https://www.facebook.com/227531483776051/

لمسة شفاء, Lattakia (2025)

26/07/2025

لأن صحتك بتهمنا .. رح نرافقك بكل وقت وبكل خطوه لتخلصي حملك بسلامه انت والبيبي 💓
🌸

21/03/2025

مريضاتي الغاليات بعتذر منكن عالغياب الي كان خارج ارادتي والي اتصلت وكان الخط مغلق بعتذر الرقم كان متوقف
بتمنى من اي صبيه محتاجه اي استفسار او اي مريضه محتاجه اي شي تتواصل معي على رقمي حالياً رجع اشتغل وانشالله الصحه والسلامه للجميع

22/02/2025

البيبي ببطني مخالف 🤰..
شو معناه ؟
وشو الأنسب للولاده القيصرية أم الطبيعي ؟
بالحالة الطبيعية وفي اغلب الاحيان بيكون اتجاه رأس الجنين أسفل بطن الحامل بينما مقعده وإجريه فوق لأن عند الولادة الطبيعية فالحالة الطبيعية والفيزيولوجية والمثالية أنو رأس البيبي ينزل اول شي ..
بس بنسبة قليلة من الأجنة مابيولدوا برأسهم يعني مابينزل الرأس أول شي إنما وضعيتهم داخل الرحم بيكون المقعد ( مؤخرة الجنين) أو الإجرين هنن اللي تحت بينما الرأس فوق وبالتالي هالجنين بيولد للحياة و بينزل بإجريه أو بمقعده أولاً // هاد بيكون فهمان الحياة صح // ومن هون إجت التسمية : مجيء مقعدي أنو جاي بمقعده أول شي ..
طبعاً الولادة الأنسب للمجيء المقعدي هي: القيصرية وليس الطبيعي .. القيصرية بهيك حالة أسلم للجنين وأضمن لسلامته ..

وصباحنا اليوم مع أمهر يد جراحيه موجوده بكل اللادقيه ..
الدكتور الخلوق والغالي د عدنان معروف سليمان مع كل الاحترام الك حكيم ❤️
القابلة إنانا شعبان..

🌸 🌸

10/02/2025

إدارة صفحتنا تهنئ د ربا نتيفه بمهامها الجديدة ك رئيسة قسم التوليد في مشفى التوليد والاطفال ..
منتمنالك كل التوفيق تستحقين كل الاحترام ..
وشكر كبير للدكتور عنان عجيب عجهودك الكبيره والعطاء الي قدمتو ..
🌸 🌸

06/02/2025

اليوم فقرتنا كتير مميزه لان الشخص الي معي مميز عندي جدا ..
رح نحكي اليوم فكره عن ..
والي هي نوع من أنواع التفاعلات الدوائية .. ومن الممكن أن تكون الحساسية بسيطة أو معتدلة أو شديدة إلى حد يسبب خطر على الحياة .. ومن أنواع الحساسية المعروفة كثيراً تحسس الجلد والاندفاعات الجلدية ..
وقت يبدا شخص بتناول دواء جديد بموجب وصفة طبية أو من غير وصفة طبية عليه أن يحرص على فهم الطريقة الصحيحة لتناول الدواء وعلى معرفة الأدوية والأطعمة المناسبة له ..
يفضل إعطاء أي دواء معروف انو بسبب حساسيه ضمن المشفى وبأيدي خبيره لتجنب حدوث مضاعفات خطيره ..

شريك بالعمل والحياة فني التخدير والإنعاش ابراهيم حسن ..
القابله إنانا شعبان ..
للحالات التمريضيه والنسائيه ..
اعطاء ابر عضليه .. تسريب وريدي .. فتح وريد .. قثطره بوليه
عنايات حرجه .. متابعة قدم السكريه .. تبديل ضماد .. عناية منزلية ..
للتواصل على الارقام التاليه واتس :
0993119049
0936511920
🌸 🌸

03/02/2025

❤️ قطرة دم تنقذ حياة ❤️
✔️ بنك الدم بجبلة بحاجة ماسة للدم زمرة A و B إيجابي ..
يرجى المساعدة والتبرع من الساعة ٩ص وحتى الساعة الواحدة ظهراً ✔️
🌸 🌸

