23/06/2024
ရဟန်းများ တန်ခိုးပြသခြင်းကို
တားမြစ်ရခြင်း
တန်ခိုးပြ ပြီးတော့ ယုံအောင်လုပ်လို့မရဘူးတဲ့ အဲ့ဒီထဲမှာ အစွမ်းထက်တာတခုကတော့ တန်ခိုးပြတာမဟုတ်ဘူးတဲ့ ဆုံးမသြဝါဒပေးတာဟာ သာလျှင် ဘာသာတရားအတွက် တန်ဖိုးအရှိဆုံးအရာဖြစ်တယ်ပေါ့
ဘာသာတရားရဲ့ ဆုံးမမှုဆိုတာ
တန်ခိုးပြတာထက် ထိရောက်တယ်
တန်ခိုးပြလို့ရှိရင် မျက်လှည့်သမားကြီးလို့လဲ ထင်ချင်ထင်ကြမယ်နော် လူလိမ်လူညာလို့လဲ ထင်ကောင်းထင်ကြလိမ့်မယ် အဲ့လိုမဟုတ်ပဲနဲ့ဘယ်လိုနေရမယ် ဘယ်လိုထိုင်ရမယ် စိတ်နေသဘောထားဘယ်လိုထားရမယ် အပြစ်ရှိတဲ့အလုပ်
အပြစ်မရှိအလုပ်တွေ ခွဲခြားပြီးတော့
လုပ်သင့်တာနဲ့မလုပ်သင့်တာ
ခွဲခြားပြီးတော့ ဆုံးမသြဝါဒပေးတဲ့အလုပ်ဟာ ပိုပြီးတော့ ဘာသာတရားမှာ
တန်ဖိုးရှိတယ်ပေါ့
အဲ့ဒီတန်ဖိုးရှိတဲ့
အနုသာသနေ ဆုံးမသြဝါဒပေးမှုကသာလျှင် ဘာသာရေးနဲ့သင့်လျော်တဲ့
တန်ခိုးပြမှုပဲလို့ မြတ်စွာကယူဆတယ်
အဲ့ဒါကြောင့်မိုလို့
မြေလျှိုးမိုးပျံ ဒီလိုလုပ်
ပြတာတွေကို မြတ်စွာဘုရားက
မချီးမွမ်းဘူး လူ့စိတ်ကို အတပ်ဟောတာတွေ မချီးမွမ်းဘူး လောက လူတွေကတော်ကြာ စိတ်ဝင်စားတာတော့ဟုတ်လိမ့်မယ်။ လူ့စိတ်ကိုသိလို့ရှိရင် တော်ကြာ ဘာလုပ်ကြမှာလဲဆို သာသနာကို ကြည်ညိုမှာတော့မဟုတ်ဘူး အိမ်က စိန်လက်စွပ်ပျောက်သွားလို့
အရှင်ဘုရား ဘယ်နားရောက်နေလဲ ဒါ လာမေးမှာပဲ တန်ခိုးပြလာလို့ရှိရင်
အဲ့ဒါပဲလာမေးကြမှာပဲ
တရားဓမ္မတော့ မေးမှာမဟုတ်ဘူး အရှင်ဘုရား ဒီတရားဘယ်လိုကြောင့် ရ တာတုန်း တပည့်တော်ကိုနည်းပေးစမ်းပါ ဒီတရား
တပည့်တော် ရချင်ပါတယ်ဆိုတဲ့လူက ရှားတယ် အဲတော့ ဒီနည်းလမ်းတွေက
တန်ခိုးပြပြီးတော့ စည်းရုံးတဲ့နည်းလမ်းတွေက မမှန်ကန်ဘူးလို့မြတ်စွာက
ဒီလိုဟောထားတာတွေရှိတယ် ဒါ့ကြောင့်မိုလို့ ရှင်ပိဏ္ဍောလကို
ပစ်ပစ်ခါခါ မြတ်စွာဘုရားက တန်ခိုးပြတာကိုပစ်တင်တယ်
#ဒေါက်တာအရှင်နန္ဒမာလာဘိဝံသ
