What are the opening hours?

Monday 11:00 - 15:00 Tuesday 11:00 - 15:00 Wednesday 11:00 - 15:00 Thursday 11:00 - 15:00 Saturday 11:00 - 15:00 Sunday 11:00 - 15:00

https://www.facebook.com/100408568098588/

عيادة دكتورة نسائية الدكتورة سمر شحادة في اللاذقية

Home
Syria
Lattakia
عيادة دكتورة نسائية الدكتورة سمر شحادة في اللاذقية

اول عيادة نسائية متطورة في اللاذقية يتم تزويدها باحدث ?

10/04/2024

عيد فطر مبارك عالجميع أعاده الله علينا وعليكم بالخير والصحة وراحة البال

تعطل العيادة طيلة أيام عيد الفطر لنعاود الدوام
يوم السبت

15/01/2024

اثار جرح العمليات القيصرية

منشوف مواضيع كتيرة لحوامل ولدو قيصرية ..
وحدة بتقول جرحي طلع بشع ومجدول واثارو واضحة..
ووحدة بتقول … جرحي نضيف ويا دوب مبين وابدا ما انوجعت

طيب ليش؟؟؟
الخيوط الجراحية انواع .. في منها الممتص وفي منها يلي بينسحب غير ممتص ولكل منهم ردة فعل مختلفة بالانسجة

في منها الاوروبي ذو الجودة العالية والغالي وفي منها الصيني يلي ممكن تنمو عليه الانسجة ويسبب التصاقات

نوع الخياطة .. يوجد اكثر من طريقة واسلوب للخياطة
البعض ممكن يستسهل وياخذ اسرع طريقة .. المهم اخلص بس
والبعض الاخر بكون حريص لاخر قطبة انو تطلع بالشكل الامثل ولو اخذت وقت وجهد اكثر ..

اختيارات الطبيب .. ومهارته بنوع الخياطة … وطريقة فتح الجلد بتلعب دور اضافي اساسي

بالاضافة لاسباب كتيرة تانية متل محاولة الطبيب توفير خيط لتقليل الكلفة وغيرو وغيرو…
وهون منوقع بسؤال منسمعه كتير ..
ليش عمليتك بتكلف اكتر بكتير من عند الدكتور الفلاني ..

الجواب لانو التوفير من كيسك وانتي بتدفعي حسابه بعدين

04/01/2024

على كل حامل تعمل ايكو لكشف التشوهات بالبيبي
في تشوهات بسيطة صار في امكانية لينعمللهم عملية وهنن برحم الام …

لكشف التشوهات بتحتاج لعنصرين رئيسيين : يد خبيرة متمرسة وايكو حديث يعطيك تجسيم حقيقي للجنين

طيب .. ايمت لازم اطمن عالبيبي ؟؟؟
التشوهات ما بتم كشفها بجلسة او روحة وحدة .. بل تحتاج متابعة لان بكل فترة عمرية ببين شي ..

بالاسبوع الثامن منكشف انعدام الجمجمة
وبالاسبوع العاشر القيلة السحائية
وبالاسبوع ال ١٢ اغلب التشوهات بتبين فيها ( رح نخصصلها موضوع)
اما اهم فحص فبتم بالاسبوع ٢٢ (اطراف .. قلب… ) رح نحكي اكتر من موضوع عنه

سرعة كشف التشوه بتعطينا فرصة اكبر للتدبير

29/12/2023

كل عام وانتم بألف خير
وان شالله هالسنة تكون خير عالجميع …

مريضاتي العزيزات رح نعطل معكم يومي الأحد والاثنين القادم
لنعاود الدوام يوم الثلاثاء …

للحالات الضرورية الاتصال عالرقم ٠٩٦٦٦٢٢٢٠٥

11/12/2023

(الباب يلي بيجي منو الريح ،سكرو واستريح )

هالمقولة هيه كلام مريضتنا لليوم أم حسن مثال المرأة القوية الواعية
اسمعو حديثي انا وأم حسن :

_ والله يادكتورة ماعم انضف من هالدورة وماعم شوف النضافة

_طيب إيمتى اخر دورة نظامية ؟؟؟؟

_والله مابقدر حدد إيمتى اخر دورة ، إلي تلات شهور عهالحالة 😔😔😔
ليك يادكتورة النزف مرة بشد ومرة خفيف بس ماعم يوقف ابداااااا
وللأمانة انا شفت قبلك دكتورة وعطتني دوا والنزف يوقف عالدوا ولما وقف الدوا يرجع النزف ….

