เว็บไซต์คืออะไร?

https://www.facebook.com/124177111550974/

Health Market

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Health Market, นักจิตวิทยา, Bangkok.

17/09/2018

ناس كتير بتعاني من أعراض مرضية زي الخمول والكسل أوالاحباط والاكتئاب أوتساقط الشعر أوقلة التركيز أو وجع المفاصل والعظام ومش عارفين ايه الأسباب ولا عارفين يروحوا لمين.. وناس بتروح لدكتور واتنين وتلاتة وبياخدوا أدوية أد كدة وبرضو مفيش تحسن.. وساعات بنفضل ناخد رأي قرايبنا أو جيراننا ونفضل نجرّب ف أدوية ومسكنات ممكن يكون ليها أضرار وأعراض جانبية..

فيه مكان متخصص ف التشخيص والتحاليل الطبية لأول مرة في مصر تحت إشراف دكتور محمد هاني أخصائي أمراض الدم والمناعة والباثولوجيا الإكلينيكية (ودة تخصص نادر في مصر) والحاصل علي البورد الأمريكي..

الدكتور محمد بيسمع شكوي المريض كويس جدا وبناءً عليه بيتم تحديد التحاليل المطلوبة وايه التخصص اللي المفروض المريض يروحله..

التفاصيل في اول تعليق.

10/08/2018

البوست دة هايضيع دقيقتين✌⌚ من وقتك بس هايساعد في تغيير مفاهيم كتيييير غلط عند بعض الناس..

مشكلة اكتر رجالة مصر أمهاتهم لأنهم مخلوهمش يشيلوا أي مسئولية ف بيوتهم، دول حتى ما علموهمش يحطوا طبقهم ف الحوض! أنتي عايزة واحد مش عارف عواقب ان طبقه يفضل ف مكانه يعرف يشيل مسئوليه؟

ما تصحيش من النوم علشان تسخني الأكل لابنك مايهز طوله وعرضه ويسخن لنفسه..
ما تخليهاش حاجة عادية أنه يطلب من أي حد ف البيت يجيبله كوباية المياه او يعمله شاي او اى حاجه يقدر يعملها بنفسه..
لو سافرتي المفروض ابنك يعرف يشغل الغسالة لهدومه وينشر، عادي.. مش صح انك ترجعي من السفر تلاقي سبت الغسيل مليان بهدومه وتيجي تغسليهم انتي وتنضفي وراه اوضته لان هو المفروض مسئول عن ترتيبها ونضافتها..
ابنك المفروض هو اللي يفتح الباب..وهو الي يجيب طلبات البيت
ابنك المفروض يقف مع العمال، مش انتي ولا اخته علشان هو نايم.. عشان هيتجوز ست ويقولها مبحبش وقفة العمال وتبقى شايفاه مش راجل!👎
ما تخربوش على ولادكم بدلعهم، علشان الستات بقوا بيعرفوا يستغنوا عن الرجالة من كتر ما الرجالة بقت عالة ع الستات..

الراجل عنده مسئوليات ودور ف بيته ودي حاجة لا تقلل ولا تنتقص منه..
علموهم ينشروا الغسيل ويساعدوا ف الطبخ وياخدوا بالهم من أخواتهم الصغيرين لو عندهم اخوات أصغر عشان بعد كده لما يكبر ويخلف ميبقاش حاسس ان ولاده عبء ومصدر ازعاج وان مراته بس هي اللي مفروض تغير وتأكل وتلبس . علموهم يتحملوا المسؤولية عشان لو ف يوم م الايام سافر يدرس لوحده ولا اتغرب عشان يشتغل ميغرقش ف شبر مية.

علموا ولادكم يبقوا رجالة مش بيبهات في جسم شحط زى الحيطة طول بعرض مش ناقص غير انك تغيريله بالمرة
يا إما في بنت هتدعي عليكي لما تتدبس فيه 😑

منقول

02/08/2018

01/08/2018

...

