Dr. Garang Akuot

Dr. Garang Akuot The official page to promote, inform and advocate for mental health.

12/09/2024

أحيانا الألم هو أهم شي بتحتاج ليهو و اكتر شي ممكن يفيدك !

02/09/2024

"أنت مش شغال مع المجانين ..انت زاتك حتجن " ..

مثال للوصمة بالمجاملة..هوفمان

26/05/2024

رأيكم شنو في القعدة يا نادى قلعة القراءة ..

25/02/2024

كون شديد في زمن الحزن ..إتقمص الدور حتى لو ما مقتنع بي قوتك ..شد حيلك لأنك ما حتعرف منو البمد قوته منك !

22/02/2024

صباحك خير 💙

بابا المحتال (الجزء الأخير ):"العزلة أهم سلاح للتحكم بالضحية " الكلام دة مهم و حتعرفو ليه بعد شوية.السايكوباث إنسان مضطر...
08/02/2024

بابا المحتال (الجزء الأخير ):

"العزلة أهم سلاح للتحكم بالضحية " الكلام دة مهم و حتعرفو ليه بعد شوية.
السايكوباث إنسان مضطرب قدر يعمل قناع (شخصية) و يلبسها قدام الناس الحولينو عشان يقدر يعيش بينهم، اكتر حاجة ممكن تخوفه هو انو الناس تعرف هويته الحقيقية و إضطرابه و بي كدة يقومو يخلوهو براهو و يعزلوه عشان كدة هم بيجتهدو انو يشكلو ليهم مملكة بي جدرانها عشان يتحكموا في انسياب المعلومات للهدايا..

طيب ليه جر الهوا دة كلو ؟

عشان يحققوا السيطرة المثالية ..السيطرة المثالية متمكنة في لعب دور "الإله" على البشر ..الدور دة فيهو نشوة مبالغة لأنها بتمثل نجاح و فعالية القناع في خداع الآخرين و دة بزيد الثقة بالنفس لمستويات أكبر.

تي بي جوشوا سايكوباث قدر يحقق المرتبة دي قدام رعاياه ..قدر يحقق السيطرة الكاملة عليهم لدرجة إنو مافي زول من تلاميذه بنوم بدون إذن منو ..ما بقدر بمشي الحمام بدون إذن منو لأنو دة كلو بخدم الغرض ...المرتبة الإلهية !

بتعرفو هوملاندر ..يلا دة السايكوباث المثالي و تي بي جوشوا قدر يحقق الكلام دة لأنو ختا رؤساء دول تحت خاتمه و سيطرته و في نفس الوقت كان يستغل ضحاياه جنسيا و نفس الضحايا ما بقولو حاجة.

الغريب بي كل الهالة دي كان بخاف من الضحايا لمن يجاهرو بالحصل ليهم..لأنو الحقيقة ممكن تدمر شغلهم و تخلي الناس تعاين ليهم و تشوف شكلهم الحقيقي و تعزلهم و هم ما دايرين الكلام دة ..

الترابي برضو عندو صفات سايكوباتية و نزعة بتاعت سيطرة منقطعة النظير، و زيو و زي هوملاندر و تي بي جوشوا بخاف شديد من نظرة الناس ليهو و معرفة شكله الحقيقي ..بخاف من سقوط الأقنعة و بالتالي سقوط فكرة التنظيم !

الخوف دة ممكن يخلي الشخص المضطرب دة يعمل اي شي عشان يمنع خروج الحقيقة و دي النقطة البنتفوق فيها كبشر عاديين ..انو عندنا القدرة على قول الحقيقة و عندنا القدرة على عزل الأشخاص الخطرين .

الخلاصة ..

أخذ حذرك من رجال الدين المهووسين بالسيطرة بإسم الدين !

شكرا .

د. قرنق أكوات

بابا المحتال (الجزء الثاني ): لا يستطيع الرجل ركوب ظهرك إلا إذا كان منحنياً..مارتن لوثر كينغ.حبيت أبدا بي لتكملة المقال ...
14/01/2024

بابا المحتال (الجزء الثاني ):

لا يستطيع الرجل ركوب ظهرك إلا إذا كان منحنياً..مارتن لوثر كينغ.

حبيت أبدا بي لتكملة المقال الفات و في نفس الوقت للإجابة على السؤال الإفتراضي بتاع كيف الناس ديل بتغشو بالسهولة دي ؟ يلا نبدأ.

قبل فترة قلت عايز الجنس اللطيف البيؤمنن بي تي بي جوشوا و بوشيري و سابينو و غيرو إنو يجهزو حبوب الضغط ليه يا ترى ..قبل ستة سنوات لمن عرفت القساوسة ديل مشهورين كيف على مستوى جنوب السودان لاحظت إنو معظم الجميلات اليافعات من بناتنا ياهن البقولو دادي لي بوشيري و كيف كانو بدافعن عنه و قلت يا ترى دي صدفة ..لا طبعا .

