เปิดทำการกี่โมง?

จันทร์ 09:00 - 18:00 อังคาร 09:00 - 18:00 พุธ 09:00 - 18:00 พฤหัสบดี 09:00 - 18:00 ศุกร์ 09:00 - 17:00 เสาร์ 12:00 - 18:00 อาทิตย์ 12:00 - 18:00

เว็บไซต์คืออะไร?

https://www.facebook.com/100781363016466/

Safe Haven Tarot, Bangkok (2026)

28/08/2025

🌈 အဆိုးတွေပြီးပြီ အကောင်းတွေလာတော့မယ်။ ✨

ဒီကဒ်ကိုတွေ့တဲ့ Seeker တို့ ဘဝမှာ ပင်ပန်းနေတာတွေ၊ မုန်တိုင်းထန်နေတာတွေ ပြီးဆုံးပါစေ။ 🌪️➡️☀️
သူက Seeker ကံကြမ္မာဟာ အကောင်းဘက် ကိုပြန်လည် လည်လာမှာလို့ ကိုယ်စားပြုတာမို့ ငွေကြေးဝင်လာဖို့ 💰၊ လစာပိုကောင်းတဲ့ အလုပ်ကိုပြောင်းတာတို့ အနာဂတ်မှာ ရှိနေပြီလို နိမိတ်ပြနေတာပါ။

အပြောင်းအလဲ အတိုင်း ကို မကြောက်ပါနဲ့နော် ။ တခါတလေ မုန်တိုင်းဝင်လာတယ်ဆိုတာ ဘဝ မှာ မလိုအပ်တော့တာတွေ ၊ မနေသင့်တဲ့ နေရာမှ မနေတော့ဖို့ ဖြစ်နိုင်ပါတယ်။

🍀 Seeker အတွက် ကံကြမ္မာကောင်းတွေ ၊ လာဘ်လာဘ ကောင်းတွေ ဝင်လာဖို့အတွက် အပြောင်းအလဲ လေးတွေ လုပ်ကြည့်ရအောင် 🌸။

ဒီနေ့—
မစားဖူးတဲ့ အစားအစာ စားတာ 🍱
မဖတ်ဖူးတဲ့ စာအုပ်/ရုပ်ရှင် ဖတ်တာကြည့်တာ 📖🎬
မခင်သေးတဲ့ လူတစ်ယောက်ကို မိတ်ဆက်တာ 🤝

ဒီသုံးခုထဲက တစ်ခုကို စမ်းသပ်ကြည့်ရအောင်။ အပြောင်းအလဲတွေမှာ ကံကောင်းခြင်းတွေ ပါနေပါတယ်နော် 🌟🍀💫။ ဘာလေးလုပ်ဖြစ်လဲ comment မှာပြောသွားပါဦး

21/08/2025

🎭 Seeker အထက်လူကြီးတွေ ဘာပြောပြော ဟုတ်ကဲ့ ပြောနေမိတာမျိုးသတိထားမိလား? 🎭

🛠️သူတို့ ခိုင်းတာတွေက ဘယ်လောက် နည်းလမ်းမကျ ဖြစ်နေပါစေ ငါရအောင် လုပ်ပေးရမယ်။ အလုပ်မရှုပ်နေရင် နေရထိုင်ရခက်လာတယ်။ ကိုယ်ထက် တခြားလူ “အလုပ်ပိုရှုပ်” နေတယ်ဆိုရင် စိတ်ထဲမှာ ကတောက်ကဆဖြစ်လာတာမျိုး။ 😓

📈အလုပ်ထဲမှာ သူများတွေထက် အလုပ်ပိုလုပ်ရမယ်။ ငါ က အတော်ဆုံးဖြစ်ရမယ်။ ငါ အလုပ် မှာ အမှား တစ်စက်မှမရှိစေရဘူး။ နားရက်မှာတောင် မနားနိုင်ဘူး။ 🔒

🌀မလုပ်နိုင်တဲ့ အခါကျရင် “ငါက စောက်သုံးကိုမကျဘူး။” “ငါဘာလို အဲ့ဒါကို ကြိုမမြင်ခဲ့တာလည်း” ဆိုတဲ့ စကားမျိုးတွေ ကိုယ့်ခေါင်းထဲမှာ ပြည့်နေတတ်လိမ့်မယ်။ ကမ္ဘာပေါ်မှာ ကိုယ့်ကို အပြစ်အတင်ဆုံးသူက ကိုယ်ပဲ ဖြစ်နေတာမျိုးပေါ့။🪞

ဟုတ်တယ်ဆိုရင် ကျွန်တော်ထပ်မှန်းကြည့်မယ်နော်။

💣Seeker ငယ်ငယ်တုန်းက အဆင့် ၁ မရလို့ နင်ပဲ ငဆ ပြောခံခဲ့ ရတာမျိုးရှိလိမ့်မယ်။ အမျိုးထဲက သင်္ချာ အမှတ်၁၀၀ ရတဲ့ တစ်ယောက်နဲ့ ယှဉ်ပြီး သူ့ ချေး (ကန့်တော့ပါ) စားလို့ or အလားတူ ယှဉ်နှိမ့်ချ ပြောဆိုခံရတာ တွေကြုံခဲ့ရနိုင်ပါတယ်။ 🥀
—------------------------------------------------------------------
🏆ဒါကို Acheivement-Based Self-Esteem လိုခေါ်တယ်။ productive ဖြစ်မှ၊ perfect ဖြစ်မှ ကိုယ့်ကို ကိုယ်တန်ဖိုး ရှိတယ်လို့ ယုံကြည်နိုင်တာမျိုး။ Parental Pressure မိဘတွေ ရဲ့ ဖိအား နဲ့ expectations မျှော်လင့်ချက်တွေက ကျွန်တော်တို့ ရဲ့ ဦးနှောက်ကို အများကြီး ထိခိုက်စေနိုင်ပါတယ်။

