Jubaland Medical Association -JMA-

Jubaland Medical Association -JMA- Contact information, map and directions, contact form, opening hours, services, ratings, photos, videos and announcements from Jubaland Medical Association -JMA-, Medical and health, Kismayo.

Jubaland Medical Association (JMA) is an independent, Non-governmental, Non-political and Non-profit organization formed by medical doctors in jubaland state somalia to promote the health status of the people.

Ururka Dhaqaatiirta Jubaland wuxuu u mahadcelinayaa oo bogaadinayaa labada gole ee Dowladda Jubbaland dadaalka muuqda ee...
23/11/2025

Ururka Dhaqaatiirta Jubaland wuxuu u mahadcelinayaa oo bogaadinayaa labada gole ee Dowladda Jubbaland dadaalka muuqda ee ay ku bixiyeen akhriska, dib-u-eegista iyo ansixinta Sharciga Mixnalaayaasha (Xirfadleyda Caafimaadka) ee Jubbaland.

Sidoo kale, ururka waxa uu u mahadcelinayaa Gudiga Joogtada ah ee Golaha Wakiilada, oo uu shirguddoominaayay Guddoomiyaha Baarlamaanka Jubaland, ansixinta sharcigan oo maanta bulshada Jubbaland u horseeday guul caafimaad oo taariikhi ah.
Go’aankan muhiimka ah wuxuu caddeyn u yahay horumar iyo hufnaan laga gaaray dhismaha nidaamka caafimaadka, wuxuuna dhabbaha u xaari doonaa shuruuc cad oo hagta tayada adeegyada caafimaadka ee gobolka, isla markaana xaqiijinaya adeeg caafimaad oo tayo sare leh, ku dhisan mas’uuliyad, hufnaan iyo maamul meelmar ah.

Dhanka kale, Ururka Dhaqaatiirta Jubaland wuxuu mahadcelin iyo ammaan gaar ah u jeedinayaa Wasiirka Caafimaadka Dowladda Jubbaland, oo door muuqda ka qaatay diyaarinta, dib-u-hagaajinta iyo hor-keenista sharcigan labada gole ee Dowladda Jubaland.
Hoggaaminta, dadaalka iyo hal-abuurka uu muujiyay Wasiirku waxay suurta gelisay in bulshada Jubbaland ay hesho xeer aas-aasi u ah badbaadada, hufnaanta iyo horumarinta adeegyada caafimaadka, taas oo sare u qaadaysa heerka daryeel caafimaad ee bulshada Jubaland.


14 November 2025 – KismaayoXuska Maalinta Adduunka ee Sokorowga Ururka Dhakhaatiirta Jubaland ayaa ka qeyb galay oo ka q...
14/11/2025

14 November 2025 – Kismaayo
Xuska Maalinta Adduunka ee Sokorowga
Ururka Dhakhaatiirta Jubaland ayaa ka qeyb galay oo ka qayb qaatay xuska Maalinta Caalamiga ah ee Cudurka Sonkorowga oo lagu qabtay magaalada Kismaayo. Munaasabadda waxaa kasoo qeyb galay Wasiirka Caafimaadka Jubaland Ismaaciil Axmed Garas, Xildhibaan Shire Maxamed Cabdi, gadoomiyaha arimaha bulshada jubalnd, agaasimaha guud ee wasaarada caafimadka jubaland Mohamed huseein iyo mas’uuliyiin kale oo ka socda wasaaradda, ururka dhakhaatiirta iyo isbitaallada gaarka loo leeyahay iyo hayadaha maxaliga ah . Kulanka waxaa lagu adkeeyay muhiimada la dagaallanka cudurka sonkorowga, iyada oo si gaar ah diiradda loo saaray kor u qaadista wacyigelinta iyo yareynta khatarta uu cudurkani ku hayo bulshada jubaland .