22/01/2025

🌸 معلومات عالسريع خفيفه نضيفه لحبيبات قلبي الماميات 🌸
نصائح مهمة بعد العملية_القيصرية:
🚶🏻‍♀️🚶🏻‍♀️البدء بالحركة بأسرع وقت بعد العملية لتنشيط الدورة الدموية للجسم والمساعده في عودة الأمعاء لطبيعتها .
🤱🏻🤱🏻البدء بإرضاع الطفل بعد العملية بساعتين الى اربع ساعات (المادة الصمغية جدا مفيدة للطفل وتحتوي على اجسام تعزز مناعة الطفل اضافة الى ان الرضاعة الطبيعية تساعد في تقلص الرحم والتقليل من النزف).
🥤☕شرب السوائل عادة بعد العملية فورا اذا التخدير قطني و بعد التأكد من حركة الامعاء اذا التخدير عام لتجنب الجفاف والمساعدة في ادرار الحليب.
🥣🥙التنويع في تناول الاغذية المفيدة.
🩹🩹الاهتمام والعناية بالنظافة الشخصية وبسلامة ونظافة جرح العملية لتجنب الالتهابات والمضاعفات الاخرى.
💊💊استخدام مسكنات الالم حسب الارشادات الطبية.
💉💉الالتزام بجدول لقاحات الطفل.

موجودين بمشفى التوليد والأطفال باللاذقيه بأوقات الدوام الرسمي وجاهزين لأي استفسار او استشاره كوني بخير حبيبتي انت والبيبي الزعبور ..

مع الدكتور الرائع د عنان عجيب رئيس قسم التوليد شكرا عجهودك الكبيره دكتور
د نور حيدر مقيمة نسائية وتوليد
ق إنانا شعبان

🌸 🌸

12/01/2025

متل ما عودناكم يا غوالي نعطيكم معلومات قيمه بيحتاجوها جميع الأمهات مع التركيز عالأمهات الجدد الي عم تعيش كلشيء لأول مره رح نحكي اليوم عن رعايُة الأَطفال الرضَّع والوِلدان ..

لحظة سعيدة مثيرة عندما يرزق الاهل بطفل جديد بس ممكن تكون لحظة مخيفة أو مقلقه كمان فحديث الولادة أو الولدان لهم إحتياجات كثيرة .. لهيك لازم الاهل يعرفو انو يجرى فحصُ الطفل المُعافى ست مرات خلال السنة الأولى من الحياة عادة وهاد الفحص منفصل عن أية زيارة أخرى للطبيب بسبب مرض أو إصابة. يجب أن يفحص الطبيب الطفل بعد يومين أو ثلاثة أيام من الخروج من المشفى وبعد هيدي الزيارة الأولى يكون من الواجب أن يتم فحص الطفل في المواعيد التالية:
عندَ بلوغ الشهر الأوَّل.
عندَ بلوغ الشهر الثاني.
عندَ بلوغ الشهر الرابع.
عندَ بلوغ الشهر السادس.
عندَ بلوغ الشهر التاسع.

خلال فحص الطفل المعافى يطرح الطبيب أسئلة عن الطفل ويجري بعض القياسات. كمان بقوم الطبيب بتقييم مدى تطور الطفل.
يجب إعطاء اللقاحات خلال بعض جلسات فحص الطفل المعافى وهي اللقاحات بتحمي الطفل من أمراض مؤذية.
يعد فحص الطفل المعافى ضروري حتى وقت يكون الطفل سعيد معافى، لأن هي الفحوصات تساعد على مراقبة نمو الطفل وتطوره.
إذا خاف الأهل على صحة الطفل مافي داع ينتظرو موعد الفحص ينزلو الطفل مباشرة او يتواصلو مع طبيب الطفل الخاص .
منتمنى الصحه والسلامه لجميع الامهات والاطفال ويارب يعيشو ايام حلوه وسعيده 💚

الطبيب الرائع الخلوق والي نفسيتو كتير مريحه للامهات د ماهر طالب اخصائي أطفال وحديثي ولاده
القابلة إنانا شعبان
🌸 🌸

01/01/2025

❤️ بنودع 2024 بكل شيء مر فيها و منستقبل 2025 بأحلام وأماني جديدة .. اللهم اجعله عاماً مليئاً بالحب والسلام ..
شكرًا لثقتكم الغالية مريضاتنا وانشالله رح نبقى متل ما وعدناكم نقدم أفضل ما لدينا ❤️
وهي اخر كم صوره بعام 2024 💚

🌸 🌸

لمسة شفاء

26/07/2025

21/03/2025

22/02/2025

10/02/2025

06/02/2025

03/02/2025

22/01/2025

12/01/2025

01/01/2025

Address

Website

Alerts

Contact The Practice

Shortcuts

Share

Category