Dr. Abdirahman Ahmed

04/03/2026

HAMBALYO – HAMBALYO – HAMBALYO

Waa Ilaahay mahaddiis in Soomaaliya ay si rasmi ah uga gudubtay dastuurkii ku meelgaarka ahaa.

Maanta oo ay taariikhdu tahay 04.03.2026, waxaan si qoto dheer ugu mahadcelinayaa Guddoonka Labada Aqal ee Baarlamaanka Jamhuuriyadda Federaalka Soomaaliya (BJFS) dadaalka iyo hoggaaminta ay ku meelmariyeen ansixinta dastuurka Jamhuuriyadda Federaalka Soomaaliya (JFS).

Sidoo kale, waxaan hambalyo iyo bogaadin u dirayaa dhammaan shacabka Soomaaliyeed oo maanta helay dastuur dhammaystiran oo hagaya mustaqbalka dalka. Waxaan ugu baaqayaa inay si midnimo leh u taageeraan, u ilaashadaan, una dhowraan dastuurkooda, maadaama uu yahay tiirka dowladnimada iyo horumarka qaranka

03/03/2026

Mudane Dr Hassan Mohamed Hussein Muungaab
waxaa loo saadaalinayaa inuu noqdo Duqa Magaalada Muqdisho doorashadii ugu horreysay ee ka dhacda muddo ka badan 50 sano. Waa hoggaamiye u qalma xilkan, maadaama uu horey shaqo badan uga soo qabtay Gobolka Benaadir , isla markaana muujiyay karti, hufnaan iyo dadaal muuqda.

Intii uu xilalka kala duwan soo qabtay, wuxuu door weyn ka qaatay horumarinta adeegyada bulshada, adkeynta amniga iyo dib u habeynta hay’adaha dowliga ah. Taasi waxay sabab u tahay kalsoonida iyo taageerada uu maanta ka heysto bulshada.

Waa waqtigii hoggaan waayo aragnimo leh uu magaalada hoggaamin lahaa.

03/03/2026

Dastuurka Jamhuuriyadda Federaalka Soomaaliya waa dastuur ay soo diyaariyeen khubaro Soomaaliyeed, kuna ansixiyeen xildhibaannada Baarlamaanka Federaalka.

Waa dastuurka saldhigga u ah hannaanka dowladnimo, kala dambeynta, iyo maamul wanaagga dalka. Dastuurkani wuxuu qeexayaa xuquuqda iyo waajibaadka muwaadiniinta, awoodaha hay’adaha dowladda, iyo nidaamka wadaagga awoodda ee Federaalka.

Laga bilaabo maalinta berri ah, Insha Allaah, waxaa si buuxda loogu dhaqmi doonaa qodobadiisa, iyadoo la xoojinayo ku dhaqanka sharciga, dhowrista xuquuqda aasaasiga ah, iyo ilaalinta midnimada iyo wadajirka ummadda Soomaaliyeed.

Fulinta qodobada Dastuurka waxay horseedi doontaa dowladnimo hufan, isla xisaabtan, iyo horumar waara oo dan u ah dalka iyo dadka Soomaaliyeed.

26/02/2026

Aad baan ugu faraxsanahay daabacaadda cilmibaaristan muhiimka ah ee Ciwaankedu yahay: “Data Quality of Routine Health Information Systems and Associated Factors Among Public Health Facilities in Banadir Region, Somalia: A Cross-Sectional Study.”

Daabacaadda cilmibaaristan waxaa lagu daabacay joornaalka Health Informatics Journal, waa guul weyn oo u soo hoyatay Agaasinka Caafimaadka Gobolka Banaadir iyo guud ahaan nidaamka caafimaadka dalka.

Cilmibaaristan waxay muujisay in ka badan 65% waaxyaha caafimaadku ay soo bandhigeen xog leh tayo wanaagsan taas oo caddeyn u ah dadaalka joogtada ah ee lagu xoojinayo nidaamka xogta caafimaadka iyo go’aan-qaadasho ku saleysan xog sax ah.

