MedDose - P S Y C H I a T R Y

MedDose - P S Y C H I a T R Y هذه الصفحة تابعة لمنصة الصحة النفسية MedDose
نقدم من خلاله

22/01/2024

مُنبـه ميـددوز الصبـاحي ☀️

نحن بحاجة إلى المزيد من #اللُطـف في حياتنا ..
بيننا وبين عائلتنا ؛ أصدقائنا ؛ وكُل من نقابله في الحياة ..والأهم اللطف مع الذات !

يواجه الفرد منا كُل يوم عدد لا يُحصى من النقد و الخيبات و التعب النفسي والجسدي .. نحتاج أن نكون رُفقاء بأنفسنا وغيرنا .. نحتاج اللطف كأساس من أساسيات الحياة !

من فريق الصحة النفسيـة ؛ صباحُكم أيادٍ تُربت على قلوبكم بلُطف و حُب 💜✨

✅ ← تذكروا أن مجتمع فضفضة - MedDose موجود معكم لتشاركونا كُل ما يجول في بالكم من مشاعر و أفكار !

03/07/2022

شي مرة سمعت عن 😬⁉️

ويطلق عليها أيضا 💉

وجدت إحدى الدراسات أن ما يقارب ٢٥% من البالغين بيعانوا من خ.وف شديد من الإبر أو الحقن 😖

ومثل أنواع الرهابات الأخرى يمكن يأثر على الأشخاص بجميع نواحي حياتن بغض النظر عن المهنة أو العمر أو الجنس حتى بعض الرياضين المحترفين بيعانوا من نفور من #الإبر

طيب كيف منعرف إذا عنا 🤔⁉️

في مجموعة من #الأعراض بتدل على ذلك وطبعا هي الأعراض بتختلف من شخص لثاني
وهي👇

تجنب #المستشفيات أو #اللقاحات خوفا من الحقن
#ضيق الصدر _ صعوبة #بالتنفس _ #دوخة _ #خفقان القلب _ #دوار _ #غثيان _ تسارع #ضربات القلب _ #تعرق _ #أرق _ #إغماء إذا انخفض #ضغط ال.دم فجأة لرؤية الإبرة أو ال.دم

#أسباب رهاب الإبرة 💉

📌العديد من الأشخاص الي بيعانوا من رهاب الإبرة سبب خوفهم بيرجع #لحادثة معينة جعلتهم يشعرون بالر.عب و #الضعف

📌تجربة واحدة سيئة في ممكن تمهد للق.لق بوقت لاحق من حياتنا ومن الممكن نحنا ما نتذكر كيف تطور الرهاب

لكن مهما كان مصدر الخ.وف من الإبر ما في داعي للشعور بالحرج أو تجنب الإجراءات الطبية
كثير شغلات منقدر نعملها لنتغلب على الخ.وف 💪

يا ترى كيف 🤔⁉️
من خلال عدة #خطوات وهي 👇

✅ سلم الخ.وف
بدل من تجنب الإبرة فإحدى التقنيات المهمة للتغلب على الرهاب هي خطوة بخطوة تعريض تدريجيا (بالبداية ننظر لصورة حقنة _ من ثم نستمع لشخص بيصف الحقنة _ مشاهدة شخص يأخذ الحقنة _ لمس الإبرة _ تلقي الحقنة)

✅ تمارين #التنفس
بتقلل من الأل.م أثناء التطعيم وبتساعد على استرخاء العقل والجسم وتم الحديث سابقا ببوست مطول عن وكيفية تطبيقها

✅ تقنيات منع الأل.م
عن طريق وضع مخدر موضعي على المنطقة

✅ تشتيت
تقنيات الإلهاء بتساعد على تشتيت الذهن عن الحقن مثل إجراء #محادثة مع الشخص الي رح يعطينا الإبرة أو #استماع لأغنية منحبها أو ننظر للمحيط الي حوالينا ونشوف شو في شغلات بهل المكان

✅ معالجة حالات الإغماء
شرب الماء قبل أخذ الحقنة _ الاستلقاء مع رفع القدمين _ واستخدام تقنية

