https://www.facebook.com/137391446124867/

تشافي عيادة نفسية, صحنايا اخر خط الميكرو بجانب مدرسه جوزيف ابو زيدان الباب الخلفي بعد 50 متر مقابل معهد جيل الغد, Damascus (2025)

14/04/2025

**مرحباً بكم في مساحة آمنة للاستشفاء والتعافي في العياده النفسيه🌱**

معكم الدكتوره ساره غسان المسلماني اخصائية في الطب النفسي يسعدني أن اعلن عن افتتاح عيادتي النفسيه في درعا لتقديم خدمات العلاج النفسي بكل خصوصيه.

مع استمرارنا بتقديم خدمات العلاج النفسي في عياده ريف دمشق في صحنايا.

**معالجه الاضطرابات النفسيه لدى الاطفال والبالغين**
القلق-الاكتئاب والهوس-الفصام-الوسواس القهري-اضطرابات الشخصيه-اضطرابات النوم والشهيه-اضطراب فرط النشاط ونقص التركيز -طيف التوحد

عيادة درعا
**📍 العنوان:** [درعا-حي السبيل-غرب مطعم البركه- مقابل صاله ماسه للفساتين]
**📞 لحجز موعد حصرا عن طريق الهاتف:[0959797545]

عيادة ريف دمشق:

**📍 العنوان:**(صحنايا-ساحه الازروني-مقابل الكنيسه- فوق ملك الموالح-الطابق الاول)

**📞 لحجز موعد حصرا عن طريق الهاتف:[0959797545]

> "الصحة النفسية ليست رفاهية، بل أساس لعيش حياة متوازنة. نرحب بكم لبدء رحلة التشافي معاً."

#افتتاح

04/04/2024

🚫 هاد الانسان صاحب مشاكل، مو تارك حدا من شرو ،او بالعاميه (ازعر)❔
حتى اهلو مابيسلمو منو ، منشوفهن بالسجون‼️
،وبالماضي كان يطلق عليهم قطاعين الطرق و القراصنه ..
اغلب صفاتهن معروفه للكل لكن رح نجمعها ونفصلها بشكل اوضح :‼️
⭕اضطراب الشخصية المعادي للمجتمع⭕
‏Antisocial Personality Disorder

‏A- الاستهانة بحقوق الآخرين وانتهاكها يحدث منذ سن الخامسة عشرة، كما يستدل عليه بثلاثة (أو أكثر) مما يلي:
(1) الفشل في الامتثال للمعايير السلوكيه الاجتماعية ،كما يستدل على ذلك من تكرر القيام بأفعال تكون أساساً للتوقيف(السجن).

(2) الِخداع، كما يستدل عليه بالكذب المتكرر أو استخدام الأسماء المستعارة، أو الاحتيال على الآخرين بهدف المنفعة الشخصية أو المتعة.

(3) الاندفاعية أو الإخفاق في التخطيط للمستقبل.

(4) التململ والعدوانية كما يستدل عليها بالمشاجرات المتكررة والتعديات.

(5) الاستهتار المتهور بسلامة الذات والآخرين.

(6) اللامسؤولية الدائمة كما يستدل عليها من الإخفاق في المحافظة على عمل دائم أو في الالتزامات
المالية الشريفة.

(7) الافتقار إلى الشعور بالندم، كما يستدل عليه باللامبالاة عند إلحاق الأذى أو تبريره، أو عندما يسيئ معاملة أو يسرق شخصاً آخر.

⭕شرط لتشخيص اضطراب الشخصيه المعادي للمجتمع ان يكون العمر 18 سنه على الاقل وتم ملاحظة بدايات ظهور السلوكيات المعاديه للمجتمع بعمر 15 سنه.

⭕للاسف هاد النمط غير مدرك ابدا لوضعو وكتير متعب للاخرين خاصه الاهل وباغلب الحالات بحاجه علاج دوائي وسلوكي مطول جدا.

#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي

28/03/2024

موسوس بحب كل شي عالمسطره..

