Hargeisa Group Hospital

Hargeisa Group Hospital Contact information, map and directions, contact form, opening hours, services, ratings, photos, videos and announcements from Hargeisa Group Hospital, Medical and health, Hargesa.

Kulan ballaadhan oo ka dhacay Cusbitaalka Guud ee HargeysaCusbitaalka Guud ee Hargeysa waxa uu maanta martigeliyay kulan...
08/09/2025

Kulan ballaadhan oo ka dhacay Cusbitaalka Guud ee Hargeysa

Cusbitaalka Guud ee Hargeysa waxa uu maanta martigeliyay kulan muhiim ah oo ay ka soo qaybgaleen wafdi ka socday Jaamacadda King’s College ee UK, masuuliyiin ka socda Wasaaradda Horumarinta Caafimaadka, iyo maamulka cusbitaalka.

Kulanka oo uu shir-guddoominayay Agaasime Ku-xigeenka Cusbitaalka Guud, waxa si gaar ah diiradda loo saaray sidii loo xoojin lahaa adeegyada caafimaadka hooyada iyo dhallaanka, isla markaana kor loogu qaadi lahaa tayada adeegyada la xidhiidha daryeelka caafimaad ee haweenka iyo carruurta.

Kulankani waxa uu qayb ka yahay dadaallada joogtada ah ee lagu horumarinayo adeegyada caafimaad ee dalka, iyadoo la iska kaashanayo hay'adaha maxalliga ah iyo kuwa caalamiga ah.

MAHADNAQ IYO HAMBAALYO 🎓🎉Agaasimaha iyo maamulka Cusbitaalka Guud Ee Hargeysa waxay halkan hambalyo iyo bogaadin diirran...
08/09/2025

MAHADNAQ IYO HAMBAALYO 🎓🎉

Agaasimaha iyo maamulka Cusbitaalka Guud Ee Hargeysa waxay halkan hambalyo iyo bogaadin diirran uga dirayaan Cabdinuur Saleebaan Carab, oo ka mid ah shaqaalaha maamulka qaybta xisaabadka ee Cusbitaalka, isaga oo bartay kuliyadda Master-ka ee Accounting and Finance kana baxay Jaamacadda Camuud.

Qalin-jabintaadu waa guul , waana astaan muujinaysa dadaalkaaga, kartidaada iyo himilada sare ee aad u leedahay koritaanka aqoonta iyo horumarka xirfadeed. Waxaan kuu rajeynaynaa mustaqbal ifaya, guulo hor leh iyo in aqoontan aad ku kordhisay bulshada ugu adeegto si hufan.

Alla Mahad leh

05/09/2025

OGAYSIIS MUHIIM AH

Cusbitaalka Guud ee Magaalada Hargeysa wuxuu ku wargelinayaa dhammaan shacabka ku dhaqan magaalada Hargeysa iyo nawaaxigeeda in:

Qaybta Bukaanka Socodka (OPD)
ay hadda shaqayn doonto labada galinba (Subaxnimo & Galabnimo).

Tani waxay qayb ka tahay dadaalka joogtada ah ee lagu horumarinayo adeegyada caafimaad si loo daboolo baahida bulshada.

Saacadaha la shaqayn doono ee qaybta bukaan socodku waa:

Gelin H**e: 7:30 Subaxnimo ilaa 1:00 Duhurnimo

Gelinka Danbe: 4:30 galabnimo ilaa 8:00 fiidnimo.

Alla Mahad Leh



Tababar Caalami ah oo La Soo Gabagabeeyey iyo Shahaadooyin La Guddoonsiiyey Dhakhaatiirta ka qayb gashay tabobarka.Waxaa...
27/08/2025

Tababar Caalami ah oo La Soo Gabagabeeyey iyo Shahaadooyin La Guddoonsiiyey Dhakhaatiirta ka qayb gashay tabobarka.

Waxaa si rasmi ah loo soo gabagabeeyey tababarkii caalamiga ahaa ee cudurrada kansarka iyo sarcoma-da (Internationally Accredited Oncology Training Course) oo ay ka qaybgaleen dhakhaatiir ka tirsan Hargeisa Group Hospital kana socday qaybaha Orthopaedics, Radiology, General Surgery iyo Pathology.

Dhamaadka tababarka, dhakhaatiirta ka qayb gashay waxa la guddoonsiiyey shahaado-sharaf caalami ah, taasoo muujinaysa aqoonsi iyo dadaal sare oo ay muujiyeen intii uu socday tababarku.

Tababarkan oo ah kii ugu horreeyey ee noociisa ah ee lagu qabto Somaliland, wuxuu astaan u yahay horumar la taaban karo oo dhanka caafimaadka ah iyo ballanqaad lagu xoojinayo daawaynta cudurrada kansarka.

Waxaanu si gaar ah ugu mahadcelinaynaa Taakulo Somaliland Community, Somaliland Orthopedic Society (SOS) iyo Australian Doctors for Africa (ADFA) oo suurageliyey qabsoomidda tababarkan qiimaha badan.