أما في حالات فهو 👇

📌العلاج CBT من خلال تقنية #التعرض

📌العلاج بالأدوية #المهدئات و #مضادات الق.لق

وهلق حكولنا عندكن رهاب الإبرة أو بتعرفوا حدا عندو هاد الرهاب؟ 💉

🖊 إعداد: ساره عامر _ اخصائية نفسية

~ 🛡

السرطان ❌ والصحة النفسيّة ✅هداك المرض ✅ هكذا يحكى عنه⬆️ مجتمع خايف لدرجة مابيحكي لاسم كرمال الله يبعدو.....1️⃣ معقول الخ...
26/06/2022

السرطان ❌ والصحة النفسيّة ✅

هداك المرض ✅

هكذا يحكى عنه⬆️

مجتمع خايف لدرجة مابيحكي لاسم كرمال الله يبعدو.....

1️⃣ معقول الخوف من المرض ممكن يساعد بتقدمه
أو أهل المريض بيحكوا هيك بس لتتحسن نفسيته ويبطل يخاف ⁉️🤷‍♀️

2️⃣ معقول يتواجد فرق في رد الفعل ( الاستجابة )إذا تم تشخيص السرطان ل أنثى أو لذكر 🤷‍♀️
(بطريقة تقبل الفكرة والوضع الصحي)

3️⃣ هل ممكن يأثر سرطان الثدي على الحياة الزوجية بين الشركاء ⁉️

4️⃣قديش ممكن تأثر البيئة المحيطة بالشخص المصاب وتقدم مرضه أو تراجعه ⁉️

5️⃣ دور المنتصرات / المنتصرين على المرض بتوعية غيرين 💪✌

الاجوبة 1️⃣

كلنا بنعرف أن تشخيص هالمرض ممكن يكون كارثي على ذات المريض أو على الأسرة

رح نحكي قديش ممكن يأدي الخوف لتقدم المرض***

باختصار أيّ مريض قرر يمشي بطريق الخوف وكأنه
مد أيده ليساعد المرض وليقول أنا بخاف وانت أقوى
نعم هي حقيقة علمية بحيث حسب احصائيات 30% من مرضى سرطان الثدي يعانون من اضطرابات وضائقة نفسية وأكثر عرضة لمشاكل متل لاكتئاب والقلق ....

هون أنت عم تعطي جسدك الموارد للعوامل النفسية يلي بتقلل من جودة الحياة لدى المريض وبتسرع تقدم لمرض .

وهون بتزبط عبارة🔶️اذا ماساعدت حالك ماحدا بساعدك 🔶️

ولو أنه أكيد المحيطين بيتمنوا يعطوك قلوبهن بس أنت مو بحاجة لقلب شخص وأنما بحاجة لتقوي قلبك ونفسك وتشجعها على تحدي المرض والألم ..

ولاتنسى أنَّ غيرك الكثيرون مرّوا بهذا الطريق الوعر وخرجوا أحياء وسلاماء جسدياً ونفسياً لذا أنت قادر عليها ❤❤❤



جواب السؤال 2️⃣
تلقي خبر مرض بالنسبة إلى الأنثى شيء
وبالنسبة لرجل شيء آخر تماماً

في احصائيات تقول أن النساء أكثر قدرة على التعبير عن مشاعرهن من الرجال وتميل النساء إلى طلب الدعم أو المساعدة من الأسرة والأصدقاء أكثر من الرجال ..
بينما الرجال بكونوا أكثر اعتماداً على أزواجهن الأصحاء .
وحتى معدل حدوث قلق واكتئاب لدى النساء المصابات بالسرطان أعلى من نسبة أصابة الرجال بهما ..

