الدكتورة ميس سعود -Dr. Mais Saoud

الدكتورة ميس سعود -Dr. Mais Saoud طبيبة امراض جلدية وتجميل
كل مايخص الأمراض الجلدية وامراض الشعر والاظافر
طرطوس-بانياس

✨بعد شهر من بدء العلاج✨احدى الحالات الناجمة عن الاستخدام الخاطئ للكريمات الحاوية على كورتيزون بالرغم من أهمية الكورتيزون...
19/07/2024

✨بعد شهر من بدء العلاج
✨احدى الحالات الناجمة عن الاستخدام الخاطئ للكريمات الحاوية على كورتيزون
بالرغم من أهمية الكورتيزون باختصاص الجلدية الا انو استخدامو بشكل خاطئ ممكن يحول مرض بسيط لمرض اصعب وممكن يخفي معالم المرض الاصلي.
لهيك يفضل عدم استخدام اي كريم مهما كان نوعو دون استشارة الطبيب.
دمتم بخير❤️

✨بعد رحلة علاج طويلة بدأت من الشهر 12 لحالة عد شائع شديد او مايسمى حب الشباب قدرنا نوصل ل هالنتيجة الرائعة💯❤️اهم خطوتين ...
14/07/2024

✨بعد رحلة علاج طويلة بدأت من الشهر 12 لحالة عد شائع شديد او مايسمى حب الشباب قدرنا نوصل ل هالنتيجة الرائعة💯❤️
اهم خطوتين بعلاج حب الشباب :1-عدم التأخر بالعلاج وطلب استشارة الطبيب المختص بأسرع وقت ممكن وبالتالي منحاول تجنب قدر الامكان الندب والاثار يلي بيتركها ويلي يعتبر علاجها أصعب من المرض بحد ذاتو.
2- تاني واهم خطوة هي الصبر, علاج حب الشباب بدو ووقت وصبر ولازم المريض مايتوقع نتيجة مرضية من اول اسبوع وانما الالتزام بالعلاج والتوصيات ضمن المدة المحددة من قبل الطبيب هي يلي بتخلينا نوصل للنتائج يلي نحنا منريدها .
مريضتي الغالية مبسوطة بالنتائج الحمد الله ورح نتابع بعلاج الاثار البسيطة يلي بقت مكان الحبوب.
دمتم بخير ❤️

✨كتير من المرضى بيشتكو انو دكتورة من لما بلشت استخدم الشامبو كذا او البلسم هاد بلش شعري يتساقط او او زاد تساقط شعري فهل ...
01/03/2024

✨كتير من المرضى بيشتكو انو دكتورة من لما بلشت استخدم الشامبو كذا او البلسم هاد بلش شعري يتساقط او او زاد تساقط شعري فهل ممكن انو البلسم او الشامبو يسببو تساقط بالشعر؟
✨لحتى نعرف الجواب لازم نفهم ليش منستخدم الشامبو او البلسم؟
الشامبو يحتوي على مجموعة مواد كيميائية هي المواد قادرة تشيل كل الاوساخ والتراكمات والدهون والزيوت يلي بتتجمع على فروة الرأس وبالتالي وظيفته فقط تنظيف الفروة وماممكن يأثر ع بصلة الشعرة .
اما البلسم فهوي بيحتوي مجموعة مواد بتعطي ترطيب للشعر بعد مانستخدم الشامبو ونزيل الزيوت وبالتالي نحنا منكون بحاجة الى ترطيب للشعر وهون بتكون وظيفة البلسم بالاضافة الا انو البلسم بيحتوي مواد بتخفف الشحنات بين اجزاء الشعر وبيباعد بين الشعرة والتانية حتى يسهل عملية تسريح الشعر لهيك ممكن نحس انو في شعر زيادة تساقط بس الشعرة يلي سهل البلسم تساقطها هي بالاصل مفصولة عن الجذر من 3 شهور ولازم نتذكر ان استخدام البلسم يتم على اطراف الشعر وبالتالي ماممكن يؤثر على الفروة .
وبالتالي الجواب💁 لاء .الشامبو والبلسم مستحيل يعملو تساقط وبالعكس عدم استخدام الشامبو وتراكم الدهون والاوساخ على فروة الرأس ممكن يسبب التهاب وحكة شديدة وهالشي يلي ممكن يسبب تساقط .
✨لذلك تزامن تساقط الشعر مع استخدام نوع معين من الشامبو او البلسم مو دليل انو هنون السبب وانما ظهور مشكلة عملت هالتساقط ولازم نراجع طبيب باقرب فرصة لمعرفة السبب لان في عدة اسباب للتساقط وكلما تم التشخيص مبكرا واخذ العلاج الصحيح كلما كان الوضع افضل.
دمتم بخير.❤️

