11/03/2026
Bukaankaan oo 83 jir rag ah waxaa shalay duhurkii kusoo booday nabar daran oo uurkujirta qeybta bidix ee sare ka bilaabmay, lalabo iyo matag kuwaasoo ay badinaysay liqistu, waxaa nasiib wanaag markiiba ehelkiisu keeneen isbitaalka, baaris waraysi, wiisatayn, Raajo caloosha ah, iskaanka uurkujirta iyo shaybaarro ah dhakhaatiirtu ogaadeen in xaaladdiisu tahay EMERGENCY, awna jiro caabuq uurkujirta dhan saaqay kana yimid nabar gaas oo dillaacay, dheecaamadii dheefshiidkuna ku dhacayaan dibadda mindhicirrada (Acute Abdomen 2ยฐ Peritonitis 2ยฐ Perforated PUD), gargaar dagdag ah kadib waxaa ehelkiisa iyo asagaba loo sharxay xaaladda jirta iyo in qalliin dagdag ah loo baahanyahay kaasoo lagaliyay 4 saacadood kadib imaanshihiisa isbitaalka, wuxuuna noqday mid guulaystay ayadoo loo sameeyay xirista dillaaca caloosha iyo nadiifinta uur-kujirta (Laporatomy with Omental Patch).
Saaka waa mid fiican, sheekaynaya xaaladdiisuna dagantahay ee usoo duceeya walaalaha soomanow.
Isbitaalkeena waa markii 2aad oo xaaladdaan aan qalliin ka samayno, inta badan dadka gaaska lanool gaar ahaan gaaska nabarka leh, xilliyada soonka way u nugulyihiin diilaac caloosha ah maadama ay saacado soomayaan haddana qofku awsan wax fiican qaadanayn markuu afuro, waxaan kula talinaynaa dadka waawayn ee leh gaaska soo noqnoqda in loo sameeyo baaris kahor soonka.