وهكذا نصل ل أنَّ أكثر أنواع السرطان يلي ممكن تشكل قلق وتوتر وإجهاد نفسي هو سرطان الثدي بحيث رد الفعل عليه بكون بدرجة بتأدي لصعوبة بالتكيف النفسي وعدم اليقين في مستقبلهم

جواب السؤال 3️⃣

أكيد السرطان بشكل عام رح يأثر عالحياة الزوجية سواء بسبب الخوف القلق التوتر أو العلاج الهرموني
وإذا تم التركيز عسرطان الثدي فهو ممكن يعمل عجز جنسي بهيك حالة بتكون تحديات شديدة بحيث رح تقل الجودة الزوجية لمرتبطة بالتكيف النفسي بين الرجال وشريكاتهم المصابين بسرطان الثدي الذي هو السبب فبعض الشريكات ممكن يخافوا من رد فعل الآخر وحسب دراسات ناس أثرت عليهم وناس لم يلاحظوا وجودها أصلاً ❤
وهنا فقط الرجل الحقيقي والشريك الصحيح الذي يبقى متواجد في جميع المراحل ويساندكِ إلى وقت الشفاء❤

جواب سؤال 4️⃣

البيئة المحيطة الداعمة هامة جداً❤
هي أكيد لوحدها مابتغير شي بس من المهم والمهم جداً وجودها فإذا كنت من البيئة المحيطة بأي مريض ذكره دائما بالجانب الإيجابي وإياك تحسسه بالعجز أو أن الحياة وقفت وخلص
بالنهاية أنت بتكتب قصتك يابتكتبها وبتشوفها من الزاوية الإيجابية يابتكتبها بسلبية وأي شيء تكتبه رح ينعكس عليك وعلى حكايتك ......

5️⃣الناجين من السرطان أنتم ملاذ آمن لتعليم المرضى كيف يتعاملوا مع المرض دوركن كبير كونوا معهم وشاركوهم تجربتكم يلي عشتوها قبلن وذكروهن بمراحل محاربتكم لمرض بعض الناس تخشى لفظ اسمه ❤..


حاولنا الإضاءة على أهمية الصحة النفسية لمرض السرطان إذا كنت تقرأ هذه الكلمات وأنت مصاب قف بجانب جسدك وساعده بنفسيتك وروحك على تخطي هذه الأوجاع وهزيمتها❤

🖊إعداد وتحرير : لجين حسن/ أخصائية علم اجتماع

للمزيد : أطباء الميددوز - MedDose DRs

~ 🛡

24/06/2022

أو ما يسمى

منكمل معكن بالمشكلة الأخيرة يلي صارت بين الكنة وحماتها واللي انتهى بإصابة يد الكنة بشلل
شو قلن الدكتور النفسي بعد ما أخدوها لعندو؟

✅هو عبارة عن من أعراض الجهاز العصبي لكن ما بتشملها الأمراض العصبية وبتسبب خلل واضح أو مشاكل وظيفية (متل ما صار مع الكنة)

✅ بتأثر هي الاضطرابات في #الحركة أو #الحواس متل القدرة على المشي أو البلع أو الرؤية أو السمع.

✅الشخص بهي الحالة بكون غير قادر على إختلاق الأعراض أو السيطرة عليها(يعني ما عم تكذب الكنة) 🙂

طيب شو #الأعراض يلي ممكن نشوفها بهالاضطراب؟ 🤔🤔

خليكن معنا بسلسلة هالأسبوع لنعرف بكرا ❤️

▪️إعداد: هديل مصطفى حسون

للمزيد: أطباء الميددوز - MedDose DRs
#مــــيددوز ~مـــــصدرك للـــــمعلومات الـــــطبية الــــــموثوقة 🛡

23/06/2022

🔴» شجار بين #كنّة وحماتها ، انتهى بإصابة يد الكنّة #بشلل ‼️

يا ترى شو القصة ؟

تخانقت الست حولية مع حماتها مشان طبخة #المجدرة قال مكترة ملح ووصلت صواتهن للسما ، رجع زوجها من الشغل لقى أيدها اليمين #مشلولة رغم إنو حماتها #ما مدت إيدها عليها ! .

برأيكن هالكنّة عم #تمثّل لتكسب ودّ زوجها ولا عنجد الموضوع ممكن يصير بعد #رض نفسي ؟!

