09/08/2025
မြန်မာနိုင်ငံသား ၃ ဦးကို ဘတ်ငွေ ဘတ်ငွေ ၄၆ သန်းကျော်နဲ့အတူ ထိုင်း ဗဟိုစုံစမ်းစစ်ဆေးရေးဗျူရို (CIB) ကဖမ်းဆီးနိုင်ခဲ့---
နိုင်ငံဖြတ်ကျော် ငွေလိမ်ဂိုဏ်း ဗဟိုစုံစမ်းစစ်ဆေးရေးဗျူရို (CIB)နဲ့ နည်းပညာ မှုခင်းနှိမ်နင်းရေးဌာနခွဲ (TCSD) ဖူးပေါင်းအဖွဲ့က မြန်မာအမျိုးသား၂ ဦးနဲ့ အမျိုးသမီး၁ ဦးကို ဘတ်ငွေ ၄၆ သန်းကျော်နဲ့အတူ ၈/၈/၂၀၂၅ ရက်နေ့က တာ့ခ်ခရိုင်၊မဲဆောက်မြို့ နယ်၊ ထါ့စိုင်လွ(တ်)ကျေးရွာအုပ်က နေအိမ်တစ်လုံးမှာ ဖမ်းခဲ့ပါတယ်။
ဦးရှင်း OO SHIN အသက် ၅၇ နှစ်၊ မသီတာ အသက် ၅၇ နှစ် နဲ့ လောက်ဝေ (Mr.LOUK WAI) အသက် ၅၄ နှစ်တို့ ကိုဖမ်းဆီးမိခဲ့ကြောင်း ဗဟိုစုံစမ်းစစ်ဆေးရေးဗျူရို (CIB)ကသတင်းရှင်းလင်းပွဲ ပြောကြားခဲ့ကြောင်း ဗဟိုစုံစမ်းစစ်ဆေးရေးဗျူရို (CIB)ဖေတ်ဘုတ်စာမျက်နှာ ဖေါ်ပြထား ပါတယ်။
ငွေလိမ်ဂိုဏ်းကမ္ဘောဒီးယားနိုင်ငံ ပွိုင်ပေတ်မြို့အခြေစိုက် Huione Pay သုံးပြီး နိုင်ငံဖြတ်ကျော် ငွေလိမ်ဂိုဏ်းကို စစ်ဆင်ရေး "SKYFALL" အနေနဲ့ ဖမ်းဆီးနိုင်ခဲ့ကြောင်း ရဲတပ်ဖွဲ့က သတင်းစာရှင်းလင်းပွဲမှာ ပြောကြားပါတယ်။
တရားခံတွေက Ulela Trading 999 Co.,Ltd ကုမ္ပဏီအမည်နဲ့ လိမ်လည်အကောင့်သို့ လွှဲအပ်ခဲ့ပြီး ငွေထုတ်ယူနိုင်သည်ကို တွေ့ရှိသဖြင့် ဘတ်သန်းပေါင်းများစွာကို လိမ်လည့်ရယူကြောင်းကိုလည်း ရဲတပ်ဖွဲ့ကထုတ်ဖေါ်ပြောကြားသွားပါတယ်။
နည်းပညာ မှုခင်းနှိမ်နင်းရေးဌာနခွဲ (TCSD) ပြောကြားချက်အရ ငွေလိမ်ဂိုဏ်း Facebook ကိုအသုံးပြုပြီး သားကောင်တွေကိုရှာဖွေစုဆောင်းခဲ့ပါတယ်။
အခုဖမ်းဆီးရမိတဲ့ သူတို့ကုမ္ပဏီက စတော့ရှယ်ယာရောင်းဝယ်မှုလုပ်ဆောင်နေကြောင်း အစုရှယ်ယာ ထည့်ဝင်သူတွေကို အမြတ် ၁၀ ရာခိုင်နှုန်းရရှိကြောင်းနဲ့ ငွေကိုလည်း ပြန်လည်ထုတ်ယူနိုင်ကြောင်းကို သားကောင်တွေကိုသိမ်းသွင်းခဲ့ပါတယ်။ သားကောင်တွေကို ယုံကြည်လာပြီးဆိုရင် Line (ဂရု(ပ်)အစုအဖွဲ့ထဲမှာ ငွေလိမ်ဂိုဏ်းက သူတွေကို အများအပြားထည့်ပြီး ငွေအမြတ်အစွန်းဘယ်လောက်ရတယ်၊ ငွေထုတ်ယူရရှိပြီးဖြစ်ကြောင်းတွေကို အရောင်ဆောင် ငွေလိမ်ဂိုဏ်းသားတွေက ဝင်ရောက်ပြောဆိုစေခဲ့ပြီး သားကောင်ကိုအာယုံသွင်း စေခဲ့ပါတယ်။ သားကောင်အနေနဲ့ ရင်းနှီးမြုပ်နှံမှု မဆုံးဖြတ်မီ 2-3 လခန့် အုပ်စုကို စောင့်ကြည့်လေ့လာစေခဲ့တယ်။
ငွေလိမ်ဂိုဏ်းအနေနဲ့ ကြားခံအဖြစ် Money mule ဘဏ်စာအုပ်အမည်ခံ ငှားရမ်းထားတဲ့ သူတွေရဲ့ ပုဂ္ဂိုလ်ရေး ဘဏ်စာအုပ် အကောင့်ကနေ ငွေတွေကို လွဲပြောင်းရယူခဲ့ပြီးနောက် ဒီဂျီတယ်ငွေကြေး cryptocurrency အဖြစ်ပြောင်းပြီး အမြန်ဆုံး လွဲပြောင်းရယူနိုင်ကြောင်းကို ရဲတပ်ဖွဲ့က ထုတ်ဖေါ်ပြောကြားသွားပါတယ်။