11/06/2018

بوست في منتهي الجمال👍👍
1 - كُتر الشكوى

الشكوى بشكل مستمر بتأثر بشكل سلبي على حالتنا المزاجية والنفسية وده لأنها دايمًا بتخليك مش راضي عن أبسط تفاصيل حياتك اليومية، تأثير كُتر الشكوى على الدماغ تأثير سلبي بشكل قوي جدًا بيساعد الإنسان على وصول أعلى مراحل الإكتئاب والقلق والتوتر وبيخليه دايمًا باصص لنص الكوباية الفاضي

2- الهروب من المشاكل

الهروب من المشاكل وتجنبها بدل من مواجهتها وحلها هيكبر من صعوبة المشكلة وهيحولك لشخص تعيس سلبي معندوش القدرة إنه يتغلب على مشاكله فأي يوم من الأيام

3- إنك تقارن نفسك دايمًا بغيرك

المقارنة المستمرة بتسبب إحساس بعد فترة بقلة الثقة بالنفس وقلة إحترامك لنفسك ولنقاط قوتك وقدراتك، وبتخليك تركز دايمًا على اللي مش معاك ومن هنا بتبدأ لذة الإستمتاع بالحياة تقل وتبدأ تتحول لشخص ضعيف سلبي

4- قلقك المستمر من الحاجات اللي لسة محصلتش لحد دلوقتي

قلقك المستمر من اللي لسة محصلش لحد دلوقتي هيخلي حياتك مش مستقرة وصعبة وهيدخلك بعد فترة قصيرة فحالة من حالات الإكتئاب الشديد اللي هيصعب عليك تخرج نفسك منه وده طبعًا هيأثر بشكل سلبي على تصرفاتك فحياتك الإجتماعية وإنتاجيتك في حياتك المهنية

5- إنك تعمل حاجة مبتحبهاش

إنك تعمل حاجة مبتحبهاش زي دراسة أو شغل، هيخلي حياتك مملة ومفيهاش شغف وهيخليك لما ترجع بشريط حياتك هتلاقي إنه شريط فاتر وكئيب ومفيهوش لحظة واحدة أنت ممتن إنك عيشتها

6- العلاقات الُمنتهية اللي لسة بتحاول فيها

كلمة علاقة هنا المقصود بيها كل أنواع العلاقات مش بس العلاقات العاطفية، المقاوحة في إنك تكمل فعلاقة فاشلة هيستنفذ كل جهدك وطاقتك ووقتك ومش هيعود عليك غير بالتعاسة والحزن

7- إنك تحاول تغير الناس بدل ماتغير نفسك

إنك تنشغل بعيوب الناس كحجة عشان تشغل نفسك عن عيوبها، ده لا هيصلح منك كشخص ولا هيديك الفرصة إنك تستمتع بالحياة وبالحاجات البسيطة اللي بيقدمهالك اللي حواليك عشان يسعدوك

8- إنك تحاول ترضي كل اللي حواليك

مفيش أفشل وأتعس من الشخص اللي بيحاول يرضي كل الناس فالحياة، وده بيرجع لأختلاف طباعهم وأرائهم ومعتقداتهم فمن المستحيل إنك تلاقي شخص أو شئ إتفقت عليه الدنيا كلها

9- إنك تربط سعادتك بشخص\شئ\هدف

ربط السعادة بأي مصدر خارجي زي شخص بتحاول دايمًا ترضيه أو هدف نفسك تحققه، هيخليك إنسان تعيس لحين تحقيقك لهدفك وتحقيق الأهداف ده مبيجيش فيوم وليلة ده أحيانًا بياخد شهور أو سنين وممكن بعد شهور أو سنين ميتحققش أو العلاقة دي متكملش

#منقول

08/12/2017

لو ماشي ع الطريق وفجأة لقيت نفسك تايه أو مش عارف ايه الطريق اللي المفروض تمشي فيه..
أول حاجة بتعملها بتوطي صوت الكاسيت..
نظريا وعلميا مفيش أي علاقة بين صوت الكاسيت والاتجاه الصح..
بس هوا بيكون تصرف تلقائي ولا إرادي كلنا بنعمله..

الفكرة انك عشان تستدل ع الطريق الصح محتاج توطي صوت الدوشة اللي حواليك عشان تقدر تركز وتاخد القرار الصح..
دة برضو بينطبق عموما علي القرارات اللي بناخدها ف حياتنا أو ف شغلنا..
أوقات كتير بنبقي محتاجين نوطي صوت الدوشة اللي جوانا عشان نقدر نتصرف صح ونقدر ناخد القرارات اللي مانندمش عليها بعد كدة..

وعشان كدة ماينفعش تاخد قرار وانت متنرفز او متعصب عشان الدوشة والصراعات اللي جواك هتخليك تاخد قرار غلط..

