صيدلية نورا -ضاحية قدسيا

25/01/2022

🔺️بما أنه الدنيا برد وكنكنة ☕🌨☃️
الكل قاعد وعابط الصوبيا او الدفاية 🔥

🔺️حبيت ذكركن تبعدوا عنها قبل ما يصير معكن 👇👇

📌متلازمة الجلد المحمص 🔥😱 او حمامى الاصطلاء 🔴🤯‼️

📌شو هي وشو سببها ⁉️

🔺️هي عبارة عن ارتكاس بالجلد
بسبب تعريض الجلد للحرارة بشكل متكرر.

🔺️عند مين منشوفو⁉️

🔺️عدولي على أصابعكن 😅

☝عند الناس يلي بيلزقوا بالدفاية الكهربائية او الصوبيا 🔥بشكل خاص عالساقين

✌عند الناس يلي بيستخدموا اكياس المي الساخنة
عالبطن او الظهر اما للتدفئة او لاسباب علاجية

👌عند الناس يلي بيستعملوا اللابتوب💻 وبيحطوه ع الفخذين🦵 وقت الاستعمال (لانه بيعطي حرارة )

✋عند الناس يلي في بشغلهن تعرض للحرارة متل الخبازين 👩‍🍳🫕(وهون ممكن نشوف هالطفح عالوجه 🥵او عالايدين 🙌🏻حسب مكان التعرض للحرارة )

🖐الناس يلي بيستعملوا البطانيات الحرارية او الحسيرة الحرارية وبيناموا عليها

📌شو يلي بيصير ⁉️

🔺️لما بيتعرض الجلد لحرارة منخفضة الشدة (43_ 47 درجة)
يعني اقل من الحرارة يلي بتسبب الحروق
⬅️رح نلاحظ ظهور لون احمر على الجلد بشكل شبكة 🕸
⬅️وهاد الاحمرار بالبداية رح يكون عابر يعني بيزول خلال دقائق او ساعات

🔺️طيب اذا رجعنا عرضنا الجلد لهالحرارة لفترات طويلة ⏰وبشكل متكرر ⁉️

⬅️رح نشوف احمرار مع اغمقاق وتصبغ الجلد على شكل شبكة
⬅️وهون رح تطول اكتر لحتى تزول
كمان منلاحظ انو الجلد بهالمنطقة صار ارق (ضمور بالجلد)
⬅️ممكن تترافق مع حكة او حرقة عند بعض الأشخاص

📌هل يوجد مخاطر لهالمرض⁉️

🔺️نعم، بالحالات الشديدة والتعرض المطووول للحرارة ممكن يسبب هالشي تطور وظهور سرطانات الجلد 😰 صورة لحالة بالتعليقات 👇

🔺️لهيك لازم نراجع الطبيب👩🏻‍⚕️⚕ بحال ظهور اي قرحة او كتلة مكان هالطفح

📌شو العلاج⁉️

🔸اول شي واهم شي نبعد المصدر الحراري ونتجنب التعرض للحرارة بشكل مباشر 🔥🚫

🔸اذا كانت الحالة خفيفة مع احمرار و تصبغ بسيط بالجلد رح تتراجع عفويا خلال اشهر ✅

🔸ممكن استعمال المرطبات او كريمات الريتينوئيد لتخفف من الاعراض وتحسن الحالة.

🔸اذا كانت الحالة شديدة مع تصبغ شديد بالجلد وضمور بالجلد للاسف ممكن تضل وماتتراجع

28/10/2020

وُلد يتيماً
عاش كريماً
مات عظيماً
صلوا عليه وسلموا تسليماً
#صلى الله عليه وسلم

18/10/2020

سلطة ولا #تبولة!!
طبعا التبولة محبوبة الجماهير وهية اللي بتاخد المركز الاول بين كل انواع السلطات مو لانها طيبه😋 وبس وكمان لأنو فيها اسرار كبيرة لجسمنا..
السر الاول من اسرار التبولة هو البقدونس 🥬اللي بيتميز عن كل الخضروات الورقية لانه فيها محتوى عالي من #الحديد وفيتامين c

- فيتامين c رح يخلي اغلب الحديد الموجود بالبقدونس يمتص لداخل الجسم يعني وصفة سحرية للي بيعاني من فقر الدم💉
- السر التاني للتبولة وجود البرغل اللي هو كنز من الألياف المفيدة وخاصة للي بيعاني من مشاكل هضمية وكولون عصبي وامساك
- كمان زيت الزيتون اللي منضيفه للتبوبة فيه دهون مفيده
- والليمون بيضيف فيتامين c وجرعة كبيرة من المعادن والفيتامينات

بالمختصر المفيد
عندك فقر دم وبدك حديد كول تبولة
عندك مشاكل هضمية وبدك الياف كول تبولة
بدك دهون نافعة كول تبولة

