https://www.facebook.com/108227614082684/

الدكتورة آلاء المدلل

Home
Syria
Damascus
الدكتورة آلاء المدلل

أخصائية في أمراض الأذن والأنف والحنجرة وجراحة الرأس والعنق، وجراحة الجيوب التنظيرية والأذن المجهرية وأورام الرأس والعنق والغدد اللعابية

30/07/2020

اعاده الله عليكم بالصحة والعافيه

23/05/2020

تقبل الله صيامكم و قيامكم وأعاده عليكم بالصحة و العافية
عيد سعيد :)

23/04/2020

رمضان كريم :)

24/03/2020

مسا الخير
حنكمل بسلسلة نقص السمع:
👩‍⚕️: اتفضل عمو ... شو المشكلة؟
👴: مرراااام، تعالي شوفي الدكتورة شو عم تقول.
👩‍🦰: عم تقلك من شو بتشكي؟
👴: سمعي خافف يا دكتورة👂
👩‍⚕️: طيب عمو من امت؟
👩‍🦰 : دكتورة بابا صرلو زمان ما خافف سمعو، عم ينبح صوتنا و نحنا عم نناديلو و ما يرد.🗣
👩‍⚕️: أدي زمان طيب؟
👩‍🦰: يعني صرلو شي عشر سنين و أكتر
👩‍⚕️: أدي عمرو العم؟
👩‍🦰 : 75 سنة دكتورة.
👩‍⚕️: العمر كلو، و نقص السمع صار شوي شوي؟
👩‍🦰: إي بلش خفيف و زاد شوي شوي.
👩‍⚕️: طيب هلأ الوالد بدو تخطيط سمع
👩‍🦰 : لي لنعملو؟ يعني الوالد ما بدو تنضيف أدان؟ 😟قلنا لحالنا إذا نضفتيا برجعلو سمعو
👩‍⚕️: لا ما بدو تنضيف أدان، أدانو نضاف ما أحلاهون و لازم نعمل التخطيط شان نعرف أدي مقدار نقص السمع، وهو غالبا نقص سمع بنسمي تقص سمع شيخي، بصير عند التقدم بالعمر.
👴: بابا مرام شو عم تقول الدكتورة؟ عم تقول أني ختيااار؟؟😠
👩‍⚕️: العمر كلو عم، وبعد ما نعمل التخطيط ونعرف أدي مقدار نقص السمع بدنا نحط سماعة بأدنك شان تصير تسمع أحسن.
👴: لا مالي حاطط سماعة!! على آخر عمري حط سماعة😠
👩‍⚕️: يا عمو السماعة متلا متل النضارة، عادي الواحد يحطا
👩‍🦰: خلص دكتورة نحنا منحاكي بابا ومنقنعو بالسماعة
الفكرة من البوست: 💡
نقص السمع الشيخي ، هو ضعف بالعصب السمعي و بصير مع التقدم بالعمر.
برجع و بقول السماعة شي عادي و اللي بحط نضارة ليشوف سعرو بسعر اللي بحط سماعة ليسمع ( بتمنى تنتشر هل الثقافة)🤓
دمتم بعافية
د.آلاء المدلل

17/03/2020

ونحنا وصغار كنا نتفرج على افلام بات مان وسوبر مان ونتمنى نكون متلون ونساعد الناس
هلأ اجتك الفرصة ... كل واحد فينا في يكون بطل
كيف؟
خليك بالبيت بتحمي حالك و غيرك
خلونا نكون شعب واعي وخلونا نكون ابطال
دمتم بعافية دوما

06/03/2020

مسا الخير حنكمل بسلسلة نقص السمع :

