Dr. Kays Abdullah

Dr. Kays Abdullah طب الأسنان الحديث بمعالجة أمراض الفم و الأسنان بأحدث الأجهزة و التقنيات 00963943511165

تمت بعون الله 🌹🌹دعاؤكم بالتوفيق ❤
07/03/2026

تمت بعون الله 🌹🌹
دعاؤكم بالتوفيق ❤

بعون الله و توفيقه قصة جديدة و ابتسامة جديدة.إعادة حشوات تجميلية (بدون سحب عصب ) بجلستين .
25/02/2026

بعون الله و توفيقه قصة جديدة و ابتسامة جديدة.
إعادة حشوات تجميلية (بدون سحب عصب ) بجلستين .

النخر الفتّاك ، السريع، الذي يمكن ان يتسبب بخسارتك لسنّك قبل أن تلاحظه حتى. """ النخور العنقية ""...
19/02/2026

النخر الفتّاك ، السريع، الذي يمكن ان يتسبب بخسارتك لسنّك قبل أن تلاحظه حتى.
""" النخور العنقية """"
📍 يبدأ النخر عند قاعدة السن و ينتشر أفقيا و عمودياً بسرعة كبيرة
أسباب الخطورة :
🛑 قرب النخر من العصب ، عند المنطقة العنقية يكون الميناء رقيقاً و المسافة من العصب أقل ما يمكن _ و لذلك تترافق هذه النخور مع الم على الماء البارد او حتى الهواء العادي أحياناً_ .
🛑 غالباً ما تكون هذه النخور معممّة تصيب جميع الأسنان بدرجات متفاوتة .
🛑 عندما تمتد هذه النخور بدون معالجة تتسبب بتآكل قاعدة السن و هذا يعني للأسف خسارة تاج السن بالكامل - حتى لو كان التاج سليما - و هذا أخطر ما فيه.
📍الوقاية و العلاج :
في بداياته يكون علاجه بسيطاً و لكن للأسف لا يكتشفه المريض إلى في مراحله المتقدمة
بعد تهدم تاج السن يصبح العلاج أكثر تعقيدا غالبا ما نحتاج إلى معالجة لبية مع تعويض بأوتاد الفايبر و التتويج .
في الصور المرفقة بالتعليقات نوضح مراحل العلاج .
دعاؤكم بالتوفيق 💙

راجعنا هالشب بقصة حزينة ، معالجات سابقة للثنايا الأمامية و سقوط متكرر للتيجان (التلبيسات) تم بعون الله و توفيقه تبديل ال...
14/02/2026

راجعنا هالشب بقصة حزينة ، معالجات سابقة للثنايا الأمامية و سقوط متكرر للتيجان (التلبيسات)
تم بعون الله و توفيقه تبديل الحزن في القصة بابتسامة مشرقة 😁 ب ٣ جلسات
تمت إعادة المعالجة اللبية للقواطع و علاج النخور في الرباعيات و ضمها للتيجان للحصول على أفضل قوة و جمالية للحالة .
صور خطوات المعالجة في التعليقات .
دعاؤكم بالتوفيق 🙏

السلام عليكمرح نحكي اليوم بالتبييض استجابة لتعليقاتكم في البوست السابق ( و البوست القادم رح يكون عن بخر الفم إن شاء الله...
12/02/2026

السلام عليكم
رح نحكي اليوم بالتبييض استجابة لتعليقاتكم في البوست السابق ( و البوست القادم رح يكون عن بخر الفم إن شاء الله )
📍بداية لازم نوضح مفهومين كتير بيصير خلط بينهم \\\ تبييض الأسنان شيء و تنظيف الاسنان شيء آخر \\\\
- التنظيف هو إزالة الترسبات الخارجية عن الأسنان أما التبييض (اللي عم نحكي عنو اليوم ) فهو إزالة التصبغات الداخلية من الأسنان .
أهم الأسئلة اللي عم نشوفها :
📍 التبييض بيضعّف الأسنان🤔 ؟؟
* باختصار شديد : لا يضعف الأسنان إذا تم بطريقة صحيحة و مواد جيدة و تركيز مناسب , غير هيك ممكن يضر و بعض معاجين الأسنان المبيضة التجارية - اللي فعلا بتبيض- فيها مواد ساحلة بتسبب تآكل و اهتراء ميناء الاسنان , طبعا هاد غير خلطات الفيس السرية تبع قشور الموز و الملح و الفحم و الليمون و البيكربونات و و... فانتبهوا .
📍 التبييض بيعطي اسنان بياض ناصع ؟؟
* مو ضروري 🙂 , قلنا انو التبييض بيشيل التصبغات من الاسنان يعني بيرجعها للونها الاصلي قبل التصبغ فإذا كان لون الأسنان الاصلي مائل للصفرة ( لعدة اسباب : وراثية او رقة طبقة الميناء ...) فما رح تصير ناصعة البياض و لكن في معظم الحالات رح يتحسن لون الاسنان درجة أو درجتين.
أما الصور التسويقية اللي بتشوفوها فمعظمها لحالات تتويج كامل للأسنان أو فينيرز و ليست نتيجة تبييض .
📍 قديش رح يضل لون أسناني ابيض بعد التبييض ؟
* هاد بيعتمد بشكل كامل على نظامك الصحي و جودة العناية الفموية و بشكل عام الفترة ممكن تتراوح بين 6 أشهر لسنتين أو 3 .
ما منقدر نغطي كامل تفاصيل هيك موضوع بمنشور واحد فإذا عندك أي استفسار اتركلي ياه بتعليق و ان شاء الله نكون قدمنالكم فائدة والله ولي التوفيق.