***فحصتها لأم حسن وبين عندها عالايكو ورم ليفي صح صغير ولكن ضمن البطانة الرحمية
وطبعا هالنوع من الاورام الليفية سليم ومابخوف ولكن مشكلتو الوحيدة :
انو بسبب نزف ش*ذ ومابيتوقف عالأدوية والحل هوة استئصال الرحم …

فعلا"
تم تحضير أم حسن للعمليات وإجراء استئصال رحم وحاليا
هي بصحة جيدة والحمدلله 🙏

ومقولة أم حسن عنجد لاتنسوهااااا

(الباب يلي بيجي منو الريح سكرو واستريح ) بلاها وجعة الراس
والسلامة للجميع

10/12/2023

لما بتجيني مريضة حلمها انو تحمل واليأس داخل قلبها من كتر ما لفت عالدكاترة وراقبت اباضة …
بتكون مهمة زرع الابتسامة عوشها اصعب واصعب ..

تقنية ال SonoAvc لمراقبة تطور الجريبات وانتخاب البويضات الاكثر جودة هي ميزة بتتمتع فيها احدث اجيال ايكو ال Ge .
والموجودة حصرا بعيادتنا ويلي سهلت كتير علينا شغلنا ورفعت من نسبة الحمولات الناجحة وساهمت في حسن اختيار ودقة بروتوكولات التحريض

لا تبقي على الدقة القديمة واقفة محلك والزمن عم يسرقك .. مخزون مبيضك كنزك لا تضيعيه ..

06/12/2023

بيبي جديد يعني حياة جديدة يعني أمل ببكرة يعني عيون

بتتفتح للضو وكلها حب وتفاؤل …..

انبسطت كتيييير بولادة الاميرة ليا حمل عزيز بعد أربع سنوات من الانتظار …..

ألف مبروووووك مدام فاطمة اللطيفة ….

05/12/2023

لاقدر اتواصل معكم اكتر .. ورد على تساؤلات مرضاي بقدر الامكان ..
انشأت مجموعة

استشارات نسائية مع الدكتورة سمر شحادة

بامكان @الجميع الانضمام الها
والله يقدرني على مساعدة الكل

03/12/2023

الدورة متأخرة هالشهر غير العادة شو القصة !!! 🤔

والله ياابو محمود شكلو من سم البدن منك ومن الولاد

هلكتوني من الركض لهيك والله متأخرة هالدورة 😐

يوم واتنين وعشرة وأم محمود قررت أخيرا تروح للدكتورة

مهي صبرت كتييير وماأجت هالدورة ….

بتاني يوم راجعت أقرب دكتورة وهون الصدمة 😱😱

الدكتورة : مبرووك انت حامل….

_شووووو حاااامل طب كيف واللولب يلي مركبتو ؟؟؟؟؟

_اللولب ياام محمود مانو موجود ممكن نزل بالدورة بالحمام وانت ماحسيت

_بس يادكتورة مانزل شي !!!!

_ممكن تكوني ماانتبهت لمانزل

وهي حالتنا يلي رح نحكي عنا لليوم :

راجعتني أم محمود بهالقصة بس الفرق لما عملت الايكو شفنا كيس الحمل وشفنا اللولب وشلناه وشافتو أم محمود للولب كمان

والسؤال يلي ضل داير براسي هون :

ياترى أبو محمود دخلو أو مادخلو بمشكلة أم محمود ؟؟؟؟🤔🤔🤔

بترك الجواب عندكن….

30/11/2023

مساكن فل

والله ماحدا أحسن من حدا …..أحيانا الفيلر للشفايف بكون

طبيعي ،شو رأيكم ؟؟؟ حلوين مهيك ….

فحص روتيني لجنين ب

27/11/2023

تلفوني رررررن ….

(ألو دكتورة الحقيني مدامتي غرقانة بالدم ) !!!!!!

طبعا المريضة مريضتي بالعيادة وهالسيناريو مرعب للأهل

ومؤهب للطبيب كونو الدقيقة بهالوضع إلها دور بإنقاذ

الوضع وتكون الأم والطفل بخير

طبعا تم تأمين الدم وإجراء قيصرية إسعافية والحالة كانت

انفكاك مشيمة والنزف كان صاعق……

والحمدلله الأم والبيبي بألف خير…

25/11/2023

شو ذنب هالطفل أو شو ذنب هالأم ؟

حامل بالشهر السابع زارتني بالعيادة بغرض رؤية الجنين بتقنية ال 5d… متابعة حملها عند احد الاطباء ..
حطيت بروب الايكو … وصفنت … طولت .. ناورت .. تغيرت ملامح وجهي ..