😰နေ့စဉ်ဘဝမှာ အမြဲတန်း ကျီးလန့်စားစား အတော်ဆုံးဖြစ် နေမှ ဖြစ်မယ်ဆိုတဲ့ anxiety
🙋လူတွေ ငါအလုပ်လုပ်တာ မြင်မှ ဖြစ်မယ်ဆိုတဲ့ approval seeking behavior
🌑အဆိုးဆုံး အမှားလုပ်မိရင် ငါမတော်ရင်၊ ငါမှားရင် တန်ဖိုးမရှိဘူး ဆိုတဲ့ despair

🕊️ဒါတွေ ခံစားနေရရင် Seeker အပြစ်မဟုတ်ပါဘူးနော်။ Seeker ရဲ့ အတွေးတွေက အဲ့ လိုတွေးမှ ရမယ်ဆိုတာမျိုး ငယ်ငယ်က ရိုက်သွင်းခံခဲ့ရလို့ပါ။ Inner child လေးက သူမကြိုးစားနေရင် သူ့ကို လူတွေ မချစ်တော့မှာဘဲဆိုပြီး ယုံကြည်နေတာကို။ သူ ကြောက်နေရှာတာကို။ 🧸

🌺တကယ်တော့ Seeker မှာ လူတွေ လေးစားတဲ့ စွမ်းရည်တွေရှိပါတယ်။ Sunday ကျ အိပ်ရာထဲမှာ လှဲပြီး သီချင်းလေးနားထောင်ရင်း မှေးစက်ခွင့်ရှိပါတယ်။ Seeker မြင်ဖူးချင်တဲ့ ပန်းခင်းကြီးဆီကို ဘာ email မှ မဖွင့်ဖတ်ဘဲ ခရီးထွက်ခွင့်ရှိပါတယ်နော်။ 🎒

⚖️မိဘတွေက ချစ်ပြီး ကာကွယ်ပေးချင်လို့ အောင်မြင်စေချင်လို့ လုပ်ခဲ့တာဆိုပေမယ့် သူတို့ရဲ့ “စေတနာ ဒေါသ” တွေက ကျွန်တော်တို့ ကို လူကြီးဖြစ်တဲ့ အထိ negative impact တွေရှိနိုင်ပါတယ်။ ကျွန်တော်တို့ရဲ့ နေ့စဉ်ဘဝ တွေက မဖြစ်နိုင်တဲ့ expectations တွေနဲ့ ပြည့်နေပြီးသားပါ။ 🌧️
🦋 ဒါကြောင့် ဒီနေ့ ကိုယ့်ကိုကိုယ် ပိုပြီး ကရုဏာထား ကြရအောင်လားနော်။🦋
💚အားလုံး ကိုယ့်ကိုကိုယ်ချစ်နိုင်တဲ့ လုံခြုံတဲ့ နှလုံးသားလေး ပိုင်ဆိုင်နိုင်ပါစေ။ 💚

14/08/2025

🫅 Tarot ဖတ်တတ် ဖို့ Arcana ပုံပြင်များ - The Emperor 🫅

👑The Emperor ကို မြင်ရရင် အချုပ်အခြာ အာဏာ နဲ့ တည်ငြိမ်တာ ကို မျှော်လင့်လို့ရပါတယ်။ ကျွန်တော် တို့ ရဲ့

🛡️ အန္တရာယ်တွေက နေ ကာကွယ်နိုင်တဲ့ စွမ်းရည်
📃ဘဝ မှာ လုံခြုံဖို့အတွက် တင်းကြပ်ရတဲ့ စည်းတွေ
👉 ခရီးတွင်ဖို့ အတွက် သုံးရတဲ့ အာဏာစက်တွေ
ဒါတွေကို ကိုယ်စားပြုလေ့ရှိပါတယ်။

Emperor ကိုဆွဲမိရင် အောင်မြင်မှာလား သိချင်ရင် အဆုံးထိ ဖတ်နော်။
--------------------------------------------------------------
🔮 Emperor ရဲ့ အနက်🔮

🦁သူက နားလည်ရခက်တဲ့ ကဒ်ထဲမှာပါတယ်။ တချို့ က Empress ရဲ့ ဆန့်ကျင်ဘက်လို့ သဘောထားကြတယ်။ အာဏာစက်ရဲ့ ပြင်းထန်မှုပေါ့လေ။ အာဏာရဲ့ နောက်မှာ အဆိုး တွေက ရှိတတ်တာကို။ ဘဝင်မြင့်တာ၊ တစ်သွေး တစ်သံ တစ်မိန့် သွားတာတွေ အစရှိတဲ့ extreme တစ်ချို့တွေ နဲ့လည်း ချိတ်ဆက်နေတာကို။ ကျွန်တော်ကတော့ ဒါတွေကို သတိပေးတာလို့ မှတ်စေချင်တယ်။ အဆိုးမဟုတ်ဘူး။ အလွန်အကြူး မဖြစ်ဖို့ကို သတိပေးတာမျိုးပါ။ ⚠️
--------------------------------------------------------------
🔮 သက်ဆိုင်ရာ နတ် 🔮

⚡သူနဲ့ ဆက်စပ်နေတဲ့ God ဖြစ်တဲ့ Zeus ကို ကြည့်ရုံနဲ့ သိနိုင်ပါတယ်။ Zeus က ခွန်အားကြီးတယ်၊ ဉာဏ်နီ ဉာဏ်နက် ပရီယာရ် လည်းများတယ်။ အငယ်ဆုံး ဖြစ်ပေမယ့် အစ်ကို နှစ်ယောက်ဖြစ်တဲ့ Posidon နဲ့ Hades ကို ပြန်အုပ်ချုပ်တဲ့ King of the Gods နေရာကို ယူထားတယ်။ Zeus ကို တခြား God တွေက လေးစားကြပါတယ်။ ဒါပေ့မယ့် Zeus က အရမ်းထောင်လွှားတယ်။ သူလိုချင်တာ မပေးရင် ရက်စက်တတ်တယ်။ တခါတလေ သူရဲ့ “မင်း အာဏာစက်” ကို အရမ်းထုတ်ပြတတ်တယ်။ သူ့ ကိုတော်လှန်မှာလည်း အရမ်းကြောက်တတ်တယ်။ 🫦
--------------------------------------------------------------
🔮 Symbolism 🔮

