Vejthani Hospital-មន្ទីរពេទ្យវេជ្ជថានី

Vejthani Hospital-មន្ទីរពេទ្យវេជ្ជថានី មានអ្នកបកប្រែខ្មែរ ថៃ
មានសេវាដឹកជញ្ជូនអតិថិជនដោយឥតគិតថ្លៃក្នុងទីក្រុងបាងកក

មន្ទីរពេទ្យវេជ្ជថានី សូមស្វាគមន៍
គេហទំព័រ: www.vejthani.com
អ៊ីម៊ែល: cambodia@vejthani.com
ទូរស័ព្ទ: +(66)89-201-9000, +(66)88-090-1591

កញ្ញា ឆន គឹមកណិការ៍ អ្នកបកប្រែខ្មែរ ថៃ
មានសេវាដឹកជញ្ជូនអតិថិជនដោយឥតគិតថ្លៃក្នុងទីក្រុងបាងកក

ជំងឺស្ទះសរសៃឈាមខួរក្បាលអាចព្យាបាលបាន ការពារការកើតឡើងវិញម្ដងទៀតជំងឺស្ទះសរសៃឈាមខួរក្បាល ឬត្រូវបានគេស្គាល់ថា Ischemic Strok...
05/09/2025

ជំងឺស្ទះសរសៃឈាមខួរក្បាលអាចព្យាបាលបាន ការពារការកើតឡើងវិញម្ដងទៀត

ជំងឺស្ទះសរសៃឈាមខួរក្បាល ឬត្រូវបានគេស្គាល់ថា Ischemic Stroke គឺជាស្ថានភាពដែលខួរក្បាលខ្វះការផ្គត់ផ្គង់ឈាម និងអុកស៊ីហ្សែន បណ្តាលឱ្យខូចខាតដល់កោសិកាខួរក្បាល រហូតធ្វើឱ្យវាមិនអាចគ្រប់គ្រងសរីរាង្គផ្សេងៗក្នុងរាងកាយបាន។ ថែមទាំងបង្កើនហានិភ័យនៃបញ្ហាស្លាប់មួយចំហៀងខ្លួន ឬភាពមិនប្រក្រតីផ្សេងទៀតដែលប៉ះពាល់ដល់ជីវិតប្រចាំថ្ងៃផងដែរ។ ដូច្នេះ អ្នកជំងឺដែលមានជំងឺស្ទះសរសៃឈាមខួរក្បាល គួរតែទទួលការព្យាបាល និងការថែទាំភ្លាមៗ ដើម្បីទប់ស្កាត់ការកើតឡើងវិញម្ដងទៀត

ការយល់ដឹងអំពីជំងឺស្ទះសរសៃឈាមខួរក្បាល
ជំងឺដាច់សរសៃឈាមខួរក្បាល កើតឡើងជាចម្បងដោយការប្រមូលផ្តុំនៃជាតិខ្លាញ់ និងកំណកកំបោរនៅក្នុងសរសៃឈាម ឬមានកំណកឈាមតូចៗរបូតមកតាមលំហូរឈាម និងស្ទះសរសៃឈាមក្នុងខួរក្បាល នាំឪ្យឈាមមិនអាចហូរទៅចិញ្ចឹមកោសិកាខួរក្បាលបានគ្រប់គ្រាន់ ធ្វើឱ្យខូចកោសិកាខួរក្បាល និងមិនអាចគ្រប់គ្រង់មុខងារនៃសរីរាង្គផ្សេងៗក្នុងរាងកាយបានតាមធម្មតា បើមិនបានទទួលការព្យាបាលដែលសក្ដិសម អាចកើតមានផលវិបាក ដែលអាចប្រឈមនឹងការបាត់បង់ជីវិតបាន

រោគសញ្ញានៃជំងឺស្ទះសរសៃឈាមខួរក្បាល
អ្នកជំងឺដែលមានជំងឺដាច់សរសៃឈាមខួរក្បាល នឹងមានរោគសញ្ញាផ្សេងៗគ្នា អាស្រ័យលើស្ថានភាពរាងកាយ និងទីតាំងនៃខួរក្បាលដែលមានបញ្ហាស្ទះសរសៃឈាមបានកើតឡើង។ ដោយរោគសញ្ញាដែលជួបច្រើនបំផុតរួមមានដូចខាងក្រោម៖
• ឈឺក្បាលធ្ងន់ធ្ងរភ្លាមៗ
• មុខវៀចទៅខាងណាម្ខាង
• ដៃឬជើងមានភាពទន់ខ្សោយនៅផ្នែកម្ខាងនៃរាងកាយ ស្ពឹកតាមរាងកាយ
• ការនិយាយមិនច្បាស់ ឬពិបាកក្នុងទំនាក់ទំនង
• ការមើលឃើញខុសប្រក្រតី ព្រិលភ្នែក
• ដើរមិនត្រង់ បាត់បង់តុល្យភាព
• ការបាត់បង់ការទទួលដឹង អារម្មណ៍

ការព្យាបាលជំងឺស្ទះសរសៃឈាមខួរក្បាល
ជំងឺដាច់សរសៃឈាមខួរក្បាល ទាមទារការព្យាបាលជាបន្ទាន់ដើម្បីការពារការខូចខាតខួរក្បាលយ៉ាងធ្ងន់ធ្ងរ ដោយគោលការណ៍ណែនាំដូចខាងក្រោមនេះ៖

ការប្រើប្រាស់ថ្នាំ
ចំពោះអ្នកជំងឺដែលមានជំងឺស្ទះសរសៃឈាមខួរក្បាលដែលត្រូវព្យាបាលដោយថ្នាំ ស្ថិតក្រោមការថែទាំពីវេជ្ជបណ្ឌិត និងមានការបែងចែកជា 3 វិធីសាស្រ្ត រួមមាន៖
• ការប្រើថ្នាំរំលាយគ្រាប់ឈាមតាមសរសៃវ៉ែន
ការប្រើថ្នាំរំលាយគ្រាប់ឈាម (tPA : Tissue Plasminogen Activator) ចូលទៅក្នុងសរសៃវ៉ែន ដើម្បីជួយបើកសរសៃឈាមដែលស្ទះនៅក្នុងខួរក្បាល។ នីតិវិធីនេះមានប្រសិទ្ធភាពបំផុតប្រសិនបើព្យាបាលក្នុងរយៈពេល 4-5 ម៉ោងបន្ទាប់ពីការចាប់ផ្តើមនៃរោគសញ្ញា ដោយអាចកាត់បន្ថយហានិភ័យនៃការស្លាប់ ឬពិការភាពបាន

ការវះកាត់សម្រាប់សរសៃឈាមក្រហមធំនៅក្នុងក (Carotid Aorta)
ក្នុងករណីដែលសរសៃឈាមស្ទះ និងមិនអាចព្យាបាលដោយថ្នាំរំលាយកំណកឈាម ឬប្រើថ្នាំហើយមិនមានប្រសិទ្ធភាព វេជ្ជបណ្ឌិតនឹងពិចារណាវិធីវះកាត់ផ្សេងៗគ្នា អាស្រ័យលើរោគសញ្ញារបស់អ្នកជំងឺដូចខាងក្រោម៖
• ការវះកាត់ដើម្បីបើកសរសៃឈាមក្រហមនៅបរិវេនក (Carotid Endarterectomy)
ការវះកាត់ដើម្បីយកបន្ទះខ្លាញ់ ឬកំណកកំបោរដែលប្រមូលផ្តុំនៅក្នុងសរសៃឈាម carotid ចេញ ដើម្បីស្តារលំហូរឈាម និងបញ្ជូនអុកស៊ីសែនទៅចិញ្ចឹមខួរក្បាលឪ្យបានគ្រប់គ្រាន់។ វាស័ក្តិសមសម្រាប់អ្នកជំងឺដែលមានសរសៃឈាមស្ទះយ៉ាងធ្ងន់ធ្ងរ និងមានហានិភ័យនៃជំងឺដាច់សរសៃឈាមខួរក្បាលនាពេលអនាគត
• ការវះកាត់ពង្រីកសរសៃឈាមដោយប៉េងប៉ោងនិងសរសៃលួស (Carotid Angioplasty and Stenting)
ការវះកាត់នេះប្រើប៉េងប៉ោងដើម្បីពង្រីកសរសៃឈាមដែលស្ទះឬរួមតូច។ បន្ទាប់មកបញ្ចូលសរសៃលួស (Stent) ដើម្បីជួយឪ្យសរសៃឈាមរក្សាទំហំដដែល។ នីតិវិធីនេះជួយការពារការស្ទះនៃសរសៃឈាមឡើងវិញ និងជួយឪ្យលំហូរឈាមអាចហូរទៅចិញ្ចឹមខួរក្បាលបានតាមធម្មតា

