେ ସୂର୍ଯ୍ୟ ଏକ ନକ୍ଷତ୍ର ନୁହଁ , ସେ ସୂର୍ଯ୍ୟ ନାରାୟଣ ଅଟନ୍ତି । ତୁଳସୀ ଏକ ବୃକ୍ଷ ନୁହେ , ସେ ତୁଳସୀ ମାତା । ଗାଈ ଏକ ପଶୁ ନୁହେଁ, ସେ ଗୋମାତା ଅଟନ୍ତି । ସେହିପରି ଜଗନ୍ନାଥ ଦାରୁ ନୁହେଁ, ସେ ଦାରୁ ବ୍ରହ୍ମ । ପୃଥିବୀ ମାତା, ବାୟୁ ଦେବତା, ଅଗ୍ନି ଦେବତା, ଜଳ ଦେବତା ଏହିପରି ଜଡ ଭିତରେ ସେ ଶକ୍ତିର ଉପାସନା କରିଛି ।
ଶକ୍ତି ସାଧନାରେ ସାଧକ ପାଷାଣକୁ ମଧ୍ଯ ଜୀବିତ କରି ଦେଇଛି । ପରମହଂସ ରାମକୃଷ୍ଣଙ୍କ କ୍ଷେତ୍ରରେ ମା କାଳୀ ଜୀବନ୍ତ ପ୍ରତୀମା । ମୀରାବାଈଙ୍କ କ୍ଷେତ୍ରରେ ମୂର୍ତ୍ତି କୃଷ୍ଣ ହେଉଛି - ମୋହନସୁନ୍ଦର ଗିରିଧାରୀ ଶ୍ରୀକୃଷ୍ଣ । ଏହିପରି ଅନେକ ଉଦାହରଣ ଆମେ ଆମ ଆଧ୍ୟାତ୍ମିକ ଇତିହାସରେ ପାଇ ପାରିବା । ଏହିପରି କ୍ଷେତ୍ରରେ ନିଗମ ସାଧକ ମୃତ ଶବକୁ ମଧ୍ଯ ନିଜ ଆଧାରର ଶକ୍ତିରେ ଜୀବନ୍ତ କରିଥାଏ ।
କ୍ରିୟାଯୋଗ ସାଧନାରେ ଶରୀର ଏକ ଦିବ୍ଯ ମନ୍ଦିର ଅଟେ । ଈଶ୍ବରଙ୍କ ଦ୍ବାରା ନିର୍ମିତ ହୋଇଥାଏ ଏହି ମନ୍ଦିର । ମଣିଷ ସାଧାରଣ ମନ୍ଦିରକୁ ମାଟି, ପଥର, ଇଟା , ସିମେଣ୍ଟ, ଛଡ ଦ୍ବାରା ତିଆରି କରେ । ଅଥଚ ଏହି ଶରୀର ମନ୍ଦିର ପଞ୍ଚ ମହାଭୂତ ଦ୍ବାରା ତିଆରି ହୋଇଛି । କ୍ରିୟାଯୋଗ ସାଧନା ଦ୍ବାରା ଶରୀରକୁ ଦିବ୍ଯ ଶକ୍ତିର ଆଧାର ଭାବରେ ଗ୍ରହଣ କରାଯାଏ । ଶରୀର ଭିତରେ ଚକ୍ର, ନାଡ଼ି, ଶକ୍ତି କେନ୍ଦ୍ର, ପ୍ରାଣ , କୁଣ୍ଡଳିନୀର ଶକ୍ତିକୁ ବିଶ୍ବାସର ସହିତ ଗ୍ରହଣ କରିବାକୁ ପଡେ । ଯାହାର ସମର୍ପଣ ଭାବନା, ବିଶ୍ବାସର ଆଧାର ଅଧିକ ସେ ଶୀଘ୍ର ସଫଳତାକୁ ପ୍ରାପ୍ତ କରେ । ଉଚ୍ଚତମ କ୍ରିୟାଯୋଗ ସାଧକର ବିଶ୍ବାସର ସ୍ତମ୍ଭ ଅଧିକ ଶକ୍ତିଶାଳୀ ଅଟେ । ସେଥିପାଇଁ ତାହାର ଶରୀର ଏକ ପବିତ୍ର ମନ୍ଦିର ଅଟେ । କୁଣ୍ଡଳିନୀର ଶକ୍ତି ଜଗନ୍ମାତା ମହାକାଳୀ ଅଟନ୍ତି । ଚକ୍ର ସକଳ ସପ୍ତଲୋକ ଅଟନ୍ତି । ପିଣ୍ଡ ବା ଶରୀର ବ୍ରହ୍ମାଣ୍ଡ ଅଟେ । ସେଥିପାଇଁ କ୍ରିୟାଯୋଗ ସାଧନାରେ ଯେତେ ଗୁପ୍ତ ଶାରୀରିକ ସାଧନା ଶିକ୍ଷା ଦିଆଯାଏ, ସେ ସମସ୍ତ ଜଡ ଭିତରେ ଚୈତନ୍ୟଙ୍କ ଅବତରଣର ଶିକ୍ଷା ଅଟେ ।
ପ୍ରଶ୍ନ ପତ୍ର -
୧ - କେଉଁମାନେ ଶବକୁ ଜୀବନ୍ତ କରି ପାରନ୍ତି ?
୨ - କ୍ରିୟାଯୋଗ ସାଧନାରେ କାହିଁକି ଗୁପ୍ତ ଶାରୀରିକ ସାଧନା ରହିଛି ?
୩ - କିଏ କୁଣ୍ଡଳିନୀ ଶକ୍ତି ଅଟନ୍ତି ?
ସଠିକ ଉତ୍ତର ମୋ Whatsapp Number 91 9439 22 3184 ରେ ସାତ ଦିନ ଭିତରେ ପଠାନ୍ତୁ ।
#କ୍ରିୟାଯୋଗ_ଯୋଗାଯୋଗ_୯୪୩୯୨୨୩୧୮୪