ဒါကြောင့် လည်း သူ့ရဲ့ symbolism တွေက မင်းတို့ရဲ့ တာဝန်၊ အာဏာ နဲ့ တည်ကြည်မှုတွေကို တစ်နည်းနည်း နဲ့ ပြလေ့ရှိတယ်။ ဥပမာ -

🪨Throne of Stone - Emperor ရဲ့ foundation က ဘယ်ကလာလဲဆိုတာကို ဒီ symbol မှာ မြင်ရပါတယ်။ပုံမှန် deck တွေမှာ တောင်တွေ နဲ့ ဆိုပေမယ့် ကျွန်တော့် Deck မှာတော့ သူရဲ့ သလွန်တော် က Emperor ရဲ့ ဘာလာလာ မပြိုလဲတဲ့ စွမ်းရည်ကို ကိုယ်စားပြုပါတယ်။ ဘဝမှာ စနစ်တကျ အခြေအမြစ်ခိုင်ခိုင် တည်ဆောက် တတ်တယ်။ အခက်အခဲ ကြုံလာရင် ဒဲ့ရင်ဆိုင်ပြီး တစ်ဆင့်ပြီးတစ်ဆင့် ဦးနှောက်သုံး ဖြေရှင်းသွားရင် ပို အောင်မြင်တာမျိုးပါ။

🐏Horned Crown - ဒါက Emperor ရဲ့ ခွန်အားပဲ။ သိက္ခာနဲ့ စည်းမျဉ်းတွေ ကြားထဲက မှ အနီးအနားက သူတွေအတွက် ရှေ့က မားမားမတ်မတ်ရပ်တည်နိုင်တဲ့ ခွန်အားမျိုးပါ။ ဒီ ခွန်အား သရဖူရဲ့ ဝန်က လေးလံပါတယ်နော်။ ကိုယ့်ခွန်အားက အများကောင်းဖို့ အတွက် ဖြစ်ဖို့လိုပါတယ်။ ကိုယ့် အကျိုး အတွက်ပဲ ဖြစ်နေရင်တော့ မင်းဆိုး (ပြောင်းပြန်ကျတဲ့အခါ) ဖြစ်သွားပါပြီ။

🪓The King’s Axe - Emperor လုပ်ရတာရဲ့ မလွယ်ကူဆုံးအချက် ပါပဲ။ ပြတ်သားရတဲ့ ဆုံးဖြတ်ချက်တွေ ကို ကိုယ်စားပြုပါတယ်။ တချို့ ဆုံးဖြတ်ချက်တွေက ခက်ထန်ရင် ခက်ထန်မယ် အများကောင်းဖို့ အတွက် ဖြတ်ချလိုက်ရတဲ့ အခါတွေ ရှိတတ်ပါတယ်။ တိခနဲ ဖြတ်ရတဲ့ အခါတွေ၊ စည်းကမ်းတွေကို တင်းကြပ်ရတဲ့ အခါတွေမှာ ဓမ္မဓိဌါန် ကျကျ လုပ်ကိုင်ရပါလိမ့်မယ်။
--------------------------------------------------------------
🔮 ဖတ်လို့ရတဲ့ နိမိတ်များ 🔮

🛡️👑Seeker ဟာ Emperor ကဒ်နဲ့ ကြုံရရင် ၊ Emperor arcana ဆောင်ထားတဲ့ သူဆိုရင် ပခုံးပေါ်မှာ လူအများရဲ့ ဝန်ကို ထမ်းထားရတတ်ပါတယ်။ ဦးဆောင်သူတစ်ယောက်ဖြစ်သလို အပြစ်ပေးရတဲ့ သူလည်း ဖြစ်နေတတ်ပါတယ်။ ဘဝမှာ အရေးကြီးတဲ့ project တွေကို ခေါင်းဆောင်လုပ်ပေးရတာ မျိုးတွေ မျှော်လင့်လို့ရပါတယ်။ စီးပွားရေးတို့ ပိုက်ဆံတို့ မှာ ဆိုရင် အလုပ်မှာ ငွေနဲ့ပတ်သက်ပြီး စည်းကမ်းရှိဖို့၊ ဉာဏ်နဲ့ လွှာသုံးရတဲ့ အခြေအနေမျိုးတွေလာတတ်တယ်။ စည်းစနစ်ကျကျ သွားမှသာ အောင်မြင်မှုရနိုင်ပါလိမ့်မယ်။

တစ်ကြိမ်တည်းမှာလည်း လက်ထဲမှ အချုပ်အကိုင်မရှိနေ၊ အရာရာအားလုံးမသိနေရရင် နေမထိ ထိုင်မထိ ဖြစ်တတ်သူပါ။ control က Seeker အတွက် အရေးကြီးတာကို။ ဒီလို အခါတွေမှာ ကိုယ့် ခွန်အားကို ကိုယ့်အတွက် ဆိုတာထက် အများကောင်းဖို့ ကိုပဲ အာရုံပိုစိုက်လိုက်ပါ။ Seeker ရဲ့ တိကျပြတ်သားတာ၊ မားမားမတ်မတ် ရပ်တည်တာ တွေက အောင်မြင်မှုတွေကို ဖိတ်ခေါ်တဲ့ နေရာတစ်ခု ဖန်တီးပေးပါလိမ့်မယ်။ ☀️💪⛰️