Hargeisa Group Hospital waxa uu si weyn ugu faraxsan yahay in dhakhaatiirta ka tirsan cisbitaalka, oo ka kala socda qay...
25/08/2025

Hargeisa Group Hospital waxa uu si weyn ugu faraxsan yahay in dhakhaatiirta ka tirsan cisbitaalka, oo ka kala socda qaybaha kala duwan ee kala ah lafaha (Orthopaedics), sawirka shu'caaca (Radiology), qaliimada guud (General Surgery) iyo baadhista kansarka (Pathology), ay ka qayb galeen tababar caalami ah oo si rasmi ah loo aqoonsaday (Internationally Accredited Oncology Training Course) kaasoo ku saabsan cudurrada kansarka iyo sarcoma-da.

Tababarkan oo ah kii ugu horreeyay ee noociisa ah ee lagu qabto *Somaliland*, waxa uu astaan u yahay horumar iyo dadaal xooggan oo lagu xoojinayo daawaynta cudurrada kansarka, korna loogu qaadayo aqoonta caafimaad ee dalka, si ay uga mid noqoto bulshada caafimaadka caalamka ee hormuudka ka ah la tacaalidda cudurrada lafaha iyo kansarka (musculoskeletal tumors & sarcoma surgery).
---
*Wargelin Muhiim ah:*

Waxa aanu ku wargelinaynaa bulshada ku dhaqan caasimada Hargeysa iyo nawaxigeeda in *dhakhaatiirta qaybta lafaha Orthopaedics ee Cusbitaalka Hargeysa iyo Australian Doctors for Africa ay si wadajir ah u qaban doonaan qaliinno lafaha la xidhiidha, kuwaasoo ka qabsoomi doona Cusbitaalka Guud Ee Hargeysa laga bilaabo 25-ka ilaa 27-ka bisha August 2025.

Waxaan si gaar ah ugu mahadnaqaynaa:
- Taakulo Somaliland Community
- Somaliland Orthopedic Society (SOS)
- Australian Doctors for Africa (ADFA)
Kuwaasoo door muhiim ah ka qaatay suurtagalinta tababarkan muhiimka ah iyo qaliimada.

ALLA MAHAD LEH

---

Munaasabadda Xil-wareejinta ee ka qabsoontay Cusbitaalka Guud ee Hargeysa.Maanta waxaa si rasmi ah xilka isugu wareejiye...
21/08/2025

Munaasabadda Xil-wareejinta ee ka qabsoontay Cusbitaalka Guud ee Hargeysa.

Maanta waxaa si rasmi ah xilka isugu wareejiyey maamulkii h**e iyo maamulka cusub ee dhawaan uu magacaabay Agaasimaha Cusbitaalka Guud ee Hargeysa.

Munaasibadda Xil-wareejinta waxaa goob joog ahaa Agaasimaha Cusbitaalka Dr. Axmed-Wali Daahir Xaddi,iyo Agaasime Ku-xigeenka Dr. Cabdiraxmaan Cabdisamad Ibraahim (Cayngal).

Xil-wareejintan ayaa lagu kala wareejiyey xilalkii waaxaha muhiimka ah ee Cusbitaalka, kuwaas oo loo magacaabay Mas’uuliyiintan cusub ee kala ah:-

- Dr. Cabdicasiis Cumar Muuse Mire – Agaasimaha Waaxda Adeegyada Caafimaadka
- Mudane Cabdiqadir Axmed Maxamed – Agaasimaha Waaxda Maamulka iyo Lacagta.
- Mudane Siciid Maxamuud Diiriye - Agaasimaha Mamulka Cuduuda Shaqaalaha.

Waxaan halkan uga mahadnaqaynaa maamulka h**e dadaalkii, juhdigii iyo howlkarnimadii ay muujiyeen muddadii ay xilalka hayeen. Waxaana u rajaynaynaa maamulka cusub inuu si hufan oo karti leh u gutaan waajibaadkooda shaqo.

Agaasimaha Cusbitaalka Guud ee Hargeysa Dr Axmed-wali Daahir Xaddi ayaa xafiiskiisa ku qaabilay wafdi ka socday Jaamacad...
20/08/2025

Agaasimaha Cusbitaalka Guud ee Hargeysa Dr Axmed-wali Daahir Xaddi ayaa xafiiskiisa ku qaabilay wafdi ka socday Jaamacadda Qaranka ee Taiwan (National Taiwan University). Wafdigan ayaa u yimid kormeer ay ku sameynayaan Cusbitaalka, gaar ahaan Qaybta Gargaarka Degdegga ah iyo Qaybta caruurta mujada ah ee Neonatol-ka.

Agaasimuhu wuxuu wafdiga kala hadlay muhiimadda ay leedahay in jaamacaddu la shaqeyso cusbitaalka, gaar ahaan tababarro lagu kobcinayo xirfadaha kalkaaliyeyaasha iyo guud ahaan kor u qaadista tayada shaqaalaha caafimaadka ee ka hawlgala cusbitaalka.

