صيادلة سوريا

09/04/2026

#حمص

#اعلان
يسعد اوقاتكم
صيدلية قائمة للبيع في حمص " او استثمار عن طريق ادارة فنية" :
العقار : ٱجار
الادوية : يوجد جرد جاهز
الديكور : السعر حسب الاتفاق
للتواصل ع الواتس اب الرقم :
0988455944

01/04/2026

بمناسبة يوم الصيدلاني العربي نتوجه بالتهنئة العطرة و الثناء و التقدير لجميع الزملاء في سوريا والوطن العربي

01/04/2026

الهنود مفكرين الدواء أداة ترفيه مع فتحة سقف و مكيف ديجيتال و سخانات كراسي

شو ممكن نبعتلهم يحطوا بالحبة كمان


الصيدلاني حسام خواتمي

18/02/2026

بشهر رمضان افضل خيار للمرضى اللي رح يحتاجوا ياخدوا اللي بيسموه "دوا معدة" علاج الحموضة الحرقة او وجع براس المعدة هو " dexlansoprazole " ... اهم ميزة فيه عن باقي الادوية هو انو جرعته لا تحتاج معدة فارغة يعني ممكن تنعطى بأي وقت بين الافطار والسحور .. مقارنة بباقي ادوية هالمجموعة اللي لازم تنعطى على معدة فارغة قبل الافطار او السحور بنص ساعة لساعة لتعطي افضل فعالية.

** انشالله يكون شهر خير وعافية للجميع **
الصيدلاني ثائر الحماد

18/02/2026

#الصداع
وجع الراس اللي بيرافق الايام الاولى من الصيام .. حلوله :
سيتامول 💊💊.
ما تكون وجبة الإفطار كتير تقيلة 🥩🍗🍖 بالايام الاولى من شهر رمضان " قصة صعبة بس هيك الحل🫣🫣" .
نوم وقت كافي😴😴 قبل السحور بالايام الاولى.

** الخير والعافية للجميع🌹**
الصيدلاني
ثائر الحماد

14/02/2026

09/02/2026

-مرحبا دكتورة بدي اعمل تحليل بول ..
-اهلا وسهلا تكرم عينك تفضل ارتاح ..
- ارتاح!! وبتعطي اوامر كمان 🙄
- لا مو امر هاد طلب اذا بدك ماترتاح خليك واقف اذا اريحلك عادي 🤷‍♀️
- لا بقعد مافي مشكلة 🤨
- اعطيني اسمك الثلاثي بعد اذنك (الحمدلله جاوبني بسلاسة 😂) .. طيب بدي عمرك
-احزري 🤓
-والله صعبة احزر .. قلي العمر بعد اذنك 😊
-عم قلك احزري 😏
- انا بابتسامة على وجهي صامتة (جواتي لا اله الا الله كيف بدي فهمو لهاد اني تعبانة ودايقة خلاقي بدون مادجه ياها باخر هاليوم المرهق) ضليت مصرة يعطيني عمره بس فشلت
قلتله والله صعبة طيب جرب تحزر حضرتك عمري لاثبتلك انها صعبة😑
- سهلة اصلا ٣٢ 😎
- (شو هالسئة قولة اشقائنا اللبنانيين هي جواتي) مازبطت معك🤓
- طيب ٣٥🤔
- كمان غلط
- ٣٧🤔
- (اي شو عم نلعب خلصنا هي كمان جواتي ) ٤١ وحبة مسك مع ابتسامة الخلصنا لانهي هاللعبة ..
- مستحيل مستحيل
- (ياحبيبي فتنا بالمستحيلات لا لا ارجوك بدي خلص ) شفت انه طلعت صعبة الشغلة ..شو عمرك ؟ .. قلي عمره الف الحمدلله

طلبت باقي المعلومات اللي بطلبا بالعادة
فقلي التعليق اللي بسمعه كتير بمخبري( والله حاسس حالي على زمن بشار الاسد وفايت على شي فرغ امني)

جواتي ( كالعادة بتديق خلاقكن من كم سؤال بس تعا ماتعجبك النتيجة بدك اعطيك الجواب اللي بيقنعك
فكيف بتحب اقنعك بضرب بالمندل ؟)
اما شو جاوبته عنجد : هي الاسئلة مشانك مشان اذا صار ايا خطأ لا سمح الله تضمن حقك والنتيجة الدقيقة

قال وليش بقا رقم الموبايل
(هييي هيييي علينا )هي كمان جواتي
بس جاوبته طيب افرض مثلا مثلا يعني انكبت العينة لاي سبب مابتصير بتصير ؟
-قال مبلا
لازم اجي اجمع عينة جديدة
-قلتله ياااعيني عليك بلشت تفهم عليي طيب كيف بدك تعرف بلا ماحاكيك
( لا تقفط ولا تخاف مارح وزع رقمك عالافرع الامنية وبالكروبات) هي كمان جواتي
بس جاوبته باخده مشان اذا احتجت اتواصل معك لاي سبب 🤗🙂

المهم بعد نقاش استمر اكتر من تلت ساعة .. قال بدي ياها بسرعة هااا طالع عصلنفة اذا مابتخلص بسرعة ماعاد بدي

جواتي ( عليتو لقلبي وعم تتشرط كمان شو هالاستفقادة اخر النهار طولي بالك مي طولي بالك مي 🥴 )
قلتله اي تكرم عينك رح اترك كل شي من ايدي وخلصلك ياها ب بأسرع وقت كم فلان الفلاني عنا نحنا 😇

طلع رضيان ومبتسم ومسرور
وانا كمان بكون رضيانة بكل مرة بنجح فيها اخد اللي بدي ياه بدون مشاكل او توتر وخاصة باستخدام الاسلوب المتفهم اللطيف .. مع انه طلع مانه مستعجل متل ماحكا وما اجا استلم بسرعة 😏..

هي نهفة رجالية بما انه اخر النهفات كانت انثوية 🥳🥳

04/02/2026

بالكثير من القلق والحزن تلقينا خبر خطف زميلنا
بشار وائل عبود الذي تم خطفه من أمام صيدليته في وادي الشاطر منذ ٤ أيام
نقابة الصيادلة في طرطوس
نناشد السلطات الأمنية المختصة العمل على متابعة هذا الأمر (ولا نشك في ذلك)
وندعوا الله تعالى التوفيق لهم في تحرير زميلنا ورده الى اهله ومحبيه سالماً .
Syrian Pharmacists Association - نقابة صيادلة سوريا
مديرية صحة طرطوس
محافظة طرطوس

30/01/2026

.♤بسم الله الرحمن الرحيم♤.
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)) .
صدق الله العلي العظيم

نتقدم بأحر التعازي لأسرة الزميلة الصيدلانية
آية عبد الحميد الحواط
تغمدها الله بواسع رحمته

24/01/2026

مجلس فرع نقابة الصيادلة في حلب والسادة الزملاء
ينعون إليكم وفاة المرحوم الدكتور الصيدلاني مصطفى عاصي.
يصلى عليه في جامع أهل بدر الكرام بعد صلاة الضهر.
و تقبل التعازي في جامع الروضة بعد المغرب.
رحم الله الفقيد وأسكنه فسيح جناته وألهم أهله وذويه الصبر والسلوان .
إنا لله وانا اليه راجعون

08/01/2026

🙏🙏🙏🙏

24/12/2025

من رسائلكم
٠٠٠٠٠٠
الراتب التقاعدي للصيادلة هو
٢٠٠ ألف ليرة سوري لاغير
يعني ١٧ دولار فقط
وشكرا