Wasiirka Caafimaadka ayaa sheegay in wasaaraddu xoogga saaraysa ka hortagga cudurrada, isaga oo xusay dadaallada lagu yareynayo cudurka sonkorowga iyo muhiimadda gaarsiinta adeegyada caafimaad dhamaan deeganada jubaland. Sidoo kale, Guddoomiyaha Ururka Dhakhaatiirta Jubaland, Dr. Cabdirisaaq Maxamed Cabdi, ayaa ku baaqay in si wadajir ah looga hortago cudurka sonkorowga, lana xoojiyo baaritaannada (screening-ka), wacyigelinta, iyo yareynta arrimaha keena cudurkan. Wuxuu u mahadceliyay dhammaan cid kasta oo ka qayb qaadatay wacyigelinta, isaga oo codsaday in dadaallada lagu wacyigelinayo bulshada la sii xoojiyo, loona maro idaacadaha iyo warbaahinta si farriintu u gaarto guud ahaan deegaannada Jubaland.


14 November 2025 – KismaayoXuska Maalinta Adduunka ee Sokorowga Sawiro Ololaha baaritaanka, wacyigelinta & la-talinta so...
14/11/2025

14 November 2025 – Kismaayo
Xuska Maalinta Adduunka ee Sokorowga
Sawiro Ololaha baaritaanka, wacyigelinta & la-talinta sokorowga oo bilaash ah
Free Diabetes Screening, Awareness & Campaign
/14 November # Jubaland Kismayo Health jubaland # jubaland medical association ,


Ururka dhakhatirta Jubaland ayaa ka qeyb galay maalinta xusku dabeesha aduunka taasoo lagu qabtay magalada kismayo. Muna...
27/10/2025

Ururka dhakhatirta Jubaland ayaa ka qeyb galay maalinta xusku dabeesha aduunka taasoo lagu qabtay magalada kismayo.

Munaasabadda waxaa ka qeyb galay Wasiirka Wasaaradda Caafimaadka Jubaland Mudane Ismaaciil Axmed Garas, Xildhibaan Shire Maxamed Cabdi (Guddoomiyaha Guddiga Arrimaha Bulshada ee Baarlamaanka Jubaland), Dr Nouradin Mohamud Adan (Madaxa arimaha degdega (Head of Emergency) ee ururka dhakhaatiirta Jubaland) iyo wakiillo ka socday hay’adaha bahwadaagta la ah wasaarada caafimadka.

Kulanka ayaa waxaa looga hadlay muhiimadda la dagaallanka cudurka dabaysha (Polio), iyadoo si gaar ah diiradda loo saaray baahida loo qabo in la xoojiyo dadaallada lagu ciribtirayo cudurkan khatarta ku ah carruurta da’da yar.

Wasiirka Caafimaadka Jubaland Mudane Ismaaciil Axmed Garas oo ka hadlay madasha, ayaa carabka ku adkeeyay in wasaaraddu ay dadaallo xoog leh ku bixinayso ciribtirka cudurka dabaysha, isagoo xusay muhiimadda ay leedahay in la gaaro dhammaan carruurta da'doodu ka yar tahay shan sano, gaar ahaan kuwa ku nool meelaha fog fog.

Dr Nouradin Mohamud Adan oo ku hadlayay magaca ururka dhakhatirta Jubaland ayaa balanqaday In ururka dhakhatirta Jubaland door Muhiim ah ku yeelan doonan ciribtirka cudurka dabeesha sidoo kalana xusay in ay xooga saari doonan wacyiga bulshada ee ku aadan fahamka talaalka.


Ururka Dhakhaatiirta Jubaland (JMA)iyo Jamacada kismayo ayaa qabtay 21/10/2025 wacaygilinta kansarka ku dhaco Nasaha (Br...
22/10/2025

Ururka Dhakhaatiirta Jubaland (JMA)iyo Jamacada kismayo ayaa qabtay 21/10/2025 wacaygilinta kansarka ku dhaco Nasaha (Breast cancer awareness) madama lagu jiro bisha October oo ah bisha Wacyigelinta iyo ogaanshaha kansarka kudhaco naasaha.

Kulankan ayaa lagu qabtay Jaamacadda kismayo waxaana ka faa’iidaystay ardayda dhigata jaamacaddaas.
Kulanka oo looga hadlayay Kansarka Naasaha iyo muhiimadda ay leedahay Baadhitaanka Naaska ee qofka naftiisa ku baarayo (Breast Self-Examination).