وطوا صوت الدوشة اللي جواكوا عشان تقدروا تشوفوا الطريق الصح..

(مقولة أعجبتني)

متعكم الله بالصحة وراحة البال😊😊

09/10/2017

بمناسبة دخول الشتا وتغيير الجو.. فيه شوية حاجات كدة الناس متعودة عليها وللأسف بتضر أكتر مابتنفع.. هنحاول نلخصها ف البوست دة:

1-مفيش حاجة اسمها (مجموعة أنفلونزا)
دي حاجة كدة عبارة عن شوية براشيم مجهولة الهوية والمصدر محطوطين ف كيس ويقولك ابلعهم مرة واحدة.. ولا انت عارف دة بتاع ايه ولا بيعمل ايه ولا بيتعارض مع ايه، دة غير ان فيه صيادلة بيحطوا اي حاجة مش شغالة او تاريخها قريب ف الكيس العجيب دة، واصلا علميا دور الانفلونزا بيقعد ف الجسم من 3-5 ايام ع الاقل عشان فترة حضانة الفيروس وظهور الاعراض و.. و.. و.. فإنسي ان شوية الاقراص دي تكون علاج..

2-المضادات الحيوية مابتتاخدش عمًال علي بطًال، يعني مش عشان حضرتك حاسس ان داخل عليك دور برد تقوم مستسهل وواخد مضاد حيوي لان دة بيدمرلك المناعة، ودة التفسير المنطقي ان المضادات الحيوية مبقتش بنفس الكفاءة بتاعت زمااان،، صحيح الدنيا قل خيرها ومبقاش فيه بركة بس ماوصلتش للمضادات الحيوية😄
الفكرة حضرتك ان الميكروب او الفيروس دة عامل زينا، عايز يعيش،، فبيحور ويطور من نفسه عشان يقدر يقاوم المضاد اللي حضرتك بتستخدمه كل شوية،، سنة ورا التانية بقي الميكروب اقوي وأشد من المضاد الحيوي وعشان كده بتظهر مضادات حيوية جديدة عشان تقدر تقتل الميكروب وتقاومه،،
فبعد اذن حضرتك لما تحس بتعب خلي اخر حاجة المضاد الحيوي..

3-حقنة الكوكتيل او حقنة الكومبو او حقنة اليوم الواحد بتاعت البرد..
دي عبارة عن فلكلور شعبي انتشر ف الفترة الأخيرة برضو ملهاش اساس علمي ولا طبي ولا اي حاجة،
لانها ببساطة بتبقي عبارة عن مضاد حيوي ومسكن وكورتيزون،، طب ماهو المضاد الحيوي لازم يتاخد الكورس كامل عشان يبقي فعال والكورتيزون دة ايه علاقته بالبرد؟!!! الكورتيزون للحساسية ولازم تحت اشراف طبيب او حد متخصص.. ابوس ايديكوا بلاش تأليف..

4-نقط الأنف دي بقي مصيبة المصايب..
باختصار كدة عشان ماطولش علي سيادتك، نقط او بخاخات الانف ماتستخدمهاش اكتر من 3 او 5 ايام بالكتير اوي وبتستخدم 3 مرات ف اليوم بس عشان ببساطة بتعمل تعود وبعده إدمان..
ان كان ولابد ابقي استخدم صباع الفيكس بتاع زمان دة بيوسع المناخير ويخليك تتنفس وزي الفل والله..

آخر حاجة بقي.. نحاول نزود المناعة بالحاجات الطبيعية.. البرتقال اللمون عسل النحل،، فص توم ع الريق، البصل (للناس اللي ليهم ف البصل)
فيه مصل بيتباع ف الصيدليات للانفلونزا بحوالي 55 جنيه ممكن الناس اللي بيجيلهم برد كتير يبقوا ياخدوه..
ونصيحة بلاش اي حاجة نسمعها نعملها وبلاش نخترع ومش عيب الواحد يسأل حد متخصص او يقرأ ويتعلم..

وافتكر (افتكري) دايما ان مش معني ان اي حاجة م الحاجات اللي قلناها دي بتجيب معاك نتيجة او بتريحك، مش معني كدة انها صح ( بالظبط زي ماروحنا كاس العالم واحنا بنكسب الكونغو بالعافية)

ولو حد عنده اي استفسار عن اي حاجة احنا نتشرف بالاجابة عن اسئلتكم..
متعكم الله بالصحة والعافية..