Hodan Hospital

02/05/2026

Dhaqtarka maanta wuxuu diyaar ku yahay qaybta bukaaan socodka isbitaaalka "OPD". soo wac 1234.

01/05/2026

Isbitaalka Hodan ayaa qabtay kulan casho sharaf ah oo si diirran loogu soo dhawaynayo prof.dr. Turgut Aydin, oo ah dhakhtar khibrad sare u leh cudurrada dhalmo la’aanta iyo hababka casriga ah ee IVF, kaas oo markii ugu horreysay booqasho ku yimid guud ahaan Afrika, gaar ahaan Soomaaliya. Prof.dr. Turgut Aydinayaa ka howlgala Isbitaalka Acıbadem ee dalka Türkiye. Dhaqtarka ayaa berri si rasmi ah u soo fadhiisan doono Isbitaalka Hodan.

01/05/2026

“𝐐𝐨𝐟𝐤𝐢𝐢 𝐬𝐮𝐛𝐚𝐱 𝐤𝐮 𝐰𝐚𝐚𝐛𝐚𝐫𝐢𝐢𝐬𝐭𝐚 𝐢𝐬𝐚𝐠𝐨𝐨 𝐧𝐚𝐛𝐚𝐝 𝐪𝐚𝐛𝐚, 𝐣𝐢𝐫𝐤𝐢𝐢𝐬𝐮𝐧𝐚 𝐜𝐚𝐚𝐟𝐢𝐦𝐚𝐚𝐝 𝐪𝐚𝐛𝐨, 𝐨𝐨 𝐡𝐚𝐲𝐬𝐭𝐚 𝐰𝐮𝐱𝐮𝐮 𝐜𝐮𝐧𝐢 𝐥𝐚𝐡𝐚𝐚 𝐦𝐚𝐚𝐥𝐢𝐧𝐭𝐚𝐚𝐬 𝐰𝐮𝐱𝐮𝐮 𝐥𝐚 𝐦𝐢𝐝 𝐲𝐚𝐡𝐚𝐲 𝐪𝐨𝐟 𝐚𝐝𝐝𝐮𝐮𝐧𝐤𝐚 𝐨𝐨 𝐝𝐡𝐚𝐧 𝐥𝐚 𝐬𝐢𝐢𝐲𝐚𝐲"

Waa xusuusin ina tusaysa in nabadda, caafimaadka, iyo quudka maalinlaha ahi ay yihiin nimcooyin qaali ah oo inta badan la fududaysto.

Sidaa darteed, waxaa habboon inaan Alle uga mahadcelinno nimcooyinkaas, isla markaana ka shaqayno ilaalinta caafimaadkeenna, si aynu ugu noolaano nolol deggan, caafimaad iyo barwaaqo leh.

29/04/2026

𝐈𝐒𝐁𝐈𝐓𝐀𝐀𝐋𝐊𝐀 𝐇𝐎𝐃𝐀𝐍 𝐎𝐎 𝐁𝐈𝐋𝐀𝐀𝐁𝐀𝐘𝐀 𝐐𝐀𝐋𝐈𝐈𝐍𝐍𝐎 𝐁𝐈𝐋𝐀𝐀𝐒𝐇 𝐀𝐇.

Isbitaalka Hodan ayaa bilaabaya olole caafimaad oo lagu fulinayo qaliinno bilaash ah, kuwaas oo ay bixinayso hay’adda King Salman Humanitarian Aid and Relief Center.

Barnaamijkan wuxuu diiradda saaraya bixinta adeegyo qaliin oo muhiim ah, si loogu caawiyo dadka aan awoodin kharashaadka caafimaad.

Noocyada qaliinnada la samayn doono waxaa ka mid ah:

* Qaliinnada cunaha, dhagaha iyo sanka (ENT)
* Qaliinnada guud
* Qaliinnada kilyaha iyo kaadi-mareenka

𝐐𝐚𝐥𝐢𝐢𝐧𝐧𝐚𝐝𝐚 𝐰𝐚𝐱𝐚𝐲 𝐛𝐢𝐥𝐚𝐚𝐛𝐚𝐧𝐚𝐲𝐚𝐚𝐧 𝟑𝟎-𝐤𝐚 𝐀𝐩𝐫𝐢𝐥 𝐢𝐥𝐚𝐚 𝟐𝟓-𝐤𝐚 𝐌𝐚𝐲 𝟐𝟎𝟐𝟔

28/04/2026

Maanta oo ah 28-ka April, Maalinta Caalamiga ah Badqabka iyo Caafimaadka Goobta Shaqada, Isbitaalka Hodan wuxuu xoojinayaa farriinta ah in badqabka goobaha shaqadu ay tahay masuuliyad wadajir ah.

Isbitaalka Hodan wuxuu ku boorinayaa loo shaqeeyayaasha inay xoogga saaraan badqabka shaqaalaha, iyagoo hirgelinaya habraacyo badbaado, tababarro iyo wacyigelin si loo yareeyo halista dhaawacyada iyo cudurrada la xiriira shaqada.