اليوم رح نحكي عن اكتر شخصيه منظمه ومتقنه لعملها:

اضطراب الشخصيه الوسواسيه
‏Obsessive-compulsive Personality Disorder

نمط ثابت من الانشغال بالانتظام والكمال وضبط العلاقات الشخصية على حساب المرونة والانفتاح والفّعالية، والذي يبتدئ منذ البلوغ الباكر ويتبدى في العديد من السياقات، كما يستد ّل عليه بأربعة (أو أكثر) من التظاهرات التالية:

(1) منشغل بالتفاصيل أو القوانين أو اللوائح أو الترتيب أو التنظيم أو الجداول (مخططات العمل) إلى حد يضيع معه الموضوع الرئيسي للعمل الذي يقوم به.

(2) يُظهر كمالية تتداخل مع إتمام الشخص لواجباته (مثال، عجزه عن إنهاء مشروع لأنه لا يتم تلبية معاييره الدقيقة جداً).

(3) التفاني الزائد في العمل والإنتاجية إلى حد التخلي عن أوقات الفراغ والصداقات (ولا يُفسر ذلك بالحاجة الاقتصادية الواضحة).

(4) ذو ضمير حي زائد ومتشكك ومتصلب فيما يخص المسائل الأخلاقية والُمثُل والقيم (لا يُفسر ذلك بالهوية الثقافية أو الدينية).

(5) يعجز عن التخلي عن أشياء بالية أو عديمة القيمة حتى وإن لم تكن تحمل قيمة عاطفية.

(6) لا يرغب في تفويض أمر المهمات أو العمل للآخرين ما لم يخضعوا تماماً لطريقته في تنفيذ الأشياء.

(7) يتبنى نمطاً بخيلاً في الإنفاق نحو نفسه ونحو الآخرين، فالمال يُنظر إليه كشيء ينبغي تكديسه من أجل كوارث المستقبل.

(8) يبدي تصلباً وعناداً

بالنسبه لهاد النمط عادة مابسبب مشاكل ولا انزعاج للاشخاص المحيطين بل على العكس بيحملوه الشغل كلو لانو شخص يعتمد عليه كليا ،لكن للاسف هو يلي بيعاني داخليا بسبب رغبتو المستمره للكمال فبيتنازل عن الحياه الاجتماعيه او بصير عندو تعب جسدي بسبب انجازو اغلب المهام بنفسه وعلى اكمل وجه..

وضروري نوضح الفرق بين اضطراب الوسواس القهري OCD يلي هو اضطراب نفسي يسبب تعطيل مهني واجتماعي للمريض وبحاول المريض يقاوم الافكار او السلوكيات الوسواسيه من تنضيف زائد او ترتيب زائد او العديد من انواع الوساوس الاخرى لكن مابيقدر يقاومها وهو بحاجه تداخل دوائي طبعا،
وبين اضطراب الشخصيه الوسواسيه يلي هو نمط شخصيه لاتسبب اذى او تعطيل للشخص وبكون مرتاح لما ينجز الامور يلي مرتبها هو عطريقتو وهاد النمط اذا ما انزعج منو الشخص عادة مافي داعي للعلاج ..

#اكتئاب #هلع #تعلق #علاقات #شخصية #وسواسيه

30/01/2024

ياترى ممكن تكون شخصيتك نمطها حديه؟؟
ماعندك امور وسطيه يا ابيض يا اسود..كيف رح تعرف هالشي؟
شوفو معي هالامثله:
💜شخص راكب على موتور وعم يعمل حركات بهلوانيه خطيرة او شخص مليان وشوم على جسمو.

💜صديق الك من زمان بس فجأه بتصير خناقه بيناتكن بدل مايصلح الموضوع بينهي صداقتو للابد معك.

💜 اذا رفيقتك بتضل تحكيلك انو خايفه خطيبها يتركها وازا دقتلو ومارد بتقعد تبكي وبتفكرو عم يخونها..

💜او فجأه شفتيها راحت صبغت شعرها نفس لون علم البرازيل بدون سبب هيك..

💜ممكن الاهل يشتكو من بنتهن انو شطبت ايديها او حاولت تزت حالها من عالبرندا لانو ماقدرو يشترلوها موبايل زهري او ماخلوها تزور رفيقتها..

