03/01/2025
الحمية الصح بحاجة لتدريب صح والتدريب الصح بحاجة لحمية صح ولكن !
لازم نعرف إنه يلي منحرقه بالتمرين شيء لا يذكر من مجموع السعرات الكلي يلي مندخلو يومياً على جسمنا والواقع إنو في شي ممكن تعملوه بيحرق أضعاف التمرين والكارديو مجتمعين (على فرض في حمية صح) .
بعلم التدريب الحديث درج مصطلح إسمه "مقاومة التدريب" وهاد المصطلح بيعني إنه الجسم بالرغم من الحمية الصح والتدريب الصح بشكل يومي ما عم يقدر يأكسد الدهون ويحرقها بفاعلية عالية .
العلماء رجحوا إنه هي الظاهرة سببها شي بسيط جداً وهو الخمول طول النهار بعد التمرين إما بسبب الكسل أو بسبب طبيعة العمل وتبين إنه يلي مجموع خطواته من 8000 لـ 10000 خطوة يومياً بالسليم .
طيب شو الحل ؟
الحل هو الخروج من دائرة الكسل والإتكالية !
كيف ؟
📍 خففو السيارة ووسائل النقل من حياتكون خصوصي المشاوير القصيرة .
📍 استخدمو الدرج بدل المصعد .
📍 جوات البيت لما بدكون أي شي جيبوه بأنفسكم .
📍 إذا العمل طوال الوقت جالساً وممكن الوقوف أو المشي ضمن مكان العمل لا مانع .
👇👇👇
