هايبرڤت عيادة حيوانات أليفة Hypervet Pet's Clinic

02/04/2025

القط اللطيف الجميل بلبل هالعيد حب يبهنك نفسه بكراڤة من هايبرڤت عيادة حيوانات أليفة Hypervet Pet's Clinic ليطيق فيها كل قطط الحارة 😻 .. وطبعا ليكون اول قط بطرطوس بيلبس من البرند الجديد
وبلبل عم يفكر يفوت بمجال الازياء😎 باعتبار جسمه خزيئ ورح يصير اول موديل ازياء القطط بعد ما نجحت العيادة بسرقتو من دار شانيل ولويس فيتون وبرادا ..

جمعنا تشكيلة الماركات العريقة والمكفولة بعيادتنا من دراي فود (مونيلو البرازيلي، لارا البلجيكي، بروشويز الانكليزي، كانغو التركي) ومعلبات (بروشويز، بيست بيت، فيتاكرافت) ومكافئات (سناكي، دريمز، فريسكيز) ورمل (كيف التركي، بيت برو الطبي، مازارو) واكسسوارات والعاب، وكل هالشي بأسعار جديدة ومنافسة اقل ب

للتفاصيل بتشرفونا بزيارتكم اوالاتصال

0944802936 وتس العيادة
0982340151

#علاج
#لقاحات
#جراحة
#ايكو
#حلاقة

31/03/2025

27/03/2025

زياينا الاكابر والنخبة 🌸🌸
حسيت إن اليفك الوفي 😻، سواء كان يقول "هوو هوو" أو "ميااو ميااو"، عم يلمحلك بعيونه إنه بده تدلله؟ 🐾 😎
ولا يهمك، نحنا بـ "هايبرڤت عيادة حيوانات أليفة Hypervet Pet's Clinic " واصلنا كل الهمسات (النباحات والمواء)! 😅😁
ومتل مامنقدم الخدمات الطبية بأعلى مستوى من الحرفية والاهتمام والانسانية .. 👍👍
جمعنا تشكيلة الماركات العريقة والمكفولة بعيادتنا من دراي فود (مونيلو البرازيلي، لارا البلجيكي، بروشويز الانكليزي، كانغو التركي) ومعلبات (بروشويز، بيست بيت، فيتاكرافت) ومكافئات (سناكي، دريمز، فريسكيز) ورمل (كيف التركي، بيت برو الطبي، مازارو) واكسسوارات والعاب، وكل هالشي بأسعار جديدة ومنافسة اقل ب

للتفاصيل بتشرفونا بزيارتكم اوالاتصال

0944802936 وتس العيادة
0982340151

#علاج
#لقاحات
#جراحة
#ايكو
#حلاقة

09/01/2025

من هايبرڤت عيادة حيوانات أليفة Hypervet Pet's Clinic لزبائننا النخبة والاكابر من جديد عبادتنا بتقدم مجموعة شاملة من مستلزمات أليفكم المدلل 😻😻
مجموعتنا الجديدة بتميزها بأعلى معايير الجودة والضمان، والأهم من هيك، أسعارنا جديدة وخفيفة ع الجيبة وبتريحكم كتير عند سماعها ..😁😎
للتفاصيل بتشرفونا بزيارتكم اوالاتصال

0944802936 وتس العيادة
0982340151

#علاج
#لقاحات
#جراحة
#ايكو

27/11/2024

#تعديل بيل وكايا صارو بالعيادة بأمان ورجعو للبيت بخير وشكرا لأصدقاء العيادة الأكابر ع التفاعل ..
حالة انسانية ومكافئة مالية مجزية لمن يساعد بالعثور عليهم ..
جروين كلب سنو وايت ذكر وانثى (بيل وكايا) بيردو على اسماءهم عمرهم 4 اشهر ..
فقدو في منطقة ابو عفصة من 24 ساعة ..

