Berbera Regional Hospital

21/07/2025

Wasaaradda Horumarinta Caafimaadka iyo KGHP oo Agab Caafimaad ku Wareejiyay Cusbitaalka Guud ee Berbera.

Wasaaradda Horumarinta Caafimaadka Somaliland, oo kaashanaysa King’s Global Health Partnerships (KGHP), ayaa si rasmi ah agab caafimaad ugu wareejisay Cusbitaalka Guud ee Berbera. Agabkan ayaa loogu talogalay xakamaynta caabuqyada faafa ee xarumaha caafimaadka.

Munaasibadda wareejinta ayaa waxaa ka soo qaybgalay masuuliyiin ka socotay Cusbitaalka Guud ee Berbera, Wasaaradda Caafimaadka, iyo hay’adaha taageeraya mashruuca. Agabkan caafimaad wuxuu qeyb ka yahay barnaamijka National Quality Improvement Programme (NQIP), oo ay si wadajir ah uga shaqeeyaan MoHD iyo KGHP, oo ay dhaqaala ahaanna ka taageerto hay’adda Qatar Charity.

Ujeeddada mashruucan ayaa ah in kor loo qaado tayada adeegyada caafimaad ee la bixiyo, lana yareeyo halista caabuqyada gudaha cisbitaalka, si loo horumariyo badbaadada bukaanka iyo shaqaalaha caafimaadka.

23/06/2025

Berbera Regional Hospital, Staff Training part 2.

23/06/2025

Berbera - Dhakhaatiir iyo aqoonyahanno ka socda ururka Somali Health Exchange (SHE), oo fadhigoodu yahay dalka Ingiriiska, ayaa maanta tababarro muhiim ah u qabtay shaqaalaha Cusbitaalka Guud ee Berbera. Ujeedada tababarradan waxay ahayd kor u qaadidda aqoonta iyo xirfadaha shaqaalaha caafimaadka, si loo horumariyo adeegyada caafimaad ee bulshada. Tababarradu waxay diiradda saareen dhowr mowduuc oo muhiim ah, kuwaas oo kala ahaa:
1. Basic life support and han hygene workshop
2. Medicine management workshop
3. Introduction to genetics workshop
4. Musculoskeletal conditions: managing pain and mobility workshop.
5. Surgical skills Course

Tababaradan isugu jira aqoon, xirfad, iyo faham saynis waxay si weyn u kobciyeen kartida shaqaalaha caafimaadka ee Cusbitaalka Guud ee Berbera. Sidoo kale waxay sare u qaadeen wacyiga ku aaddan nadaafadda, badbaadada bukaanka, iyo adeegsiga tignoolajiyadda aqooneed ee cusub.

Ugu danbayn dadaalkan midho-dhalka ah waxa uu caddeyn u yahay sida aqoonyahannada reer Somaliland ee qurbaha ku sugan ay door muuqda ugu yeelan karaan horumarinta nidaamka caafimaadka gudaha, iyaga oo aqoontooda iyo khibradooda dib ugu celinaya bulshadooda.

Allaa Mahad Leh

16/06/2025

Berbera - Waxaa cusbitaalka guud ee Berbera la keenay ilmo 8 jir ah oo uu cunaha isu taagay caag yar oo uu si lama filaan ah u liqay. Nasiib wanaag, Ilaahay mahaddii, ilmaha waa la badbaadiyay, waxaana si guul ah looga saaray caaggii uu liqay.

Waxaan uga mahadcelinaynaa dhakhtarka qalliinka guud ee cusbitaalka Guud ee Berbera (Dr. Xamse Miigane) iyo kooxdiisa, dadaalka, xirfadda, iyo taxadarka ay muujiyeen si ay u xaqiijiyaan badbaadada ilmaha. Waxa ay fuliyeen howlo caafimaad oo muhiim ah, iyaga oo u heellan daryeelka bukaanada. Waa mudan yihiin bogaadin iyo mahadnaq.

Guul iyo horumar ayaan u rajaynaynaa dhammaan shaqaalaha caafimaadka ee ku howlan badbaadada nafta.

Allaa Mahad Leh

15/06/2025

Ololaha Dhiig-shubista Qaranka oo ka bilaabmay Cusbitaalka Guud ee Berbera

Maanta waxa si rasmi ah uga bilaabmay Cusbitaalka Guud ee Berbera, Ololaha Dhiig-shubista Qaranka. Waa dedaal ay bulshadu ku muujinayso naxariis, isgarabsi, iyo badbaadin naf.

Furitaanka ololahan waxa ka soo qayb galay Mayirka Degmada Berbera, Mudane Cabdishakuur Ciddin, Masuuliyiin ka tirsan Dawladda Hoose ee Berbera, Guddoomiyaha Shirkadda Telesom ee Berbera, Isuduwaha WHC ee Gobolka Saaxil, iyo Agaasimaha iyo Maamulaha Cusbitaalka Guud ee Berbera. Masuuliyiintu wax ay dhammaan bulshada ku dhiirrigeliyeen in ay dhiig shubaan si ay u badbaadiyaan nafo u baahan.