ឱកាសនៃការព្យាបាលឪ្យជាសះស្បើយ ឬការកើតឡើងវិញម្ដងទៀត
ជំងឺដាច់សរសៃឈាមខួរក្បាល អាចព្យាបាលបាន ប្រសិនបើអ្នកជំងឺទទួលការព្យាបាលភ្លាមៗ ដោយមានឱកាសនៃការជាសះស្បើយ និងអាចត្រឡប់ទៅសកម្មភាពផ្សេងៗវិញតាមធម្មតាបាន ប៉ុន្ដែអាស្រ័យលើទំហំនៃសរសៃឈាមដែលស្ទះ អាយុ និងស្ថានភាពរាងកាយរបស់អ្នកជំងឺផងដែរ

ទោះបីជាយ៉ាងណាក៏ដោយ ប្រសិនជាទទួលបានការព្យាបាលរហូតដល់រោគសញ្ញាផ្សេងៗ ត្រូវបានដោះស្រាយហើយក៏ដោយ ក៏ជំងឺដាច់សរសៃឈាមខួរក្បាលអាចកើតមានឡើងវិញម្ដងទៀតដែរ។ ដូច្នេះហើយ អ្នកជំងឺគួរតែបន្តលេបថ្នាំរបស់ខ្លួន និងធ្វើតាមការណែនាំរបស់គ្រូពេទ្យយ៉ាងតឹងរ៉ឹង

ការថែទាំការពារមិនឪ្យត្រលប់មកកើតឡើងវិញ
ដើម្បីទប់ស្កាត់ការកើតឡើងវិញនៃជំងឺដាច់សរសៃឈាមខួរក្បាល អ្នកជំងឺគួរតែ៖
• ការធ្វើលំហាត់ប្រាណជាប្រចាំ ដើម្បីធ្វើឱ្យលំហូរឈាមរត់បានស្រួល និងពង្រឹងសរសៃឈាមឪ្យរឹងម៉ាំជាងមុន។ ដោយគួរតែធ្វើលំហាត់ប្រាណយ៉ាងហោចណាស់ 30 នាទីជារៀងរាល់ថ្ងៃ និង 5 ថ្ងៃក្នុងមួយសប្តាហ៍ ដូចជាការដើរលឿន ហែលទឹក ឬជិះកង់
• ការទទួលទានរបបអាហារដែលមានសុខភាពល្អ ជៀសវាងអាហារដែលជាតិខ្លាញ់ខ្ពស់ និងបង្កើនការបរិភោគបន្លែ ផ្លែឈើ និងគ្រាប់ធញ្ញជាតិដែលមានជាតិសរសៃខ្ពស់ ដើម្បីជួយបន្ថយកម្រិតកូឡេស្តេរ៉ុល និងជាតិខ្លាញ់ក្នុងឈាម
• ជៀសវាងភាពតានតឹង ដោយស្វែងរកវិធីបន្ធូរអារម្មណ៍ ដូចជាការអាន ស្តាប់តន្ត្រី ឬធ្វើយូហ្គា
• ការសម្រាកឱ្យបានគ្រប់គ្រាន់ ជួយឱ្យរាងកាយរបស់អ្នកស្ដារឡើងវិញបានលឿនជាងមុន
• ជៀសវាងគ្រឿងស្រវឹង និងការជក់បារី ដើម្បីកាត់បន្ថយកត្តាផ្សេងៗ ដែលប៉ះពាល់ប្រព័ន្ធរាងកាយ និងសរសៃឈាម កាត់បន្ថយហានិភ័យនៃការកើតជំងឺដាច់សរសៃឈាមខួរក្បាលឡើងវិញម្តងទៀត

ជំងឺដាច់សរសៃឈាមខួរក្បាលគឺជាស្ថានភាពដែលអាចបង្កឱ្យមានផលវិបាកធ្ងន់ធ្ងរដល់មុខងារខួរក្បាល និងរាងកាយ។ ទោះជាយ៉ាងណាក៏ដោយ ប្រសិនបើអ្នកជំងឺទទួលបានការព្យាបាលទាន់ពេលវេលា ឱកាសនៃការជាសះស្បើយ និងការស្ដារនីតិសម្បទាខ្ពស់។ ដូច្នេះហើយ ប្រសិនបើអ្នកសង្កេតឃើញមានរោគសញ្ញាខុសពីប្រក្រតី អ្នកគួរតែទៅជួបគ្រូពេទ្យជាបន្ទាន់ ដើម្បីធ្វើរោគវិនិច្ឆ័យជាបន្ទាន់។ មន្ទីរពេទ្យវេជ្ជថានីមានអ្នកឯកទេសផ្នែកខួរក្បាលនិងប្រព័ន្ធប្រសាទ ត្រៀមខ្លួនជាស្រេចក្នុងការថែទាំព្យាបាលដោយប្រើបច្ចេកវិទ្យា និងឧបករណ៍វេជ្ជសាស្ត្រទំនើបៗ ដើម្បីជួយអ្នកជំងឺឱ្យជាសះស្បើយពីជំងឺ និងមានគុណភាពជីវិតកាន់តែប្រសើរជាងមុន
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ហេតុអ្វីអ្នកដែលកើតមុនឆ្នាំ 1992 គួរចាក់វ៉ាក់សាំងការពារជំងឺរលាកថ្លើមប្រភេទ B?ជំងឺរលាកថ្លើមប្រភេទ B គឺជាអ្វី?មេរោគរលាកថ្លើ...
03/09/2025

ហេតុអ្វីអ្នកដែលកើតមុនឆ្នាំ 1992 គួរចាក់វ៉ាក់សាំងការពារជំងឺរលាកថ្លើមប្រភេទ B?

ជំងឺរលាកថ្លើមប្រភេទ B គឺជាអ្វី?
មេរោគរលាកថ្លើមប្រភេទ B (Hepatitis B virus: HBV) គឺជាមេរោគដែលបណ្តាលអោយកើតការរលាកនៃថ្លើម។ ប្រសិនបើបណ្ដោយឪ្យឆ្លងមេរោគរ៉ាំរ៉ៃ វាអាចនាំឱ្យកើតជំងឺក្រិនថ្លើម និងមហារីកថ្លើម ដែលជាមូលហេតុសំខាន់នៃការស្លាប់ដោយសារជំងឺថ្លើមនៅក្នុងប្រជាជនថៃជាច្រើននាក់។ មធ្យោបាយក្នុងការទប់ស្កាត់ដ៏មានប្រសិទ្ធភាពបំផុត គឺការចាក់វ៉ាក់សាំងការពារមេរោគប្រភេទនេះ

ហេតុអ្វីបានជាអ្នកដែលកើតមុនឆ្នាំ 1992 គួរតែចាក់វ៉ាក់សាំង?
ប្រទេសថៃបាន ចាប់ផ្តើមចាក់វ៉ាក់សាំងការពារជំងឺរលាកថ្លើមទៅទារកទើបនឹងកើតចាប់តាំងពីឆ្នាំ 1992។ កត្តានេះបានធ្វើឱ្យមនុស្សជាច្រើនដែលកើតមុនឆ្នាំនេះមិនបានចាក់វ៉ាក់សាំងការពារ ដែលជាលទ្ធផលធ្វើឱ្យពួកគេមានហានិភ័យខ្ពស់នៃការឆ្លងមេរោគ

ទិន្នន័យផ្នែវេជ្ជសាស្រ្តបង្ហាញថា
• អ្នកដែលកើត មុនឆ្នាំ 1992 មានឱកាសនៃការឆ្លង 5-8%
• អ្នកដែលកើត ក្រោយឆ្នាំ 1992 មានឱកាសនៃការឆ្លង 1.5%