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

18/10/2020

في كتير شغلات بتخلينا نتخلص من القلق والتوتر حنحكي عن كم طريقة لنتخلص منه
1_الرياضة بتقلل من التوتر وبتخفف من هرمونات القلق متل الكورتيزول وبتطلق هرمون الاندروفين اللي بحسن المزاج
2_ تناول المتممات الغذائية متل مكملات الأوميغا 3 اللي بتخفف من القلق والتوتر
3_ تناول الشاي الأخضر اللي فيه مضادات أكسدة وبزيد مستويات هرمون السيروتونين اللي بقلل من التوتر والقلق
4_شم ريحة بعض الأزهار متل اللافندر والبابونج وغيرها
5_ تقليل تناول الكافيين لأنه الجرعات العالية منه ممكن تزيد القلق
6_ العلكة ممكن تخفف من التوتر بشكل سريع لأنها بتسبب موجات دماغية بتشبه الموجات اللي بتكون موجودة عند الأشخاص الرايقين وكمان بتحسن تدفق الدم للعقل
7_ الدعم الاجتماعي والتواجد مع الرفقات والعيلة
8_ الضحك بيرخي العضلات وبقلل التوتر
9_ الحضن أو العناق بساعد الجسم على إفراز هرمون الأوكسيتوسين والتخفيف من الكورتيزول وبالتالي التخلص من التوتر والقلق
10_ سماع الموسيقى الهادية
11_ أخد نفس عميق بحسن الجهاز العصبي
12_ وأهم شي هو العبادة والتقرب من الله وممارسة الطقوس الدينية

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

17/10/2020

فقر الدم بنقص #الحديد شائع جداً ممكن يسبب وهن عام وضعف بالجسم و دوخة
وحتى نكون صريحين بيلزمو دوا بس حتى ما نوصل لهي المرحلة لازم ندير بالنا على أكلنا ونهتم بالاكلات يلي فيها مخزون عالي من الحديد
#السبانخ: مع انو متعارف عليه انو في كتير نسبه عاليه من الحديد بس هو100 غرام منو بيحتوي بس على 15% من الحاجه اليومية طبعاً هي النسبة مو قليلة بس المتعارف عليه إنو النسبه أعلى من هيك
#الكبدة: غنية جدا بالحديد 100 غرام من الكبدة فيها تقريباً 36% من الحاجة اليومية من الحديد
#البقوليات ومنها #العدس يلي كوب واحد منو يعني تقريباً 200 غرام بيأمن 37% من حاجة الجسم من الحديد
بينما كوب من #الفاصوليا سواء الحب أوالكلاوي بتأمن 20% من الحاجه اليوميه الو
اللحمة الحمراء: 100 غرام من اللحمة الحمرا بتأمن 15% من الحاجة اليوميه للحديد
بذور اليقطين يلي هو نفسو البذر الأبيض: بتصدقو انو 25 غرام منو فيه حوالي 13% وهي نسبة عالية
الشوكولا الغامقة: 28 غرام منها فيها 19% من الحاجه اليوميه للحديد
طبعا لسا في كتير أكلات غنيه بالحديد بنسب متفاوتة

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

17/10/2020

قضم الأضافر عادة سيئة وللأسف كتار عندن ياها بس يا ترى هالعادة ممكن تسبب ضرر للأضافر؟
- عالرغم من انه سرير الضفر عم يضل سليم بس ممكن قضم الأضافر يأثر عالجلد المحيط بالأضافر وبزيد العدوى بأمراض الأضافر و الفطور
- وكمان هالعادة بتأدي للإصابة بالأمراض لأنها بتنقل الجراثيم والفيروسات من الضفر للفم
- وبالإضافة لهاد الشي بتسبب ضرر بالأسنان
- وهالعادة لازم يتم التخلص منها وفي كتير طرق متل:
إنه يحط الشخص مادة مرّة عالأضافر، والاعتناء بشكل الأضافر مرتب، واشغال الايد والفم بشغلات تانية متل العزف عالآلات الموسيقية أو تناول العلكة.
** وبالحالات الشديدة ممكن يحتاج الشخص معالجة سلوكية ليقدر يتخلص من هالعادة...

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

16/10/2020

الزيوت الطبيعية بدائل جيدة لتنعيم الشعر وترطيب البشرة ومحاربة حب الشباب وتقوية الأضافر حنحكيلكن عن شوي من فوائد هي الزيوت:
_ زيت شجرة الشاي بساعد بالقضاء عالبكتيريا اللي بتسبب الحبوب الحمرا الملتهبة..
_ زيت الأرغان وبسموه كمان الدهب السائل وهو غني بمضادات الأكسدة اللي بتقاوم آثار الشيخوخة، والأوميغا 3 الموجودة فيه بتعزز الكولاجين وبتعطي الحيوية للبشرة وللشعر
_ زيت البابونج والنعنع زيوت مطهرة للجلد ومضادة للالتهابات، بتقلل من الاحمرار والتهيج بالبشرة
_ زيت جوز الهند بلطف الجلد الجاف و برطبه و بخلصنا من الجلد المتقشر والخشن
_ زيت الروزماري أو اكليل الجبل بزيد من كثافة الشعر وبيعطيه لمعة وبقلل من الحكة بفروة الرأس
_ زيت الزيتون بساعد على حماية الأضافر وتقويتها وبغذيها بالأحماض الدهنية المفيدة
_ زيت السمسم المضمضة فيه بخلص الشخص من ريحة التم البشعة ومن التهاب اللثة..