Waxaan si gaar ah ugu mahadcelinayaa dhammaan bahda caafimaadka, cilmi baarayaasha, iyo shaqaalaha ka qeyb qaatay hirgelinta iyo guusha daraasaddan. Tani waa tallaabo muhiim ah oo lagu horumarinayo tayada adeegyada caafimaadka iyo xaqiijinta UHC.

23/02/2026

Danigii shalay iyo kan maanta maxaa iska beddelay?

20/02/2026

Guddoomiyaha Gobolka Banaadir ahna Duqa Muqdisho, Hassan Mohamed Hussein Muungaab, ayaa taageero u fidiyay qaar ka mid ah dadka baahiyaha gaarka ah qaba.

Dadkii helay taageeradan ayaa si niyad leh ugu duceeyay, iyagoo uga mahadceliyay garab istaagga uu u muujiyay.

Ramadan Mubarak 🤲

03/02/2026

Waa maalin taariikhi ah dib u casriyeynta laamiga weyn ee mara Buula Xubeey, taas oo muujinaysa hoggaan wax ku ool ah iyo ka go’naansho horumarinta iyo bilicsocelinta magaalada muqdisho.

Mahadsanid Duqa Magaalada Muqdisho
Mudane Hassan Mohamed Hussein Muungaab.

02/02/2026

Xildhibaano calooshood u shaqeystayaal ah ayaa saaka si ula kac ah qalalaase iyo fowdo uga dhex abuuray Baarlamaanka, iyagoo si cad u dhaawacay sharafta, haybadda iyo karaamada Baarlamaanka Qaranka Soomaaliyeed.

Fariinta ficilladan laga dheehan karo waxay u muuqataa mid loo dirayo Guddoomiye Axmed iyo Guddoomiye Dani, taasoo micnaheedu yahay: Daawo sidaan qaska iyo qalalaasaha uga dhex abuurayno Baarlamaanka.

Dadkani ma matalaan shacabka Soomaaliyeed, mana metelaan dan qaran toona. Waxay matalaan oo keliya dano shakhsiyeed, kursi doon , iyo calool ushaqeysi aan xishood iyo gabasho midna lahayn.
Baarlamaanka waxaa looga baahnaa inuu noqdo astaan sharci, kala dambeyn iyo masuuliyad qaran, balse nasiib darro xildhibaano gaar ah ayaa u adeegsaday goob buuq iyo qalalaase ah.

Mas’uuliyadda falalkan waxay si toos ah u saaran tahay xildhibaanada ku kacay, waxaana lagama maarmaan ah in tallaabooyin sharci ah laga qaado si loo ilaaliyo sharafta Baarlamaanka iyo kalsoonida shacabka.

01/02/2026

Waxaan farriin u dirayaa labada Guddoomiye ee Kismaayo iyo Garoowe:
Xamar waa magaalo nabad ah.
Ku imaada nabad, kuna baxa nabad.

Nabaddu waa tiirka dowladnimada, amniguna waa iftiinka horumarka iyo wadajirka ummadda.
Xamar waa astaanta qarannimada, waana meel ay walaaltinimo, wada hadal iyo is ixtiraam hoy uah.

Ku soo dhowaada qalbi furan iyo niyad nabadeed.

11/01/2026

21/12/2025

A Bright Future for Children in Somalia.

22/11/2025

Ha iloobin, Mudane Madaxweyne Hassan Sheikh Mohamud ma aha oo kaliya Madaxweynaha Jamhuuriyadda Federaalka Soomaaliya, balse wuxuu ahaa macalin hibo iyo waayo aragnimo leh in ka badan 30 sano.

Mahadsanid, Mudane Madaxweyne, Aabaha Tacliinta Soomaaliyeed.

Hambalyo Maalinta Macalimiinta Soomaaliyeed!
Waxaad tihiin rajada ifaysa iyo mustaqbalka Soomaaliyeed.📚🇸🇴