بأي موضوع بتحبو نحكي بالبوست القادم ؟1.تبييض الاسنان و ان كان فعلا يضعف الاسنان .2.رائحة الفم ( الاسباب و العلاج و الوقا...
03/02/2026

بأي موضوع بتحبو نحكي بالبوست القادم ؟
1.تبييض الاسنان و ان كان فعلا يضعف الاسنان .
2.رائحة الفم ( الاسباب و العلاج و الوقاية )
اترك تعليق ب 1 او 2

الله يسعد اوقاتكمرح نجاوب اليوم عن أسئلة المنشور السابق.* ما هو عصب السن ؟ - نحنا منسميه عصب تجاوزاً ، في الحقيقة هوي مو...
04/07/2024

الله يسعد اوقاتكم
رح نجاوب اليوم عن أسئلة المنشور السابق.
* ما هو عصب السن ؟
- نحنا منسميه عصب تجاوزاً ، في الحقيقة هوي مو بس عصب بل شبكة من الاعصاب و الأوعية الدموية اللي بتغذي السن متل مو مبين بالصورة .
*شو فائدته ؟
- هوووون حطنا الجمّال ...
هي المنظومة اللي حكينا عنها من شوي و اللي تجاوزاً منسميها (العصب) قلنا انها بتغذي السن و الها وظيفة تانية مهمة جدّا جدّا و منكرهها جدا جدا 🙂 و هي ( تنبيهنا بالخطر ) عن طريق مكروه الجماهير المظلوم (الألم) .
لولا هي الوظيفة كانت اسناننا اهترت و سقطت و بلعناها مع الاكل بدون ما نعرف شو صار و هاد بيحطنا امام السؤال التالت :
*شو الفرق بين السن الحي و السن الميت (المسحوب عصبه)؟
- الفرق بين السن الحي و الميت متل الفرق بين الشجرة الحية و الميتة ..
الشجرة الميتة تبدو صلبة و قوية و لكنها هشّة و سهلة الكسر و باهتة اللون .. تمااااماً متل السن الميت اللي بيكون معرض للكسر اكتر بكتييير من السن الحي و احيانا و مع مرور الوقت بيتحول لونه للرمادي (بسبب بقايا العصب المجهرية او بسبب حشوة العصب ) و لذلك منحاول كتير ننضف النخر و نحشي السن بدون ما نسحب العصب(و مننلدع كتير من هالنقطة بالذات) .
*كيف منحمي السن الميت ؟
- بالتتويج اللي هوي (التلبيس)
التاج اللي منركبو على السن (التلبيسة ) هوي اللي بيغطي السن و بيتحمل كل الضغوط اللي واقعة عليه و بيحميه من الكسر .
*ايمت منسحب العصب ؟
-لما يكون التسوس كبير و واصل للعصب و لا يمكن الحفاظ عليه بدون ما يعمل الم بالسن بهالحالة منضطر نستأصل العصب متل مو واضح بالصورة.
ممكن يصير كسر بالسن بسبب سقوط او حادث ما و يكون الكسر واصل لمستوى العصب كمان ممكن نحتاج نستأصل العصب
في حالات تانية منضطر فيها لسحب العصب ممكن نحكي عنها بمنشور آخر مشان ما يصير طويل كتير.
اذا عندك اي استفسار حول الموضوع اتركلي ياه بتعليق .
عم حاول تكون المنشورات التثقيفية و التوعوية أكتر من المنشورات التسويقية و هالمنشورات بتاخد جهد و وقت اكبر و لكن قيمتها اعلى الك وفائدتها الك اكبر فحاول تشاركنا بتعليق او مشاركة للمنشور و اذا عجبيتك المواضيع اشترك بالصفحة .
دمتم بخير 💙