◾تابعوا معنا #لنتعرف عاضطراب جديد وغريب هالأسبوع . ❤️

#مــــيددوز ~مـــــصدرك للـــــمعلومات الـــــطبية الــــــموثوقة 🛡

19/06/2022

كيف تتم الوقاية من #القلق:
مكملين معكم بآخر مقال بسلسلة اضطراب القلق 👨🏻‍⚕️

بدايةً خلونا نعرف شو بصير إذا زادت الإصابة بالقلق لدرجة عالية :

‎الإصابة باضطراب القلق تؤدي إلى ما هو أكثر من ذلك … مثل ⬇️

🎗 الاكتئاب (الذي يحدث عادة مع اضطراب القلق) أو اضطرابات أخرى متعلقة بالصحة النفسية.

🎗 إساءة استخدام المواد المخدرة.

🎗صعوبة في النوم (الأرق).

🎗مشكلات هضمية أو بالأمعاء.

🎗الصداع والألم المزمن.

🎗العزلة الاجتماعية.

🎗مشكلات في التعامل في المدرسة أو العمل.

🎗تدني نوعية الحياة.

🎗الانتحار.

‎
في الحقيقة ‎ليست هناك طريقة #للتنبؤ على وجه اليقين بما يجعل أي شخص يصاب باضطراب القلق😔

ولكن يمكنك أن تتخذ خطوات للتقليل من تأثير الأعراض إذا كنت تشعر بالقلق:

* اطلب المساعدة مبكرًا، وكما هو الحال مع العديد من الحالات الصحية العقلية الأخرى، قد يكون من الصعب علاج القلق كلما تأخرنا في علاجه.

* حافظ على نشاطك، شارك في الأنشطة التي تستمتع بها والتي تجعلك تشعر بالرضا عن نفسك؛ استمتع بالتفاعل الاجتماعي والعلاقات مع المهتمين بالرعاية، مما يمكن أن يقلل من قلقك.

* تجنب تناول الكحول أو العقاقير المخدرة، يمكن أن يؤدي تعاطي الكحول والمخدرات إلى حدوث القلق أو يجعله يتفاقم. إذا كنت مدمنًا لأي من هذه المواد، فقد يتسبب الإقلاع عنها في شعورك بالقلق. إذا لم تتمكن من الإقلاع بنفسك، فعليك بمقابلة طبيبك أو العثور على مجموعة دعم لمساعدتك.

وهيك كانت نصائح #الميددوز عن اضطراب القلق ، منتمنى تبقوا بعاد عن كلّ مصادر القلق والاكتئاب وتحافظوا على صحة نفسية جسدية سليمة ❤️

🔚ولا تنسوا أنو واجبكم تنشروا هي الثقافة بالمجتمع الصغير جنبكم لأن ⚠️

كنت معكم: د.يحيى مصطفى

#ميددوز مصدرك للمعلومات الطبيّة الموثوقة 🛡
للمزيد :أطباء الميددوز - MedDose DRs

: 🔽 سلسلة 🛡الأسباب الطبية للقلق: ☑️بالنسبة لبعض الأشخاص، قد يَرتبط القلق بمشكلة صحية أساسية. وفي بعض الحالات، تكون عل...
17/06/2022

:
🔽 سلسلة 🛡

الأسباب الطبية للقلق: ☑️

بالنسبة لبعض الأشخاص، قد يَرتبط القلق بمشكلة صحية أساسية. وفي بعض الحالات، تكون علامات وأعراض القلق هي أول مؤشرات المرض الجسدي. إذا اشتبه طبيبك في أن قلقك قد يَكون له سبب طبي، فقد يطلب إجراء اختبارات للبحث عن علامات على وجود مشكلة.

ومن أمثلة المشكلات الطبية التي يُمكن ربطها بالقلق ما يلي:

🛡مرض القلب

🛡داء السُّكَّري

🛡مشاكل الغدة الدرقية، مثل فرط نشاط الغدة الدرقية

🛡اضطرابات الجهاز التنفسي، مثل مرض الانسداد الرئوي المزمن والربو

🛡سوء استخدام المخدرات أو عند إيقاف الإدمان وسحب المادة المخدّرة من الجسم

🛡الانسحاب من الكحول، والأدوية المضادة للقلق (البنزوديازيبينات) أو غيرها من الأدوية

🛡الألم المزمن أو متلازمة القولون العصبي

🛡في بعض الأحيان يُمكن أن يَكون القلق من الآثار الجانبية لبعض الأدوية.