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

16/10/2020

كتير منتشرة حالة قصور الدرق بسوريا وكلنا منعرف حدا حوالينا بياخد التروكسين فخلينا نعرف شوي أكتر عنها..
:
- التعب وبطء الحركة والضعف العضلي وآلام العضلات.
- زيادة الوزن بالرغم من عدم زيادة الوجبات أو كميتها.
- عدم تحمل البرد.
- الاكتئاب وبطء الأفكار.
- إمساك.
- جفاف الجلد وتقصف الشعر والأظافر.
- غزارة الطمث.
وفي حال عدم المعالجة تتطور الحالة ليصبح مظهر وجه المصاب متوذم ويفقد القسم النهائي من شعر الحاجبين وصوته مبحوح بالإضافة لبطء القلب وفقر الدم وفقدان السمع.

:
بإجراء تحاليل دموية ل TSH وT4 لتحديد وظيفة الغدة الدرقية.
#العلاج:
يكون بتناول جرعة يومية من الليفوتيروكسين التي تزداد تدريجيا مع مراقبتها بإجراء تحاليل دموية متكررة حتى الوصول لجرعة مناسبة.
:
بعد الوصول للجرعة المناسبة يجب إعادة التحاليل الدموية بشكل سنوي لمراقبة مستويات الهرمون.
ودمتم بخير..

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

15/10/2020

معظم الرياضيين بكون تمرين صعود الدرج جزء أساسي من تمرينهم لأنه له فوائد كتيرة عالصحة فهو بقوي عضلات الفخد وبطة الرجل وبقوي أوتار #الركبة ، وبخفف من آلام الركبة لأنه بقوي #العضلات المحيطة فيها فبخفف من الضغط عليها، وصعود الدرج بحسن من ضربات القلب وبقوي الرئتين وبيحرق السعرات الحرارية و بخفض #الوزن، فصعود الدرج لمدة نصف ساعة بيحرق من 180 ل 260 كالوري أو أكتر وهاد الشي بيعتمد على شدة التمرين ووزن الجسم، فكل ما كان الشخص وزنه أكتر بيحرق سعرات حرارية أكتر، وبقلل من مستويات الكوليسترول والسكر بالدم، وبالإضافة لصحة العضلات فصعود الدرج بحافظ على صحة #العظام كمان، وبحسن #المزاج لأنه بزيد إنتاج الاندروفين من الجسم متل ما بتعمل كل التمارين الرياضية..
ومو شرط يكون صعود الدرج على آلات بالنادي، ممكن نستخدم درج البيت أو البناية أو أيا درج لنحافظ على لياقتنا ونحصل عالفوائد اللي حكينا عنها...

#تنويه الفوائد كلها للأشخاص يلي ماعندن مشاكل بالركبة والمفاصل أما الأشخاص يلي بعانوا من مشاكل بالركبة لازم يستشيروا طبيبهم ليعرفوا إذا طلعة الدرج بتأثر عليهم أو لا


⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

14/10/2020

#الصودا ( #الكولا)، على الرغم من شعبيتها، إلا أنه من المعروف أنها ليست مفيدة لصحتك، لأنها مرتبطة بالسمنة، وسوء صحة الأسنان، والعديد من الأمراض المزمنة.
👈🏻توفر المشروبات الغازية والأطعمة الأخرى التي تحتوي على نسبة عالية من السكر تحفيزاً قوياً لنظام المكافأة في الدماغ، مما قد يؤدي إلى الرغبة الشديدة في تناولها
لتناولها العديد من الأضرار وأهمها:
🔸تعزز زيادة #الوزن فهي غنية بالسعرات الحرارية ولا تمنع الجوع
🔸مرتبطة بالأمراض المزمنة (مرض #السكري)
🔸قد تساهم في الإصابة بأمراض الكبد (تحتوي الصودا على نسبة عالية من الفركتوز، وهو نوع من السكر لا يمكن استقلابه إلا عن طريق الكبد، استهلاك الكثير من الفركتوز يمكن أن يثقل كبدك ويحوله إلى دهون، مما قد يساهم في اضطرابات الكبد المزمنة)
🔸تآكل الأسنان
🔸لها علاقة بأمراض الجلد مثل حب الشباب، تشير الأبحاث إلى أن تناول الصودا أو السكر المضاف بشكل متكرر يزيد من خطر إصابتك بحب الشباب المعتدل إلى الشديد
🔸تعزز شيخوخة الجلد.
🔸 تقلل من مستويات الطاقة.
🔸ليس لها قيمة غذائية

⚠️ منقول عن صفحة شبكة الأدوية السورية Up To Date
اعـرف أكثـر.. خليـك UpToDate
منصة • صحيّة • سورية

14/08/2020