💜 شب اهلو بيتجنبوه عطول بقولو انو هو عصبي وازا عصب بكسر الدنيا وبصير يسب اما بس يروق ما احلاه…

-هدول الاشخاص معهن اضطراب الشخصية الحديّة

🟣🟣‏Borderline Personality Disorder🟣🟣
هو باختصار نمط شامل من عدم الاستقرار،تأرجح،بين اقصى الشيء الى ادنى الشيء.
يستدّل عليه بالتظاهرات التالية:
1️⃣ محاولات محمومه لتجنب هجران حقيقي أو متخيل.
2️⃣ نمط من العلاقات غير المستقرة مع الآخرين يتسم بالانتقال من أقصى الكمال إلى أقصى الحط من القدر.
(بيحكم عالاشخاص اما مناح كتير او سيئين كتير مافي حل وسط)
3️⃣اضطراب الهوية: عدم استقرار واضح وثابت في صورة الذات(كلما شاف فكرة غريبه او نمط حياه غريب بدو يقلدو)
4️⃣ الاندفاعية في مجالين على الأقل من المجالات التي تحمل إمكانية إلحاق الأذى بالذات (مثل، الإنفاق، الجنس، إساءة استعمال المواد(المخدرات)، القيادة المتهورة، نوب من الأكل المفرط).
5️⃣ سلوك انتحاري متكرر أو تلميحات أو تهديدات أو سلوك مؤذي للذات.(تشطيب يدين مثلا…)
6️⃣ تقلب مزاج (مثل سوء مزاج أو استثارة أو قلق، تستمر عادة بضع ساعات ونادراً ما تستمر لأكثر من بضعة أيام).
7️⃣ أحاسيس مزمنة بالفراغ.
8️⃣ الغضب الشديد غير المناسب أو الصعوبة في لجم الغضب (مثل، تظاهرات متكررة للغضب، غضب مستمر، شجارات متكررة).
9️⃣تفكير زوري عابر مرتبط بالشدة أو أعراض تفارقية شديدة( يعني ممكن ازا اهلو عارضوه بشي تيجيه افكار انو اهلي بيكرهوني، او ازا مديرو بالشغل وجهلو ملاحظه يفكر بدو يطردو)
علاج هاد النمط من اضطراب الشخصيه سلوكي (العلاج الجدلي)وممكن دوائيا بحالات معينه.
🟪 ااذا كنت حاسس انو عندك اكثر من صفه فيك تتواصل معنا لحجز استشارة نفسية.

30/12/2023

🟪رفقاتك عطول بيحكولك انتي دراما كوين؟؟؟

🔻 تعي شوفي كيف رح حلل شخصيتك .

🟪 بتعرفو الاشخاص يلي عطول بعبرو عن اندهاشهن او سعادتهن بصرخات دراميه
واغلبهن بيكونو #بنات او وقت وحده تلتقي بصديقه الها من زمان ماشافتها وبكون المشهد الدرامي اللطيف!!

🟪و حضرتو شي مره خناقه لبنات ووحده فجاه تصير تبكي بطريقه غير منطقيه وتصرخ وممكن يغمى عليها؟

هدول الاشخاص عندهن نمط شخصيه هيستريائيه

‏Histrionic personality disorder

و صفاتهن كالتالي:

(1) غير مرتاح في المواقف التي لا يكون أو تكون فيها محور الاهتمام.
(2) غالباً ما يتسم في علاقته مع الآخرين بسلوك جنسي إغوائي بشكٍل غير مناسب أو بسلوك مثير.
(3) يظهر بسرعة تحولاً وتعبيراً سطحياً عن العواطف.
(4) يستخدم باستمرار المظهر الجسدي للفت الانتباه.
(5) لديه أسلوب في الكلام مفرط في التعبيرية (ذاتي) ويفتقر إلى التفاصيل.
(6) يبدي حركات تمثيلية ومسرحية وتعبيراً مبالغاً فيه عن العواطف.
(7) لديه قابلية للإيحاء، أي يتأثر بسهولة بالآخرين أو الظروف.
(8) يعتبر علاقاته أكثر حميمية مما هي عليه في الواقع.

