العيادة التخصصية للعلاج الفيزيائي و إعادة التأهيل/ حماه

25/12/2020

💙💪🏻
الحاج أبو محمد لديه خزل (فالج) شقي أيمن (نتيجة احتشاء دماغي)
و كان يعاني من ضعف شديد في شقه الأيمن (الطرف العلوي و السفلي الأيمن) و لا يستطيع استخدام يده بشكل طبيعي و التنقل أو المشي.
أجرى عدة جلسات علاج فيزيائي ضمن المنزل
و استطاع بعدها الوصول إلى مستوى تحسن كبير بفضل الله..تمكن من خلاله من استعادة وظيفة يده اليمنى و القدرة على الانتقال من الاستلقاء حتى الجلوس ثم الوقوف و المشي بشكل متوازن و صعود و نزول الدرج بأمان..

و ما زالت الجلسات مستمرة للوصول لأفضل مستوى ممكن من التحسن بأذن الله.



إشراف الأخصائي : عبيدة كعيد

_التأهيل

للاستفسار او الاستشارة حول أي أذية الاتصال على الرقم : 0958209476

25/02/2020

الشاب (ج.أ) كان يعاني من الم في اسفل الظهر..
اكتشف بالتشخيص و الصورة الشعاعية وجود "جنف قطني أيمن"

أجرى جلسات علاج فيزيائي لدينا..و خلال فترة قصيرة تحسنت الأعراض بشكل كبير
و تم اجراء صورة جديدة للمراقبة و قد أظهرت أيضا نتائج تحسن كبيرة ، و ما زال العلاج مستمر للوصول لأفضل النتائج...

الصور توضح الحالة التي كان عليها الشاب و الحالة التي وصل لها حتى الآن بفضل الله.

إشراف الأخصائي : عبيدة حيان كعيد

للاستفسار عن أي أذية : 0958209476

13/10/2019

👩 📞رن رن ..... الو السلام عليكم كيفك عمو
🧓 وعليكم السلام اهلا عمو ممكن فتكات احكي معها؟
🧓 والله فتكات ياعمو راحت مع أمها عالدكتور 😪
مشان رقبتها فاقت اليوم مو قدرانة تحركا
👩 خير ان شاء الله عمو أنا شوي ويتصل فيا عالموبايل وبطمن 😢😪
👩 📱كيفك فتكات شو صار معك عند الدكتور؟ 😣
👩🏼 والله يا قلبي كتبلي الدكتور صورة وبطريقي للتصوير 📸
👩 بعد ساعتين برجع بتصل الو ...طمنيني 🤔
👩🏼 والله يا حبيبتي أنا بجلسة المعالجة الفيزيائية
👩 يه خير ان شاء الله شرحيلي بالتفصيل شو صار 🤔🙄
👩🏼 رح احكيلك شفتي أنا من فترة عم الك رقبتي عم توجعني وقت منطول بالحكي عالواتس اب 🤳👉🤦‍♀️
وحتى بوضعية القراءة والكتابة ولك حتى وقت اشتغل مع ماما بالمطبخ👩‍🍳😞
اليوم فجأة فئت رقبتي متيبسة وألم قوي🤕
الماما👵🏻اخدتني ورحنا ...
فحصني الطبيب عرف انو متحممة ونايمة لهيك ملقوطة رقبتي ومتيبسة ما قدرت حركا الصبح
بس خبرني انو من التشخيص والفحص لازملي صورة وبعد ما صورنا طلب مني اعمل جلسات علاج فيزيائي😍
طلع معي استقامة بالعمود الرقبي يعني (غياب الانحناء الطبيعي للعمود الرقبي) وشوية انقراصات بالفقرات😕
وحاليا أنا بأخر مرحلة بالجلسة بعد عدة أجهزة استخدمتا الدكتورة👩‍⚕️🥰كتير حبيتا لو تشوفي نفسيتا بتحسي الالم راح من كلامها المريح والإيجابي♥️🌷 قالتلي كمان انو في تمارين بكل جلسة لازم التزم فين🤩 ونصحتني ع الوضعيات الصحيحة وللأسف أنا وأنتي وكتير من الأشخاص عم نطبقها خطأ😶 وكمان عم تسبب أمراض والآلام غير المحمولة😖 وان شاء الله بتكون الامور تمام بأخر كورس العلاج🥰
👩 ألف الحمدلله حبيبتي عليكي العافية👍🌷......

فتكات 👩🏼التزمت بجلسات العلاج الفيزيائي وكانت النتائج رائعة وبتوثيق من الطبيب المختص بزوال الأعراض وعودة الإنحناء الطبيعي للعمود الرقبي👍


#الوضعيات الصحيحة هدف رابح مدى الحياة🥳♥️

دمتم بخير ودامت صحتكم بألف ألف خيررر💚💚

الأخصائية: آلاء المغربل 🖤

للإستفسار عن أي أذية التواصل معنا ع صفحتنا

11/10/2019

"رح نحكي بكل منشور عن مرض من خلال قصة عنو بتوجهنا لأعراضو و تشخيصو و علاجو.."