30/07/2024

من الحالات الانسانية اللي وصلت للعيادة
القط الصغير الجميل لوز عمره شهرين ..
عثر عليه شاب وكان في مشكله بالعين اليسرى ناتجة عن اصابة رضية ادت لاذية كبيرة بالعين وتشكل خراج وخسارتها وظيفيا .. وصارة تشكل خطر اكبر على القط ..
بعد الفحص الدقيق ومحاولة اعطاء الفرصة للعلاج تم اتخاذ القرار باستئصال العين للضرورة ولتجنب التبعات رغم صغر العمر وصعوبة اجراء العملية ..
بتوفيق من الله تم اجراء العملية بكل نجاح واليوم بعد عدة ايام من العملية وانتهاء المتابعة والعلاج المتمم وضع لوز ممتاز وما حدا بيقدر عليه وعم يفكر يصير قبطان بالبحر ويغير اسمه ويصير سيلفر 🙃
الحمدلله ع سلامة لوز وشكرا لاصحاب لوز 🌺🌺 على الثقة الغالية بالعيادة واستعدادهم لتحمل كافة التكاليف وبدورنا كعيادة تحملنا ثلث كلفة العملية والعلاج والمتابعة بعد العملية للحالة الانسانية ..

06/07/2024

حالتنا اليوم عن القط الاكابر توم ..
توم عمل عملية تعقيم باحدى العيادات من حوالي السنة ..
بعد فترة من العملية رجع طلب زواج وبقي يطلب زواج ويتزوج طوال هالسنة ..
صاحبته ما قصرت عرضته على اكتر من دكتور ودائما كانت الاجوبة غير مقنعة وغير مفيدة .. او حتى ما عطت تفسير للحالة ..
لحدا ما راجعت عيادتنا من فترة قصيرة وبعد اخذ تاريخ الحالة مع الفحص السريري تبين انو فعلا تم اجراء عملية تعقيم للقط ولكن ماتم استئصال الا خصية واحدة لان الخصية التانية مهاجرة بالبطن ولسه عم تقوم بعملها على اكمل وجه وكأن التعقيم لم يتم ...
كان القرار بإجراء العملية واستىصالها ضروري لانها تشكل خطورة على حياة توم خاصة مع ظهور اعراض التهاب شديد والاكيد لاحقا عاجلا او آجلاً سرطان ..
بتوفيق من الله تم اجراء العملية بنجاح واستئصال الخصية المهاجرة متل مو واضح بالصور ..
توم وضعو ممتاز وأموره عال العال وخبرتني صاحبته انو عم ياكل نص كيلو دراي فود 🙂
بدي اشكر صاحبة توم على ثقتها الغالية بالعيادة 🌹🌹 بعد عذابها الطويل مدة سنة مع العيادات ..
الحمدلله ع سلامة توم ..
ملاحظة نحنا دائما بالعيادة بعد كل عملية تعقيم منحرص على انو صاحب الاليف يشوف الخصيتين الاثنتين انو تم استئصالهم منعا لاحدوث التباس او شك بهيك حالة ..

01/07/2024

مستمرين ضمن #حملة..
..

من عمليات التعقيم ..
لولو قط لطيف جميل ولسه ما صار بعمر المراهقة 5 أشهر اجى اليوم ع العيادة للحلاقة والاطمئنان على صحته متل العادة وبطريقنا عملنا تعقيم منشان يحط عقله براسه ويدير باله ع دروسه ويبطل عونطجية 🙃
شكر اصحاب لولو على الثقة نورتو العيادة 🌺🌺
الحمدلله على السلامة لولو ونعيما .. 😻😻

#التعقيم
لا هروب وبيات خارج البيت ..
لا برد ومشاكله الناتجة عن الصياعة ..
لا شجارات وجروحها ورضوضها ..
لا نواء وازعاج الحارة والحارات المجاورة ..
لا رش ورائحته اللي بتطفش الحارة ..
اقل مشاكل حصر البول ..
اقل مشاكل الالتهابات البولية والتناسلية ..
اقل مشاكل السرطانات ..
اقل شراسة ورواق اكثر ..
اكثر مناعة عامة للجسم ..
اكثر صحة ولمعان الشعر ..
اكثر سنوات عمرا ..
جميع العمليات والصور تتم بموافقة وقناعة تامة من اصحاب الاليف .. والحمدلله على سلامة الجميع ..
حقوق شعار الحملة محفوظة للصبية صاحبة بلبل 😜 🌺🌺