Ujeeddada kulanka ayaa ahayd in ardayda lagu baro sida saxda ah ee haweeneydu u sameyn karto baaritaanka naaska iyadoo gurigeeda joogto Iyo sidii hadeey ay dareento caafimad daro dhanka Nasaha ah sideey u heli Laheyd caawinaad caafimad.

Gudoomiyaha ururka Dhakhaatiirta Jubaland iyo dhaman dhakhatirta reer Jubaland ayaa hambalyo u diraya gudoomiyahii h**e ...
20/10/2025

Gudoomiyaha ururka Dhakhaatiirta Jubaland iyo dhaman dhakhatirta reer Jubaland ayaa hambalyo u diraya gudoomiyahii h**e ururka dhakhatirta Jubaland Dr Adan Jama Musse oo loo magacabay wasiirka wasaarada caafimadka Mamulka waqooyi Bari Somalia.

Dhakhtarku wuxuu in badan kasoo shaqaynayay howlaha caafimaad ee dhamaan deegaanada Soomaaliya, isagoo soo noqdey Gudoomiyaha Ururka Dhakhaatiirta Jubaland, iyo Gudoomiye kuxigeenka golaha mihnadlayaasha caafimaadka qaranka soomaaliyeed.

Waxaan Alle uga baryeeynaa inuu u fududeeyo xilka culus ee loo magacaabay iyo howlaha horyaala.


19/10/2025

Olalaha Wacyigalinta iyo baaritaanka iyo cudurka cancerka ee kudhaco naasaha.

Uruka dhakhatiirta jubaland waxa uu bilaabay Ololaha Wacyigelinta, Baaritaanka, iyo talobixinta cudurka cancerka kudhaco naasaha kaas oo lagu qabanayo magaalada Kismaayo maalmaha Khamiista iyo Jimcaha, 23-24 October 2025.
Talobixin caafimad iyo Baaritaanno bilaashka ah waxaa lagu qaban doonaa isbitaallada kala ah Daryeel Hospital, Baxnaano Hospital, Shaafici Hospital, National Hospital, Bayaan Hospital iyo Kaafi Hospital.

Ujeeddada ololahan waa in lagu wacyigeliyo bulshada, gaar ahaan haweenka, muhiimadda ogaanshaha h**e ee cudurka kansarka naasaha, iyadoo la siinayo adeegyo caafimaad iyo latalin bilaash ah.
Fiiro Gaar ah: Fadlan la wadaag fariintan si ay uga faa’iidaystaan dad badan oo u baahan, waayo ogaanshaha h**e waa badbaado.


19/10/2025

Olalaha Wacyigalinta iyo baaritaanka cudurka cancerka ee kudhaco naasaha

Ololaha Wacyigelinta, iyo baaritaanka Kansarka ku dhaco Naasaha ayaa lagu qabanayaa magaalada Kismaayo maalmaha Khamiista iyo Jimcaha, 23-24 October 2025. Baaritaannada oo bilaashka ah waxaa lagu qaban doonaa isbitaallada: Daryeel Hospital, Baxnaano Hospital, Shaafici Hospital, National Hospital , Bayaan hospital iyo Kaafi Hospital.

Ololahan waxaa hoggaaminaysa Dr. Hawo Abdulahi Aden, Madaxa Arrimaha Bulshada ee ururka dhakhatirta Jubaland.

Ujeeddada ololahan waa in lagu wacyigeliyo bulshada, gaar ahaan haweenka, muhiimadda ogaanshaha h**e ee cudurka kansarka ku dhaco naasaha iyadoo la siinayo baaritaan o
Iyo la talin caafimaad oo bilaash ah.
Fadlan la wadaag fariintan si ay uga faa’iidaystaan dad badan oo u baahan, waayo ogaanshaha h**e waa badbaado.


Ururka Dhakhaatiirta Jubaland iyo wasaarada caafimadka Jubaland ayaa manta qabtay munaasbad lagu xusayay xuska malinta c...
10/10/2025

Ururka Dhakhaatiirta Jubaland iyo wasaarada caafimadka Jubaland ayaa manta qabtay munaasbad lagu xusayay xuska malinta caafimadka dhimirka aduunka taas oo sanad walba lagu xuso 10-ka Oktoobar, si kor loogu qaado wacyiga bulshada ee ku aaddan caafimaadka maskaxda.

