14/08/2025
သူတို့လိုအင်တွေ ဖြောင့်ဖြူးဖို့
ကိုယ့်ပခုံးကို လှေကားလာတပ်သူများ ရှိတတ်သည်။ ဉာဏ်ပညာနှင့် ကူပံ့ပါ။
သူတို့အပြစ်ကို လမ်းလွှဲဖို့
ကိုယ့်ကိုဦးအောင် လက်ညှိုးလာထိုးသူများ ကြုံနိုင်သည်။ သတိအိမ်လေး တိုးမြှင့်ပါ။
သူတို့အမှားတွေ လူမကြားဖို့
ကိုယ့်နားနှစ်ဖက်နား ချီးမွှမ်းစကားဆိုသူများ တွေ့လိမ့်မည်။ ရွှေရည်စိမ်အသံတွေ ဆန်းစစ်ပါ။
သူတို့ရှေ့ကပန်းဝင်ဖို့ ကိုယ့်ပြေးလမ်းကို
ဝေဝါးစေသူများ ပေါ်တတ်သည်။ နှလုံးရည်နှစ်ဆ ထွန်းလင်းပါ။
ပန်းတပွင့်ကို တကယ်ချစ်လျှင်
ပေါင်းပင်ကိုပဲ ကူရှင်းပေးပြီး
ပွင့်လွှာခွါ၍ ဝတ်မှုန်ထိကူးမပေးကြပါ။
ပန်းပွင့်နည်းကို မေ့သွားမှာစိုးသောကြောင့် ဖြစ်သည်။
မိတ်ဆွေစစ် မိတ်ဆွေမွန်သာမှန်လျှင်
ချိုသောစကားကို လိုသောအခါမှသာ ဆို၍
ပျော်ခြင်းငိုခြင်းကို မျှတစေတတ်ကြပါသည်။
လမ်းပျောက်အောင်ထိ လက်ခုပ်မတီးကြပါ။
-အေးရိပ်-