*كتير من الصبايا  بتلجأ لوضع ماسكات وخلطات مجهولة المصدر على بشرتها متل ماسكات القهوة والخيار وغيرها يلي اذ فتحنا مواقع ...
24/02/2024

*كتير من الصبايا بتلجأ لوضع ماسكات وخلطات مجهولة المصدر على بشرتها متل ماسكات القهوة والخيار وغيرها يلي اذ فتحنا مواقع النت واليوتيوب منشوف كتير من الناس عم تشجع عليها بحجة "مواد طبيعية وآمنة على البشرة"فهل استخدامها آمن ؟ويوجد منه فائدة ؟؟
اول شي لازم نفهم وظيفة الجلد وتركيبته حتى نقرر:الجلد بيشكل حاجز حماية للجسم من العوامل الخارجية والطبقة الخارجية من الجلد امتصاصها ضعيف جدا للمواد التي توضع عليها . لهيك تم صنع تراكيب صيدلانية ضمن المختبرات متل الكريمات والمراهم وغيرها التي يتم تطبيقها على الجلد بقصد علاجي هي التراكيب تعتبر مجرد وسيلة لايصال المواد الفعالة يلي نحنا بدنا نوصلها عن طريق الجلد وبالتالي فقط المواد الفعالة يلي تم وضعها بهي المستحضرات الجلد قادر يمتصها..والمواد الغذائية جزيائتها كبيرة وصعب الجلد يمتصها وبالتالي الجواب :اكيد لا
*استخدام هيك مواد على البشرة أكبر غلط ممكن الصبية تعملو بحق بشرتها لان الضرر يلي ممكن تسببو أكبر بكتير من الفائدة يلي متوقعينها وبعيدا عن انو الجلد مو قادر يمتصها ممكن هيك مواد يتحسس منها الجلد وتسبب نوع من الاكزيما (يلي هوي التهاب بالجلد)وبالتالي بتترك ممكن مكانها تصبغ .
✨وبالتالي نصيحة مانخاطر ببشرتنا بوضع اشيا غير مدروسة وخارج وصفة الطبيب .
والنصيحة الاهم الفواكه والخضار وغيرها موجودة لحتى ناكلها ونحصل منها على فائدة وليس ليتم وضعها على الجلد
وفي حال وجود اي مشكلة جلدية يفضل مراجعة طبيب جلدية وليس خبير اعشاب او اي شخص ليس باخصائي🥰
دمتم بخير❤️

_الجو بارد واغلبنا لازق بالصوبيا او اي مصدر تدفئة تاني من دون مانعرف انو هالحرارة عم تسبب أذية لجلدنا بلا مانحس!اغلب الم...
16/02/2024