Munaasbada ayaa waxaa ka soo qeybgalay wasiirka wasaarada caafimadka, Agaasimaha guud ee wasaarada caafimadka, gudoomiyaha ururka dhakhatirta Jubaland, xildhibaano, dhakhatir ka socotay ururka iyo Marti sharaf kale.
Munaasabadda sanadkan ayaa si gaar ah diiradda u saartay mowduuca: “Helitaanka Adeegyada Caafimaadka Maskaxda Xilliyada Masiibooyinka iyo Xaaladaha Degdegga ah.

Gudoomiyaha ururka dhakhatirta Jubaland oo ka hadlay munaasabada ayaa balan qaaday in uu ururka dhakhatirta Jubaland door weyn ka ciyaari doonan bad qabka caafimad dhimirka bulshadeena, isagoona balan qaaday in ay la shaqeynayaan cid waliba oo howshaas wax ka qabadkeeda door ku yeelan doonta.


Guddoomiyaha Ururka Dhakhaatiirta Jubaland, Dr. Abdirisak Mohamed Abdi (Gaaxnuug), iyo xubnaha firfircoon ee Golaha Fuli...
19/09/2025

Guddoomiyaha Ururka Dhakhaatiirta Jubaland, Dr. Abdirisak Mohamed Abdi (Gaaxnuug), iyo xubnaha firfircoon ee Golaha Fulinta Ururka ayaa casho sharaf, hambalyo iyo kulan dhiirrigelin ah u qabtay dhakhaatiirta cusub ee sanadkan 2025 ka qalin jebisay Jaamacadda Kismaayo, gaar ahaan kuliyadda Qalliinka iyo Daaweynta.

Kulanka waxaa kasoo qeyb galay xubno ka tirsan Golaha Fulinta Ururka, iyo xubno katirsan ururka dhakhaatiir kana howlgala xarumaha cafimadka Jubaland, iyo Guddoomiyaha Arrimaha Bulshada ee Golaha Baarlamaanka Jubaland, Xildhibaan Shire Abdi Mohamed, kuwas oo dhambaal hambalyo ah u diray dhakhaatiirta cusub, isla markaana ku booriyay inay sii laba-jibaaraan dadaalkooda waxbarasho iyo u adeegidda bulshada.

Guddoomiyaha Ururka, Dr. Gaaxnuug, ayaa dhakhaatiirta cusub si diirran ugu soo dhaweeyey ururka, isagoo ballan qaaday in mudnaanta la siin doono doorkoodana ay qadan doonan.


Golaha Fulinta ee Ururka Dhakhaatiirta Jubbaland (JMA), iyagoo kaashanaya Wasaaradda Caafimaadka & Daryeelka Bulshada iy...
15/09/2025

Golaha Fulinta ee Ururka Dhakhaatiirta Jubbaland (JMA), iyagoo kaashanaya Wasaaradda Caafimaadka & Daryeelka Bulshada iyo Wasaaradda Caddaaladda & Arrimaha Dastuurka ee Jubbaland, ayaa booqasho shaqo ku tagay Maanta xabsiga dhexe ee magaalada Kismaayo.

Ujeeddada booqashadan ayaa ahayd in maxaabiista lagu siiyo adeeg caafimaad oo toos ah, taas oo ay qeyb ka ahayd in la sameeyo baaritaanno caafimaad, daaweyn bilaash ah, iyo la-talin caafimaad oo dhammaan maxaabiista la gaarsiiyay. Howlgalkan caafimaad ayaa qeyb ka ah dadaallada joogtada ah ee lagu xaqiijinayo badqabka iyo daryeelka caafimaad ee dadka ku jira xabsiyada Jubbaland.