29/07/2025

💚 ဒီ ကဒ်လေးကို မြင်ရသူတို့ ဟာ အချစ်ခံရတဲ့ သူတွေပါ။ 💚
အချစ်ရေးမှာ ကိုယ်ရင်းနှီးမြှုပ်နှံသလောက် ပြန်ရတတ်တဲ့ ကံပါမှာပါ။
အပေးနဲ့ အယူ ညီမျှတဲ့ relationship လေးတွေကို ကိုယ်စားပြုတယ်ဆိုရမှာပေါ့။ ✨

🦋ဒါကြောင့် မို့လို့ အချစ်မှာကိုယ်က စ ပေးလိုက်ဖို့ ကို ဝန်မလေးမကြောက်ပါနဲ့နော်။ တကယ်တန်ဖိုးရှိတဲ့သူက Seeker ပေးသလောက် ကို ပြန်ပေးမယ်သူပဲမို့ပါ။ အချစ်က ခန်းမသွားပါဘူး။

🧘‍♀️ Self Care Exercise: ချစ်ရတဲ့သူ ရှိတယ်ဆိုရင် သူ့ကို ချစ်တယ်ဆိုတာကို လက်ရေးလေးနဲ့ စာတစ်ကြောင်းလောက်ရေးပြီး surprise လုပ်ပေးပါ။

သူထိုင်နေကျ ခုံလေးပေါ်မှာပဲ ဖြစ်ဖြစ် 🪑
သူ ရဲ့ laptop ထဲမှာပဲ ဖြစ်ဖြစ် 💻
သူ့ရဲ့ မှန်တင်ခုံလေးမှာပဲ ဖြစ်ဖြစ်ပေါ့။ 🪞

ကိုယ်ချစ်တာဟာ ကိုယ့်အတွက် ကြည်နူးစရာလေးဖြစ်ပါလိမ့်မယ်။ 🥰

27/07/2025

"ကိုယ့် ချစ်သူက ပြောင်းလဲသွားတယ်" လို့ ခံစားရရင် ဖတ်ကြည့်စေချင်ပါတယ်။
Page အသစ် ရဲ့ ပထမဆုံး Post လေးပါ။

27/07/2025

နှလုံးသားရေးရာနဲ့ ပတ်သက်ပြီး တွေးစရာတွေ၊ ဆွေးနွေးစရာတွေ၊ မေးချင်သိချင်ပေမယ့် ရှက်လို့ ကြောက်လို့ မမေးဖြစ်တာတွေရှိနေရင် Love Haven ဆိုတဲ့ Page အသစ်ကို လာခဲ့ဖို့ ဖိတ်ခေါ်ပါရစေ။ (18+)
https://www.facebook.com/LoveHavenIntimacy

Safe Haven မှာ လိုပဲ လုံခြုံတဲ့ Safe Space ဖြစ်အောင် ရည်ရွယ်ထားတာမို့ judgemnt free zone ဖြစ်သလို privacy ကိုလည်း အထူးအလေးထားပေးမှာလည်းဖြစ်ပါတယ်။ ဘာလို့ page ခွဲရတာလည်းဆိုရင်တော့ Love Haven မှာက s*x and intimacy နဲ့ ဆိုင်တဲ့ ကိစ္စတွေကို ပွင့်ပွင့်လင်းလင်း တင်ဆက်သွားပေးမှာဖြစ်တဲ့အတွက်ပါ။ တချို့ အကြောင်းအရာတွေက သူ့ space လေးနဲ့ သူ့ ရှိသင့်တယ်လို့ ယူဆလို့ပါ။

S*x Positive, Inclusive zone ဖြစ်တဲ့ အတွက် p***s owner and v***a owner တွေ အတွက် သာမက q***r, as*xual, aromantic, trans နောက်ဆုံး questioning ဖြစ်နေသေးတဲ့ သူတွေ အတွက်ပါ လွတ်လွတ်လပ်လပ် ဆွေးနွေးလို့ ရမယ့် နေရာလည်းဖြစ်ပါတယ်။

ရည်ရွယ်တာကတော့ အချစ်နဲ့ပတ်သက်လာရင် ညီငယ် ညီမငယ် non binary people တို့ အားလုံး နွေးထွေးလုံခြုံပြည့်စုံတဲ့ relationship တွေ တည်ဆောက်နိုင်ဖို့ပါ။

15/07/2025

🔮မနက်ဖြန်အတွက် အဖြေတွေမရှိလို့ သောက...
နေ့ရက်တွေက စာမေးပွဲမဟုတ်ပါဘူး။ မေးခွန်းတွေ မေးရင်း ရှေ့ဆက်ဖို့ပါ။ 🌿

မသိချင်းတွေ အတွက် နှလုံးသားကို ဖွင့်ထားပါ
မရှက်ပါနဲ့နော်..
Wonder(အံသြခြင်း) ဆိုတဲ့ ပျော်စိတ်က မသိချင်းကလာတာပါ။ 🌙

မေးခွန်းတိုင်းအတွက် အဖြေရှိစရာမလိုပါဘူး။
Seeker က လုံလောက်ပြီးသားပါ။ 🕊️

You are enough, dear Seeker. Enjoy the journey and what you seek will come in its own time. 💫

Self Care Exercise - comment မှာ ကိုယ် အရမ်းသိချင်နေတဲ့ မေးခွန်းတစ်ခု ချရေးကြည့်ရအောင်။
"ငါဘာလို့ အချစ်မခံရတာလည်း"
"အလုပ်ကသူတွေ နဲ့ ဘယ်တော့မှ အဆင်မပြေတော့ဘူးလား"
"ငါရွေးခဲ့ တဲ့ လမ်းက မှားနေတာလား"