អត្ថប្រយោជន៍នៃការចាក់វ៉ាក់សាំង
អត្ថប្រយោជន៍នៃការចាក់វ៉ាក់សាំងការពារជំងឺរលាកថ្លើមប្រភេទ B មានភាពច្បាស់លាស់ និងសំខាន់ រួមមាន៖
• កាត់បន្ថយហានិភ័យនៃជំងឺរលាកថ្លើមរ៉ាំរ៉ៃ ក្រិនថ្លើម និងមហារីកថ្លើម
• មានប្រសិទ្ធភាពខ្ពស់ អាចការពារការឆ្លងមេរោគបានច្រើនជាង 95%
• វ៉ាក់សាំងនេះមានសុវត្ថិភាពខ្ពស់ ដោយមានផលប៉ះពាល់តិចតួចបើធៀបនឹងអត្ថប្រយោជន៍ដែលទទួលបាន
ការឆ្លងនៃជំងឺរលាកថ្លើមប្រភេទ B
ជំងឺរលាកថ្លើមប្រភេទ B អាចឆ្លងតាមវិធីជាច្រើន រួមមាន៖
• ការរួមភេទដោយមិនបានការពារ
• មានការប៉ះជាមួយឈាម ឬសារធាតុរាវក្នុងរាងកាយដោយផ្ទាល់
• ការឆ្លងពីម្តាយទៅកូន
មេរោគនេះមិនឆ្លង តាមរយៈការពិសារអាហាររួមគ្នា ការចាប់ដៃ ឱប ឬទំនាក់ទំនងជិតស្និទ្ធក្នុងជីវិតប្រចាំថ្ងៃនោះទេ។ ដូច្នេះ អ្នកនៅរួមគ្រួសារជាមួយអ្នកដែលឆ្លងជំងឺមិនចាំបាច់មានការព្រួយបារម្ភខ្លាំងពេកទេ ប្រសិនបើពួកគេមានការប្រុងប្រយ័ត្នត្រឹមត្រូវ

ដំណើរការមុន និងអំឡុងពេលចាក់វ៉ាក់សាំង
មុនពេលចាក់វ៉ាក់សាំង គួរតែធ្វើការតេស្តឈាម ដើម្បីដំណើរការចាក់វ៉ាក់សាំងចាប់ផ្តើមជាមួយនឹង ការធ្វើតេស្តឈាមរកការឆ្លងមេរោគ (HBsAg) និងការធ្វើតេស្តអង់ទីករ (anti-HBs)
• ប្រសិនបើរកឃើញការឆ្លងត្រូវ សូមទៅជួបគ្រូពេទ្យឯកទេសដើម្បីវាយតម្លៃការចង្អុលបង្ហាញសម្រាប់ចាប់ផ្តើមការព្យាបាល
• ប្រសិនបើអ្នកមិនមានមេរោគ និងមិនមានអង់ទីករ ណែនាំឪ្យចាក់វ៉ាក់សាំង 3 ម្ជុល
o ម្ជុលដំបូង៖ អាចចាក់បានភ្លាមៗ
o ម្ជុលទីពីរ៖ 1 ខែបន្ទាប់ពីចាក់លើកទី 1
o ម្ជុលទីបី៖ 6 ខែបន្ទាប់ពីការចាក់លើកដំបូង
ជំងឺរលាកថ្លើមប្រភេទ B គឺជាឃាតករស្ងៀមស្ងាត់ ដែលអាចឈានទៅដល់ជំងឺធ្ងន់ធ្ងរដូចជា ក្រិនថ្លើម និងមហារីកថ្លើម ជាពិសេសចំពោះអ្នកដែលកើតមុនឆ្នាំ 1992 ដែលមិនបានចាក់វ៉ាក់សាំងនៅពេលកើតដំបូង។ ការធ្វើតេស្តឈាម និងការចាក់វ៉ាក់សាំង គឺជាវិធីសាមញ្ញ សុវត្ថិភាព និងមានប្រសិទ្ធភាពខ្ពស់ក្នុងការបង្ការជំងឺនេះ។ ដូច្នេះ ប្រសិនបើអ្នកកើតមុនឆ្នាំ ១៩៩២ ការចាក់វ៉ាក់សាំងការពារជំងឺរលាកថ្លើមប្រភេទ B គឺជាអ្វីដែលអ្នកមិនគួរមើលរំលង
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ធ្វើឪ្យការវះកាត់បេះដូងទៅជារឿងងាយ ជាមួយបច្ចេកវិជ្ជវះកាត់សន្ទះបេះដូងបែបមុខរបួសតូចវិមាត្រថ្មីក្នុងការវះកាត់បេះដូងបែបមុខរបួស...
01/09/2025