💜من المحتمل أن يَكون قلقك بسبب حالة طبية كامنة إذا:

⬅️لم يكن لديك أي أقارب (مثل أحد الوالدين أو الأشقاء) لديهم اضطراب القلق
⬅️لم يكن لديك اضطراب القلق وأنت طفل
⬅️لا تَتجنب بعض الأشياء أو المواقف بسبب القلق
⬅️لديك حالة من القلق المفاجئ التي تَبدو غير مرتبطة بأحداث الحياة ولم يَكن لديك تاريخ سابق من القلق..

تابعوا #التعليق الأول 🔽 لتعرفوا العوامل اللي بتزيد ظهور اضطراب القلق عند الأشخاص ☑️

للمزيد: أطباء الميددوز - MedDose DRs
لا تترددوا في طلب استشارة نفسيّة من المختصّين عبر مراسلتنا على بريد الصفحة :MedDose - P S Y C H I a T R Y

#ميددوز مصدرك للمعلومات الطبيّة الموثوقة 🛡

12/06/2022

وايمت لازم نشوف طبيب نفسي 👨🏻‍⚕️

في عدة معايير بس تصير مع الشخص اللي عم يعاني من القلق منعرف انو صار لازم نشوف ، فينا نختصر هالمعايير كالتالي:

⚠️➕ عند الإحساس بالقلق المتواصل والشديد واللي بينعكس بشكل واضح على عملك وعلاقاتك الاجتماعية والعاطفيّة وبخليها أسوأ من قبل.

⚠️➕وقت بتحس أنه الخوف والرعب والقلق متمكّن منك ومسببلك إزعاج وما بتقدر تتحكم فيه .

⚠️➕وقت بتصير تلجأ للكحول أو الأدوية المدمنة حتى تتخلص من حالة الاكتئاب المرافقة للقلق

⚠️➕اذا كنت عم تحسّ أنو حالة القلق اللي عم تعيشا مرتبطة مع مرض تاني بجسمك
أو في ارتباط بين القلق وأعراض جسدية أخرى.

⚠️➕إذا كان عند المريض أفكار انتحارية أو مجرّد سلوك انتحاري هو عامل خطر لمريض القلق بيستدعي التوجه للعلاج الإسعافي مباشرةً.

💯وتأكد أنو قلقك ممكن ما يروح لحاله، وممكن يسوء أكتر وأكتر إذا ما طلبت مساعدة،
وإذا بتعرف حدا عم يعاني من القلق وبحاجة طبيب، ساعدو حتى يوصل لأقرب طبيب نفسي أو معالج نفسي .

سلسلة 💜💜مستمرة معكم لنوصل كل معلومة عن طريقكم لكل المجتمع .

وبانتظار أي استفسار منكم بالتعليقات ودائماً احسب حساب انو ممكن أي حدا قريب منك يصاب بأي مرض نفسي ورح يكون بحاجة دعمك .

إعداد: د.يحيى مصطفى

للمزيد :أطباء الميددوز - MedDose DRs

صار دورنا نطلب مساعدتكم ⚠️⚠️رح نطلق مبادرة بأول وأشيع الحالات … بدايةً ◀️ أنك تعيش القلق بلحظات معينة من حياتك ، هاد...
09/06/2022

صار دورنا نطلب مساعدتكم ⚠️⚠️

رح نطلق مبادرة بأول وأشيع الحالات …

بدايةً ◀️ أنك تعيش القلق بلحظات معينة من حياتك ، هاد جزء طبيعي من تكوين نفسيتك .
بس فينا نقول أنو عم نعاني من #اضطراب القلق
لمّا بصير تكرار الخوف والقلق والرّعب كل يوم وبكل موقف وحدث مهما كان بسيط ولمدّة ٦ شهور.

🔴هالمشاعر البشعة من الخوف والقلق ممكن تصيب مريض اضطراب القلق وهو مو قادر يتحكم فيها ولا يوقفها .