ဘာပဲဖြစ်ဖြစ်ပါ။ ချရေးလိုက်ရအောင် အဖြေရှာဖို့မဟုတ်ဘူးနော်။ ရင်ထဲမှာ ဒီမေးခွန်းရှိနေတယ်ဆိုတာကို အသိအမှတ်ပြုဖို့။

-------------------------------
The Diviner - ဘဝမှာ တချို့အရာတွေက ဖြစ်ချိန်တန်မှ ဖြစ်လာတာ ဆိုတဲ့ Divine Timing ကို ကိုယ်စားပြုပါတယ်ခင်ဗျာ။

13/07/2025

"တခြားသူကို ဒီစကားတွေပြောမထွက်ဘူး။ ရင်ထဲမှာ ခံစားနေရတာကို အခုမှ နားလည်လာတယ်" 💚

🦋မနှစ်က စပြီး ကျွန်တော် ဆီမှာ Tarot လာဖတ်တဲ့ Seeker တွေ အတွက် လုံလုံခြုံခြုံတိုင်ပင် ရင်ဖွင့် ဆွေးနွေးနိုင်အောင်ဆိုပြီး ကျွန်တော် Psychotheraphy & Counseling journey စဖြစ်ပါတယ်။ 🦋

ကိုယ်တိုင် ခံစားခဲ့ရတဲ့ Depression 😮‍💨
လူတိုင်းအတွက် အရေးကြီးတဲ့ Relationships 💕
အပြောင်းအလဲကို ဖန်တီး ဖို့ Person centered counseling 🌱
အစရှိတာတွေကို Tarot နဲ့ အတူ တွဲသုံးနိုင်အောင် သင်တန်းတွေ၊ diploma တွေ လိုက်ယူဖြစ်ခဲ့ပါတယ်။

အခုဆိုရင် advanced counseling certificate ကို ပါ အောင်အောင်မြင် ရရှိခဲ့ပါပြီ။ ကျွန်တော်ရဲ့ Seeker တို့ရဲ့ အခက်အခဲဆုံးအချိန်တွေမှာ အတူရှိပေးတဲ့ ခရီးဖော် ဖြစ်ချင်တဲ့ ဆန္ဒက အခု အထိ ရှိဆဲပါ။

ဒါကြောင့် ရင်ထဲမှာ လေးလံနေရင်း ကျွန်တော်နဲ့ အတူ ကဒ်တွေနဲ့ အတူ ရင်လာဖွင့်လို့ရပါတယ်။ ကျွန်တော် ဘာပြောပြော judge လုပ်မှာမဟုတ်ပါဘူး။ ဘယ်လို ခရီးဆက်ကြမလဲပဲ အတူ အဖြေရှာကြပါမယ်။ 🎏

စိတ်ချမ်းသာဖို့ အတွက် အတူ လျှောက်လှမ်းကြရအောင်။ 🌱✨

09/07/2025

“ငါနဲ့ စကားပြောရတာ တော်တော် ပျင်းစရာကောင်းသွားပုံပဲ။ ထွက်သွားတာ လှည့်တောင်မကြည့်ဘူး။” 😞💭

🥂 ကျွန်တော် ရောက်နေတဲ့ နေ့ရာက networking party တစ်ခု။ အားလုံးက အဲ့မှာ soicial skill တွေ အပြည့် on ထားကြတယ်။ နဂိုတည်းက စကားပြောဖို့ ဆို အားမွေးရတဲ့ ကျွန်တော် ထူးထူးခြားခြား ဒီပွဲမှာ ကိုယ်နဲ့ ဝါသနာတူတဲ့ Gamer တစ်ယောက်နဲ့ စကားကြာကြာ ပြောခွင့်ရလိုက်တယ်။ အဲ့မှာ ကျွန်တော်က အပျော်လွန်ပြီး ဂြိုလ်သား Game တစ်ခုအကြောင်းကို ကိုယ်ချည်းပဲ အားရပါရပြောတာ။ သူကလည်း ထောက်ရုံပဲ ထောက်ပေးပြီး နားထောင်နေတော့ အရှိန်က ဘယ်လိုမှကို သတ်မရ။ မိနစ် ၂၀ လောက်ကြာတော့မှ သူက တစ်ရက်လောက် သက်သက် ချိန်းကြရအောင်လို့ စကားစတယ်။ သူ နှုတ်ဆက်ပြီး ထွက်သွားတဲ့ အချိန်မှာ စောစောကအတွေးတွေက ကျွန်တော်ခေါင်းထဲ ဆက်တိုက်ရောက်လာပါလေရော။ 🧠⚡️

ကျွန်တော်သူ့ကို မဆက်သွယ်ဖြစ်ခဲ့ဘူး။ 🤐

သူနဲ့ မခင်ချင်လို့မဟုတ်ဘူးနော်။ ကျွန်တော် သူ့ကို အရမ်းခင်ချင်တာ။ အသက်သုံးဆယ်မှာ ဝါသနာတူတဲ့ သူငယ်ချင်းတွေ့ဖို့ ဆိုတာလွယ်တာမဟုတ်ဘူးလေ။

“သူလည်း ငါ့ကို ခင်ချင် လှမ်းဆက်သွယ်မှာပေါ့။ ငါစကားတွေ ဇွတ်တရွတ်ပြောလိုက်တော့ ငါ့ကို လန်သွားပြီ ထင်ပါတယ်။”

📩 တစ်လကျော်ကျ မှ ကျွန်တော်သူ့ကို စာပို့ဖြစ်တယ်။ သူပြန်ဖြေတာလည်း ရိုးရိုးလေးပဲ။

“ကို Jack ရေ။ ကျွန်တော်လည်း လှမ်းဆက်သွယ်မလို့၊ အနှောင့်အယှက်ဖြစ်မှာစိုးလို့”