-علي شب عمرو 15 سنة عم يشكي من فترة لأمو أنو في عندو ألم عم يدايقو بظهرو..

~علي : أمي في عندي وجع بظهري من عاليسار صرلو فترة و عم يزيد و أوقات بصير الوجع بالجنبين 😢
~أم علي : ييي تقبرني..ولا يهمك اليوم باخدلك موعد عند الدكتور لنشوف شو القصة 🙁
~علي : طيب انشالله خير.. 🥺

>>راح علي و أمو لعند دكتور عظمية شاطر و دار بيناتن هالحديث>>

~الدكتور : خير شو صاير معك يا علي؟؟
~علي : ظهري يا دكتور عم يوجعني من فترة و كان الوجع خفيف و هلأ عم يزيد وكان من جنب اليسار بس.. هلأ صار الجنبين و لحد هلأ اليسار اكتر. 😣
~الدكتور : انت بالمدرسة بتقعد بوضعيات غلط شي؟! 🤔
~علي : والله يا دكتور أغلب وقتي بقعد و بميل شوي ع اليسار لأقدر شوف الكتابة ع اللوح..لأن الشب اللي قدامي طويل. 🤷‍♂
~الدكتور : طيب قوم خليني افحصك...
امممم...في عندك شد عضلي ع الجنب اليسار و مبين في شوية ميلان بعمودك الفقري ع الجنب اليمين..و هالمرض هاد أسمو "جنف" 🤒 🤕
بس لازم تعمل صورة 📸 لنتأكد و بعدا رح حولك ع معالج فيزيائي.
~علي : عنجد دكتوور؟؟ و هالمرض خطير؟ معقول ما يطيب؟ 😥 😰
~الدكتور : لا اطمن اذا كان الجنف خفيف أو متوسط رح يتصلح ع العلاج الفيزيائي و المشدات ان شاء الله 👍
~علي : شكرا الك دكتور..رح أعمل الصورة و ارجع لعندك..

>>علي عمل صورة شعاعية لظهرو و فعلا طلع معو بالتشخيص "جنف قطني أيمن" و راجع مركز علاج فيزيائي ليبلش علاج>>>

☆أخصائي العلاج الفيزيائي 👨‍⚕ طمن علي أنو الجنف مانو كبير و انو رح يتحسن ع العلاج اذا التزم بالجلسات و التمارين..😍😍

☆العلاج الفيزيائي كان عبارة عن تطبيق لأجهزة بسيطة ببداية كل جلسة 🔌 و بعدا تماااارين متنوعة لإصلاح التشوه و كل جلسة في تمارين جديدة 🏃‍♂ 🏃‍♂ بالاضافة لتعليم علي الوضعيات الخاطئة اللي لازم يتجنبا و الوضعيات الصحيحة اللي لازم يحافظ عليها..👌

♡بعد فترة علي خف الألم عندو و بلش يحس بتحسن منيح و عمل صورة جديدة و راجع الدكتور.. 😍
~الدكتور : ممتااااز يا علي..العلاج الفيزيائي عطانا نتيجة كتيير حلوة و الجنف خفت شدتو استمر و التزم اكتر لحتى نحصل أفضل نتيجة ممكنة.. 🤩🤩
علي : شكرا دكتور..و الفضل الكبير بيرجع للأخصائي اللي ساعدني بأنو أوصل لهون.🏃‍♂



الأخصائي: عبيدة كعيد

للإستفسار عن أي أذية التواصل معنا على صفحتنا.

09/10/2019

✨ مساء الخيرات ✨
رح نكون معكم بحلتنا الجديدة لصفحتنا ..
لنبدأ من جديد بالنشر بأسلوب مختلف و بسيط..
نعرفكم عن اهم المحاور الي بيداخل فيها اختصاصنا 👈🏻 العلاج الفيزيائي الرائع 👉🏻
اللي كتير منكم بيتساءلوا شو هو؟!

ح نوثق كل الأمراض والوضعيات الشائعة واللي عم نشوفها كتير منتشرة بيناتنا ونطرح الحلول والعلاج المناسب والامثل 😌💕
انطرونا حتى تكملونا ونكمل فيكم 😍
نحن الأخصائيين:
و و

20/06/2017

10/04/2017

أسعد الله صباحكم أصدقائي 😊

مرجع عالمي في التشريح ..
https://drive.google.com/file/d/0ByUqaeImdHvFLVBVaWp1dGdabEU/view

05/12/2015