هدول الاشخاص ناجحين في مجال #التمثيل و #الدراما جدا ومن اشهر الشخصيات الهيستريائيه هي شخصيه .
عادة منواجه صعوبه معهن بردود فعلهن لانو بتكون مبالغ فيها وهالشي مو بايدهن طبعا حاولو تبينو تعاطفكن وتفهمكن لمشاعرهن بطريقه محايده و بدون مبالغه بالاهتمام لانو كلما زاد اهتمامكن كلما زادت مبالغتهن .
وتذكرو عطول فيكن تطلبو مساعدتنا عن طريق الصفحه دائما رح نسمعكم ونقدملكم الاستشارات
المناسبة الكم
تشافي عيادة نفسية

#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي
#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي
#علاقات #زواج #وعي #تشافي #السعودية #سوريا #طلاب #جامعة #دمشق

#الكويت #الامارات #قطر
#مصر

18/12/2023

🟠الاشخاص اللطيفين الحساسين زياده ، هاد النمط فينا نقول هو عكس الشخصيه النرجسيه يلي حكينا عنها سابقا بتلاقو هدول الاشخاص اغلب الوقت لحالهن وغير اجتماعيين بتقولو لحالكن هدول شخصيتهن ضعيفه او غريبين بس وقت تتعرفو عليهن وتتعمق معرفتكن فيهن بتكتشفو قديشهن لطيفين وبتزعلو عليهن..
🟠 تعو لنشوف شو صفاتهن المخبايه:

اضطراب الشخصية التجنبية

‏Avoidant Personality Disorder

(1) يتجنب النشاطات المهنية التي تتطلب احتكاكاً كبيراً مع الآخرين، بسبب الخوف من الانتقاد أو عدم الاستحسان أو الرفض.
(2) يرفض الانخراط مع الناس ما لم يكن متيقناً أنه سيكون محبوباً (مابحب يتقل على حدا حتى لو هالحدا كتير اصر عليه انو يجي) (3) يبدي تقيداً في العلاقات الحميمة بسبب الخوف من أن يكون موضع سخرية وخزي.( حتى لو بحب الشريك كتير بس بضل عندو تقييد وخوف بالعلاقه)
(4) منشغل بكونه موضع انتقاد أو رفض في المواقف الاجتماعية.
(5) متثبط في المواقف الجديدة مع الناس بسبب الخوف من عدم الكفاءة.
(6) ينظر إلى نفسه على أنه غير كفؤ اجتماعياً، غير جذاب شخصياً، أو أقل شأناً من الآخرين.
(7) يتردد بصورة غير عادية في تعريض نفسه للمجازفات أو الانخراط في أنشطة جديدة لأنها قد تظهر
الارتباك والخجل.

طبعا صاحب هاي الشخصيه بكون عم يعاني وماعم يعرف يطلب المساعده ..
فاذا حواليكن حدا بهاي المواصفات ادعموه ادعموه ادعموه نفسيا كتير لانو هو بحاجه دعمكن الو ..
والعلاج السلوكي كتير فعال لعاد النمط من الشخصيه وممكن بحالات معينه نحتاج ادويه..
ولاتنسو عطول فيكن تطلبو مساعدتنا عن طريق الصفحه..
تشافي عيادة نفسيه.

#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي
#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي

13/12/2023

🟪صارت معكن شي مره انو تعرفتو عشخص مثير للاعجاب جدا وبس تعاملتو معو اكتشفتو انو هو عطول بيحاول يقلل من قيمتكن وبيضل يحكي عن حالو كتير وعن انجازاتو؟

مأنزع وشايف حالو،متعجرف، متكبر..
مرض العظمه
هاد الوصف كلو بيتماشى مع
اضطراب الشخصيه النرجسية
‏ Narcissistic personality disorder

من سمات هذه الشخصيه:
1- لديه شعور عظمه باهميته.
2-مستغرق في خيالات عن النجاح اللامحدود او التالق او الجمال او القوه او الحب المثالي.
3-يعتقد انه متميز وفريد ويجب ان يصاحب فقط من قبل اناس مميزين او من طبقه عليا.
4-يتطلب اعجاب مفرط (ولايقبل الانتقاد).
5-لديه شعور بالصداره( يتوقع من الجميع معامله خاصه).
6-استغلالي في علاقاته الشخصيه.
7- يفتقد التعاطف مع مشاعر الاخرين.
8- غالبا يكون حسود للاخرين او يعتقد ان الاخرين يحسدونه.
9-يبدي سلوكيات ومواقف متعجرفه.