ធ្វើឪ្យការវះកាត់បេះដូងទៅជារឿងងាយ ជាមួយបច្ចេកវិជ្ជវះកាត់សន្ទះបេះដូងបែបមុខរបួសតូច
វិមាត្រថ្មីក្នុងការវះកាត់បេះដូងបែបមុខរបួសតូច ដើម្បីជួសជុល និងផ្លាស់ប្ដូរសន្ទះបិទបើកបេះដូង ជាមួយនឹងបច្ចេកទេសឆ្លុះកាមេរ៉ា ធ្វើឪ្យមុខរបួសវះកាត់មានខ្នាតតូចត្រឹមតែ 4-5សង់ទីម៉ែត្រ ជួយអ្នកជំងឺឱ្យជាសះស្បើយលឿនជាងមុន កាត់បន្ថយការសម្រាកនៅមន្ទីរពេទ្យ អាចវិលមករកជីវិតធម្មតាវិញក្នុងរយៈពេល 1ខែ
លោកវេជ្ជបណ្ឌិត DR. CHAWAKORN LEAMPRIBOON ឯកទេសវះកាត់បេះដូងនិងទ្រូងនៃមន្ទីរពេទ្យវេជ្ជថានី បានពន្យល់ថា បេះដូងមានមុខងារបូមឈាមដើម្បីចិញ្ចឹមសរីរាង្គផ្សេងៗនៃរាងកាយ ដោយមានសន្ទះបេះដូងចំនួន 4៖ ប្រកបដោយ Tricuspid valve, Pulmonary valve, Mitral valve និង Aortic valve មានតួរនាទីគ្រប់គ្រងលំហូរឈាមនៅក្នុងប្រអប់បេះដូងទាំង4 ឪ្យហូរក្នុងទិសដៅត្រឹមត្រូវ។ និងការពារមិនឱ្យឈាមហូរបញ្ច្រាស់ទៅវិញ ប្រសិនបើសន្ទះបេះដូងខូច ទ្រុឌទ្រោម ឬមានជំងឺរំខានដល់ដំណើរការនៃសន្ទះបេះដូងរហូតបង្កឱ្យមានភាពខុសប្រក្រតី នោះនឹងធ្វើឱ្យសាច់ដុំបេះដូងធ្វើការកាន់តែខ្លាំង នាំឱ្យមានស្ថានភាពផ្សេងៗដូចជា បេះដូងរីកធំ កំណកឈាមក្នុងបេះដូងឬសួត ហើយអាចធ្ងន់ធ្ងររហូតដល់ស្លាប់ដោយសារជំងឺខ្សោយបេះដូង
មូលហេតុដែលធ្វើឪ្យសន្ទះបេះដូងកើតភាពមិនធម្មតា
1. ជំងឺសន្ទះបេះដូងខុសប្រក្រតីពីការទ្រុឌទ្រោម (Degenerative Valve Disease) ច្រើនកើតមានចំពោះមនុស្សចាស់ ដែលបណ្តាលមកពីការទ្រុឌទ្រោមនៃជាលិកាសន្ទះបេះដូង
2. ជំងឺបេះដូង Rheumatic (Rheumatic Heart Disease) បណ្តាលមកពីការឆ្លងមេរោគជាមួយក្រុម A Streptococcus ដែលបណ្តាលឱ្យមានគ្រុនក្តៅ Rheumatic ដែលមានឥទ្ធិពលបំផ្លាញសន្ទះបេះដូងរបស់អ្នកជំងឺក្នុងរយៈពេលវែង ភាពខុសប្រក្រតីនៃបេះដូងជាធម្មតាចាប់ផ្តើមលេចឡើងប្រហែលពី 5-10 ឆ្នាំបន្ទាប់ពីមានជំងឺគ្រុនក្តៅ Rheumatic
3. ជំងឺសន្ទះបេះដូងរលាកពីការឆ្លងមេរោគ (Infective Endocarditis) គឺបណ្តាលមកពីការឆ្លងមេរោគនៅក្នុងចរន្តឈាម និងមេរោគដែលបំផ្លាញសន្ទះបេះដូង បណ្តាលឱ្យអ្នកជំងឺមានរោគសញ្ញាស្រួចស្រាវ និងជំងឺខ្សោយបេះដូងធ្ងន់ធ្ងរ
4. ជំងឺបេះដូងខ្វះឈាម (Myocardial infarction) អាចនាំអោយសន្ទះបេះដូង Mitral ធ្លាយតាមមក
5. ជំងឺសន្ទះបេះដូងពិការពីកំណើត (Congenital Valve Disease) ជារឿយៗតែងកើតឡើងចាប់តាំងពីនៅក្នុងផ្ទៃម្តាយ បណ្តាលឱ្យសន្ទះបេះដូងលូតលាស់ខុសប្រក្រតី
ការព្យាបាលជំងឺសន្ទះបេះដូងខុសប្រក្រតីដោយការវះកាត់សន្ទះបេះដូងមុខរបួសតូច
ការវះកាត់ជួសជុលសន្ទះបេះដូង ឬការវះកាត់ផ្លាស់ប្ដូរសន្ទះបេះដូងបែបទូទៅ ជាការវះកាត់ដែលធ្វើនៅកណ្តាលទ្រូង (Median sternotomy) រួមជាមួយការកាត់ឆ្អឹងទ្រូងដើម្បីជួសជុលសន្ទះបេះដូង បណ្តាលឱ្យអ្នកជំងឺមានស្នាមពីបំពង់កទៅដល់ចុងដង្ហើម ហើយវាត្រូវចំណាយពេលប្រហែល 3ខែនៃការស្តារឡើងវិញរហូតដល់ឆ្អឹងទ្រូងភ្ជាប់គ្នាវិញ ទើបអ្នកអាចត្រឡប់ទៅធ្វើសកម្មភាពធម្មតាវិញបាន ដោយវិធីសាស្រ្តនេះគឺស័ក្ដិសមសម្រាប់អ្នកជំងឺចាំបាច់ត្រូវវះកាត់សន្ទះបេះដូងរួមជាមួយនីតិវិធីផ្សេងៗ
បច្ចុប្បន្ននេះ ការព្យាបាលជំងឺសន្ទះបេះដូងខុសប្រក្រតីអាចធ្វើបានងាយៗជាមួយនឹងការវះកាត់សន្ទះបេះដូងបែបមុខរបួសតូច ឬ MIS (Minimally Invasive Surgery) ដោយប្រើកាមេរ៉ាដែលអាចប្រើបានទាំងការជួសជុលសន្ទះបេះដូង និងការផ្លាស់ប្ដូរសន្ទះបេះដូង។ វានឹងជួយកាត់បន្ថយការបាត់បង់ឈាមអំឡុងពេលវះកាត់ ពីការវះបើកមុខរបួសតូច និងមិនចាំបាច់កាត់ឆ្អឹងទ្រូង ជួយកាត់បន្ថយចំនួនថ្ងៃដែលត្រូវស្នាក់នៅក្នុងមន្ទីរពេទ្យ និងជួយអ្នកជំងឺឱ្យជាសះស្បើយយ៉ាងឆាប់រហ័ស អាចត្រឡប់ទៅជីវិតប្រចាំថ្ងៃ និងធ្វើសកម្មភាពផ្សេងៗបានក្នុងរយៈពេល 1ខែ ឬ 1ខែកន្លះ អាស្រ័យលើកម្លាំងរាងកាយរបស់អ្នកជំងឺ
ការវះកាត់សន្ទះបេះដូងបែបមុខរបួសតូចដោយប្រើបច្ចេកទេសឆ្លុះកាមេរ៉ា អាចប្រើដើម្បីព្យាបាលភាពមិនប្រក្រតីនៃបេះដូងបានជាច្រើនប្រភេទ មិនថាជាការជួសជុល ឬផ្លាស់ប្ដូរសន្ទះបេះដូងសិប្បនិម្មិតក៏តាម។ ដោយវានឹងមានមុខរបួសវះកាត់ប្រវែង 4-5 សង់ទីម៉ែត្រ លាក់នៅក្រោមសុដន់ ឬនៅកណ្តាលទ្រូង អាស្រ័យលើទីតាំងនៃសន្ទះបេះដូងដែលត្រូវការផ្លាស់ប្ដូរឬជួសជុល មានរបួសស្នាមចោះលើទ្រូងចំនួន 2 កន្លែង ទំហំ 0.5 សង់ទីម៉ែត្រ និងរបួសមួយត្រង់ក្រលៀន ប្រវែងប្រហែល 2 សង់ទីម៉ែត្រ ដើម្បីបញ្ចូលបំពង់ដើម្បីជួយដល់មុខងារបេះដូងអំឡុងពេលវះកាត់
លើសពីនេះ បច្ចេកទេសវះកាត់សន្ទះបេះដូងបែបមុខរបួសតូច ក៏អាចប្រើដើម្បីកែបញ្ហារន្ធធ្លាយនៅលើជញ្ជាំងបេះដូងផងដែរ រួមទាំងអាចធ្វើការវះកាត់ដើម្បីកែសម្រួលសន្ទះបេះដូងដែលមានបញ្ហាពីរក្នុងពេលដំណាលគ្នាផងដែរ ប៉ុន្តែវាមានចំនុចខ្វះខាតនៃការវះកាត់បេះដូងបែបមុខរបួសតូចដោយប្រើកាមេរ៉ា មិនអាចធ្វើបានចំពោះអ្នកជំងឺដែលត្រូវការទទួលការវះកាត់ផ្សេងទៀតរួមគ្នា ដូចជាការវះកាត់សន្ទះបេះដូង រួមជាមួយនឹងការវះកាត់តសរសៃឈាមបេះដូង (Bypass) ឬការវះកាត់សន្ទះបេះដូង រួមជាមួយនឹងការផ្លាស់ប្ដូរសរសៃឈាមធំ។ ការវះកាត់តសរសៃឈាមបេះដូង (Bypass) មានវិធីពីរយ៉ាង៖ ការវះកាត់តសរសៃឈាមបេះដូង On-Pump ដែលត្រូវបញ្ឈប់បេះដូងអ្នកជំងឺអំឡុងពេលវះកាត់ និងការវះកាត់តសរសៃឈាមបេះដូង Off-Pump ដែលគ្រូពេទ្យវះកាត់មិនបញ្ឈប់បេះដូងអ្នកជំងឺអំឡុងពេលវះកាត់ ដោយគ្រូពេទ្យដែលធ្វើការវះកាត់នឹងពិចារណាថាតើការព្យាបាលណាដែលអ្នកជំងឺគួរទទួល ដូច្នេះអ្នកជំងឺត្រូវតែទទួលការធ្វើរោគវិនិច្ឆ័យយ៉ាងច្បាស់លាស់ និងស្ថិតក្រោមការវាយតម្លៃរបស់វេជ្ជបណ្ឌិតឯកទេស
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ជំងឺឬសដូងបាត ដោយមិនបាច់វះកាត់! ព្យាបាលបានជាមួយ NeoLaser ការឈឺចាប់តិច ជាសះស្បើយលឿនជំងឺឬសដូងបាត (Hemorrhoids) គឺជាជំងឺដែល...
31/08/2025

