الدكتورة تقى درويش

22/08/2023

بعرف صرلي قرن مو ناشرة بس استفزتني كتير 🌚😂😂
هيك النتيجة لما تتركي كلام طبيبك وتروحي تسالي ع غروب النسوان 🥴
وللعلم علميا لازم تنعطى ابرة الزمرة/anti-d/ باول السابع (الاسبوع٢٨) من باب الوقاية لانو اذا صار في اضداد بجسم الام بتخسر مستقبل انها تجيب ولد 🥺😕
وبتنعطى كمان باي حالة نزف او ضربة عالبطن خلال الحمل
واكيد بعد الولادة اذا الطفل ايجابي
ونصيحة تاكدو من مصدرها لانو نص الابر عم تجي مضروبة 🙃

14/06/2022

بتجيك مريضة عندها بتقلك كلو بسبب !!!!

♥ Toxoplasmos داء المقوسات ♥
¤سببه طفيلي وليس جرثوم.
¤بينتقل عن طريق ملامسة القطط ومخلفاتها ،تناول الخضار الملوثة بمخلفات القطط،تناول اللحم النيء الملوث بكيساتها.
¤ اذا الام اصيبت لاول مرة بهالطفيلي خلال الحمل (يعني ماعندها اضداد ومناعة تحمي جنينها) فاحتمال انو يموت ويصير عندو تشوهات عصبية وعينية هو 1-2 بالالف .
وانتبببببببببهوا قد تسبب الاسقاط لمرة واحدة فقط وليست اسقاطات متكررة .

~~

09/06/2022

بنص هالليل دقوا عليك الباب 🤤🤤
بسرعة يادكتور مرتي عم #تولد وهاد اول ولد النا😭😭
رحت عم تركض مع الزلمة ؟ فتت لقيتا عم تولول 😲
عم يجيكي مغص؟ اي كل نص ساعة بحس بوجع ببطني ....
نزلت عليكي المي(تعبير عامي دليل على انبثاق الاغشية)؟ لا
فحصتها لقيت لسا مافي تبدلات بعنق الرحم
عرفت انها ممثلة شاطرة بدها تجنن جوزا وتجننك معها😢😢
بترجع ع بيتك بعد ما تنبه عليهن انو يطلعوا فورا ع المشفى في حال:
١-صار يجيها المغص قوي كل #خمس دقايق وتضل المغصة شي دقيقة.
٢- اذا انبثقت الاغشية وتدفق السائل الامينوسي (نزلت مية الراس😜)
٣-خفت حركات الجنين او انعدمت
٤-اذا صار عليها نزف .
🍃 وهدول التعليمات لكل صديقاتنا الحوامل وتقوموا بالسلامة🍃
~~ ❤ دمتم سالمين ❤ ~~

08/06/2022

🧐🧐
🙍‍♀️انولد بالبرنص🤔
👵اي طبعا هاد صبي وحظه حيكون كتير حلو 😎
👧خدي البرنص (بقايا الكيس الامينوسي)اعملي منوحجاب 😂

🧑‍⚕️علميا:
ولادة الجنين ضمن الكيس السلوي حالة نادرة واحدة من حوالي ٢٠ الف ولادة .🤗
ومادخلو بصبي او بنت وما دخلو بالحظ .
المهم مبرنص😂😂

06/03/2022

🧐🧒

مافي ولا دليل علمي متعلق بالموضوع 🥴
يعني كل يلي رح نحكيه هو #هبد ممكن وللصدفة البحتة تجي معكن تزبط وممكن لا😁✌️

👍الحميات الغذائية عند التخطيط للحمل:
تكتر الشغلات يلي فيها صوديوم وبوتاسيوم (افوكادو ..موز..مشمش) وتقلل الشغلات يلي فيها كالسيوم (البان واجبان ) بس الاكيد انو ماتضل هيك عدة شهور💔
✌️استخدام حقنة البيكربونات قبل الجماع .
👌تحديد الجماع بايام الاباضة فقط.

الطرق العلمية هو عبر يتم تحديد جنس الجنين وحرم ذلك الا لضرورة طبية .