نفس الظاهرة لاحظتها عند تجار المخدرات الأجانب لمن يستهدفو تجنيد البنات اليافعات من الأسر المتمكنة ماديا للترويج للمخدرات و خصوصا الآيس ما كانت صدفة..

ولا أقول ليك ناس Multilevels Marketing "MLM" ناس شركات الإحتيال الهرمي البقولو ليك أبقى مدرب و جيب أهلك و بيع ليهم حاجة ما عندها فايدة عشان تبقى غني ..ديل برضو بستهدفو اليافعات و الجميلات من الجنس اللطيف ..دة برضو صدفة لا طبعا .

أفتح دماغك كدة و اعرف السبب ..يلا ارحكاكا !

في علم نفس الشخصيات حاول العلماء يشوفو عدة صفات شخصية بنشترك فيها كلنا كبشر، الصفات دي اختصروها بيOCEAN و عملو ليها كم تحديث كدة..المهم في الصفات دي صفة واحدة تدعى Agreeableness ممكن تترجم إنسجام او توافقية..الصفة دي طيف في طرفها الزول بكون طيبان و ممكن يخلي حاجات تعدي عليهو عشان ما يزعل الآخر و ممكن ياكلو حقو عادي جدا، آما في الطرف الآخر الزول بكون تنافسي جدا و حقاني و ما برضى في نفسو او في حاجاتو ..
معظم الرجال ممكن تلاقيهم في طرف التنافسية و الحدة ، معظم النساء بتلقاهن في طرف الطيبة و عندهن درجة عالية من الإنسجام دة.

يلا لمن تلقى بنت مراهقة دي أنسب فترة ممكن تخترق فيها عقلها لسذاجتها و صفاتها الشخصية (الإنسجام) الما تكونت و نمت لسة و ممكن تشكل ليها هوية جديدة هي زاتها ما بتعرف عنها شي.

تعال اوريك السيناريو .. خليني ألعب ليك دور القسيس دة بحاول أجند بنات مراهقات و جميلات..

ألقى البت و أشوف مشكلتها شنو ..دة المفتاح البخليني أدخل عقلها ..أتلاعب بالمشكلة كأنو الحل عندي لكن لازم اخليهو بعيد عشان تجتهد ..أعزلها من مصادر الدعم حقتها و منشأها ..أغير نظرتها للحوليها عن طريق التخوين أو تقليل الأثر ..أستخدم تقنية الجوائز و العقاب لتعديل سلوكها للحتة العايزها..أشيل إسمها برة كآخر دليل و أبدله بي حاجة تانية عشان كل ما استخدمة تعرف الدور (زي رامزي و ريك في صراع العروش ) ..ما أتهاون في إستخدام العنف و لازم أبرر بي إنتي السبب ..إنتي الخليتيني أعمل كدة و الأهم من دة أخليها مجبرة على التواصل لأخذ الإذن عشان اركز سلطتي عليها ..لازم أوصلها لدرجة إنو زعلي ممكن عقاب ليها و إبتسامتي ورضاي مصدر فرح ليها ...لازم تصل للعبودية الكاملة بالهوية الجديدة بعداك هي حتجيب أصحابها و صحباتها و كل الشلة يا سعادتك !

فهمت الرصة..

التلاعب بالعقول ساهل جدا عند بعض الأشخاص لأنهم بتمرنو عليهو من زمن طويل و بلاقو ضحاياهم في غفلة ..زي التماسيح في أطراف النهر بكونو مستعدين للإنقضاض على ضحاياهم.

الأصعب إنو لو في سيستم كامل مبني على الخداع ..محاربتو أصعب لأننا كبشر عندنا قدرة التكيف و دي بتشتغل في السراء و الضراء ..يعني لو دخلت الحكومة حتتكيف و لو دخلت السجن حتتكيف و دة البخلي الضحايا يقعدو سنين بدون ما يقولو بح ..
الحاجة التانية و هي العزلة ..الجناة دايما بيتعمدو يعزلو ضحاياهم عشان يخلو الضحية تحس إنها براها ز مافي زول معاها و مافي زول حصل ليهو نفس الشي و لو قالت حاجة مافي زول حيصدقها أصلا .

الخلاصة :

طبعا لمن أقول سايكوباث في ناس بتتخيل قتلة و معتادي إجرام ..بس بتتذكرو قلت قبل كدة السايكوباث نوعين ..النوع البدائي و المتهور و النوع البارد طويل البال ..يلا القساوسة ديل من النوع التاني ..هدفهم ما السلطة الكاملة للتلاعب بالآخر بدون سعة زمنية معينة .