အပြန်ပြန်အလှန်လှန် ငွေလွှဲပြောင်းခဲ့ကြောင့် ခြေရာခံရန် ပိုမိုခက်ခဲစေခဲ့ကြောင်း ရဲကိုထုတ်ဖေါ်ပြောကြားသွားပါတယ်။
ရှိလာတဲ့ငွေတွေကို ကမ္ဘောဒီးယားနိုင်ငံ၊ပွိုင်ပေတ်မြို့မှာအခြေစိုက်တဲ့ ဌာနချုပ်ကို လွဲပြောင်းရယူခဲ့တာဖြစ်ပါတယ်။
ထိုင်းဘတ်ငွေတွေကို ငွေသားအဖြစ် မဲဆောက် ဒေသအခြေစိုက် ဘဏ်တစ်ခုကနေထုတ် ပြီး မြ၀တီမြို့ကနေမြန်မာဘက်ခြမ်းကိုသယ်ဆောင်သွားတာကိုလည်း ရဲတပ်ဖွဲ့နောက်ရောင်ခံတဲ့ဗွီဒီယိုမှတ်တမ်းတခုကိုလည်း အဆိုပါထိုင်းရဲတပ်ဖွဲ့ရဲ့ ဖေတ်စဘုတ်အကောင့်မှာ တင်ပြထားပါတယ်။
အခုဖမ်းဆီးရမိတဲ့ငွေလိမ်ဂိုဏ်းအနေနဲ့ တစ်လမှာ ဘတ်ငွေသန်း ၁၀၀၀ ကျော် ထုတ်ယူနေကြောင်းတွေ့ရှိခဲ့ရကြောင်းကိုလည်း ရဲတပ်ဖွဲ့က ထုတ်ဖေါ်ပြောကြား သွားပါတယ်။
နည်းပညာ မှုခင်းနှိမ်နင်းရေးဌာနခွဲ (TCSD) မှ ရဲတပ်ဖွဲ့ဝင်များက သက်သေ အထောက်အထားများ စုဆောင်းကာ ယင်းအမှုနဲ့ သံသယရှိသူ ၂၈ ဦးကို ဖမ်းဝရမ်းထုတ်ထားပြီး ဘဏ်စာရင်းစာအုပ်နာမည်ခံအငှါးဖွင့်ပေးထားသူ ထိုင်းနိုင်ငံသား ၂၄ ဦးနဲ့ မြန်မာနိုင်ငံသား ၄ ဦးပါဝင်နေကြောင်းထိုင်းရဲတပ်ဖွဲ့က သတင်းစာရှင်းလင်းပွဲမှာ ထုတ်ဖေါ်ပြောကြားသွားပါတယ်။
ရဲတပ်ဖွဲ့အနေနဲ့ မဲဆောက်ခရိုင်တရားရုံးထံမှ ရှာဖွေဝရမ်းအမှတ် ၁၁၆၅/၂၅၆၈ ကိုလည်း ရယူခဲ့သည်။ အဆိုပါ ရှာဖွေမှုတွင် သံသယရှိသူ မြန်မာနိုင်ငံသား သုံးဦးကို ဖမ်းဆီးခဲ့သည်။
ငွေသား ဘတ် ၄၆ သန်းကျော် သိမ်းဆည်းရမိခဲ့သည်။ သံသယရှိသူများနဲ့ သိမ်းဆည်းရမိ ပစ္စည်းများအား TCSD ဌာနခွဲ ၃ မှ စုံစမ်းရေးမှူးများထံ လွှဲပြောင်းပေးအပ်ခဲ့ပြီးအမှုဖွင့် ခဲ့ကြောင်းကိုလည်း ရဲတပ်ဖွဲ့က ထုတ်ဖေါ်ပြောကြားထားပါတယ်။
ကနဦး စစ်ဆေးမေးမြန်းမှုတွေမှာ သံသယရှိသူတွေဟာ စွဲချက်အားလုံးကို ငြင်းဆိုခဲ့ပါတယ်။ ထိုင်းရဲတပ်ဖွဲ့က တရားစွဲဆိုထားသည်။
၁။ အခြားသူတစ်ဦးအယောင်ဆောင်ခြင်းဖြင့် အများပြည်သူကို လိမ်လည်လှည့်ဖြားရန် ပူးပေါင်းကြံစည်မှု၊
2. လျှို့ဝှက်လူ့အဖွဲ့အစည်း၏ အဖွဲ့ဝင်ဖြစ်ရန် ပူးပေါင်းကြံစည်မှု၊
၃။ အများသူငှာ ပျက်စီးစေမည့် နည်းလမ်းဖြင့် ကွန်ပြူတာစနစ်တစ်ခုလုံး သို့မဟုတ် တစ်စိတ်တစ်ပိုင်း သို့မဟုတ် မှားယွင်းသော ကွန်ပျူတာဒေတာအချက်အလက်များနဲ့ လိမ်လည်မှု။
4. ငွေကြေးခဝါချမှုကျူးလွန်ရန် လူနှစ်ဦး သို့မဟုတ် နှစ်ဦးထက်ပိုသော သဘောတူညီချက်ဖြင့် ပူးပေါင်းပြီး ပူးပေါင်းကြံစည်မှု၏ ရလဒ်အဖြစ် ငွေကြေးခဝါချမှု ပြစ်မှုကို ကျူးလွန်ခြင်းအမှု။
5. ငွေကြေးခဝါချမှုတွင် ပူးပေါင်းဆောင်ရွက်ခြင်း စတဲ့အမှုတွေနဲ့တရားစွဲ ဆိုထားကြောင်းကိုလည်း ရဲတပ်ဖွဲ့ထုတ်ဖေါ်ပြောကြားသွားပါတယ်။