အဲ့တာနဲ့ နေ့လည်စာ စားဖြစ်ကြတယ်။ Game အကြောင်းပြော၊ Thailand လာတဲ့ အခက်အခဲ တွေကြောင်းပြောနဲ့ ၂ နာရီလောက် ကြာသွားရော။ ငယ်သူငယ်ချင်းတွေလိုပဲ။ ကျွန်တော်သူ့ကို စာပို့ဖို့ ရှိန်နေမိတာကို ဝန်ခံတော့ သူလည်း ရယ်ပြီး ကိုယ်နှဖူးကိုယ်ရိုက်ကုန်ရော။

“ဟောဗျာ၊ ကျွန်တော်က ကို Jack က ကျွန်တော်ဘာမှ မပြောလို့ စိတ်ပျက်ပြီး မခင်ချင်ဘူးထင်နေတာ။”

အဲတော့ မှ တစ်ယောက် အဖြစ် တစ်ယောက်ရယ်နိုင်ကြတယ်။ ကျွန်တော်တို့ နှစ်ယောက်အတွေးတူ နေခဲ့တာလေ၊ “ငါက ခင်ချင်စရာမကောင်းဘူး” ဆိုပြီး။

ဒါကို Like Gap လို ခေါ်တယ်။ ခင်မင်မှု ဒွိဟ လို့ ဆိုရမှာပေါ့။ 💚
--------------------------------------------------------------
🤓Like Gap ဆိုတာ ဘာလဲ?

ဒီအတွေးကို psychologist တွေ နဲ့ socialogist တွေ study လုပ်ဖူးပါတယ်။ သူတို့ရဲ့ စမ်းသပ်မှု study တွေမှာ ကျွန်တော်တို့ တွေ သည် လူတွေ ကိုယ့်ကို ခင်မင်ချင် တဲ့ amount ကို လျှော့တွက်တတ်ကြတယ်တဲ့။ ပိုဆိုးတာက အဲ့လျှော့တွက်တာက နှစ်ဖက်စလုံးက ထင်တာ။ တစ်ယောက်ကို တစ်ယောက် မခင်ဘူးတွေထင်၊ ခင်ကြမင်ကြရဲ့သားနဲ့ လွဲကုန်ကြရော။

မြန်မာလူမျိုးတွေအတွက် က ပိုခက်တာပေါ့လေ။ ကျွန်တော်တို့ က perfectionist ယဉ်ကျေးမှုက လာတာမို့ ကိုယ့်ကို လူတွေ ဘယ်လိုမြင်မလဲ ထင်မလဲ ကို အရမ်းစိတ်ပူကြရတယ်။ ကျောင်းမှာ အဆင့် ၁ မရဘူးလား… “မင်းက စာညံ့တဲ့ ကောင်” လို့ အသက်မှတ် judge လုပ်ခံရတယ်။ အဲ့အခါမှာ ကိုယ်ဘာမှား လည်း ဆိုတာကို အစစ်ဆေးလွန်တဲ့ အကျင့်က မသိစိတ်ထဲမှာ စွဲနေပြီး။ ။ ရည်းစားငြင်းခံ ရရင်တောင်မှ ကိုယ်ချစ်တဲ့သူနဲ့ လက်မတွဲရတာထက် သူငယ်ချင်းတွေကြား အရှက်ကွဲတာကို ပိုကြောက်တာကို။ ဒီတော့ အတွေးလွန်ပြီး စခေါ်စပြောရမှာ ကြောက်တာ မထူးဆန်းပါဘူး။ 🤗💚
----------------------------------------------------------------
🎯ဒီ ခင်မင်မှု ဒွိဟ က တကယ်ဖြစ်နေတဲ့ ပြဿနာဆိုတော့ ကျွန်တော်တို့ ဘယ်လိုရင်ဆိုင်ကြမလဲ?

၁။ ကျွန်တော်တို့ အတွေးတွေက အမြဲ မမှန်ဘူးဆိုတာ လက်ခံပါ။ 🧠🌀

ကျွန်တော်တို့ ရဲ့ အတွေးတွေသည် ဘဝအတွေ့အကြုံအဆိုးအကောင်းပေါင်းများစွာကနေ မွေးဖွားလာတာပါ။ ဒီတော့ ဓမ္မဓိဌာန်ကျကျ မှန်ဖို့ဆိုတာ အမြဲမဖြစ်နိုင်ပါဘူး။ ခံစားချက်တွေ, ကြောက်စိတ်တွေ၊ အကျင့်ဟောင်းတွေက ကျွန်တော်တို့ကို လက်ပွန်းတတီးဖြစ်တဲ့ အတွေးတွေကိုပဲ အာရုံစိုက်စေပါတယ်။

“ငါအကုန်လုံးကို မသိနိုင်ဘူး။ အခုအချိန်မှာ ကြိုက်တာရော မကြိုက်တာရောဖြစ်နိုင်တယ်။ ယတိပျက် အဖြေက သူဆီကပဲရမှာ”

အဲ့ အတွေးလေးကို ကိုယ့်ကိုကိုယ်ပြောဖို့ တိုက်တွန်းပါရစေ။
-----------------------------------------------------------
၂။ တစ်ဖက်သားကို အာရုံစိုက်လိုက်ပါ။ 🦋

Like Gap ဖြစ်ရတဲ့ အကြောင်းအရင်းက ကျွန်တော်တို့ရဲ့ ကိုယ်ပိုင် အပြုအမူ၊ စကားတွေကို ပဲ အာရုံစိုက်လွန်းလို့ ဖြစ်လာတာပါ။ အမှန်တကယ်က ကျွန်တော်တို့ အားလုံးသည် သူများ အကြောင်းကိုတွေးတာထက် ၈၀% ကိုယ့်အကြောင်းပဲကိုယ်တွေးပါတယ်။
တကယ်က တစ်ဖက်လူရဲ့ စကားပြောဟန်၊ ဟန်ပန်တွေကို အာရုံစိုက်ကြည့်ရင် ကိုယ့်ကို သူ ခင်မင်ချင် တယ်ဆိုတာကို သိနိုင်တာတွေ အများကြီးပါ။ Body langauge တွေ၊ အပြုံးတွေ၊ အားတက်သလျော် ရှိတာတွေကို ပိုမြင်လာနိုင်ပါလိမ့်မယ်။
-----------------------------------------------------------
၃။ Check-In လုပ်ပါ။ 🙋‍♀️🙋

Like Gap ကို ကုသဖို့ အကောင်းဆုံးနည်းသိချင်ပါသလား?