- اتفضل أخي شو المشكلة؟

· نعااام🤨

- عم قلك شو المشكلة؟ خير شو صاير معك

· شو عم تقول الدكتورة؟ قلولها أني ما عم اسمع

- طيب من امت خافف سمعك؟

· نعااام، والله يا دكتورة صرلو سمعي عم ينقص من عشر سنين

- يعني كان أحسن من هيك و نقص شوي شوي؟😔

· إي و الله، بس هلأ تقريباً ما عاد سمعت شي

- طيب عمو شو بتشتغل؟

· كنت اشتغل بورشة حدادة👷‍♂️

- و كل الوقت كان في ضجة؟

· إي و الله صوت خبط و رقع👂👂👂

- وما كنت تحمي أدنك ؟ ما كنت تحط سدادة أو سماعة لتحمي أدانك

· والله يا دكتورة، حطيتا مرة و بعدين مدري وين لحشتا و نسيت قصتا.

- طيب عمو هلأ لازم نفحص الأدان و نعمل تخطيط سمع

· وليش بدك تحطي شمع ؟😳

- تخطيط سمع عمو، مو حط شمع، بدنا نعملو لنشوف أديش درجة نقص السمع عندك و شو نوعو.

· شو نوعو؟؟

- غالبا لح يطلع عندك شي اسمو نقص سمع حسي عصبي ، وعمو سببو أنك كنت تتعرض لأصوات عالية ولفترات طويلة وما كنت تحمي أدنك من هل الأصوات

· إي وشلون بدي صير اسمع بعدين

- بدك تحط سماعات عمو شان تقدر تسمع أحسن

· شان يضحك عليي جارنا أبو زكي، ما بدي🤔😑

- يا عم كتير ناس بتحط سماعات متلا متل النضارات، وعمو في سماعات فيك تحطا جوات أدنك وما تبين بس حسب نقص سمعك منقرر🤓🧐

الفكرة من البوست: درهم وقاية خير من قنطار علاج، نقص السمع بعد التعرض للضجيج على فترات طويلة واللي بصير بمهن متل النجارة، الميكانيكي، عمال المعامل .... ممكن نتجنبو إذا اتبعنا تدابير السلامة المهنية.😊

الفكرة التانية: أنو لازم تنتشر ثقافة السماعات وأنها شي عادي وما بيدعو على الخجل.😳

ودمتم بعافية

الدكتورة آلاء المدلل

28/02/2020

معلومة عالسريع:
ليس كل دوار هو دوار دهليزي
هناك الكثيير الكثييير من أنواع الدوار و أسبابه سواء الأذنية أو العصبية أو القلبية... الخ

الصورة من وحي الواقع

22/02/2020

مسا الخيرجميعا

لح نكمل بسلسلة الحالات الشائعة، ومنكمل بنقص السمع:

• والله يا دكتورة خافف سمعي وأداني عم يوجعوني.😞

- خير من امت؟

• بعد العلقة اللي صارت بالحارة، ما حلوة اترك شباب الحارة التانية يعلموا علينا💪💪💪

- يعني أكلت ضرب على وجهك؟

• إي و الله، كم كف على كم بوكس، بس ما ناكلي هم كسرتون تكسير.😬

- طيب أنت لازمك بالبداية فحص للأدان، وغالباً لح نلاقي انثقاب بغشاء الطبل.

• يا لطيف، شو انثقاب😟

- هلأ هاد الانثقاب منسمي انثقاب رضي، وغالباً بسكر لحالو إذا كان حجمو صغير، وكمان لازم نعملك تخطيط سمع لنتأكد أنو العظيمات السمعية ما صار فيون انخلاع.

• يا ساتر، طب دكتورة وإذا ضل الانثقاب أو إذا طلع صاير عندي انخلاع، شو بدنا نعمل؟🤔

- بصير بدك عملية جراحية لترقيع غشاء الطبل و حسب حالة العظيمات منشوف كيف منصلحها.

• وهلأ شو لازم أعمل؟

- لازم افحصك و نخططلك السمع وإذا طلع في انثقاب لازم تحمي أدنك مع المي و أكيد ما عاد لازم تاكل ضرب على وجهك.