ជំងឺឬសដូងបាត ដោយមិនបាច់វះកាត់! ព្យាបាលបានជាមួយ NeoLaser ការឈឺចាប់តិច ជាសះស្បើយលឿន
ជំងឺឬសដូងបាត (Hemorrhoids) គឺជាជំងឺដែលរកឃើញច្រើនបំផុតក្នុងមនុស្សគ្រប់ភេទគ្រប់វ័យ។ បច្ចុប្បន្ននេះអាចព្យាបាលបានដោយប្រើ Neolaser មានស្នាមវះតូច ឈឺចាប់តិច កាត់បន្ថយហានិភ័យនៃការរងរបួសដល់ជាលិកាជុំវិញបានយ៉ាងមានប្រសិទ្ធភាព
តើជំងឺឬសដូងបាតជាអ្វី? តើនរណាអាចប្រឈមនិងជំងឺនេះ?
ជំងឺឬសដូងបាត (Hemorrhoids) គឺជាជំងឺទូទៅដែលប៉ះពាល់ដល់មនុស្សគ្រប់ភេទ គ្រប់វ័យ ជាពិសេសអ្នកដែលមានអាកប្បកិរិយាដូចជា៖
• អង្គុយ ឬឈរក្នុងរយៈពេលយូរ
• ការប្រឹងបត់ជើងធំខ្លាំងឬច្រើនដង
• ការទល់លាមករ៉ាំរ៉ៃ
• ទទួលទានអាហារដែលមានជាតិសរសៃទាប
• ស្ត្រីមានផ្ទៃពោះ ឬអ្នកដែលមានសម្ពាធក្នុងពោះខ្ពស់
ជំងឺឬសដូងបាត បណ្តាលមកពីការបោងឬពកលានពីសរសៃវ៉ែននៅបរិវេនទ្វារមាស វាត្រូវបានបែងចែកជា ២ប្រភេទសំខាន់ៗ៖
• ជំងឺឬសដូងបាតខាងក្នុង៖ កើតឡើងនៅខាងក្នុងទ្វារមាស មិនអាចមើលឃើញដោយភ្នែកទទេ
• ជំងឺឬសដូងបាតខាងក្រៅ៖ លានចេញពីទ្វារមាស ហើយមានអារម្មណ៍ថាជាដុំទន់ៗ
រោគសញ្ញានៃជំងឺឬសដូងបាត ដែលគួរប្រុងប្រយ័ត្ន
អ្នកជំងឺអាចមានរោគសញ្ញាដូចខាងក្រោម៖
• ឈាមលាយនៅក្នុងលាមក
• ការឈឺចាប់ ក្រហាយ ឬរមាស់បរិវេនទ្វារមាស អំឡុងពេលបត់ជើងធំ
• ឬសដូងបាតលានចេញពីទ្វារមាស
បើមិនបានព្យាបាលទេ វាអាចនាំឱ្យមានផលវិបាកដូចជា៖
• ភាពស្លេកស្លាំងពីការបាត់បង់ឈាមរ៉ាំរ៉ៃ
• ការឆ្លងមេរោគ
• កំណកឈាមស្ទះនៅក្នុងឬសដូងបាតដែលអាចបណ្តាលឱ្យមានការឈឺចាប់ធ្ងន់ធ្ងរ
ជម្រើសថ្មី! ព្យាបាលឬសដូងបាតជាមួយ NeoLaser ដោយមិនចាំបាច់វះកាត់
បច្ចេកវិទ្យាឡាស៊ែរ NeoLaser គឺជាការព្យាបាលឬសដូងបាតដែលមានសុវត្ថិភាព និងត្រឹមត្រូវខ្ពស់ ដែលមិនតម្រូវឱ្យមានការកាត់ ការដេរ ឬការវះកាត់បែបបុរាណនោះទេ
វិធីដំណើរការនៃ NeoLaser
• ប្រើថាមពលឡាស៊ែរគោលដៅដើម្បីបំផ្លាញសរសៃឈាមដែលផ្គត់ផ្គង់ឬសដូងបាត
• វេជ្ជបណ្ឌិតនិងបញ្ចូលក្បាលឡាស៊ែរតូចមួយទៅក្នុងជាលិកាឬសដូងបាតដោយផ្ទាល់
• នៅពេលដែលថាមពលឡាស៊ែរត្រូវបានបញ្ជូនរួច និងធ្វើឪ្យសរសៃឈាមតូច និងជាលិកាឬសដូងបាតរួមតូចបន្តិចម្តងៗ
• គ្មានការខូចខាតដល់ជាលិកាជុំវិញ ហើយមិនចាំបាច់មានមុខរបួស
ចំណុចសំខាន់នៃការព្យាបាលដោយ NeoLaser
• មានសុវត្ថិភាព និងមានភាពត្រឹមត្រូវខ្ពស់
• មិនប៉ះពាល់ដល់ជាលិកាធម្មតា ដែលធ្វើឱ្យអ្នកជំងឺមានការឈឺចាប់តិចខ្លាំង ទាំងអំឡុងពេលនិងក្រោយការព្យាបាល
• មិនមានមុខរបួស កាត់បន្ថយហានិភ័យនៃការឆ្លងមេរោគ
• អ្នកជំងឺអាចត្រឡប់ទៅសកម្មភាពប្រចាំថ្ងៃរបស់ពួកគេវិញក្នុងរយៈពេលពីរបីថ្ងៃ
ការប្រៀបធៀបការព្យាបាលឬសដូងបាតតាមបែបបុរាណ Vs ការប្រើឡាស៊ែរ
ការព្យាបាលតាមបែបបុរាណ តែងតែអាស្រ័យលើការវះកាត់ បើទោះជាវិធីនេះមានប្រសិទ្ធភាព ប៉ុន្ដែវាតែងតែសាងក្តីបារម្ភដល់អ្នកជំងឺជាខ្លាំង ដោយសារការឈឺចាប់ក្រោយការវះកាត់ ការជាសះស្បើយយឺត និងមានឪកាសនៃការកើតផលវិបាកបាន
ការព្យាបាលដោយឡាស៊ែរ NeoLaser មិនចាំបាច់ត្រូវវះបើកមុខរបួស មានសុវត្ថិភាព ឈឺចាប់តិច និងមានពេលវេលាជាសះស្បើយខ្លីជាង
តើអ្នកណាដែលសាកសមសម្រាប់ការព្យាបាលដោយ NeoLaser?
• អ្នកជំងឺដែលមានជំងឺឬសដូងបាតពីដំណាក់កាលមធ្យមទៅធ្ងន់ធ្ងរ
• អ្នកដែលមានជំងឺឬសដូងបាតក្នុងដំណាក់កាលទី2 ឬ ទី3
• អ្នកដែលមិនបានឆ្លើយតបនឹងថ្នាំ
• អ្នកដែលមានការហូរឈាមចេញជាញឹកញាប់ពីជំងឺឬសដូងបាត
ការព្យាបាលដោយ NeoLaser ថែមទាំងអាចធ្វើរួមជាមួយនឹងការព្យាបាលផ្សេងទៀតបានតាមការសំរេចចិត្តរបស់វេជ្ជបណ្ឌិតដើម្បីទទួលបានប្រសិទ្ធភាពយូរអង្វែង
ជំងឺឬសដូងបាតមិនមែនជារឿងតូចតាចទេ គួរតែព្យាបាលឲ្យបានត្រឹមត្រូវ
ទោះបីជាជំងឺឬសដូងបាតមើលទៅគ្មានគ្រោះថ្នាក់ក៏ដោយ ប្រសិនបើមិនបានព្យាបាលទេ វាអាចប៉ះពាល់ដល់គុណភាពជីវិតរបស់អ្នកយ៉ាងខ្លាំង។ ដូច្នេះហើយ ការជ្រើសរើសជម្រើសនៃការព្យាបាលដែលត្រឹមត្រូវ ជាពិសេសវិធីដែលមាន ការឈឺចាប់តិច សុវត្ថិភាព និងជាសះស្បើយលឿន គឺជារឿងសំខាន់ណាស់
បច្ចេកវិទ្យា NeoLaser គឺជាជម្រើសមួយផ្សេងទៀតដែលឆ្លើយតបទៅតាមតម្រូវការសម្រាប់អ្នកជំងឺសម័យថ្មី ជួយឱ្យអ្នកទទួលបាននូវគុណភាពជីវិតត្រលប់មកវិញ ដោយមិនចាំបាច់វះកាត់
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ការនោមទាស់ ប្រយ័ត្ន ជំងឺក្រពេញប្រូស្តាតរីកធំក្រពេញប្រូស្តាតរីកធំ គឺជាជំងឺដែលរកឃើញច្រើនបំផុតចំពោះបុរសដែលមានអាយុចាប់ពី 50 ...
29/08/2025

