𝗠𝗼𝗴𝗮𝗱𝗶𝘀𝗵𝘂 𝗛𝗲𝗮𝗹𝘁𝗵 𝗧𝗩

03/11/2025

:Cabitaanka Biyaha iyo Malabka
===
Cilmi-baaris lagu daabacay Frontiers in Physiology ayaa muujisay in cabitaanka biyo oo lagu daray malab qiyaastii 90 daqiiqo kahor jimicsiga uu kordhiyo tamarta jirka, yareeyo murqo-xanuunka isla markaana dedejiyo soo kabashada.

tijaabooyinku waxay muujiyeen in dadka cabay biyaha malabka ay yeesheen xoog iyo dulqaad ka badan kuwa aan cabin.

Malabku wuxuu ka kooban yahay maadooyinnka glucose iyo fructose kuwaas oo si dabiici ah jirka ugu bixiya tamar degdeg ah iyo mid joogto ah
Intaas waxaa dheer, malabku wuxuu leeyahay antioxidants iyo walxo dabiici ah oo yareeya bararka iyo daalka jimicsiga kadib


Aayad Qur’aan ah oo ka hadlaysa faaiidada malabka:
يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاءٌ لِّلنَّاسِ
(Surat An-Naḥl, Aayad 69)
Macnaha:Waxa ka soo baxa calooshooda (shinnida) cabitaan midabo kala duwan leh, waxaana ku jira caafimaad daawo u ah dadka .

Culimada tafsiirka sida Ibn Kathir iyo Qurtubi waxay sheegeen in malabka uu leeyahay dawooyin dabiici ah oo Alle si gaar ah ugu sheegay Qur’aanka taasoo caddaynaysa in malabku yahay daawo iyo barako isku dhafan oo u wanaagsan jirka iyo nafta labadaba.

Qoraalkan ma aha talo caafimaad ee waa wacyigelin guud qof kasta oo qaba xanuun ama xaalad caafimaad waa inuu la tashadaa dhakhaatiirta caafimaadka.

Ogow: Dadka leh sonkorow, xasaasiyad malab ama cudurro la xiriira dheefshiidka waa in aysan isticmaalin malab la’aanteed talo dhakhtar.