VINNO Syria

28/06/2025

نبارك للدكتور محمد وكاع اختصاص قلبية
والدكتورة هبة الشيخ اختصاص غدد
افتتاح عيادتهم الجديدة وتجهيزها بجهاز vinno a5
املين لهم دوام النجاح والتوفيق

28/06/2025

الجيل الجديد من VINNO جهاز S200 بمواصفات و مميزات رائعة و سعر مناسب

21/06/2025

18/06/2025

نبارك للأستاذ الدكتور هيثم عباسي المحترم اقتناء جهاز الإيكو الحديث Vinno E35 من عائلة Vinno، ليكون جزءًا من مسيرته العلمية والعملية
وكل الشكر على ثقته باختيار هذا الجهاز المتطوّر من شركتنا،متمنّين له دوام التميّز
يسرّنا أن نكون دائماً شركاء في التطوّر الطبي المستمر في مجال التشخيص والعناية بالمرضى.

25/05/2025

👨‍⚕️ دكتور، إذا كنت بتدور على جهاز إيكو يعطيك صور بأعلى دقّة ممكنة، ويمكّنك من تمييز أدق التفاصيل بالأنسجة والحدود، فخليك معنا لحظة لنحكي عن ULTIMUS وتقنية URM 🔍

شو هي تقنية URM؟
Ultra_ Resolution Microscopy

هي "وحدة المعالجة فائقة الدقّة"، مزوّدة بخوارزميات متطوّرة بتحلل كل بيكسل بالصورة بشكل مستقل، لتحسّن الوضوح بدون ما تأثّر على نعومة الأنسجة.
يعني:
▪️ لا over-sharpening
▪️ لا فقدان بمحتوى الصورة
▪️ وضوح طبيعي وتفاصيل واضحة بعيونك قبل الشاشة!

شو بتقدّم URM فعلياً؟

* بتحسّن الحواف الدقيقة للأعضاء والأنسجة (Edge enhancement)
* بتوازن الصورة بين النعومة والتباين الداخلي
* بتقلل التشويش noise وبتحافظ على التماسك البصري
* وبتخلي كل فريم عندك أقرب ما يكون للحقيقة

💡 والميزة الحقيقية؟
إنو التقنية شغالة real-time، وبتعالج الصور فوراً أثناء الفحص، بدون أي انتظار أو تأخير بالعرض، وهالشي بيعطيك تجربة تشخيصية سلسة ومريحة وسريعة بنفس الوقت.

سواء كنت بتشتغل على القلب، الغدد، البطن، أو الأوعية، URM رح تكون مساعدك الأول لتعزيز قدرتك على الملاحظة الدقيقة بكل الحالات.

هي التقنية أثبتت فعاليتها بكل المجالات وبالأخص بمجال الأشعة والأوعية بسبب قدرتها على تصوير الأوعية الدموية الدقيقة من مرتبة الميكرون.

لهيك يُعتبر جهاز ULTIMUS مو بس عتاد قوي، وإنما أكتر من هيك هو منصة ذكية بتشتغل معك وتتعلم منك، وURM واحدة من أقوى الأدوات اللي رح تغيّر نظرتك للإيكو.

14/05/2025

مين قال إنو السحر ما بيبلّش من قبل الولادة؟

اليوم، لحظة صغيرة مثل "تثاؤب الجنين" ما عادت مجرد حركة عابرة…
صارت مشهد بيخلينا نوقف ونقول: سبحان الله!

تخيلوا تشوفوا جنين عم يتثاوب بوضوح عالي، بشفافية التفاصيل وبنعومة بتخليك تحس إنو عم تتفرج على معجزة عم تتشكل قدامك وهو ببطن أمو وكأنه بين إيدينا ! 💛

كل هالشي صار ممكن بفضل تقنية
HQ 4D من VINNO

الصورة هون مو بس صورة... هي لحظة حياة.

مع هي التقنية بتخلّي تصوير الإيكو ياخد بُعد جديد كلياً – بتتحول الصورة ثلاثية الأبعاد، لصورة "حية" بتوثّق اللحظة بحركتها وبمشاعرها.