Kormeerkan iyo adeegaan caafimaad ayaa waxaa kamid ahaa Madaxa Wacyigelinta Arrimaha Caafimaadka ee Wasaaradda Caafimaadka Madaxa Faya-dhowrka ee Wasaaradda Caafimaadka iyo Madaxa Xabsiyada ee Wasaaradda Caddaaladda

Intii hawsha adeegga caafimaad ay socotay, waxaa si dhow noola shaqeeyey maamulka xabsiga dhexe ee Kismaayo, iyadoo ay muuqato iskaashi wanaagsan oo ku saleysan waajibaadka bani’aadantinimo iyo ilaalinta xuquuqda maxaabiista. Waxaa la xaqiijiyey in dhammaan dadka ku xiran xabsiga ay heleen daryeel caafimaad oo habboon,

Ururka Dhakhaatiirta Jubbaland (JMA) ayaa sheegay in adeeggan uu ka mid yahay qorshayaashooda horumarinta iyo ka qayb qaadashada adeegyada caafimaad ee Jubbaland, gaar ahaan kor u qaadidda daryeelka caafimaad ee bulshada nugul ee aan si sahlan u heli karin adeegyadaas, sida maxaabiista.

Gadoomiyaha Ururka Dhakhaatiirta Jubbaland (JMA) Dr Gaaxnuug ayaa balan qaaday in ay sii wadi doonaan adeeg yada caafimad ee sida mutadawacnimada ah ay u fuliyaan dhaqaatiirta marwalbana kaashan doono Wasaaradda Caafimaadka & Daryeelka Bulshada jubaland,


Ururka Dhakhaatiirta Jubaland ayaa maanta si buuxda uga qaybgalay munaasabadda lagu maamuusayay Todobaadka Naasnuujinta ...
06/08/2025

Ururka Dhakhaatiirta Jubaland ayaa maanta si buuxda uga qaybgalay munaasabadda lagu maamuusayay Todobaadka Naasnuujinta Adduunka oo caalamka laga xuso 1-da ilaa 8-da August sanad kasta, taas oo lagu qabtay magaalada Kismaayo. Ururka ayaa door muuqda ka qaatay ujeeddooyinka munaasabadda oo diiradda lagu saaray kor u qaadidda wacyiga bulshada ee ku saabsan faa’iidada naasnuujinta. Dhakhaatiirta ayaa xoojiyay baaqyada ku aaddan in la dhiirrigeliyo hooyooyinka si ay u naasnuujiyaan carruurtooda, taasoo muhiim u ah korriinka caafimaadka leh ee ilmaha, hooyada iyo bulshada guud ahaan.

Munaasabaddan oo ay soo agaasintay Wasaaradda Caafimaadka iyo Daryeelka Bulshada ee Jubaland, ayaa waxaa sidoo kale ka soo qaybgalay masuuliyiin sare oo ka tirsan labada gole ee dowladda Jubaland, sida Wasiirka Caafimaadka Mudane Ismaaciil Axmed Garas, wasiirro kale oo xukuumadda ka tirsan, Xildhibaan Shire oo ah Guddoomiyaha Guddiga Arrimaha Bulshada, Agaasimaha Guud ee Wasaaradda Caafimaadka Mudane Maxamed Xuseen, xubno ka socday bahda caafimadka, hay’adaha caafimaadka ee caalamiga ah, culimo, ururrada bulshada iyo marti sharaf kale. Dhamaan masuuliyiintaasi waxay si isku mid ah u muujinayeen fahamka muhiimadda ay leedahay naasnuujinta si loo helo bulsho caafimaad leh.

Ururka Dhakhaatiirta Jubaland ayaa si cad u muujiyay taageeradooda joogtada ah ee ku aaddan barnaamijyada wacyigelinta caafimaadka, gaar ahaan kuwa hooyooyinka iyo dhallaanka la xiriira. Munaasabaddan waxay ahayd mid iftiimisay baahida loo qabo in bulshada laga wacyigeliyo faa’iidada naasnuujinta, iyadoo mas’uuliyiinta Jubaland ay balan qaadeen in la xoojin doono dadaallada lagu horumarinayo daryeelka hooyada iyo ilmaha.


Address

Kismayo

Telephone

+252610303039

Website

Alerts

Be the first to know and let us send you an email when Jubaland Medical Association -JMA- posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Jubaland Medical Association -JMA-:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category