07/05/2026
Hadal-jeedintii Maamulaha Guud ee Machadka Al-Imran Dr. Muqtar HassanNor
Sanad-guuradii 1ªªD ee Machadka Al-Imran
Maamulaha Guud ee Al Imran Academy for Health science and Technology, Dr. Muqtaar Xasan Nuur, ayaa jeediyey hadal qiimo badan oo xambaarsanaa mahadnaq, dhiirrigelin iyo himilo fog intii ay socotay xafladdii sanad-guurada 1ªªD ee Machadka Al-Imran.
Dr. Muqtar wuxuu si gaar ah ugu mahadceliyey dhammaan marti-sharaftii ka soo qeyb-gashay munaasabadda sanad-guurada 1ªªD ee machadka, isagoo sheegay in joogitaankooda iyo taageeradoodu ay muujinayaan kalsooni iyo garab istaag ay bulshada u hayso Machadka Al-Imran iyo dadaallada uu ugu jiro horumarinta waxbarashada iyo kobcinta aqoonta dhalinyarada Soomaaliyeed.
Sidoo kale, wuxuu xusay in Machadka Al-Imran uusan diiradda saareynin oo kaliya dhinaca lacagta ama faa’iido raadinta, balse himilada ugu weyn ee machadka ay tahay horumarinta aqoonta, tayeynta waxbarashada, iyo soo saarista arday leh xirfad, akhlaaq iyo karti ay bulshada ugu adeegaan.
Wuxuu carrabka ku adkeeyey in machadka aan loo furin sidii lacag looga sameyn lahaa oo keliya, balse loo aas-aasay sidii bulshada loogu horseedi lahaa aqoon, horumar iyo mustaqbal wanaagsan.
Dr. Muqtaar ayaa sidoo kale ammaanay maamulka, macallimiinta iyo ardayda machadka oo door weyn ka qaatay horumarka iyo sumcadda wanaagsan ee uu machadku ku tallaabsaday muddadii koobnayd ee uu jiray.
Wuxuu tilmaamay in guulaha la gaaray ay ku yimaadeen dadaal joogto ah, wadajir iyo niyad adag.
Ugu dambeyn, wuxuu ku boorriyey ardayda iyo guud ahaan bahda waxbarashada inay sii laba-laabaan dadaalkooda, kuna dadaalaan helitaanka aqoon tayo leh oo waxtar u leh naftooda, qoyskooda iyo bulshada Soomaaliyeed.
Machadka Al-Imran Hoyga Aqoonta & Horumarka.