ការនោមទាស់ ប្រយ័ត្ន ជំងឺក្រពេញប្រូស្តាតរីកធំ
ក្រពេញប្រូស្តាតរីកធំ គឺជាជំងឺដែលរកឃើញច្រើនបំផុតចំពោះបុរសដែលមានអាយុចាប់ពី 50 ឆ្នាំឡើងទៅ។ មូលហេតុចម្បងគឺបណ្ដាលការផ្លាស់ប្តូរអ័រម៉ូនបុរសទៅតាមអាយុដែលកាន់តែច្រើនទៅ ធ្វើឱ្យក្រពេញប្រូស្តាតរីកធំ និងសង្កត់លើបង្ហួរនោម រហូតនាំឱ្យមានរោគសញ្ញាបត់ជើងខុសប្រក្រតី
រោគសញ្ញាដែលត្រូវសង្កេត
• លំហូរទឹកនោមខ្សោយ ទាមទារឱ្យមានការប្រឹងនោម
• នោមញឹកញាប់ពេលថ្ងៃ ឬត្រូវក្រោកនោមនៅពេលយប់លើសពីម្តង
• ទប់ទឹកនោមមិនបាន ឬពិបាកទប់ទឹកនោម
• នោមមិនអស់ ឬបត់ជើងតូចរួចប៉ុន្ដែមានទឹកនោមស្រក់
បច្ចុប្បន្ននេះ មានបច្ចេកវិទ្យាព្យាបាលដោយមិនវះកាត់សម្រាប់ក្រពេញប្រូស្តាតរីកធំ ដែលហៅថា Rezum Water V***r Therapy ការព្យាបាលចំណាយពេលត្រឹមតែ 10-15 នាទីប៉ុណ្ណោះ។ វេជ្ជបណ្ឌិតនិងបញ្ចូលកាមេរ៉ា និងឧបករណ៍តាមបង្ហួរនោម រួចបាញ់ចំហាយក្តៅនៅសីតុណ្ហភាពប្រហែល 106អង្សាសេ ចូលទៅក្នុងក្រពេញប្រូស្តាត 6-10ដង ម្តងរយៈពេល 9វិនាទី។ ចំហាយទឹកនិងបំផ្លាញកោសិកាដែលរារាំងផ្លូវទឹកនោម ហើយរាងកាយនឹងបញ្ចេញវាចេញដោយធម្មជាតិ ធ្វើឱ្យមានរោគសញ្ញាប្រសើរឡើងក្នុងរយៈពេល 4-6សប្តាហ៍
អត្ថប្រយោជន៍នៃការព្យាបាលដោយ Rezum water v***r therapy
• មិនចាំបាច់វះកាត់ ដូច្នេះធ្វើឪ្យមិនមានស្លាកស្នាម
• មិនចាំបាច់ប្រើថ្នាំសន្លប់
• នីតិវិធីចំណាយពេលត្រឹមតែ 10-15 នាទីប៉ុណ្ណោះ
• មិនចាំបាច់ស្នាក់នៅមន្ទីរពេទ្យ
• លទ្ធផលមានរយៈពេលរហូតដល់ 5 ឆ្នាំ
• អ្នកអាចឈប់ប្រើថ្នាំលេបអស់មួយជីវិត
• កាត់បន្ថយផលវិបាកនៃសមត្ថភាពផ្លូវភេទយ៉ាងច្បាស់លាស់ បើប្រៀបធៀបទៅនឹងការវះកាត់ស្តង់ដារ
ដូច្នេះ ការព្យាបាលជម្ងឺក្រពេញប្រូស្តាតរីកធំដោយបច្ចេកវិជ្ជាចំហាយទឹក (Rezum) គឺជាវិធីសាស្រ្តដែលត្រូវបានទទួលស្គាល់ក្នុងផ្នែកវេជ្ជសាស្រ្ដ ដែលកាត់បន្ថយហានិភ័យ និងផលប៉ះពាល់នៃការវះកាត់ធម្មតា និងធ្វើឱ្យលើកកម្ពស់គុណភាពជីវិតរបស់អ្នកជំងឺឪ្យកាន់តែប្រសើរឡើង
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ប្រយ័ត្ន! ការហូរឈាមខុសប្រក្រតី អាចជាសញ្ញានៃទងសាច់ក្នុងស្បូនបញ្ហាទងសាច់ក្នុងស្បូន (Endometrial Polyp) គឺជាដុំសាច់ប្រភេទស្...
27/08/2025

ប្រយ័ត្ន! ការហូរឈាមខុសប្រក្រតី អាចជាសញ្ញានៃទងសាច់ក្នុងស្បូន
បញ្ហាទងសាច់ក្នុងស្បូន (Endometrial Polyp) គឺជាដុំសាច់ប្រភេទស្លូត ដែលលូតលាស់ចេញពីស្រទាប់ខាងក្នុងនៃស្បូន ភាគច្រើនតែងមានលក្ខណៈជាទងសាច់តូចៗលេចចូលទៅក្នុងស្បូន។ ពួកវាអាចកើតមានចំពោះស្ត្រីគ្រប់វ័យ ប៉ុន្តែច្រើនតែកើតមានក្នុងវ័យបន្តពូជ និងស្ត្រីមុនអស់រដូវ
រោគសញ្ញាដែលត្រូវសង្កេត
• ការមករដូវច្រើន ឬយូរខុសធម្មតា
• ឈាមហូរមិនប្រក្រតីអំឡុងពេលមករដូវ
• ការហូរឈាមក្រោយពេលរួមភេទ
• បញ្ហាពិបាកមានកូនដោយគ្មានមូលហេតុ
វិធីសាស្រ្តព្យាបាល “ទងសាច់ក្នុងស្បូន” ដែលត្រឹមត្រូវនិងសុវត្ថិភាព
បច្ចុប្បន្ននេះ មានការព្យាបាលដោយការវះកាត់តាមរយៈកាមេរ៉ាចូលទៅក្នុងស្បូន (Hysteroscopic polypectomy) ដែលជានីតិវិធីពាក់ព័ន្ធនឹងការបញ្ចូលកាមេរ៉ាតាមទ្វារស្ដ្រី និងមាត់ស្បូន ទៅក្នុងស្បូន នាំឪ្យមិនមានស្នាមរបួសនៅលើពោះ ក្នុងអំឡុងពេលនៃការវះកាត់ គ្រូពេទ្យនឹងដាក់ថ្នាំសណ្តំឱ្យអ្នកជំងឺគេងលក់
នៅពេលដែលកាមេរ៉ាត្រូវបានបញ្ចូលទៅក្នុងស្បូន វេជ្ជបណ្ឌិតនិងអាចមើលឃើញទីតាំងនៃទងសាច់បានយ៉ាងច្បាស់ បន្ទាប់មកប្រើឧបករណ៍ខ្នាតតូចដើម្បីកាត់ចេញយ៉ាងជាក់លាក់។ នីតិវិធីនេះចំណាយពេលតែប៉ុន្មាននាទីប៉ុណ្ណោះ ហើយអ្នកជំងឺអាចត្រឡប់ទៅផ្ទះវិញនៅថ្ងៃតែមួយជាមួយនឹងការវះកាត់
ចំណុចពិសេសនៃវិធីសាស្ត្រនេះ៖
• ភាពត្រឹមត្រូវខ្ពស់ អាចមើលឃើញទីតាំងនៃទងសាច់បានយ៉ាងច្បាស់
• មិនមានរបួសខាងក្រៅ ការឈឺចាប់តិចតួច
• ការជាសះស្បើយលឿន អាចត្រលប់ទៅផ្ទះវិញបានក្នុងថ្ងៃតែមួយ
• កាត់បន្ថយឱកាសនៃការកើតឡើងវិញម្ដងទៀត និងអាចបញ្ជូនទងសាច់ដើម្បីពិនិត្យកោសិកាដែលមិនប្រក្រតីបាន
វិធីសាស្រ្តនៃការព្យាបាលនេះគឺសក្ដិសមសម្រាប់
• អ្នកដែលមានការហូរឈាមខុសប្រក្រតីពីស្បូន
• អ្នកដែលជួបប្រទះបញ្ហាពិបាកមានកូន
• អ្នកដែលរកឃើញទងសាច់ពីការពិនិត្យអេកូ (អ៊ុលត្រាសោន) ឬការសុងស្បូន
• អ្នកដែលសង្ស័យថាមានជំងឺមហារីកស្បូន
ប្រសិនបើអ្នកសង្កេតឃើញថា ខ្លួនអ្នកកំពុងចាប់ផ្ដើមមានភាពខុសប្រក្រតីនៃការមករដូវ សូមកុំរង់ចាំរហូតក្លាយទៅជាធ្ងន់ធ្ងរ គួរតែទៅជួបវេជ្ជបណ្ឌិតដើម្បីធ្វើរោគវិនិច្ឆ័យ និងព្យាបាលជាបន្ទាន់
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