Badqabka maanta waa caafimaadka berri, aan wada ilaashanno.

27/04/2026

Isbitaalka Hodan wuxuu idiin keenayaa fursad qaali ah oo caafimaad, iyadoo uu imanayo Dr. Çağlar Yazıcıoğlu, oo ah dhaqtar waya arag aqoon durugsan u leh daaweynta dhalmo la’aanta (IVF & Fertility). Inta u dhaxeysa 1–3 May 2026, waxaa la bixin doonaa la-talin bilaash ah (Free Consultation) oo loogu talagalay dadka la tacaalaya arrimaha dhalmo la’aanta.

Ha seegin fursadan muhiimka ah ku heli karto talo iyo daaweyn casri ah. fadlan soo wac 1234 si aad isu diiwaangeliso.

26/04/2026

26/04/2026

Safiirka dowladda Talyaaniga Soomaaliya ayaa maanta booqasho rasmi ah ku yimid Hodan Hospital magaalada Muqdisho, booqashadaas oo qeyb ka ah xoojinta iskaashiga dhinaca caafimaadka iyo horumarinta adeegyada bulshada.

Safiirka waxaa si diirran u qaabilay Agaasimaha Guud isbitaalka Dr. Mohamed Issaq Omar oo uu wehliyo Agaasime Ku-xigeenka isbitaalka Dr. Kayf Khayr, waxaana sidoo kale goob joog ka ahaa dhaqaatiir iyo agaasimayaal kale oo isbitaalka ka tirsan, oo uu ka mid yahay Prof. Dr. Fuad Amir Tarmuun.

Intii uu socday kulanka, Safiirka wuxuu warbixin ka dhageystay adeegyada caafimaad ee kala duwan isbitaalka bixiyo, horumarka la gaaray iyo qorshayaasha mustaqbalka, halka wafdigiisuna ay kormeer ku sameeyeen qeybaha kala duwan isbitaalka isla markaana ay la kulmeen dhaqaatiirta iyo agaasimayasha isbitaalka.

Booqashadan waxay muujineysaa xoojinta xiriirka iyo iskaashiga u dhexeeya Soomaaliya iyo Talyaaniga, gaar ahaan dhinaca horumarinta adeegyada caafimaadka. Maamulka Isbitaalka Hodan ayaa uga mahadceliyay Safiirka booqashadiisa, waxayna ballanqaadeen inay si dhow ula shaqeyn doonaan Safaaradda Talyaaniga Soomaaliya.

Sidoo kale, dhawaan Isbitaalka Hodan waxaa yimid dhaqaatiir u dhashay dalka Talyaaniga, kuwaas oo ka fuliyay ololayaal caafimaad, taasoo muujineysa iskaashi sii xoogeysanaya oo u dhexeeya isbitaalka iyo khubarada caafimaadka Talyaaniga.

25/04/2026

Isbitaalka Hodan waxaa booqasho ku yimid Mohamed Mohamud Adow, Xoghayaha Guud ee Golaha NHPC, halkaas oo uu kulan la qaatay maamulka isbitaalka, laguna wadaagay aragtiyo ku saabsan horumarinta adeegyada caafimaadka.

Booqashadan waxay muujineysaa xiriirka iyo wada-shaqeynta muhiimka ah ee lagu horumarinayo daryeelka bulshada.

25/04/2026

Waxaa shaqada dib ugu soo noqday Dr. Abdihakim Elmi, dhakhtar ku takhasusay qalliimada guud iyo qalliimada carruurta Isbitaalka Hodan. Soo wac 1234 si numbarka dhakhtarka laguugu jaro..

25/04/2026

Ku soo dhowaada qeybta 17-aad ee Hodan Hospital Podcast. Qeybtan waxaan ku falanqeyneynaa timo daadashada ,dhibaatoyinka saameeya rag iyo dumarba.

24/04/2026

Isbitaalka Hodan ayaa qabatay olole caafimaad oo loogu talagalay indhaha, kaas oo diiradda lagu saaray hooyooyinka ku nool SOS Village Mogadishu, si loogu dabaaldego Bisha Wacyigelinta Caafimaadka Indhaha Haweenka.

Ololahan oo ay hormuud ka ahaayeen dhakhaatiirta qaybta indhaha Isbitaalka Hodan, ayaa lagu bixiyay baaritaanno indho oo bilaash ah, iyadoo sidoo kale la sameeyay daaweyn cudurrada kala duwan indhaha laga helay hooyooyinka ka faa’iideystay adeeggan.

Sidoo kale, hay’adda Charity Vision ayaa door muhiim ah ka qaadatay taageerada ololaha, iyada oo bixisay muraayado indhaha ah iyo daawooyin bilaash ah, taas oo si weyn u fududeysay helitaanka adeegyada indhaha bulshada nugul.