30/12/2021
انتباه يا أمهات ❤️
زمن ال ءءءءءءءء انتهى 😂😂
أي أم طفلها 👦🧒🏼. بياخد كمية دواء كبيرة بالغلط سواء حب 💊أو شراب 🌡 أو أي شي تاني !!!!.
عندك وقتها حلين:
الأول والأفضل إنه تتصلي ع مركز السموم بدمشق يلي موجودين ٢٤ ساعة جنب الهاتف لتلقي اتصالاتكم ويفضل يكون جنبك علبة الدوا أو الشي يلي ابنك أخده بكمية كبيرة
لأنه رح يسألك عنه الطبيب بمركز السموم ويكون الاتصال فوراً وخلال أقل من نص ساعة وطبعاً أهم شي بتحكي مع المركز بدون عياط وبكي 😭 ليفهم عليكي ويجاوبك صح وكمان لما بتتصلي معه بتعطيه المعلومات كاملة وبصدق مو تكبي نصهم بالبحر لأنه حماتك وزوجك عم يسمعو المكالمة 😂 يعني فرضاً شرب ١٥ حبة 😃 مو تقوليله للدكتور بالمركز يادوب حط الحبة بتمه 🤣 أو شرب شفة من الدوا وهو بيكون شارب شراب الدوا كله 🤣 بلاها هل الحركات لأنه بيختلف طريقة العلاج انتبهو منيح.. حياة ابنك مو لعبة 🙏
الحل التاني إنه تتصلي بالطبيب الخاص تبعك وهو ممكن يوجهك شو تعملي 🙏وبالمناسبة الطبيب ماله حافظ كل دوا وشو طريقة اسعافه متل طبيب مركز السموم المتخصص اللي متل ماحكينا متواجد ليجاوبك ع مدار ٢٤ ساعة 😍 ممكن طبيبك الخاص يكون حافظ طريقة اسعاف كم دوا مو أكتر هي عم خبركم الحقيقة لتعرفوا شو تتصرفوا 😍يا حلوين
تالت شي: مو كل ما ابنك أخد دوا حب أو شراب أو شرب كلور أو بنزين أو مازوت أو نفتالين مثلاً !!!
تتصرفي من عندك وتحطي المخمس تبع ايديك بتمو 😂 وتخليه يستفرغ أو تشربيه سطل حليب او او او .. الخ .. لأنه في حالات إذا استفرغ فيها الطفل متل شرب الكلور مثلاً وانتي خليتيه يستفرغ! وقتها رح يرجع الكلور يلي شربه ويحرق المري وممكن تتطور الحالة لحالة مرضية أشد وأخطر !!
ما تخافوا معكم وقت لتتصلوا والطبيب هو يلي بيوجهك شو تتصرفي 😍
وهي رقم مركز السموم ❤️جاهزين ليردوا عليكم بأي وقت وفوراً بشرط تحكي الحقيقة وتعطيه اسم الدوا أو المستحضر يلي أخده ابنك 👦🧒🏼: 0114452155
استودعناكم 😍
إعداد
