08/07/2022
သတိထားကြနော် 💕
အခုတလော ကလေးတွေ သွေးလွန်တုပ်ကွေး နဲ့ နှာစေးချောင်းဆိုးရော , ပြင်းထန်အဆုတ်ရောင်ရော အရမ်းဖြစ်နေကြပါတယ်
သွေးလွန်တုပ်ကွေးရောဂါ
👉 June ကနေ Oct လောက်ထိ မိုးတွင်းမှာ အားလုံးသိတဲ့ အတိုင်းသွေးလွန်တုပ်ကွေးအဖြစ်များပါတယ်။
👉ကာကွယ်ဖို့ ထက်အိ မှာချင်တဲ့တာက
- ကလေးတွေကို နေ့ခင်းဘက် လုံးဝ ခြင်အကိုက်မခံပါနဲ့။
ခြင်အကိုက်မခံရအောင် -->
💕ကလေးကိုလင်းတဲ့နေရာမှာသာဆော့ခိုင်းပါ,.. 💕လက်ရှည်, ဘောင်းဘီရှည် ဝတ်ပေးပါ,
💕ခြင်ထောင်နဲ့သာအိပ်ပါစေ,
💕ပတ်ဝန်းကျင်မှာ ရေဝပ်တဲ့နေရာတွေရှိရင်ရှင်းလင်းပါ,
💕ဘုရားပန်းအိုးနေ့စဉ်လဲလှယ်ပါ
👉ဒါ့အပြင် ကလေးက
-မှိန်း၊
-နို့မစို့၊
-ခြေဖျားလက်ဖျားအေး၊
-ဗိုက်အရမ်းအောင့်တယ်လို့ပြော၊
-အဖျားကြီးတယ်ဆိုရင် ဒီရာသီမှာ လုံးဝ မနှောင့်နှေးသင့်ပါဘူး။
👉အိမ်မှာက ကလေးတွေကို သွေးပေါင်ချိန်တိုင်းလို့မရတာကြောင့် shock ရနေရင် စောစော မသိနိုင်ပါဘူး။
-တစ်ကိုယ်လုံးပျော့ဖတ်သွားမှဆိုရင် နောက်ကျသွားပါမယ်။
-Shock က အသက်အန္တရာယ်ရှိတဲ့ အနေအထားဖြစ်ပါတယ်။
-ခုချိန် မိုးတွင်းမှာဆိုရင် ကလေးကို ရိုးရိုးဖျားတာပါပဲ ဆိုပြီး လုံးဝ ပစ်မထားသင့်ပါဘူး။
～～～～～～～～
အခုအပြင် ဆောင်းရာသီမှာလည်း ပိုများလာနိုင်တဲ့ / အဖြစ်များတဲ့
ပြင်းထန်အဆုတ်ရောင်ရောဂါ (ARI) ကိုလည်းသတိပြုကြနော် 😉
👉 Oct ကနေ Jan လောက်မှာ ကလေးတွေ အဖြစ်အများဆုံးကတော့ ပြင်းထန် အဆုတ်ရောင်ရောဂါ ( ARI ) ဖြစ်ပါတယ်။
👉Adeno virus ကြောင့် အဖြစ်များသလို အခြား ဘက်တီးရီးယားတွေကြောင့်လဲ ဖြစ်တတ်ပါတယ်။ Virus ကြောင့်ဆိုရင် ကူးစက်ဖို့လွယ်ပါတယ်။
👉ကလေးငယ်တွေမို့ ချောင်းဆိုး နှာစေးဆိုရင် အုပ်ပြီး ဆိုးရမယ်ဆိုတာ မသိကြပါဘူး။ အဲ့တော့ အဲကွန်းနဲ့ အလုံပိတ်နေပြီး မူကြိုတွေ ကျောင်းတွေ တက်နေတယ်ဆိုရင် အချင်းချင်း ကူးစက်ရတာလွယ်ကူပါတယ်။
👉သူက အသက်ရှုကြပ်တတ်တဲ့ရောဂါမို့လို့ အသိသာဆုံးကတော့ ကလေး အသက်ရှုရခက်နေလားဆိုတာပါပဲ။
- ကလေးက ပါးစပ်ကနေ မပြောတတ်လို့ အသိသာဆုံး လက္ခဏာ က ဝမ်းဗိုက်ကို ချိုင့်ဝင်တဲ့အထိ အားစိုက်ရှူနေရတာတွေ့ရင် ဆေးရုံကို အမြန်ဆုံးသွားသင့်ပါတယ်။
👉 ကလေးငယ်တွေ ပုံမှန်ထိုးရတဲ့ 💉ကာကွယ်ဆေးထဲမှာလဲ အချို့သော အဆုတ်ရောင်ရောဂါဖြစ်စေတဲ့ ပိုးတွေ အတွက် ကာကွယ်ဆေးပါပါတယ်။ မထိုးရသေးရင် သွားထိုးထားကြပါ။
Take home message
မိုးတွင်း နဲ့ ဆောင်းတွင်း မှာ ကလေးငယ်တွေ အတွက် ပြေးမလွတ်နိုင်အောင် ရောဂါတွေ အရမ်းပေါပါတယ်
👉 ကိုယ့်ဟာကိုယ် သွေးလွန်တုပ်ကွေး မဖြစ်လောက်ပါဘူးဆိုပြီး မနေကြပါနဲ့
👉 နေ့ခင်းဘက်မှာ ကလေးကို ခြင်လုံးဝ (လုံးဝ) အကိုက်မခံပါနဲ့နော်။ လူတိုင်းသိပြီး ပေါ့ဆလို့ လွယ်တဲ့ အချက်ဖြစ်တာကြောင့် ထပ်ပြီး သတိပေးလိုက်တယ်နော်။
👉 အန္တရာယ်ရှိတဲ့ လက္ခဏာတွေဖြစ်တဲ့
-ဗိုက်အောင့်၊
-အဖျားတက်၊
-မှိန်း၊
-နို့မစို့၊
-ခြေဖျားလက်ဖျားအေး၊
-ဗိုက်ချိုင့်ဝင်အောင် အသက်ရှူနေတာတွေ
တွေ့ရင် ဆေးရုံကို အမြန်သွားဖို့လိုပါတယ်။
အားလုံးဂရုစိုက်ကြပါနော်
With Care,
Dr.Htet Ei
