22/05/2025
Qaliin Guul kusoo dhamaaday oo Lagu Sameeyey Haweeney Da’ Ah oo Minku hoos ka soo dhacay National Hospital Bosaso
Dhakhaatiirta khibradda sare leh ee ka howlgala Hospitalka National ee Haweenka ayaa saaka si guul leh u fuliyey qaliin muhiim ah oo lagu sameeyey haweeney da’ ah oo 90 sano ku dhow. Iyadoo ay adkayd qabashada nooca suuxdinta la siinaayo xanuunada ay la deristey oo badnaa awgeed sida wadnaha,kelyaha, beer, xinjirow ga iyo maskaxda.
Bukaan kaan ayaa muddo dheer la dhibbanayd cudur xagga minka ah oo ka dhashay soo dhicid (uterine prolapse), taas oo saameyn xooggan ku yeelatay nolol maalmeedkeeda.
Qaliinka loo yaqaan (TVH) ayaa si guul leh loogu sameeyey, iyadoo lagu guuleystay in minka gabi ahaanba laga saaro, si loo yareeyo xanuunka iyo dhibaatooyinka caafimaad ee ay la tacaaleysay muddo dheer
Dr. Hamida, oo ah dhakhtarad ku takhasustay qaliimada haweenka iyo daweyntooda, ayaa hoggaamisay qaliinka.
Dr. Hamida waxa ay leedahay khibrad qoto dheer iyo waayo-aragnimo caalami ah, iyadoo meelo badan oo dunida ah kasoo shaqeysay, taas oo ka dhigaysa mid si gaar ah u qalabeysan una xilkas ah marka ay la tacaalayso xaaladaha caafimaad ee adag ee haweenka.
Waxaa xusid mudan in Dr Hamida filisey in ka badan 100 Qaliin oo minka hoos ka soo dhacay oo dhamaantood guul ku soo idlaaday intii ay joogtey hospitalka National sidoo kale qaliinka minka caloosha laga saaro oo loo yaqaan (TAH) ayey fulisey Dhakhtaradu.
Dr Hamida waa khabiir cudurada haweenka iyo qaliimadooda.
Hospitalka National waxa uu mar walba u taagan yahay daryeel tayo leh, daaweyn casri ah iyo adeeg joogto ah oo lagu kalsoonaan karo.
