عيادة جنة الحيوانات الأليفة

12/01/2026

28/11/2025

يمكن القط ما بيعرف السياسة…
بس بيعرف مين بيحبه ومين بيحميه ومين بيخاف على أرضه.
كل حجر وشجر وروح عم تهتف:
سوريا وحدة لكل السوريين… وما منرضى بالتقسيم.

#سوريا
#حرية #كرامة

22/11/2025

فرص عمل

مطلوب للعمل في العيادة:
1- سيدة/آنسة للقيام بوظيفة التنظيف والترتيب
الدوام من 11 صباحا حتى 5 عصراً
2- شاب/آنسة لاستلام المبيعات والحسابات والتسويق
الدوام من 12 حتى 6

الشروط
قرب السكن
التفرغ
الالتزام
وأكيد حب الحيوانات

للتقدم والاستفسار التواصل عبر الواتساب 0967851123

06/11/2025

🐾 بين القرار والعاطفة... الطب أحياناً بيكون اختبار صعب جداً.
بعض الأحيان الطبيب بينحط أمام خيارين صعبين جداً،
ولما صاحب الأليف يقلك: "دكتور، انت تصرّف بالي بتشوفه مناسب" 💬
بتصير المسؤولية أثقل والقرار أصعب 💔

🐱 عفوفة، قطة إنقاذ أنقذتها سيدة حنونة من الشارع بعد حادث قوي.
الفحص بيّن كسر متبدل بعظمي الساعد، والكسر كان مفتوح ومتعرض للتلوث...
والمفاجأة التانية؟ 😿 إنها حامل!

🔹 الخيارات كانت محدودة وصعبة:

نجري الجراحة ونخاطر بحياة الأجنة 🩺

أو ننتظر لتولد، ونخاطر بإيدها 💔

🧠 قرار الدكتور خالد كان إجراء الجراحة مع حسابات دقيقة للتخدير
حتى نعطي أكبر فرصة للأم ولصغارها معًا 🙏

🌟 النتيجة؟ تصحيح ممتاز للكسر بفضل الله، والأم والأولاد بخير
💫 وبعد أسابيع قليلة... جابت قمرين صغار 🐾🐾
وهلق صار عمرهم تقريبًا شهرين، وهنن وأمهم بأفضل حال الحمد لله 🐱🐈🐈‍⬛

💚

05/11/2025

🐾✈️
في ناس بتعمل كل شي حتى ما تتخلى عن أليفها ❤️
وفي ناس بس يمرّوا بظرف بسيط بيزتّوه بالشارع 💔

🐶 الكلب توتي كان أصحابه مسافرين لليونان 🇬🇷
وما كانوا بيعرفوا الإجراءات اللازمة للسفر ✈️
الوقت كان ضيق كتير ⏰، ما فين يأخّروا السفر ولا يتركوه 😢

لكنهم تواصلوا معنا، وبفضل الله وخلا 15 يوم 🙏
كانت كل أوراقه وتجهيزاته جاهزة بدقة 🩺📄

🚀 تمت كل إجراءات السفر بنجاح
ووصل توتي إلى أثينا بخير وسلام 🐕💚

Pet’s Paradise Clinic
📍خبرة – دقة – رعاية حقيقية

#توتي

04/11/2025

📅 الفرق بين الصورتين شهر واحد فقط، وكمية كبيييرة من العناية والحب 💕
🐾 عسول، قط شارع صغير، كان عم يعاني من:
😿 التهاب عيون ومجاري تنفسية سببه إصابة فيروسية معقدة
🪱 طفيليات داخلية وخارجية عم تاكل جسمه ببطء

لكن ❤️ سيدة حنونة ما قدرت تتجاهله، أنقذته وجابته على العيادة 🏥
ومن أول يوم، بعد الفحص الدقيق وبدء العلاج، بلش يتحسّن بسرعة بفضل الله 🙏

💉 بعد نهاية العلاج، تابعنا مشوار اللقاحات وبلّشنا نبحث له عن بيت دافئ 🏡

أحياناً عمل بتحسبه صغير بيصنع فرق بحياة كائن ما إله غيرك 💚
واختيارك للمكان اللي بيقدّم العناية الطبية الدقيقة ممكن يكون فعلاً الفرق بين النجاة والموت ⚖️
Pet’s Paradise Clinic
رعاية دقيقة – حب حقيقي – حياة جديدة 🌿

13/10/2025

26/09/2025

🐾 كتير مهم نعرف 👂 مو كل كتلة بتطلع ع صدر القطة هي سرطان 😿‼️
أحياناً بتكون مجرد تضخم وتليف بسبب خلل هرموني 🌸 وبتنحل بالتعقيم وبشوية علاج بسيط بس دقيق
بس إذا كانت سرطان فعلاً 🩸 وقتها الجراحة ✂️ بتكون الحل لإنقاذ حياة القطة 🙏.

🚫 الغلط إنو في ناس بيفكروا أي كتلة = سرطان، وبيروحوا فوراً لعمليات كبيرة ومكلفة 💸 ومؤلمة 😔 بدون ما يعملوا فحص دقيق.
وبنفس الوقت في ناس بتهمل كتل سرطانية لازم كانت تستأصل من لما كانت قد الحمصة وبيتركوها حتا تاكل جسم الحيوان كامل.

👩‍⚕️ الطبيب البيطري المتمرس والخبير عندو وسائل كتيرة ليوصل للتشخيص الصح:

الفحص السريري 🐱

الإيكو 🔊

صورة الأشعة ☢️

الخزعة والتشريح المرضي 🔬

✅ بهالطريقة منقدر نميز إذا القصة حميدة ولا خبيثة، ومنختار الحل المناسب.

هيك منوفّر عالقطة ألم كبير 💔 ومنوفّر عالناس تكاليف ما إلها داعي 😊.

📸 بالصور في حالات مختلفة:

تضخم هرموني وتم الشفاء التام منها بس بالعلاج واستئصال الرحم 🌸

كتل سرطانية كان الحل فيها الجراحة ✂️في شرح على كل صورة

(حاولت استخدم صور من النت حتى ما حدا يتحسس من ذكر حالات بعينها 🙏)

🐱 صحتهم أمانة بين إيدينا 💕

06/09/2025

في أستراليا، وبينما كان الجميع يستعدون لمباراة كرة قدم عادية في مجمع جيرابومبيرا الرياضي الإقليمي، وقع حدث غير متوقع قلب الموقف رأسًا على عقب. اللاعبون كانوا يتهيأون للنزول إلى أرضية الملعب، والجمهور يترقب صافرة البداية، لكن شيئًا صغيرًا غيّر المشهد بأكمله: طائر "أبو طيط المقنع" اختار أن يضع بيضته الوحيدة في منتصف الدائرة، على خط المنتصف تمامًا، وكأنه أعلن ملكيته للملعب.

حين اكتشف المسؤولون الأمر، لم يتعاملوا معه باستخفاف. بل على العكس، صدرت أوامر فورية بإغلاق الملعب بالكامل لمدة تقارب الشهر، بعد استشارة خبراء الحياة البرية الذين أكدوا ضرورة حماية هذا الطائر وبيضته. فانتقلت الفرق الرياضية بروح رياضية إلى ملاعب مجاورة، معتبرة أن هناك حياة صغيرة أهم من أي مباراة.

هذا في استراليا
اما في وطننا العربي فهناك مئات الأرواح تزهق ولا يزال البعض غارقين في لهوهم

الإنسانية لا تتجزأ

01/09/2025

نبارك للأخ والزميل العزيز د. مصطفى عيادته في منطقة التل
بالتوفيق إن شاء الله