• كيف يعني احميها؟

- يعني وقت الحمام بتحط قطنة فيا فازلين ومافي سباحة حتى إشعار آخر.

• وكيف بدي أعرف إذا سكر الانثقاب؟

- بدك فحص كل شهر لنراقب تطور الانثقاب.

• طيب يالله بالإذن👋

- خير؟ لوين رايح؟

• كنو سمعان في علقة بالحارة، لروح شف إذا بدون مساعدة.💪💪

- 😑

الفكرة من البوست:

الانثقابات الرضية غالباً تشفى تلقائياً، ولكن تتطلب متابعة دورية لدى الطبيب، بالإضافة إلى نفي إصابة العظيمات السمعية

الأهم: حماية الأذن من الماء عند الشك بانثقاب الأذن.

الدكتورة آلاء المدلل
0941362177
ودمتم بعافية

13/02/2020

مسا الخير
لح نكمل بسلسلة الحالات الشائعة و لح نكفي بنقص السمع:
والله ابني كبران راسو، عم ناديلو و يطنشنا 😑
- طيب ابنك حكيو منيح؟
إي و الله بيحكي عن بلد، بس مؤخرا حسيت عم يطلع الحكي من أنفو
- وبيشخر ابنك بليل؟😴
إي و الله بفيق أخواتو بشخير 😫😫
- وإذا ناديتيلو بصوت عالي برد؟
إي برد علينا
- طيب هلأ ابنك عالأغلب عندو ناميات
إي و الله و أبو كمان عندو ناميات و بفيقني بشخيرو، قولتك وراثة؟
-طولي بالك عيني، الناميات هيي نسيج موجود بالبلعوم الأنفي
ثوان، شو يعني بلعوم أنفي؟😅
-يعني منطقة موجودة بآخر الأنف ( تعريف مجازي) ولما يكبر هل النسيج بصير تنفس الولد صعب و بصير بيشخر بليل.
تماما متل أبو😏
- لا يا أختي، الناميات بتروح عادة بعمر ال 14 سنة، وبالأنف في كتير شغلات ممكن تسبب صعوبة تنفس و شخيروحتى صداع ( لح نحكي عنا لاحقا)
طيب و شو دخل الناميات بأنو ما عم يرد علينا؟
- هلأ لما تكبر الناميات بتسد نفير أوستاش و اللي هو أنبوب بيوصل بين الأنف و الأدن و بيسمح بتهوية الأدن، ومتما انسد بصير في انصباب بالأدن
آه قصدك كياس المي
-هو التسمية الشائعة لانصباب الأذن الوسطى المصلي عند الناس هي كياس المي
أيوا تمام، لكن كياس المي عم تخلي ما يسمع و ما يرد علينا.. طيب وكيف فينا نتأكد؟
- هلأ ابنك بدو فحص سريري عند طبيب أذنية و بعدا غالبا لح نطلبلك صورة شعاعية للجمجمة و تخطيط معاوقة لأدانو
و كيف بدنا نعالجو؟
- منعطي علاج دوائي و بخاخات أنفية و منراقبو لشهرين و إذا ما استفاد قد يحتاج وقتا عمل جراحي.
عملية شو؟
- استئصال ناميات وإذا ضل انصباب بأدنو فنركبلو انابيب تهوية اللي ممكن يضلو بأدانو بين الست أشهر و السنتين و كل هل المدة لازم تكوني عم تحميلو أدنو من المي. مع مراجعة دورية للطبيب
الفكرة من البوست هو إذا ابنك ما عم يرد عليكي، أو إذا عم يعلي صوت التلفزيون زيادة فراجعي طبيب أذنية خلي يفحصو.
الدكتورة آلاء المدلل
0941362177
و دمتم بعافية

Address

Damascus

Website

facebook.com

Alerts

Be the first to know and let us send you an email when الدكتورة آلاء المدلل posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Damascus?