24/10/2024
# Wacyigelinta Cudurka Cagaarshowga B oo isuxilqaamay Isbitaalka Darusihha International Hospital
**Bismillah**, maanta waxaan rabnaa inaan waxyar ka hadalno cudurka cagaarshowga B (Hepatitis B), oo dhibaato weyn ku haya bulshada Soomaaliyeed iyo aduunka oo dhan. Darusihha International Hospitals, oo ka shaqeeya Mudug iyo Galgaduud, gaar ahaan degmooyinka Hobyo, Xarardheere, iyo tuulooyinka hoos yimaada, ayaa qaadaya talaabooyin wacyigelin ah oo ku saabsan cudurka cagaarshowga B. Cudurkaan waa halis ku ah bulshadeena, wuxuuna leeyahay saameyn caafimaad oo daran iyo dhibaatooyin beerka (kansarka). Dawo rasmi ah looma haysto cagaarshowga B, laakiin Darusihha waxay bixineysaa talaalka cagaarshowga B (Hepatitis B vaccine).
# Xiriirka Darusihha International Hospitals
Darusihha International Hospitals waxay ku hawlan tahay wacyigelinta bulshada iyo bixinta adeegyada caafimaad ee tayada sare leh. Haddii aad u baahan tahay macluumaad dheeraad ah ama aad rabto inaad qaadato talaalka, fadlan nagala soo xiriir:
- **Gmail**: darusihha1@gmail.com
- **Telefoon**: 252616884978
- **WhatsApp**: 252615389072
# Cudurka Cagaarshowga
- **Sharaxaad**: Cagaarshowgu waa cudur ku dhaca beerka (beerka) oo ay sababeen fayras (virus) soo gala jirka. Cudurkan wuxuu leeyahay noocyo kala duwan, laakiin shanta nooc ee ugu caansan waa:
- **1. Nooca A (Hepatitis A)**
- **Faafinta**: Waxaa laga qaadaa biyaha iyo cuntada wasaqeysan, waxaana laga yaabaa in qofka uu ka reysto muddo ilaa 4 usbuuc. Noocaan jirdifaaca ayaa ka adkaada bil gudaheeda, waxaana looga bogsadaa.
- **2. Nooca B**
- **Sharaxaad**: Noocan waa mid aan bixin (chronic) oo faafa, wuxuuna dhaawici karaa beerka. Mararka qaarkoodna wuxuu keeni karaa in beerka adkaado, baaba’ ama xitaa kansarka beerka.
- **Faafinta**:
- A) Dhiiga qof qaba cudurka Cagaarshowga B in lagugu shubo.
- B) Cirbad qof cudurka qaba lagu duray qofka fiyow.
- C) Galmo lala sameeyo qof qaba cudurka Cagaarshowga B.
- D) Qalabka lagu qalay qof qaba cudurka Cagaarshowga B oo aan la jeermis-dilin.
- **Astaamaha**: Qandho, xanuunka caloosha qeybta kore ee midig, iyo cagaarta indhaha iyo jirka.
- **3. Nooca C**
- **Sharaxaad**: Noocan sidoo kale waa chronic, wuxuuna keeni karaa in beerka howlgab noqdo.
- **4. Nooca D & E**
- **Sharaxaad**: Noocyadan ma noqdaan chronic, laakiin waxay keeni karaan in beerka howlgab noqdo.
# Ka Hortagga Cudurka
- **Talaalka**: Talaalka cagaarshowga nooca B waa mid aad muhiim u ah, waxaana muhiim ah in qofku qaato talaalkiisa. Talaalku wuxuu ka kooban yahay 3 kuuro oo kala fog:
- Kuuro koowaad (maalinta ugu horeysa)
- Kuuro labaad (ka dib hal bil)
- Kuuro saddexaad (4 ilaa 5 bilood ka dib)
- **Iska Ilaalinta**: Iska ilaali waxyaabaha lagu kala qaado, sida dhiigga, sharabka, iyo xiriirka galmo ee aan la ilaalin.
- **Baadhista**: Ka hor inta aysan qaadan talaalka, qofka waa inuu is baaro si loo hubiyo inuu cudurkan qabin.
# Fa'iidooyinka Talaalka
- **Difaaaca**: Talaalku wuxuu dhisaa difaac (immunity) qofka, taasoo ka hortagaysa in cudurka uu ku dhaco.
# Gunaanad
Cudurka cagaarshowga B waa cudur dilaa halis daran ah. Waa muhiim in bulshada ay barato sida ay bulshada u baratay (HIV/AIDS). Khatarta caafimaad ee labadan cudur waa mid isku mid ah, mana jiraan dawo rasmi ah. Darusihha International Hospitals waxay ka go'an tahay in bulshada laga wacyigeliyo khatarta cudurkan iyo hababka looga hortagi karo, si loo ilaaliyo caafimaadka bulshada Soomaaliyeed.
Haddii aad qabto su'aalo dheeraad ah, fadlan ha ka waaban inaad nala soo xiriirto!