មិនថាអាយុប៉ុន្មានទេ… ក៏ប្រឈមនឹង “ជំងឺខ្សោយតម្រងនោម” បានដែរ!ជំងឺខ្សោយតម្រងនោម គឺជាស្ថានភាពដែលតម្រងនោមមិនអាចដំណើរការប្រកបដ...
25/08/2025

មិនថាអាយុប៉ុន្មានទេ… ក៏ប្រឈមនឹង “ជំងឺខ្សោយតម្រងនោម” បានដែរ!
ជំងឺខ្សោយតម្រងនោម គឺជាស្ថានភាពដែលតម្រងនោមមិនអាចដំណើរការប្រកបដោយប្រសិទ្ធភាព ដូចជាការច្រោះកាកសំណល់បានតិចជាងមុន ឬមិនអាចគ្រប់គ្រងតុល្យភាពទឹក អេឡិចត្រូលីត (សារធាតុរ៉ែ) និងសម្ពាធឈាមក្នុងរាងកាយបាន ដែលអាចនាំឱ្យមានការខ្សោយតំរងនោមស្រួចស្រាវឬរ៉ាំរ៉ៃ។ បច្ចុប្បន្ននេះ "ជំងឺខ្សោយតម្រងនោម" មិនមែនកើតត្រឹមតែមនុស្សចាស់នោះទេ ប៉ុន្ដែមនុស្សវ័យជំទង់ និងមនុស្សវ័យធ្វើការក៏មានហានិភ័យនៃជំងឺខ្សោយតម្រងនោមផងដែរ
កត្តាដែលបណ្តាលឱ្យកើតជំងឺខ្សោយតំរងនោម
• ទម្លាប់ប្រចាំថ្ងៃ ដូចជាការញ៉ាំអាហារដែលមានជាតិសូដ្យូមខ្ពស់ (ប្រៃ) ពិសារទឹកតិច និងគេងតិច
• ការប្រើថ្នាំបំបាត់ការឈឺចាប់ញឹកញាប់ ឬថ្នាំរុក្ខជាតិ អាហារបំប៉នដោយមិនបានពិគ្រោះជាមួយវេជ្ជបណ្ឌិត
• ផលវិបាកពីជំងឺប្រចាំខ្លួនដែលគ្រប់គ្រងមិនបានល្អ ដូចជាជំងឺទឹកនោមផ្អែម និងជំងឺលើសឈាម ដែលចាប់ផ្ដើមរកឃើញក្នុងមនុស្សដែលមានអាយុតិចទៅៗ
• ជំងឺធាត់
• គ្រួសក្នុងតម្រងនោម ឬការឆ្លងមេរោគក្នុងប្រព័ន្ធបង្ហូរទឹកនោមដែលមិនបានព្យាបាល
• ជំងឺតំណរពូជ (ហ្សែន) ដូចជាជំងឺគីសក្នុងតម្រងនោម
• ជំងឺប្រព័ន្ធភាពស៊ាំខុសប្រក្រតី ដូចជា (SLE)
ដឹងមុនហួសពេល! ជំងឺខ្សោយតំរងនោមជារឿយៗតែងមិនមានរោគសញ្ញានៅក្នុងដំណាក់កាលដំបូង ប៉ុន្ដែនៅពេលមានរោគសញ្ញាលេចឡើងដូចជា ទឹកនោមខុសប្រក្រតី (ពពុះ ល្អក់ ក្រមៅ ឬញឹកញាប់នៅពេលយប់) ហើមនៅ ក្រោមភ្នែក មុខ ជើង ឬខ្នងជើង អស់កម្លាំង ងាយហត់ សម្ពាធឈាមឡើងខ្ពស់ដោយមិនដឹងមូលហេតុ ឬភាពស្លេកស្លាំង វាប្រហែលជាយឺតពេលទៅហើយ ដោយសារវាអាចជាដំណាក់កាលដែលមុខងារតម្រងនោមបានធ្លាក់ចុះខ្លាំងទៅហើយ និងពិបាកក្នុងការស្តារឡើងវិញ
ដូច្នេះការត្រួតពិនិត្យតម្រងនោមឪ្យបានទៀងទាត់មានសារៈសំខាន់ ជាពិសេសសម្រាប់អ្នកដែលមានកត្តាហានិភ័យទាំងនេះ ព្រោះជំងឺខ្សោយតំរងនោម… មិនរើសអាយុទេ ចាប់ផ្តើមថែរក្សាខ្លួនអ្នកនៅថ្ងៃនេះ ដើម្បីកាត់បន្ថយហានិភ័យនៃជំងឺខ្សោយតម្រងនោមនាពេលអនាគត
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

តើជំងឺរលាកសន្លាក់ជង្គង់ ព្យាបាលដោយវិធីណាល្អបំផុត?សំណួរ៖ តើជំងឺរលាកសន្លាក់ជង្គង់កើតឡើងដោយសារអ្វី នឹងមានរោគសញ្ញាដូចម្ដេច?ច...
24/08/2025