فالسؤال المعتاد :المريضة .. دكتورة ليش ما فرجيتني وجه البيبي

انا هون كنت بعالم تاني …
سالتها إيمتى اخر مرة شفتي البيبي عالايكو …
هون استغربت السؤال وقالتلي خير دكتورة شو في ماإلي 20 يوم شايفة البيبي والأمور تمام …

قلتلها البيبي معو تشوه قلب كبير متعارض مع الحياة (قلب وحيد البطين )

طبعا المريضة انصدمت ..انهارت .. دمعتها صارت عخدها

السؤال هون شو الحل ؟؟؟؟؟؟

لهيك برجع بأكد عأهمية الإيكو كوسيلة فحص لأن الكشف

المبكر ببعض التشوهات بيستوجب إنهاء الحمل …

27/06/2023

عيد أضحى مبارك وينعاد عالجميع بالخير والصحة وراحة البال يارب ….

طبعا العيادة مغلقة كل أيام عيد الأضحى ….

وللحالات الضرورية الاتصال عالرقم

0966622205

15/05/2023

مساالفل والسعادة والطاقة الإيجابية من ألطف كائنات بالدنيا

البيبي ابتسم بالأخر للماما بس بعد متعبني

14/05/2023

معتقدات وأفكار كتيييرة بتراود العديد من السيدات بحكم الجلسات النسائية (جارتي قالتلي ، أختي حكتلي …..)

البعض من هي الأفكار صحيحة وطبعااااا الكتيييير منها غلط …
والمشكلة أنو كل هالقصص الغلط تورث ( لبنتك ،لحفيدتك ،..،…)

كل فترة رح نحكي عن هالأفكار ضمن فقرة معتقدات
خاطئة ، والهدف من الموضوع هو التوعية ونشر المعلومة الصح طبعاااا بمساعدتكن

رح نبدا اليوم بأول فكرة :

( الحمام أثناء الدورة الشهرية صح او خطأ )؟؟؟

-والله يادكتورة انا مابتحمم بالدورة

-طب ليه؟؟!

لانو بيعمل كياس مي على المبيض ،وبنشف الرحم
وانا قايلة لبناتي العزابية مايتحممو بالدورة لأنو الحمام ممكن مايخلين يخلفو !!!!

المعلومة الصح :

الحمام الدافي (طبعا اذا انوجدت الكهربااااا ماحدا يعلق عهي )
مفيد جدا أثناء الدورة الشهرية بخفف من آلام الدورة والمغص وبحسسك براحة نفسية اكتر

اضافة بخفف من الالتهابات النسائية يلي ممكن تتكرر بعد كل دورة

لهيك اتحممو ولاااا تخافووو لتكونو آخررر رووووواق متل أختنا يلي تحت بالصورة⬇️

14/07/2022

الأبرة المعجزة (أبرة تثبيت الحمل )

أكيد رح نسميها ونعطيها هالأسم(((معجزة )))مو بتثبيت الحمل
ولكن لأنها على مر الزمن أثبتت فكرة أنها الأبرة يلي بتمسك الجنين ومابتخليه ينزل بتثبتو داخل رحم الماما وياويلي اذا ماوصفتها لهالأبرة وحدا تاني كتبها ….

هالأبرة المعجزة مستحيل تقدر تمنع كل حالات الإجهاض وإلا ماكان في حامل أجهضت بحياتها

(((إعطاء هالنوع من الأبر فقط بحالات معينة ومحددة ))

بالنهاية نحن بنعمل يلي علينا بس بطريقة صح وانشالله ربنا بيخترلك الأفضل…..

Address

الشيخ ضاهر قرب فروج توما
Lattakia
2565299

Opening Hours

Monday	11:00 - 15:00
Tuesday	11:00 - 15:00
Wednesday	11:00 - 15:00
Thursday	11:00 - 15:00
Saturday	11:00 - 15:00
Sunday	11:00 - 15:00

Telephone

+963966622205

Website

facebook.com

Alerts

Be the first to know and let us send you an email when عيادة دكتورة نسائية الدكتورة سمر شحادة في اللاذقية posts news and promotions. Your email address will not be used for any other purpose, and you can unsubscribe at any time.

Videos

مساالفل والسعادة والطاقة الإيجابية من ألطف كائنات بالدنيا البيبي ابتسم بالأخر للماما بس بعد متعبني #ايكو_خماسي_الأبعاد

شكلو سمعنا وعجبو انو الكل ناطرو وانبسط .... ان شالله السلامة للأم والبيبي 🌸 فحص روتيني لجنين ب #ايكو_خماسي_الابعاد

المتابعة الدورية للحامل بالايكو امر ضروري لصحتك وصحة الجنين فحص لحامل ب #ايكو_خماسي_الابعاد لجنين بالشهر السابع الجنين ذكر عمل حركة حلوة ليبسط الماما وحبينا نورجيكن اياه

ايكو خماسي الأبعاد 5D فحص روتيني لحامل بالعيادة بالشهر السابع ببين حركة عفوية للجنين تم التصوير ب #ايكو_خماسي_الابعاد #5D