24/09/2025
موسم المكدوس والفليفة -
بهاد الوقت من السنة بتكتر الحالات لي بتجيك علصيدلية عم بتقلك يا دكتور أيدي عم تحرقني، ليش؟ والله عم بعمل مكدوس
ليش ما لبستي كفوف يا مدام
دكتور لبست بس ما نفعت (وهون السؤال الأول ليش ما نفعت؟)
تعالو نناقش الحالة سوا
أول شي بدك تعرف أن الوقاية بهالحالة أفضل بمليار مرة من العلاج، بس المريضة قالتلك أن لبست كفوف، ومع هيك ما استفادت؟
لأن الكفوف غلط، لحتى الكفوف تمنع بشكل كامل تأثير الفليفلة (تحديدا مادة الكابسسين) وتحمينا منها، هاد الشي بيتطلب نلبس كفوف نترو
شو هي كفوف النتريل؟
كفوف النتريل هي الكفوف يلي بكون لونها أزرق عادة ضمن الصيدليات (متل كفوف اللاتكس ولكن لونها أزرق)
شو ميزتها؟
ميزتها أنها بتكريبتها (بدون التفاصيل) قادرة تمنع المواد من العبور بشكل فعال، لهيك تعتبر من الكفوف المفضلى عند باحثي السرطان (لحمايتهم من تأثير المواد)
المهم المعلومة الأولى لما يجي لعندك مريض أو مريضة أو أي حدا يطلب كفوف بهالوقت من السنة، سأله للمكدوس؟
قلك أي .. اعطيه كفوف نتريل (زرقاء اللون) مو بيضة
طبعا بدو ينتبه المريض ان ما بصير يخرب الكف، لهيك ممكن يلبس ازرق وفوقه ابيض .
#جلدية
