14/08/2025
Taxanaha Hooyada & Dhallaanka!!
Casharka 1aad: Daryeelka Hooyada Uurka Leh (Prenatal Care)
⸻
🎯 Ujeeddada casharka
• In hooyooyinka uurka leh ay fahmaan muhiimadda daryeelka caafimaad inta uurka lagu jiro.
• In laga hortago dhibaatooyinka ka dhici kara hooyada iyo ilmaha.
1️⃣ Waa maxay daryeelka uurka?
Daryeelka uurka (Prenatal care) waa kulamada joogtada ah ee hooyadu la leedahay xirfadlayaasha caafimaadka (dhakhtar ama umuliso) inta lagu jiro uurka si loo hubiyo caafimaadka hooyada iyo ilmaha.
2️⃣ Maxaa muhiim u ah daryeelka uurka?
• Waxaa la ogaadaa caafimaadka ilmaha iyo hooyada.
• Waxaa laga hortagaa cudurrada ku dhaca uurka sida dhiig-yaraanta, sonkorowga uurka, iyo cadaadiska dhiigga oo kaco.
• Waxaa la helaa talooyin ku saabsan cunto, nasasho, iyo jimicsi ku habboon.
• Waxaa lagu ogaadaa xaalado khatar ah ka hor inta aysan halis noqon.
3️⃣ Goorma ayay hooyadu bilaabaysaa daryeelka uurka?
• Marka ay ogaato in ay uur leedahay waa in ay si degdeg ah u bilowdaa daryeelka.
• Kulamada caadiga ah ee uurka:
• Bilaha h**e → 4tii asbuuc halmar
• Laga bilaabo 28 toddobaad →2dii asbuuc hal mar ayey dhaqat utageysaa.
• Laga bilaabo 36 toddobaad → toddobaad kasta hal mar ilaa dhalmada laga gaarayo.
4️⃣ Baaritaannada muhiimka ah ee la sameeyo inta uurka lagu jiro
• Miisaanka iyo cadaadiska dhiigga.
• Baaritaanka dhiigga (hubinta dhiig-yaraan, sonkorow, iyo cudurro kale).
• Baaritaanka kaadida (protein ama sonkor).
• Ultrasound si loo hubiyo ilmaha.
• Baaritaanka cudurrada laga gudbiyo hooyada ilaa ilmaha (HIV, HBV, iwm.).
5️⃣ Talooyin muhiim ah oo hooyada uurka leh
• Cun cunto caafimaad leh oo ay ku jiraan: hilib, kalluun, khudaar, miraha, caanaha, iyo badarka aan sifeysan.
• Cab biyo ku filan (8–10 koob maalintii).
• Ka fogaaw sigaarka, khamriga, iyo daawooyinka aan dhakhtar kuu qorin.
• Jimicsi fudud samee sida socodka.
• Qaado kaniiniga folic acid iyo birta (iron tablets) sida dhakhtarka kuu sheegay.
6️⃣ Farriinta ugu dambeysa ee casharka
Hooyada uurka leh waa in ay la xiriirtaa xarunta caafimaadka si joogto ah, xitaa haddii ay dareemayso caafimaad wanaagsan, sababtoo ah uurku waa xil u baahan daryeel joogto ah.
