31/01/2023
أو أو
🔸يلي بصير هو #انتفاخ بالبطن خاصة خلال النهار (مع العلم هالإنتفاخ مو ناتج عن الغازات❌)
_ #ألم و #مغص في منطقة البطن (بيخف بعد الخروج للمرحاض👍🏻)
_ممكن يلاحظ الشخص خروج سائل شبيه بالمخاط أثناء خروجه للمرحاض ( لَكِن مافي نزول دم مع البراز ❌)
_ أحياناً ممكن يصير إسهال و أحياناً إمساك (مافي نمط ثابت👍🏻)
🔸شائع عند #النساء أكتر من الرجال و عند أعمار الشباب أكتر من الكبار بالعمر .. و رغم أنو الحالة النفسية #مو سبب للقولون العصبي بس لاحظو الأطباء أنو أكتر من 50% من المصابين بالقولون العصبي عندهم مشاكل نفسية متل القلق الخوف الإكتئاب و نوبات الهلع ..👍🏻
_ خلال الفحص بكافة الوسائل ما بيلاحظ الطبيب أيّ مؤشر لوجود خلال بنيوي بلأمعاء !!
يعني ( هو اضطراب بوظيفة الأمعاء و ليس مرض عضوي بالأمعاء)
🔶 شو ممكن نعمل مشان هالوضع !!!
كتير مهم ما نخاف و نتوتر لما نعرف أنو معنا قولون عصبي بلعكس نكون متطمنين و رواق لأنه شي بسيط و سليم 👍🏻💚
_أما بخصوص النظام الغذائي ..( مافي ) نظام محدد
بس بعض الناس بيستفيدو إذا وقفو الخبز و المعجنات يعني .. و بعض الناس بيستفيدو لما يوقفو #الكافئين متل القهوة و الشاي او يخففوها ..و البعض استفاد لما وقفو #السكريات خاصة السكريات المُصنعة متل #كالسوربيتول و البعض أستفادو لما وقفو الوجبات #الدسمة ...
و ما ننسى أهمية أننا نكون مبعدين عن كلشي بسببلنا قلق أو إزعاج أو إكتئاب و خلينا ع طول رواق و مبسوطين لأن ما بتتخيلو أديش النفسية بتأثر على الجسد 🌸
🔸ممكن ببعض الحالات نوصف #أدوية ملينة و مرخية للأمعاء ( ) و ممكن نوصف دوا اسمه #الأميتريبتيلين ( مضاد إكتئاب) لاحظنا أنو نسبة كبيرة من الناس يلي عندهم أعراض معندة ما عم تروح أستفادو عليه بجرعات منخفضة و لفترات محددة ما بتتجاوز لأشهر
خبروني أنتو شو الأشيا يلي بتحرض عندكم القولون العصبى ؟؟؟!!!
❤️ العافية و السلامة لقلوبكم ❤️
د. فاطمة عبد المجيد أحمد ✨💚
