11/07/2022
جدري الماء متل ما أغلبنا بيعرف هو عبارة عن طفح جلدي عشكل بثور مملوءة بسائل وبتترافق مع حكة.
معظم الناس بيصيبهن بعمر الطفولة وبينشفوا منه مافي أي خطورة إلا في حالات نادرة.
الخطورة عند البالغين (الغير المصابين سابقا) سببها أنهم أكثر احتمالية من الأطفال لتطوير المضاعفات الخطيرة يلي ممكن تصير مثل: التهاب الدماغ (encephalitis) - إنتان رئوي (pneumonia) - إنتان دموي (sepsis) وبالتالي بعض الأشخاص حيضطروا لدخول المشفى وفي حالات نادرة قد يسبب الموت.
اللقاح هو النصيحة الوحيدة يلي فينا نقدمها لتفادي الإصابة بنسبة أكثر من 90% و في حال الشخص الملقح انصاب فيه حتكون حالته بسيطة ما بتخوف.