شكرا جزيلا

د. قرنق أكوات

بابا المحتال (الجزء الأول) :قبل ما نبدأ خليني أثبت معلومة ..مافي زول بخش طائفة دينية بي رغبته ..بدخلوك فيها بي إستايل و ...
11/01/2024

بابا المحتال (الجزء الأول) :

قبل ما نبدأ خليني أثبت معلومة ..مافي زول بخش طائفة دينية بي رغبته ..بدخلوك فيها بي إستايل و فجأة كدة بتلقى نفسك راقد في الواطة ..تمام.

في ٢٠١٧ كنت قاعد في الخرطوم و سمعت إنو في قسيس إسمو سابينو جاي الخرطوم عشان يعمل "صلوات و معجزات" و طبعا كزول فضول بي طبعي قلت أمشي أشوفه.
طبعا حضرت ليهو حركة قبل كدة في معبده في قوديلي "جدع يدو في الهوا و نساوين وقعن في الواطة" و قلت لي نفسي لازم يعمل لي الحركة دي لو كان عندو قدرات صحي صحي.
المهم بقيت قاعد و اللخو سابينو عامل ضجة و خاتي لافتة كبيرة وراهو مليانة ألقابه (الدكتور الجنرال و القام بالضلام سابينو) و الناس المعاه شغاله بابا ..بابا سابينو ..و انا واقف ورا قلت بابا عديييل كدة، This is so wierd .

سابينو جا و بدأ يرقد في الناس بي يدو انا طوالي وقفت و بقيت أعاين في عينو و قلت لو تنويم مغناطيسي زاتو ما فارقة و لازم احسم الفارغة دي ، رقد الصف القدامي كلو و لمن جاني ...فطاني بدون ما يعاين لي زاتو أتقول داير منو قروش !

المقدمة الطويلة دي لي شنو..

عشان ادخلك للنقطة المهمة التانية ..الطوائف و القادة السيئين بيستخدمو الخدع و التأثيرات عشان يخلو الناس مطيعين..

الكلام الفوق دة كلو ممكن يكون غريب للزول الما مسيحي و الما بيعرف تي بي جوشوا و بوشيري..لكن السؤال بتعرفو شيوخ الطرق الصوفية البحرك عصايته في الهوا و طوالي في ناس بقعو في الواطة ؟

في علم نفس الجماعات الدينية دائما في قواعد ثابتة و لو إختلف الأسلوب يظل المنهج واحد.

زيي كدة ممكن تسأل ليه القادة المحتالين ديل بحبو الألقاب و بالتحديد لقب "بابا" ؟

ناس اللغويات بقولو إنو الكلمات ليها قوة من نوع خاص و تأثير لا يمكن أن يفهمه العقل البسيط، كلمة بابا بتحمل الكثير من الصفات الطيبة و أهمها الرعاية و الحماية لأن الأب هو الحامي و الراعي.
بالنسبة لأبوك البيولوجي هو نال الاستحقاق و لو لدرجة ما لنيل اللقب دة و لكن قادة الطوائف ديل بشيلوه ساي و هو بامبرز ما جابو ليك .

الحوجة للقب دي ماسة و مهمة جدا للقادة ديل عشان تغذي نرجسيتهم الخبيثة و نزعتهم للسيطرة على الأفراد ..

"أبويا الشيخ جيب الفرح ..أبويا الشيخ قلبي أنجرح !"

أزيدك من البيت شعر..كلمة بابا دي أساس الهوية الجديدة الحتتشكل ليك لمن تخش الطائفة و دي حنتكلم عنها المرة الجاية.

الخلاصة :
أحضر وثائقي بي بي سي أفريكا عن تي بي جوشوا في اليوتيوب عشان تقدر تفهم سياق المقال جاي.

شكرا.

د. قرنق أكوات

ما هو انا لازم اجهز سلسة مقالات عنكم يا شوية سايكوباث !المزز ..جهزن حبوب الحموضة و الدغت.
09/01/2024

ما هو انا لازم اجهز سلسة مقالات عنكم يا شوية سايكوباث !

المزز ..جهزن حبوب الحموضة و الدغت.

كما قال إبن خلدون !
14/12/2023

كما قال إبن خلدون !

Address

Juba Teaching Hospital
Juba

Opening Hours

Monday 08:00 - 16:45
Tuesday 08:00 - 04:45
Wednesday 08:00 - 04:45
Thursday 08:00 - 16:15
Friday 08:00 - 04:45
Saturday 08:00 - 16:45
Sunday 08:00 - 16:45

Website

Alerts

Be the first to know and let us send you an email when Dr. Garang Akuot posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Garang Akuot:

Shortcuts

Share

Category