لهيك استخدام البعض منا لكلمات متل : ((روق؛ ما في شي مستاهل ؛ أنت أقوى من هالحالة ))
#لااا تجدي نفعاً وبالعكس منكون عم نزيد ثقل المريض ثقلين بإضافة شعور الضعف أو الاضطهاد للحالة اللي عم يعيشها.

⬅️ لكن شو لازم أحكي معه/ها ؟

أنت لازم تفعل أكتر ما تحكي 🤔
◾️أولاً بتبعد المريض عن أي مصادر خطر متل النار أو المرتفعات أو أدوات حادة
وخاصةً إذا كانت حالة القلق سريعة وحادة وترافقت مع أعراض جسدية (هي منسميها نوبة هلع)
◾️تاني شي بتطمّن المريض كلامياً أنك معو وما رح تتركو ومدرك تماماً للحالة اللي عم يمرّ فيها
◾️تالت شي بتطلب مساعدة الإسعاف أو الطبيب النفسي في حال ما تراجعت الحالة خلال ربع لنص ساعة ⏰

هي كانت أولى نصائحنا عن القلق بمبادرة
ممكن تكتب أي سؤال بيخطر عبالك حتى تكتسب معلومات أكتر وتكون فعّال بنشر ثقافة الطب النفسي ضمن أسرتك أو مجتمعك الصغير 💜

إعداد: د.يحيى مصطفى

للمزيد تابعونا على MedDose
#ميددوز | مصدرك للمعلومات الطبيّة الموثوقة

08/06/2022

💭 حطيت هدف قدامك بدك توصله . . و كنت متحمس ومستعد ، وواثق أنو كلشي رح يمشي بشكل مثالي . .

بس بمرور الوقت ويوم بعد يوم . . صدمك الواقع كالعادة، وبلشت تحس أهدافك كتير بعيدة وكتير صعبة . .
راح الحماس والتصميم يلي كان مرافقك بالبداية، وبلشت مشاعر الفشل . . 💔

🔴» للأسف هالسيناريو مألوف علينا كلنا، وبتوقع كلنا مرينا فيه بفترة من الفترات . .

طيب بتعرفوا وين الخطأ؟
على فكرة كلنا عم نوقع بنفس الخطأ ، وهو #المثالية .❗

》 نحنا عم ننظر للأمور ونخطط بشكل مثالي، بشكل ما بيحتمل وجود أي عقبة بطريقنا !
عم نحط قالب معين قدامنا و #نحصر نفسنا فيه .

أسلوب واحد بالشغل ، وطريقة وحدة بالتفكير . .
يا بنجح وبفوز . . يا بفشل وبخسر كلشي .❗

▫️️وبس فشلنا بخطوة صغيرة؟ ⬅️ بتبلش مرحلة #انتقاد الذات واللوم . . يلي بتخلينا نتخلى عن خططنا ، ونشوف أهدافنا كأنها حلم بعيد .

🔴» طيب بتعرفوا أنه في #أسلوب تاني صحّي بالتفكير ؟

هاد الأسلوب اسمه ، على الخطوات الصغيرة ، على التطور والتحسّن . . ❤

⬅️ وعلى فكرة هاد #مفتاح النجاح وتحقيق الأهداف .
تعوا قلكن ليش ❓

1️⃣ بحفزك على #الاستمرار :

بس يبلش الطريق يصعب قدامك ~ ارجع بذاكرتك لورا شوي . . شوف أديش تطورت ومشيت رغم المصاعب يلي مرقت فيها !
▫️هالشي بخليك تعرف أنه عندك #الإمكانية ، أنك قادر تتغير ، وأنه بتملك الطاقة والقوة لتوصل لأهدافك ❤

2️⃣ بخليك تشكّل نظام #تعلّم مو فشل : كيف يعني ؟

يعني كل خطأ صغير عملته ⬅️ بمثّل قدامك فرصة لتتعلم منها وتحسن طريقك . . وهيك كلمة {فشل} بتصير مالا أي معنى ❤ . . لأنه ما في قدامك غير تجارب #تتعلم منها ، لتقرب خطوة زيادة لأهدافك .