သွားသာ မေးလိုက်ပါ။

ပြောတော့သာလွယ်တာ။ ဒါက ကျွန်တော်အတွက် အခက်ခဲ့ဆုံးအရာပဲ။ ဒါပေမယ့် လည်း မဖြစ်မနေလိုတဲ့ အရာပါ။ ဒါကြောင့်လဲ ကျွန်တော် check in လုပ်ရလွယ်အောင် template လေးရေးပေးထားတယ်။ နည်းနည်းပါပါး ပြင်ပြီး လှမ်းပို့လို့ရအောင်ပါ။ ဒီဟာက လူသစ် မိတ်ဆွေသစ်တွေ ပို့ဖို့အတွက်ပါနော်။

“ကျွန်တော်/မ တို့ တစ်နေ့က တွေ့ဖြစ်ခဲ့တာ မှတ်မိလားမသိဘူးခင်ဗျ။ အဲ့နေ့က ကို/မ______ နဲ့ စကားပြောရတာ အရမ်းသဘောကျတာပဲ။ နောင်လည်း ခင်မင်ချင်ပါတယ်။ ကျွန်တော်တို့ တစ်ရက်လောက်တွေ့ပြီး နေ့လည်စာလေး ဘာလေးသွားစားကြမလားခင်ဗျ။ မိတ်ဖြစ်ဆွေဖြစ်ပေါ့။ မအားလည်းရပါတယ်နော် အားမနာပါနဲ့။”

ဒီစာလေးက ကိုယ် တစ်ဖက်လူအပေါ့် ခင်မင်တာကို နှစ်နှစ်ကာကာ ရိုးသားထားသလို့ ကိုယ့်ကိုသူငြင်းချင်လည်း ငြင်းရလွယ်အောင် ဖွင့်ပေးထားတာပါတယ်။ အဲ့တော့ အရမ်း akward မဖြစ်တော့ဘူးပေါ့။ 😊✨
-----------------------------------------------------------
Seeker လည်း နောက်ဆို ကိုယ့်ကိုကိုယ် အားငယ်ပြီး စခေါ် စခင်ဖို့ ကြောက်နေရှက်နေမိတယ်ဆိုရင် “သူခင်ချင်ပါ့မလား” ဆိုတာထက် “ငါသူ့ကို ခင်ချင်လား” ဆိုတာကို ပိုမေးကြည့်ပါနော်။ မိတ်ဆွေသဟာပေါများပါစေ။ 🤗🌱🌟

08/07/2025

💰ဒီကဒ်လေးကို တွေ့သူတွေ အတွက် အောင်မြင်မယ့် အလုပ်အကိုင် အသစ် စီးပွါးရေးအသစ်တွေ စရတော့မယ်လို့ ကိုယ်စားပြုပါတယ်။💼

⭐️ အိမ်မက် အိမ်မက်တိုင်းကို အကောင်အထည်ဖော်ဖို့ ခြေလှမ်းလေးစလိုက်ပါနော်။

Self Care exercise: ကိုယ်ရင်ထဲမှာ အလုပ်ချင်ဆုံး အလုပ်အကိုင် စီးပွါးရေး တွေကို ဖြစ်နိုင်တယ်လို့ ပဲရည်စူးပြီး ချရေးကြည့်ရအောင်။ အောင်မြင်တဲ့ ကိုယ်ပိုင်လုပ်ငန်း၊ dream career တွေပိုင်ဆိုင်နိုင်ကြပါစေခင်ဗျာ။🌳💪

04/07/2025

👑 The Empress က ကျွန်တော်တို့ရဲ့ ဦးဆောင်နိုင်စွမ်းတွေ၊ ဖန်တီးနိုင်စွမ်းတွေ ကို ကိုယ်စားပြုပါတယ်။ မိခင် တွေရဲ့ embodiment ဖြစ်တော့ နွေးထွေးတာ၊ ကရုဏာပါပါ ဦးဆောင်နိုင်တဲ့သူတွေပါ။

အမြန် အဓီပ္ပါယ် -
💑 အချစ်ရေး - နွေးထွေးတဲ့ ကြင်နာတဲ့ partner ၊ ကရုဏာ ပါတဲ့ relationship
💼 အလုပ်အကိုင် - အုပ်ချုပ်တဲ့ ရာထူး၊ ရှေ့ဆောင်လမ်းပြတဲ့ နေရာ
📈ငွေရေးကြေးရေး - ငွေကြေးတိုးပွားခြင်း၊ သဒ္ဒါတရား ပေါများစရာအချိန်

