15/08/2025
Waxaynu si kooban uuga hadli doonaa suuska
Waa maxay suusku?
Suusku waa godad yaryar oo ku samaysma oogada iliga. Waa mid ka mid ah dhibaatooyinka ugu caansan ee ku dhaca ilkaha, waxaana la dhibtooda inta badan dadka waaweyn iyo carruurtuba. Haddii aan la daaweyn, suusku wuu sii fidaa, wuxuuna sababi karaa xanuun, caabuq, iyo lumista iliga.
Maxaa keena suuska?
Suuska waxaa keena bakteeriyo ku nool afkaaga. Bakteeriyadan waxay ku kortaa raashinka iyo cabitaannada ku hadha afka. Markay bakteeriyadu la macaasho sonkorta iyo waxyaabaha kale ee sonkorta leh, waxay soo saartaa asiidh. Asiidhkaas ayaa weerara oo waxyeeleeya oogada iligaaga, taasoo ugu dambayn sababta inay daloolo.
Maxaa lagu daaweeyaa?
Daaweynta suuska waxay ku xidhan tahay heerka uu gaadhay.
Marxaladda koowaad:
Haddii suusku yahay mid cusub oo aanu weli daloolin iliga, waxa laga yaabaa in loo isticmaalo fluoride, oo ah macdan caawisa dib-u-dhiska oogada iliga.
Marxaladda labaad:
Haddii suusku dalooliyay iliga, dhakhtarka ilkuhu wuxuu buuxin (filling) ku samaynayaa daloolka ka dib marka uu nadiifiyo meesha suusku galay.
Marxaladda saddexaad:
Haddii suusku gaadho xididka iliga, waxaa laga yaabaa in loo baahdo daawayn loo yaqaano Root Canal Treatment (daawaynta xididka), ama haddii ay xaaladdu aad u liidato, in la saaro iligaas.
Maxaa looga hortagaa suuska?
Kahortagga suuska waa waxa ugu muhiimsan ee aad samayn karto si aad u ilaaliso caafimaadka ilkahaaga.
Cadayasho joogto ah:
Caday ilkahaaga laba jeer maalintii (subaxdii iyo fiidkii) adoo isticmaalaya daawada ilkaha ee ay ku jirto fluoride.
Isticmaalka 'Floss'(dunta ilkaha lagu nadiifiyo):
Nadiifi ilkaha dhexdooda si aad uga saarto raashinka iyo bakteeriyada aanay cadayadu gaadhin.
Xakamee sonkorta:
Iska yaree cunista sonkorta iyo cabitaanada macaan.
Kormeer joogto ah:
La xidhiidh dhakhtarkaaga ilkaha si joogto ah si uu u hubiyo caafimaadka ilkahaaga.
Mahadsanid sxb