☘️🌺دمتن سالمات 🌺☘️

04/03/2022

صباحكن خير
اليوم انتو يلي رح تعطو الجواب مو انا😁
شو قناعتكن بالحميات مشان انجاب صبي ومين جربت وظبطت معها🥴 وشو كانت الحمية؟

01/03/2022

📢📢 سمعانين ب " "
اكيد مو الغزالة الرايقة ولا بيضة عنجد🌚🥴

🔺هي حالة لحمل غير طبيعي ببلش اول اربع اسابيع عادي بعدين بيتوقف النمو الجنيني وبيتطور كيس حمل فاضي 😣
🔺سببه تشوه صبغي شديد الاشيع من النطاف بس قد تكون البويضة اذا عمر الام متقدم.
🔺قليل التكرار
🔺اكيد بينكشف بالايكو بس مابناخد قرار لبعد مانعيد الايكو بفارق زمني لزيادة تأكيد التشخيص.
🔺نهايته الاسقاط العفوي او بالادوية والتجريف حسب كل حالة.

وعادة السيدات بصير عندهن كتير بيبيات بعد هالحالة فما تخافوا.

☘️🌺دمتن سالمات🌺☘️

28/02/2022

🤰تشققات الحمل ( Stretch Mark )🤰

🔺بتظهر على شكل خطوط رفيعة #أرجوانية خلال الحمل وتتحول للون #أبيض صدفي مع الوقت.
🔺مشكلة #جمالية مافيها أي خطر ع الحامل.
بس ١من١٠ حوامل مابتصيبها هالحالة .

🔶أشيع مكان الها هو وممكن الورك وأعلى الفخذ.
🔶بتبلش من #الشهر السادس وممكن قبل اذا الحمل توامي .
🔥 #سببها رقم واحد الوراثة (يعني متل امك وخالاتك)
بالاضافة للتغيرات الهرمونية وفرط تمدد الجلد بسرعة.
💣للاسف مابتروح هي العلامات نهائيا بس بتخف كتير كتير بعد الولادة عالاقل ب٦اشهر.

💜💜فيني #انصحك بهالكم شغلة :
🌸كتري مي وسوائل وخضار وفواكه.
🌸زيادة الوزن لازم تضل ضمن الطبيعي .
🌸 #تدليك البطن والثدي بدءا من الشهر السادس بمادة مرطبة زيوت طبيعية متل زيت الزيتون واللوز وجوز الهند او متل زيت جونسون او زبدة الشيا .
💡✨طرق فعالة لتخفيف هي العلامات بعد الولادة عالاقل ب ٦اشهر:
👍 كريم الريتينول باستشارة طبيب.
✌️فراكشنال ليزر : Fractional Lasers)،
👌الليزر الصبغي النابض (: Pulse Dye Lasers)
🖖ممكن اللجوء إلى التقشير الكيميائي .

وأكيد حبي حالك متل ما انت لانو هدول علامات امومتك❤️
☘️🌷ودمتن سالمات وجميلات🌷☘️

13/10/2021

لا تهملي اي تغيير بصير بجسمك وصحتك 💜🌷

https://www.facebook.com/302229920205882/posts/1359729784455885/

02/10/2021

درهم وقاية

أوقاتكن كلها عافية 💝
في حال لاحظتي أي وحدة من هالأعراض راجعي طبيبك فورا🌸
☝️كتلة أو نتوء بالثدي .
✌تغير لون او شكل الثدي .
👌الحلمة حسيتيها فاتت لجوا.
✋خروج سائل من الثدي مصلي أو دم .

🍀🌷 دمتم سالمين 🌷🍀

02/10/2021

🌸
صورة الماموغرافي لازم تعملها كل سيدة فوق ال٤٠ سنة او اصغر بس في بقصتها العاىلية اصابة بالثدي 📢
بالمراكز المذكورة تكلفتها لاتتعدى 🦋
يضاف الها مشفى التوليد الجامعي بدمشق.

#أنتِ_بتهمينا 💜🌸