Dhiig-shubistu waa ficil samafal oo qiimo weyn leh waa dareen muujinaya wadajirka iyo isku-duubnida bulshada Somaliland.

Kaalay, ka qaybqaado, ololaha dhiig ku deeq, oo naf badbaadi!

14/06/2025

Ololaha Dhiig-shubista Qaranka ee Jamhuuriyadda Somaliland - 15 Juun 2025

Berri oo ay taariikhdu tahay 15-ka Juun 2025, waxa guud ahaan dalka Somaliland si rasmi ah uga bilaabmaya Ololaha Dhiig-shubista Qaranka, kaas oo socon doona muddo saddex cisho ah. Ololahan waxa ay ujeedadiisu tahay in la dhiirrigeliyo deeq-bixinta dhiigga, si loo helo kayd dhiig oo ku filan bukaanada u baahan, gaar ahaan hooyooyinka uurka leh, dadka dhaawaca ah, iyo xaaladaha degdegga ah ee u baahan dhiig degdeg ah.

Iyadoo la fulinayo qorshaha Wasaaradda Horumarinta Caafimaadka ee Jmahuuriyadda Somaliland ee ku saabsan dhiirrigelinta deeq-bixinta dhiigga, Maamulka Cusbitaalka Guud ee Berbera waxa uu u diyaariyay dadka dhiigga ku deeqaya goob nidaamsan oo la qalabeeyay, si loogu fududeeyo habraaca dhiig shubista. Sidoo kale, maamulka cusbitaalku waxa uu bulshada si wayn ugu baaqayaa in ay ka qayb qaataan ololahan, iyagoo naftooda iyo nolosha dadka kale wax taraya.

Dhiig ku deeq, oo naf badbaadi!

Waxaa la joogaa waqtigii laga qaybqaadan lahaa dadaalkan muhiimka ah ee badbaadada nafta. Deeq-bixinta dhiiggu waa ficil samafal ah oo qiimo badan leh, kana tarjumaya dareenka iyo isgarabsiga bulshada.

Bulshada Somaliland ha u istaagto badbaadinta nolosha!

14/06/2025

DHIIG KU DEEQ OO NAF BADBAADI.

27/05/2025

Isuduwaha Wasaarada Horumarinta Caafimadka ee gobolka Saaxil iyo Agaasimaha Cisbitaalka Guud ee Berbera, ayaa furay tabobar loogu talo galay dardar gelinta iyo fulinta habraacayda qaran ee Xakamaynta Caabuqyada Faafa.
Tabobarkaasi oo socon doona muddo labo maalmood ah ayaa waxa soo diyaarisay Wasaaradda Horumarinta Caafimadka iyo Haayadda Kings Global-health Paternship, iyagoo kaashanaya haayadda caafimadka addunka ee WHO.

Ujeedada tabobarka ayaa daaran, in ay helaan shaqaalaha Cisbitaalku aqoon iyo xirfad ku habboon sidii loo xakamayn lahaa caabuqyada faafa.

Isuduwaha gobolka Saaxil Dr. Xassan Maxamed iyo Agaasimaha Cisbitaalka Guud ee Berbera Dr.Axmed Xanaf, ayaa u mahadnaqay hawl wadeenada hawshan gacanta ku hayay, sidoo kale dhankooda xoojiyay muhiimada ay leedahay in la horumariyo tayada adeegyada caafimadka ee ay qaranka masuulka uga yihiin.

18/05/2025

Madaxda, shaqaalaha Cisbitaalka Guud ee Berbera, iyo masuuliyiinta Wasaaradda Horumarinta Caafimaadka ee gobolka Saaxil ayaa si mug iyo miisaan leh uga qaybqaatay dabbaaldega xuska sanad-guurada 34-aad ee qaranimada Jamhuuriyadda Somaliland.

Somaliland Allow dhawr

06/05/2025

Shalay oo ay taariikhdu ahayd 05/05/2025, Waxa Cisbitaalka Guud ee Berbera kormeer kedis ah ku yimi, Agaasimaha Guud ee Wasaaradda Horumarinta Caafimaadka, Dr. Axmed Maxamuud Jaamac (Dr. ahmed Zaki).

Agaasimaha guud waxa Cisbitaalka ku soo dhaweeyay maamulka cisbitaalka, oo uu ugu horreeyo Agaasimahu Dr. Ahmed Muse Ibrahin (Xanaf).

Agaasimaha guud waxa uu kulan la qaatay maamulka cisbitaalka, waxa kale oo uu booqday qaybaha kala duwan ee cisbitaalka.

22/03/2025

Xafalada xil wareejinta Agaasimihii h**e Ee Cisbtaalka Guud ee Berbera Dr Jimcaale Cali Haybe Iyo Agaasimaha Cusub Dr Ahmed Muse Ibrahim

25/02/2025