25/06/2024

لاتعالج قطك لحالك ..
لحالك لاتعالج قطك ..
قطك لحالك لاتعالج ..
لاتعالج لحالك قطك ..
لحالك قطك لاتعالج ..
قطك لاتعالج لحالك ..
ليانا قطة صغيرة لطيفة كان عندها توعك معوي وزاد سوء الاعراض من خمول وانقطاع شهية حالة الطقس والشوب ..
هلق الكارثة كانت رح تصير واللي بسببها وصلت الحالة للعيادة بانهيار الحالة العامة وانخفاض حرارة وبطئ ضربات القلب ..
سببها محاولة العلاج بأدوية بشرية كالعادة حسب بعض نصائح الخبراء ودائما الكارثة بتكون بنوعية الدواء من جهة والجرعة بعدة اضعاف تصل لعشر اضعاف الجرعة من جهة تانية ...
بفضل من الله تم التعامل مع حالة التسمم الدوائي بكورس اسعافي والتوعك بكورس علاجي واليوم ليانا بوضع ممتاز وامورها عال العال ..
الحمدلله ع سلامة ليانا وشكرا لاصحابها على الثقة الغالية بالعيادة 🌺

13/06/2024

من الحالات الاسعافية اللي وصلت ع العيادة ..
باتمان قطقوط صغير عمره 3 اشهر للاسف صدق حاله والنتيجة سقوط من الطابق الثالث ..
اسعف للعيادة ليلا وبعد الفحص الكامل تم تشخيص شق بشراع الحنك ودخول السوائل الدم النازف من الفم لمجرى التنفس الى الرئتين ..
خلع بمفصل الفخذ ورضوض عامة بالجسم ..
بعد الفحص وضع تحت المراقبة والحمدلله ماكان في نزيف داخلي تم اجراء عمل جراحي لاغلاق الشق بالحنك وتنظيف وتعقيم الجروح بالانف والفم ..
تم تصحيح الخلع بالمفصل للوضع الطبيعي ..
وعم يخضع لكورس دوائي نوعي للاصابات مع حد للحركة ..
الحمدلله اليوم الرابع وضعه العام ممتاز وعم ياكل اطعمة رخوة طبعا ومستمرين معه بالعلاج الدوائي حتى الشفاء التام بإذن الله ..
بشكر صاحبة باتمان ❤️🌺 على ثقتها الغالية بعيادتنا والالتزام بالتعليمات والمتابعة ..

ملاحظة عامة بتهم الجميع
اولا القط ممكن يعيش عندك 5 سنوات وما يحاول ينط وفجأة تلاقيه نط بدون سابق انذار ..
ثانيا اذا القط نط او وقع مو معناها ماعد تصير او يعيدها مرة تانية وتالتة كمان ..

11/06/2024

حالتنا اليوم القط الوديع الجميل فوفو ..
فوفو وصل ع العيادة بعد انقطاع التبول بشكل نهائي من يوم كامل وطبعا انقطاع شهية وعصبية وانزواء ..
بالفحص السريري وتاريخ الحالة المرضية تبين حدوث انسداد مجرى البول نتيجة التهاب المجاري البولية الحاد وامتلاء المثانة للحد الاقصى قبل الانفجار ..
تم بشكل عاجل تركيب قسطرة بولية وافراغ المثانة من البول المدمى مع كورس دوائي نوعي لمدة 5 ايام ..
اليوم بعد عدة ايام من انتهاء العلاج وضع فوفو ممتاز وطبيعي ..
كل الشكر لاصحاب فوفو 🌺🌺 على الثقة الغالية بالعيادة والالتزام بالتعليمات بدقة والحمدلله على سلامة فوفو ..