لأطباء النسائية والتوليد:
HQ 4D
مش بس أداة تشخيص، هي تجربة بصرية وعاطفية، بتقرب الأهل أكتر من جنينهم، وبتخلي كل فحص لحظة ما بينتسى.
من التثاؤب… للحركات العفوية… للابتسامة الصغيرة!

إذا بدك تميّز عيادتك وتقدّم تجربة فريدة للأمهات
VINNO
بتقدملك الحل… بتقنيات بتسبق الزمن.

08/05/2025

مو بس قلبك.. حتى جنينك بيهمّه جهاز VINNO!
كلنا منعرف إنو أجهزة VINNO مشهورة بدقّتها بعالم القلبية، بس اللي يمكن ما بيعرفه الكل… إنو هالجهاز بيبدع كمان بمجال النسائية والتوليد!
يعني إذا كنتِ دكتورة نسائية أو متخصّصة بتصوير الحمل ومتابعة الجنين... خليني خبرك ليش VINNO بيستحق يكون رفيقك الدائم بالعيادة👇
أول شي، خلينا نحكي عن HQ Rendering
الصور الثلاثية الأبعاد هون مو متل أي صور... سطوع وتباين وتفاصيل بتخلي الجنين يبين قدامك كأنو بفيديو واقعي. بتحسّي إنو الصورة عم توصلك بدون أي حواجز… واضحة، حيّة، وبتلمس القلب ولا كأنه على شاشة جهاز!
أما مع HQ Surface
هاد اللي بيهتم بتفاصيل الجلد، ملامح الوجه، تظليل دقيق... وحتى حركة الأصابع! يعني ما بس منظر حلو، بل وسيلة قوية لنشخّص أي خلل أو تشوّه بالوقت المناسب.
طيب وإذا بدّك تشوفي الجنين من زاوية تانية؟
هون بيجي دور Free View
بتحرّكي الصورة يمين، يسار، فوق، تحت… وكأنك ماسكة المجسم بإيدك. ما عاد في داعي ترجعي تفحصي من أول وجديد كرمال لقطة راحت!
VINNO مو جهاز تصوير وبس، هو أداة بتسهّل شغلك، وبتقرّبلك الصورة حرفياً!
من القلب للرحم، من نبض الحياة لصورتها الأولى… VINNO معك بكل خطوة

06/05/2025

❤️‍🔥 أنت طبيب قلب؟ خلّي تشخيصك أسرع وأدق مع VINNO R700!

ما في داعي تدوّر كتير… لأن R700 بيجمعلك كل الأدوات الذكية اللي بتحتاجها، وكلها بدقّة ما بتتخيّلها!

واليوم رح نشوف جزء من التقنيات الي بتميزه:

Multi Angle M-mode –
شوف القلب من كل الزوايا!

مو بس خط واحد… بهالتقنية فيك تحلل حركة جدران القلب من أكتر من زاوية بنفس اللحظة.
يعني تشخيص أدق لتقلصات القلب، حتى بالحالات الصعبة أو الزوايا المزعجة.

Tissue Doppler –

بتحب تعرف كيف عم تشتغل عضلة القلب نفسها؟
هي التقنية بتساعدك لتقيس حركة وسرعة الأنسجة القلبية، وبتعطيك فكرة واضحة عن الانقباض والانبساط – خاصة بحالات فشل القلب أو الاعتلال المبكّر.

PWV –
أسرع طريقة لتعرف مرونة الشرايين!

هي التقنية بتحسب سرعة موجة النبض، وبتعطيك مؤشر واضح عن إذا الشرايين مرنة أو فيها تصلب.
مثالية لمرضى الضغط والسكري والعمر المتقدّم.
Multi Doppler –
كل شي بدك تسمعو… بنفس اللحظة!
ما في داعي تنطر وتغيّر الزوايا كل شوي… مع Multi Doppler فيك تسمع وتقيّم تدفّق الدم من أكتر من نقطة بنفس الوقت.

يعني دوبلر متعدد المواقع بلقطة وحدة، مثالي لفحص الصمامات أو مقارنة تدفّق بين الشرايين – بسرعة ودقّة ما بتتفوّت!

ليش تختار VINNO R700؟

✓صورة أوضح من الخيال
✓ ذكاء اصطناعي بيوفّر وقتك
✓ أدوات قلبية متكاملة
✓ استخدام سهل وسريع