Alla Mahad Leh

Maanta waxaa Hargeisa Group Hospital si rasmi ah uga furmay tababar muhiim ah oo ay soo qabanqaabisay Taiwan Medical Mi...
18/08/2025

Maanta waxaa Hargeisa Group Hospital si rasmi ah uga furmay tababar muhiim ah oo ay soo qabanqaabisay Taiwan Medical Mission, kaas oo diiradda lagu saarayay ka hortagga iyo xakamaynta infekshannada (Infection Prevention and Control - IPC).

Tababarku waxa uu ka kooban yahay afar qaybood (sessions), iyadoo maanta la qabtay qaybtii ugu horreysay.

Waxaan u mahadcelinaynaa Taiwan Medical Mission sida ay noola garab taagan yihiin horumarinta tayada adeegyada caafimaadka.

Alla Mahad Leh

Waxaa Cusbitaalka Guud ee Hargeysa lagu qabtay xaflad si heer sare ah loo soo agaasimay oo loogu talagalay in lagu maamu...
17/08/2025

Waxaa Cusbitaalka Guud ee Hargeysa lagu qabtay xaflad si heer sare ah loo soo agaasimay oo loogu talagalay in lagu maamuuso laguna dhiirrigeliyo shaqaalaha ka howlgala waaxda dhimirka.

Xafladdan ayaa ahayd mid lagu abaalmariyey shaqaalaha muujiyey dadaalka, anshaxa, iyo adeegga wanaagsan ee ay u hayaan bukaanada.

Intii ay xafladdu socotay, waxaa la guddoonsiiyey shahaado sharaf shaqaalihii ugu fiicnaa sannadka, mahadnaqa ay mudan yihiin.

Waaxda dhimirka ee Hargeisa Group Hospital ayaa door weyn ka qaadata daryeelka dadka qaba xanuunnada dhimirka, iyadoo bixisa adeegyo caafimaad oo casri ah, la-talin iyo taageero nafsiyeed.

Alla Mahad Leh

Waxaa markii ugu horaysay Hargeisa Group Hospital waxdiisa ENT-ga ee sanka cunaha iyo dhagaha ay sameyeen qaliinka loo...
13/08/2025

Waxaa markii ugu horaysay Hargeisa Group Hospital waxdiisa ENT-ga ee sanka cunaha iyo dhagaha ay sameyeen qaliinka loo yaqaano Fuctional Endoscopic Sinus surgery (FESS)

Kaas oo loo sameeyey Bukaan in badan ka cabanayay xanuunka loo yaqaano fungal rhinosunisitis with polyposis.

Waaxana qaliinka sameeyey

Dr. Maxamed ( Cago-baruur )
ENT Specialist
Dhakhtarka sanka cunaha iyo dhagaha.

-----

ALLA MAHAD LEH

Agaasimaha Cusbitaalka Guud Ee Hargeysa Dr Axmed-wali daahir Xaddi iyo Agaasime Ku xigeenka Dr Cabdiraxmaan Cabdisamad I...
13/08/2025

Agaasimaha Cusbitaalka Guud Ee Hargeysa Dr Axmed-wali daahir Xaddi iyo Agaasime Ku xigeenka Dr Cabdiraxmaan Cabdisamad Ibraahim (Cayngal) waxay Cusbitaalka ku soo dhaweyeen laba khabiir oo cusub oo ka socday Taiwan Medical mission kuwaas oo ku takhasusay:
- Oscar: Xiao-Yue Chen oo ku takhasusay xagga neefsashada (Respiratory Therapist)
- Dr. Ou :Tao Hung Ou dhakhtar takhasusay cudurrada faafa (Infectious Diseases Specialist)

Dhakhaatiirtan ayaa ka hawl gali doona qaybta ICU-ga iyo xakameynta cudurrada faafa ee Cusbitaalka Guud Ee Hargeysa.

---

Waxaa aanu maanta Hargeisa Group Hospital ku soo dhawaynay Maayarka Caasimadda Hargeysa mudane Abdikarim Ahmed Mooge iyo...
11/08/2025

Waxaa aanu maanta Hargeisa Group Hospital ku soo dhawaynay Maayarka Caasimadda Hargeysa mudane Abdikarim Ahmed Mooge iyo Xildhibaan Caydaruus Cabdisamad oo booqasho rasmi ah ku yimid Cusbitaalka.

Waxaan ka wada hadalnay sidii loo xoojin laha wada shaqaynta ka dhaxaysa Cusbitaalka iyo Dawladda Hoose ee Hargeysa.

Sidoo kale, waxaan uga mahadcelinay doorka muhiimka ah ee kor u qaadista nadaafada iyo Qurxinta bilicda Cusbitaalka Guud Ee Hargeysa.

Dawladda Hoose ee Caasimadda Hargeisa

Address

Hargesa

Website

Alerts

Be the first to know and let us send you an email when Hargeisa Group Hospital posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category