01/05/2026
Ninkan 33 jirka ah ayaa kor fuulay dhisme 5 dabaq ah oo ku yaalla degmada Manavgat ee dalka Turkiga, isagoo ku hanjabay inuu nafta iska qaadi doono.
Ciidanka booliska, kooxaha dab-damiska iyo kuwa gurmadka degdega ah ayaa goobta soo gaaray. Wada-hadalladu way dheeraadeen, ninkiina wuxuu diiday inuu hoos uga soo d**o dhismaha saqafkiisa.
balse, wuxuu qirtay inuu aad u gaajaysan yahay.
Kadib mid ah saraakiishii booliska ayaa u dalbay "Shawaarma" kulul.
Isla markii shuwaarmadii duubneyd ay soo gaartay saqafka sare ee dhismaha, ninkii markiiba dib ayuu uga soo laabtay qarka dhismaha, wuxuu fariistay meel ammaan ah, isagoo bilaabay inuu cuntadiisa cuno.
Sheekadan waxay u muuqataa mid kaftan ah, balse warbaahinta dalka Turkiga waxay sheegeen inaysan tani ahayn markii ugu horreysay oo uu ninkani dhibaato nuucan oo kale ah sameeyo. Saraakiisha booliska ayaa la sheegay inay magaciisa ku yaqaannaan gobollo badan oo dalkaas ah.
Mar kasta oo uu falkan sameeyo, jawaabta boolisku waa isku mid: "Soo d**o, waad ammaan helaysaa, waana ku caawinaynaa."
Markan, waxa kaliya ee loo baahnaa si xaaladda loo dejiyo waxay ahayd qado in la siiyo kaliya.
Haddii adiga ama qof aad garanayso aad la tacaalaysaan caqabado xagga nolosha ah, xusuusnow inaadan kaligaa ahayn oo aad heli karto caawimaad.