_الجو بارد واغلبنا لازق بالصوبيا او اي مصدر تدفئة تاني من دون مانعرف انو هالحرارة عم تسبب أذية لجلدنا بلا مانحس!
اغلب المرضى بالعيادة بيراجعونا بشكوى بظهور تغيرات على الجلد متل الموجودة بالصور وخاصة منطقة الفخذين والساقين(يلي هنون اقرب المناطق يلي بتكون لمصدر التدفئة) من دون اي شكاية تانية ممكن بعض المرضى يشتكو من حكة خفيفة .
فماهوي السبب وشو العلاج? هي الحالة منسميها بالجلدية حمامى الاصطلاء وهي عبارة عن تغيرات وتلف يحصل بالجلد نتيجة التعرض المزمن لمصدر حراري سواء كان (حرارة مدفأة )او ممكن ان تحصل بسبب حرارة الحاسوب المحمول عند وضعه على الفخذ او البطن وايضا تحصل لدى النساء الذين يستخدمون اكياس الماء الساخن التي تستخدم على البطن لتخفيف الالم المرافق للدورة الشهرية.
هذه الحالة تعتبر سليمة ولا تسبب مضاعفات خطيرة فقط انزعاج المرضى من المنظر الجمالي .
علاجها الوحيد هوي نحاول نبتعد عن مصدر الحرارة قدر الامكان مع استخدام مرطبات.
بس لازم نحط ببالنا انو التعرض المزمن ولفترات طويلة ممكن انو يؤهب لبعض انواع السرطانات فلهيك كونو حذرين.
تضلو بخير
لاي استفسار التواصل على الواتساب 0937328456

- الكثير من مراجعي العيادة الجلدية يأتون بقصة "ألم اثناء تسريح الشعر او ألم لمجرد لمس الشعر ".فهل ممكن ان نشعر بألم في ا...
13/02/2024

- الكثير من مراجعي العيادة الجلدية يأتون بقصة "ألم اثناء تسريح الشعر او ألم لمجرد لمس الشعر ".فهل ممكن ان نشعر بألم في الشعر؟💁كما نعلم ان الشعرة مجموعة من الخلايا الميتة التي لا نشعر بها ولكن الجزء السفلي من الشعرة الذي يسمى "بصلة الشعرة"تحتوي مجموعة من الاعصاب التي تجعلنا نشعر بأي شي يلمس الشعر ولكن ضمن الحالة الطبيعية فنحن لا نشعر بأي الم اثناء لمس او تسريح الشعر .
وبالتالي ماهو "trichodynia" او مايسمى ألم الشعر او "Burning scalp syndrome"!. هو مصطلح يندرج ضمنه اي شعور بوخز او حرق او الم في فروة الرأس او شعور بعدم الراحة اثناء لمس الشعر.
-غالبا هذا الشعور يأتي مترافقا مع شكاية هامة لدى مرضى العيادة الجلدية والتي هي تساقط الشعر بمختلف اسبابه وخاصة تساقط الشعر الكربي (الذي يبدأ بعد فترة من حالة مرضية هامة تصيب الشخص او عملية جراحية)وتساقط الشعر الوراثي.وبعض الحالات يكون هذا الالم مجهول السبب نجده لدى مرضى يعانون من اضطرابات نفسية ك القلق وال stress.وكثير من الاسباب الاخرى .
-هذه الحالة قد تكون علامة لحالة مرضية تصيب الشعر والتي لا يجب إغفالها ويجب الفحص لدى طبيب الجلدية حيث يتم أخذ قصة سريرية مفصلة وفحص فروة الراس بمنظار الجلدية لنفي الاسباب المهمة وتحديد العلاج المناسب .
لذلك نصيحة مهمة للمرضى يجب عدم إغفال اي شكاية مهما كانت بسيطة ومراجعة طبيب اخصائي للعلاج ✨
دمتم بخير
لأي استفسار التواصل عبر الواتساب 0937328456

Address

Baniyas

Telephone

+963937328456

Website

Alerts

Be the first to know and let us send you an email when الدكتورة ميس سعود -Dr. Mais Saoud posts news and promotions. Your email address will not be used for any other purpose, and you can unsubscribe at any time.

Share

Category