🌱 The fool’s journey မှာတော့ Empress ကို ရောက်ရင် ကျွန်တော်တို့ က ကိုယ်ကံကြမ္မာကို ကိုယ်လက်ထဲမှာ ချုပ်ကိုင်ဖို့ control လုပ်ဖို့ ကြိုးစားတဲ့ stage ကို ရောက်တယ်လို့ အဆိုရှိပါတယ်။ ဒါကြောင့် Empress ကို မြင်တဲ့ အခါကျရင် တိကျပြတ်သားတဲ့ အမြင်ရှိသူ၊ လိုချင်တာကို ရအောင်ဖန်တီးနိုင်စွမ်းရှိသူ၊ ကိုယ် life ကို ကိုယ် lead လုပ်နိုင်သူ လို့ ဘာသာပြန်လေ့ရှိပါတယ်။ A taste of power ရတဲ့ ကဒ်ဖြစ်တဲ့ အတွက် တခါတရံမှာ ကိုယ်လုပ်ကိုယ်မှန် တယ်ဆိုတဲ့ မောဟ ဖုံးတဲ့ အခါတွေလည်းရှိနိုင်တာ မို့ သတိပေးတဲ့ အဓိပ္ပါယ်တွေလည်း ပါပါတယ်နော်။ 🎭
👸 ဒါကြောင့် သူရဲ့ Symbolism တွေက ဘုရင်မတို့ရဲ့ အိန္ဒြေ၊ ကံကြမ္မာ၊ သိမ်မွေ့မှု တွေကို ကိုယ်စားပြုတာတွေ အဓီကပါတတ်ပါတယ်။ ကျွန်တော်ရဲ့ လက်ရှိ deck ကတော့ နည်းနည်း traditional deck နဲ့ တော့ ကွာပေမယ့် သူရဲ့ ကိုယ်ပိုင် symbolism တွေက လည်း ဒါတွေနဲ့ ဆက်စပ်နေပါတယ်။ 🦢

၁။ 🌔 Luna Pillars - စန္ဒာလမင်းက ဘုရင်မရဲ့ သိမ့်မွေ့မှု နဲ့ ကရုဏာတွေကို ကိုယ်းစာပြုပါတယ်။ ပုံမှန်ကဒ်တွေမှာတော့ မြစ်ရေ နဲ့ ကိုယ်စားပြုပါတယ်။ ဘုရင်ကဒ်နဲ့ အဓီကကွာတာပေါ့လေ။ လရောင်လို့ပဲ အနားမှာ ရှိသူတွေကို အေးမြစေတဲ့ အနက်အဓီပ္ပါယ် ပါပါတယ်။ သူမရဲ့ အာဏာဟာ ချုပ်ကိုင်ခြင်း ကလာတာမဟုတ်ဘဲ အချစ်မေတ္တာက နေလာတာပါ။ 🩵

၂။ 🪐Orb of Destiny - ကိုယ်ကံကြမ္မာကို ကိုယ့်လက်နဲ့ ရေးနိုင်တဲ့ အာဏာစက် က ဒီ ဂြိုလ်လုံး မှာ မြင်ရပါတယ်။ သူမဟာ သူများရဲ့ စေရာသွားရာ မှာပဲ နေမှာမဟုတ်ဘဲ ကိုယ့်ဘဝကို ကိုယ်တိုင် ထိန်းကျောင်းမှာလို့ ဘာသာပြန်လို့ရပါတယ်။ ဉာဏ်ပညာ အမြှော်အမြင် နဲ ဦးဆောင်ဖို့ကို တိုက်တွန်းတာ ဆိုလည်း မမှားပါဘူး။ 🧭

၃။ ⚔️ Queen’s Blade - ဘုရင်မရဲ့ ပြတ်သားတဲ့ စိတ်စွမ်းအင်ကို ကိုယ်စားပြုပါတယ်။ သူမရဲ့ ကရုဏာ ကို အလွဲသုံးစားလုပ်တာပဲဖြစ်ဖြစ်၊ တစ်ဖက်သတ် အသုံးချဖို့ ကြိုးစားတဲ့ သူတွေကို ဖြတ်ချ ထားခဲ့ဖို့ကို ဝန်မလေးဖို့ ပြတဲ့ နိမိတ်ပါ။ ကျွန်တော်တို့ဟာ leadership ရဲ့ တာဝန်ကို ထမ်းထားရတာ ဖြစ်တဲ့အတွက် လိုအပ်တဲ့ အချိန်မှာ ဆုံးဖြတ်ချက်ခိုင်မာရမယ်ဆိုတဲ့ အဓီပ္ပါယ်ပါပါတယ်ခင်ဗျ။ 🎯

💎Seeker ဟာ The Empress Arcana ကို နှလုံးဆောင်သူဆိုရင်တော့ အလွန်တရာနွေးထွေးသလို ထက်မြတ်တဲ့ သူ ဖြစ်တတ်ပါတယ်။ Seeker ရဲ့ မေတ္တာက အောင်မြင်မှုရဲ့ သော့ချက်ဖြစ်ပြီး အနားမှာလာခိုနားသူတွေကလည်း ကိုယ့်ရဲ့ နူညံ့တဲ့ နှလုံးကို လေးစားလို့ သစ္စာရှိကြပါလိမ့်မယ်။ ကိုယ်လက်ကိုယ်ခြေနဲ့ လုပ်ရမှ ကျေနပ်တတ်တဲ့သူ ဖြစ်သလို ရှေ့ဆောင်လမ်းပြတဲ့ leader နေရာကို ယူဖို့လည်းဝန်မလေးပါဘူး။ ကိုယ့်ပတ်ဝန်းကျင်မှ ကသူတွေ အားကျရလောက်အောင် အိန္ဒြေနဲ့ သိက္ခာနဲ့ ပြည့်စုံပြီး ကံကြမ္မာကို challenge လုပ်နိုင်မယ့် ခွန်အားရှိသူပါနော်။ 💪👑🌷

Safe Haven Tarot

28/08/2025

21/08/2025

14/08/2025

29/07/2025

27/07/2025

27/07/2025

15/07/2025

13/07/2025

09/07/2025

08/07/2025

04/07/2025

ที่อยู่

เวลาทำการ

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท

จันทร์	09:00 - 18:00
อังคาร	09:00 - 18:00
พุธ	09:00 - 18:00
พฤหัสบดี	09:00 - 18:00
ศุกร์	09:00 - 17:00
เสาร์	12:00 - 18:00
อาทิตย์	12:00 - 18:00