ما هو عصب السن ؟ما فائدته ؟ و متى نضطر لاستئصاله ؟ما الفرق بين السن الحي و السن الميت (المسحوب عصبه )؟-رح نجاوب على كل ه...
02/07/2024

ما هو عصب السن ؟
ما فائدته ؟ و متى نضطر لاستئصاله ؟
ما الفرق بين السن الحي و السن الميت (المسحوب عصبه )؟
-رح نجاوب على كل هالاسئلة بمنشور مخصص للموضوع.
شاركونا بتعليقاتكم (ولو بنقطة) لتوصلكم المنشورات و شو عندكم لسا أسئلة حول هالموضوع لنجاوب عنها بالمنشور القادم ؟

كسور في الاسنان السفلية بسبب حادث سيرتم الترميم بحشوات فقط دون الحاجة لمعالجة لبية (سحب عصب ) بجلسة واحدة بعون الله.ع قب...
01/07/2024

كسور في الاسنان السفلية بسبب حادث سير
تم الترميم بحشوات فقط دون الحاجة لمعالجة لبية (سحب عصب ) بجلسة واحدة بعون الله.
ع قبال الطابق الفوقاني يا عريس 😉

هي الحالة لطفلة زارتني اليوم بالعيادة عمرها ٥ سنين.صحيح أنها أسنان مؤقتة (لبنية ) و سوف تتبدل و لكن متى ؟بعض هذه الأسنان...
02/09/2023

هي الحالة لطفلة زارتني اليوم بالعيادة عمرها ٥ سنين.
صحيح أنها أسنان مؤقتة (لبنية ) و سوف تتبدل و لكن متى ؟
بعض هذه الأسنان المهترئة يجب أن يبقى ضمن الحالة الوظيفية في فم هذه الطفلة الجميلة لتسع سنوات قادمة على الأقل و هو الآن يلفظ أنفاسه الأخيرة و ستعاني مريضتنا الصغيرة لتسع سنوات قادمة حتى بزوغ السن الدائم مكانه ... خطأ من هذا ؟؟ هل هو خطؤها ؟؟؟!!
عندما نقول أن تفريش الأسنان يجب أن يبدأ مع بزوغ أول سن عند الرضيع فنحن نعني ما نقول و نعلم نتيجة إهماله ..
بتقلي كيف بدنا نفرشي اسنان طفل رضيع؟
يوجد أدوات لتفريشها لها شكل الاصبع و له شعيرات صغيرة لتنظيف اسنان الرضيع ...
طيب بلا ما تفرشي اسنان الرضيع
على الأقل يجب أن تبدأ بتفريش أسنان أطفالك عندما تصبح لديهم القدرة على بصق المعجون (بعمر السنتين و النصف تقريبا )
نرجوكم حافظوا على أسنان أطفالكم ولا تهملوها بحجة أنها مؤقتة و ستتبدل .. تؤلمنا رؤية حالة كهذه و نرجو مشاركة المعلومة مع الأهالي .
دمتم و أطفالكم بكل خير .

د.قيس عبدالله

حالة كان فيها صعوبة بنقطتينالأولى: انحراف الخط المتوسط للأسنان. التانية : فراغات غير متناظرة بسبب غياب الناب الأيمن ..هي...
30/08/2023

حالة كان فيها صعوبة بنقطتين
الأولى: انحراف الخط المتوسط للأسنان.
التانية : فراغات غير متناظرة بسبب غياب الناب الأيمن ..
هي الفراغات لا منقدر نسكرها بالتيجان لأنو رح تطلع الأسنان بجهة اليمين أعرض من جهة اليسار (بسبب نقص سن) ولا منقدر نتركها بسبب منظرها غير التجميلي.

بعد دراسة الصور و الامثلة الجبسية و بالتعاون مع الفني تم التحضير بالإزاحة لتصحيح تموضع الخط المتوسط و خلق مسافة بين الثنية و الرباعية لتعويض السن المفقود بتيجان زيركون و كانت هذه النتيجة .

الحل الأفضل لمشكلة كهذه هو التقويم بالدرجة الأولى لإيجاد مكان للسن و من ثم التعويض بالزرع أو التيجان و لكن هذا الخيار لم يكن ممكنا للأسف لأسباب تتعلق بالمريض.

نطلب منكم الدعاء و من الله التوفيق 🌹

Address

طرطوس - صافيتا - زبرقان
Safita

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 16:00
Saturday 09:00 - 18:00
Sunday 09:00 - 18:00

Telephone

+963997932645

Website

Alerts

Be the first to know and let us send you an email when Dr. Kays Abdullah posts news and promotions. Your email address will not be used for any other purpose, and you can unsubscribe at any time.

Shortcuts

Share

Category