الاشخاص النرجسيين عادة مابكونو منتبهين لحالهن ولتصرفاتهن المؤذيه لهيك ضروري نحاول نوعيهن بهدوء مشان ماينفرو منا.

برايك في حوليك حدا بهي المواصفات ؟؟
حكيلنا كيف تعاملت معو؟؟

وتذكرو فيكن تطلبو المساعده عن طريق صفحتنا
تشافي عيادة نفسيه

08/12/2023

-🟣شي مره خطر ببالك انو انت شخص بتشك كتير بالناس، بتلاقي صعوبه انك تثق بحدا؟ 🤔

🟣 بتحس انو كل الناس عم تستغلك ؟وانو مافي اصدقاء اوفياء؟ او شريك حياه وفي؟

- طيب اكيد سمعتو لو لمره عن قصه بنت كانت مخطوبه وانفصلت عن خطيبها ولما سالتوها عن السبب قالت: 🔻بشك كتير.🔻

تعو لنشوف شو قصة هالشك هاد؟
الشخصيه الارتيابيه او الزورانيه او البارانويد
Paranoid personality disorder

هاد النمط من الشخصيه عادة مابينزعج من حالو ومابحس انو عندو مشكله بنمط شخصيتو عادة الاخرين هن يلي بعانو منو، من صفات هاي الشخصيه:
1- يعتقد ان الاخرين يستغلونه او يريدون الحاق الاذى به.
2- يشك بوفاء الاصدقاء له.
3- يتردد في الوثوق بالاخرين بسبب الخوف غير المبرر بانهم سيستخدمون المعلومات ضده.
4- يستنبط من الملاحظات والاحداث البريئه اهانات وتهديدات خفيه لا اساس لها من الصحه.
5- يحمل الضغائن بصوره متواصله( لايسامح على الاذيات).
6- لديه شكوك متكرره دون سبب منطقي لها باخلاص شريك حياته.
7- سريع الاستجابه بالغضب او القيام بهجوم على الاخرين اذا استشعر بهجوم الاخر عليه حتى لو لم يكون هذا الهجوم ظاهر للاخرين.

طبعا هاد النمط متعب جدا للاخرين وممكن نضطر لعلاج دوائي بحالات معينه لكن العلاج الاساسي هو العلاج السلوكي...

🔴اذا بتعرف حدا عندو هاي السمات حاول تساعدو ليفهم وضعو او بعتلو وخليه يتواصل معنا لنساعدو .
خلينا ننشر وعي الثقافه النفسيه..💜💜💜

#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي
#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي

06/12/2023

ليش معظم علاقاتنا منواجه فيها صعوبات ؟؟
وكمان كتير علاقات بتخرب من كتر المشاكل مثل علاقاتك بشريك الحياة والاهل والاصدقاء.💚💚
قد تكون احيانا هذه المشاكل متعلقة بنمط شخصيتك او نمط شخصية الطرف الاخر

لهيك تعال لحتى نحدد🤔 شخصيتك او شخصية الطرف الاخر .
هذا الموضوع مثير للاهتمام و لطالما جذب الكثيرين، تعددت المصادر عن انماط الشخصيات واختبارات تحليل الشخصيه، ولان معرفة نمط الشخصيه بنظري هي حجر الاساس للتواصل الاجتماعي و لفهم سلوكياتنا اليوميه وردود افعالنا والمشاكل التي تعترضنا ، سنبدأ معكم سلسلة التعريف عن انماط الشخصيات باسلوب مبسط علمي، وفي نهايه السلسله سنرفق مجلدا يحتوي استبيان يساعدكم في تحديد نمط شخصيتكم،
كونو معنا.

#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي
#اكتئاب #هلع #تعلق #علاقات #شخصية #نرجسي #ارتيابي #حدي #هيستريائي #وسواسي

تشافي عيادة نفسية

14/04/2025

04/04/2024

28/03/2024

30/01/2024

30/12/2023

18/12/2023

13/12/2023

08/12/2023

06/12/2023

Address

Website

Alerts

Shortcuts

Share

Category