3️⃣ بيعطيك كتير أسباب #تحتفل فيها :

~ هاد الأسلوب بخليك تنتبه لكل إنجاز ولكل خطوة قد ما كانت #صغيرة ، ⬅️ بالتالي ممكن تحتفل بكل حدث مهم عملتو !
▫️وتتحمس للخطوات الجديدة والإنجازت يلي ناطرتك بالمستقبل . . ❤

4️⃣ الأسلوب #طويل الأمد :

~ الحياة بتغيّر دائم ، و مع وجود كتير #مصاعب أو قصص مو متوقعة ❓ ضروري تكون مرن وقادر على #التأقلم مع الظروف . .

▫️استعد لأي تغيير مفاجئ بيطرأ على خطتك ، لتقدر تتحدّى الصعوبات وتكمّل بطريقك لأهدافك . ❤

~ تذكر أنه الطريق للنجاح مانه خط مستقيم . . الطريق صعب وطويل ومرهق جداً ، بس كلنا عنا الإمكانية والقدرة . .

▫️ أوثق بنفسك وخلي عندك الإرادة والتصميم ❤

و آخر شي خبرونا شو طريقتكم للوصول لأهدافكم ؟!❤️

◼️إعداد : سارة جلعود

#مـــيددوز ~ مصـــدرك للمعلومــــات الطبيـــة الموثوقــــة 🛡

صار دورنا نطلب مساعدتكم ⚠️⚠️⚠️اليوم يوجد 2,000,000 مكتئب في سوريا ؛ ونسبة الأمراض النفسيّة طلعت فوق ٨٠٪؜ هدفنا كان من أ...
07/06/2022

صار دورنا نطلب مساعدتكم ⚠️⚠️⚠️

اليوم يوجد 2,000,000 مكتئب في سوريا ؛ ونسبة الأمراض النفسيّة طلعت فوق ٨٠٪؜

هدفنا كان من أول يوم : نرفع نسبة الوعي بالصحّة النفسيّة لكل لفئات المجتمع ونحاول نسدّ لو جزئياً هي الفجوة اللي تشكلت بين الطبّ النفسي والاختصاصات التانية 💜

كيف ممكن تساعدونا ؟
اذا كل شخص كان #ميددوزي وحاول ينشر هي الثقافة بالمحيط الصغير عندو ( أسرته الصغيرة أو عائلته باختلاف الأعمار )

⏪خلال كذا شهر ممكن تنقلب المعادلة بكتير عائلات… في أهالي عم يدوبوا عولادن من دكتور لدكتور وما في أي نتيجة 💔

⏪نشر الوعي بيطلب منك تكون واعي وعرفان تماماً شو عم تحكي واذا تعرّضت لسؤال تجاوب بالشكل الصحيح.

🔐 طيب والحلّ مع هالاسئلة ؟
رح نكون معكم
كل أسبوع للحديث عن اضطراب معيّن بالصحة النفسيّة ونحاول نحيط كل جوانب هاد المرض من خلال الإجابة عكل الاستفسارات الموجودة ببالكم

💜وانطلاقاً من هالشي رح نطلق سلسلة بتمكنكم من الإحاطة بمعظم المعلومات وانتوا عليكم #نشر هي المعلومات بالمحيط القريب منكم( بتوصلوا لبوستات هي السلسلة بالبحث عن الهاشتاغ السابق

⬅️☑️ممكن تكون سبب لإنهاء #معاناة شخص من سنين مو قادر يعيش طبيعي … أو تكون سبب لتحمي عيلة من التفكك و #التشرّد

إعداد: د.يحيى مصطفى

للمزيد: أطباء الميددوز - MedDose DRs

لطلب استشارة نفسيّة من المختصّين لا تترددوا في مراسلتنا عبر بريد الصفحة MedDose - P S Y C H I a T R Y

Address

Lattakia

Website

Alerts

Be the first to know and let us send you an email when MedDose - P S Y C H I a T R Y posts news and promotions. Your email address will not be used for any other purpose, and you can unsubscribe at any time.

Shortcuts

Share

Category