عسل الجبل الطبيعي - Honey Bee

15/08/2022

التعليق الذهبي لهذا الموسم 😍💙💙💙

12/08/2022

😂😂😂
اذا اكرمت الكريم ملكته واذا اكرمت اللئيم تمردا 😎😎😎

09/08/2022

26/07/2022

1- مافي عسل نضيف وعسل مغشوش في نحال بخاف الله ونحال لا.
2- تربية النحل من المشاريع المكلفة جدا للاسف وهاد سبب كبير بارتفاع سعر العسل.
3- رغم ارتفاع السعر بيبقى سعر العسل كتير عادي مقارنة بالاشياء التانية
بال 2010 كان كيلو العسل ب 700 ليرة وغرام الدهب بالف
اليوم كيلو العسل بقدي وغرام الدهب بقدي؟؟؟
4- العسل مادة غذائية وقائية وشفائية ببعض الأحيان بس مانها مسحة رسول
بدك تستفاد من القيم الغذائية للعسل خليه عنصر اساسي بمائدتك كل يوم الصبح.
5- انك تقدم منتج نضيف رح يخليك عرضة للهجوم من قبل المستهلك والمنتجين الآخرين أحدهم يبخس بسعرك والتاني يلومك عليه.
رغم كل الصعوبات والتعب هدفنا نقدم منتج مميز بطبيعته وجودته

24/07/2022

20/07/2022

"Less is more"
أحد أقوال أشهر المعماريين بالعالم "روبيرت فينتوري"
ملعقة طعام من العسل كل يوم الصبح أفضل بكتير من أكل كمية كبيرة بشكل غير منتظم دائما الاشيا القليلة المتكررة بشكل منتظم ودوري بتشتغل شغل أكبر من الاشيا الضخمة بدون اي انتظام
كل يوم ملعقة عسل الصبح عالريق:
1- بتقوي جهاز المناعة وهذا مالا يختلف عليه اثنان.
2- بتحسن عمل الجهاز الهضمي وبتخفف مشاكله متل الانتفاخ وعسر الهضم.
3- تخفيف الآلام وسرعة تداوي الجروح.
4- بتحمي من قرحة المعدة.
5- بتحمي من مشاكل القولون.
6- بتساعد على حرق الدهون وخسارة الوزن (الزائد)
7- بتعطي طاقة لتبلش نهارك بنشاط وحيوية
ملعقة عسل قبل فنجان القهوة الصبح بتعمل كتير لا تهملها 😉💙💙💙

19/07/2022

حوار بيني وبين جارنا😇
جارنا: يارجل محتار شو اخدلو لفلان هدية بنجاح ابنو.
أنا :خدلو جوز جرابات وبلوزة 😕.
جارنا: مالي عين ما عليهن القيمة.
أنا معك حق مانن بحق نص كيلو عسل 😁😁😁

19/07/2022

الناس أذواق وفي ناس ما بتحب العسل😃😃😃 اي اي ما بتحبو طبعا لأن ما داقت العسل الي عنا لأن رح يكون الاختلاف والفرق واضح 😁
وعلى الرغم من ذلك أثبتت دراسة بريطانية مكونة من مجموعة من الأشخاص عددها شخص واحد وأحدهم أنا انو حتى هدول الي ما بحبو العسل بلاقو لذة غريبة بالشهد أو بما يعرف بالعسل بشهدو وشهداتنا نحنا غير شكل 😍😍😍
بقا بما انو شفنا عفيف وبعد ما تكذدر مرتك ع الرصيف جرب تدوق شهد العسل النضيف 💙💙💙

17/07/2022

من 4 سنين بلشنا مشروعنا بخليتين نحل واتعاملنا مع اشطر النحالين واتعاملنا مع نحالين جوا البلد وبرا البلد.
قرينا كتب ومقالات وتابعنا اخبار النحل واسرارو حول العالم.
كان عنا هوس بهالموضوع وهالشي مو طمعا بالربح المادي كان عنا هوس انو نعرف شو عم يصير بهالعالم الصغير الي بصور حياة كاملة وعالم كامل من دقة وتنظيم وترتيب.
واليوم قدرنا نقطع مرحلة كبيرة وندرس كل الاساليب الي بتخلينا ننتج اجود وانقى انواع العسل الصافي الطبيعي 100%.
مشروعنا بيكبر فيكن وبدعمكن اعجاب للصفحة بفرحنا وتعليق بخلينا نستمر بالتفاعل على صفحتنا وما نوقف عن تطوير مشروعنا
كل الحب والاحترام لكل شخص بحب يدعمنا ولو باعجاب صغير ونشالله مع الأيام رح تشوفو اشيا حلوة كتير على صفحتنا 💙💙💙

16/07/2022

كل الشكر للمبدع صاحب هالاسلوب الحلو والراقي Ali Š Sleman😍😍😍
موفق نشالله بكل اعمالك 💙💙💙

13/07/2022

12/07/2022

نقدم منتجاتنا من العسل الطبيعي على قدر عالي من المصداقية والضمير الحي على اعتبار أن ما نقدمه دواء أولاً وغذاء ثانياً.

نحن مجموعة من النحالين المحترفين الذين أمضوا سنين طويلة في احتراف مهنة تربية النحل وفهم أسرار النحل وطرق العناية به ومن منحلنا المتواضع المتواجد في جبال الساحل السوري الشامخة سنقدم لكم أجود وأنقى أنواع العسل الطبيعي الصافي 100%.
#رؤيتنا
قال الله سبحانه وتعالى في كتابه العزيز: (وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ، ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلا يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لآيَةً لِقَوْمٍ يَتَفَكَّرُونَ) سورة النحل الآيتان(68-69)
نحن ننظر إلى عسل النحل هذا المنتج الذي خصه الله سبحانه وتعالى بذكره وذكر النحل المنتج له على أنه شفاء ودواء قبل أن يكون غذاء ولذلك نعتمد على تقديم العسل الصافي النقي بنية طيبة وصدق في تقديمه لعل كل طالب يحقق مراده منه.