តើជំងឺរលាកសន្លាក់ជង្គង់ ព្យាបាលដោយវិធីណាល្អបំផុត?
សំណួរ៖ តើជំងឺរលាកសន្លាក់ជង្គង់កើតឡើងដោយសារអ្វី នឹងមានរោគសញ្ញាដូចម្ដេច?
ចម្លើយ៖ ជំងឺរលាកសន្លាក់ជង្គង់បណ្តាលមកពីការទ្រុឌទ្រោមនៃឆ្អឹងខ្ចីក្នុងសន្លាក់ជង្គង់ ដែលមានតួរនាទីទ្រទ្រង់ទម្ងន់ និងជួយក្នុងការផ្លាស់យ៉ាងរលូន។ រោគសញ្ញាដែលអាចសង្កេតបានរួមមាន ការឈឺចាប់ រឹងសន្លាក់ ហើម រឹងសន្លាក់នៅពេលព្រឹក ឬសម្លេងញ័រក្នុងសន្លាក់ និងភាពទន់ខ្សោយនៅជង្គង់
សំណួរ៖ តើអ្វីទៅជាការវះកាត់សន្លាក់ជង្គង់ ហើយហេតុអ្វីបានជាវាជាជម្រើសនៃការព្យាបាលជំងឺរលាកសន្លាក់?
ចម្លើយ៖ ការវះកាត់សន្លាក់ជង្គង់គឺជាការព្យាបាលជំងឺរលាកសន្លាក់ជង្កង់ដំណាក់កាលធ្ងន់ធ្ងរ ដោយវេជ្ជបណ្ឌិតនឹងធ្វើការផ្លាស់ប្ដូរសន្លាក់ជង្គង់ដែលមានសភាពទ្រុឌទ្រោមជាមួយនឹងសន្លាក់ជង្គង់សិប្បនិម្មិត ដើម្បីបំបាត់ការឈឺចាប់ និងស្តារការផ្លាស់ទីឱ្យស្រដៀងនឹងសន្លាក់ជង្គង់ធម្មតាបំផុតតាមដែលអាចធ្វើទៅបាន
សំណួរ៖ ការណែនាំ "ការតម្រង់សន្លាក់ជង្គង់តាមធម្មជាតិ" (Native Alignment) គឺជាអ្វី?
ចម្លើយ៖ ការតម្រង់សន្លាក់ជង្គង់តាមធម្មជាតិ គឺជាវិធីវះកាត់សន្លាក់ដែលរក្សាទម្រង់ឆ្អឹង និងរចនាសម្ព័ន្ធនៃសន្លាក់ជង្គង់ឱ្យស្រដៀងនឹងសន្លាក់ធម្មជាតិដើមបំផុតតាមដែលអាចធ្វើទៅបាន ដោយប្រើបច្ចេកវិជ្ជាជួយតម្រង់សន្លាក់ជង្គង់សិប្បនិម្មិតឪ្យត្រឹមត្រូវទៅតាមសរីរាង្គរបស់អ្នកជំងឺម្នាក់ៗ ដែលជួយឱ្យមានការជាសះស្បើយលឿនជាងមុន កាត់បន្ថយការឈឺចាប់ និងធ្វើចលនាស្រដៀងនឹងសន្លាក់ជង្គង់ធម្មជាតិ
សំណួរ៖ តើការតម្រង់សន្លាក់ជង្គង់តាមធម្មជាតិខុសពីវិធីសាស្ត្រធម្មតាយ៉ាងដូចម្ដេច?
ចម្លើយ៖ ភាពខុសគ្នានោះគឺ ការតម្រង់សន្លាក់ជង្គង់តាមធម្មជាតិសង្កត់ធ្ងន់លើការធ្វើត្រាប់តាមចលនា និងទម្រង់នៃសន្លាក់ជង្គង់ដើមរបស់អ្នកជំងឺ។ ចំណេកវិធីសាស្រ្តសាមញ្ញអាចតម្រឹមជង្គង់យោងទៅតាមស្តង់ដារដោយមិនបានផ្ដោតលើសរីរាង្គបែបបុគ្គលជាពិសេស នេះបណ្តាលឱ្យមានលទ្ធផលនៃការផ្លាស់អាចមិនដូចធម្មជាតិតាមដែលអាចធ្វើទៅបាន
សំណួរ៖ តើការវះកាត់តម្រង់សន្លាក់ជង្គង់តាមធម្មជាតិមានអត្ថប្រយោជន៍អ្វីខ្លះ?
ចម្លើយ៖ ជួយរក្សាទម្រង់ឆ្អឹងតាមធម្មជាតិ កាត់បន្ថយហានិភ័យនៃការឈឺចាប់ក្រោយការវះកាត់ កាត់បន្ថយការឈឺចាប់ពីការប្រើប្រាស់ក្រោយការវះកាត់បានល្អជាង បង្កើនអត្រាការពេញចិត្តរបស់អ្នកជំងឺ (ពី 80% ទៅ 95-98%) ធ្វើអោយការផ្លាស់ទី និងតុល្យភាពប្រសើរជាងមុន អាចត្រលប់មកសកម្មភាពប្រចាំថ្ងៃបានលឿនជាងមុន សន្លាក់ជង្គង់សិប្បនិម្មិតអាចធ្វើការបានស្រដៀងទៅនឹងសន្លាក់ជង្គង់ធម្មជាតិបំផុត
សំណួរ៖ តើអ្នកណាសក្ដិសមសម្រាប់ការវះកាត់តម្រង់សន្លាក់ជង្គង់តាមធម្មជាតិ?
ចម្លើយ៖ អ្នកដែលមានជំងឺរលាកសន្លាក់ជង្គង់ធ្ងន់ធ្ងរ ពិបាកដើរ ឈឺជង្គង់ធ្ងន់ធ្ងរ ឬអ្នកដែលបានឆ្លងកាត់ការព្យាបាលពីមុនមកហើយមិនមានប្រសិទ្ធភាព ជាពិសេសអ្នកដែលស្វែងរកការជាសះស្បើយលឿន និងអាចធ្វើចលនាបានតាមបែបធម្មជាតិ
សំណួរ៖ តើការថែទាំជង្គង់ដើម្បីពន្យារការទ្រុឌទ្រោម ត្រូវធ្វើរបៀបណា?
ចម្លើយ៖ រក្សាទម្ងន់ឱ្យមានសុខភាពល្អ ចៀសវាងការអង្គុយចោងហោង អង្គុយបត់ជើង ឬលុតជង្គង់ក្នុងរយៈពេលយូរ ធ្វើលំហាត់ប្រាណឱ្យបានទៀងទាត់ ដូចជាការដើរ ហែលទឹក ធាក់កង់ និងចៀសវាងសកម្មភាពដែលដាក់សម្ពាធលើជង្គង់ ដូចជាការរត់លើផ្ទៃរអិល ឬជិះម៉ូតូ ប្រើឥរិយាបថដែលមិនបង្កើនភាពតានតឹងលើសន្លាក់ជង្គង់
សំណួរ៖ តើមានសញ្ញាអ្វីខ្លះដែលអ្នកគួរទៅជួបគ្រូពេទ្យដើម្បីពិនិត្យជង្គង់?
ចម្លើយ៖ ប្រសិនបើអ្នកជួបប្រទះការឈឺជង្គង់ញឹកញាប់ ដោយគ្មានមូលហេតុ អារម្មណ៍នៃការជាប់សន្លាក់ជង្គង់ ឬមានសំឡេងប្រេះក្នុងសន្លាក់ អ្នកគួរទៅជួបគ្រូពេទ្យជាបន្ទាន់ដើម្បីធ្វើរោគវិនិច្ឆ័យនិងការពារការវិវត្តនៃជំងឺរលាកសន្លាក់ជង្គង់
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

"ការប្តូរខួរឆ្អឹង ជម្រើសនៃការរស់រានមានជីវិតដ៏សំខាន់សម្រាប់អ្នកជំងឺមហារីកគ្រាប់ឈាម"ជំងឺមហារីកគ្រាប់ឈាមគឺបណ្តាលមកពីភាពមិនប...
22/08/2025

"ការប្តូរខួរឆ្អឹង ជម្រើសនៃការរស់រានមានជីវិតដ៏សំខាន់សម្រាប់អ្នកជំងឺមហារីកគ្រាប់ឈាម"
ជំងឺមហារីកគ្រាប់ឈាមគឺបណ្តាលមកពីភាពមិនប្រក្រតីនៃកោសិកាគ្រាប់ឈាម និងខួរឆ្អឹង ធ្វើឱ្យរាងកាយផលិតកោសិកាឈាមដែលមានសុខភាពល្អតិចជាងមុន បង្កឱ្យមានប្រព័ន្ធភាពស៊ាំទាប ងាយនឹងឆ្លងមេរោគ ងាយចេញឈាម និងកើតភាពស្លេកស្លាំង។ នៅពេលដែលកោសិកាខុសប្រក្រតីរីករាលដាលដោយមិនអាចគ្រប់គ្រងបាន ពួកវានិងក្លាយជាមហារីកគ្រាប់ឈាម។ ដោយជំងឺមហារីកគ្រាប់ឈាមដែលរកឃើញញឹកញាប់ រួមមាន ជំងឺមហារីកគ្រាប់ឈាម (Leukemia) ជំងឺមហារីកកូនកណ្តុរ (Lymphoma) និងជំងឺមហារីកខួរឆ្អឹង (Multiple Myeloma)
វិធីសាស្រ្តក្នុងការព្យាបាល ជំងឺមហារីកគ្រាប់ឈាមមានជាច្រើនប្រភេទ ហើយជម្រើសនៃការព្យាបាលក៏ប្រែប្រួលទៅតាមប្រភេទ និងភាពធ្ងន់ធ្ងរនៃជំងឺ។ ជម្រើសនៃការព្យាបាលរួមមាន ការព្យាបាលដោយប្រើគីមី ការព្យាបាលដោយប្រព័ន្ធភាពស៊ាំ ការព្យាបាលដោយវិទ្យុសកម្ម និងការប្តូរខួរឆ្អឹង
បច្ចេកវិទ្យានៃការព្យាបាលកម្រិតខ្ពស់បំផុតសម្រាប់ជំងឺមហារីកគ្រាប់ឈាម គឺ ការប្តូរខួរឆ្អឹង (Bone Marrow Transplant) គឺជាការបញ្ចូលកោសិកាដើមនៃគ្រប់ឈាមធម្មតា (Stem Cells) ចូលទៅក្នុងរាងកាយដើម្បីបង្កើតកោសិកាឈាមថ្មីដែលមានសុខភាពល្អ ដើម្បីជំនួសកោសិកាដើមដែលខុសប្រក្រតី ឬមិនមានសុខភាពល្អនៅក្នុងខួរឆ្អឹង។ ដោយការប្តូរខួរឆ្អឹងមានពីរប្រភេទ៖
1. ការប្តូរកោសិកាដើមពីខ្លួនឯង (Autologous Stem Cell Transplantation)
2. ការប្តូរកោសិកាដើមពីអ្នកបរិច្ចាគ (Allogeneic Stem Cell Transplantation) ដែលអាចជាសាច់ញាតិ ឬអ្នកបរិច្ចាគដែលមានជាលិកាដែលត្រូវគ្នា
ការប្តូរខួរឆ្អឹងគឺជាការព្យាបាលដ៏សំខាន់បំផុតមួយសម្រាប់អ្នកជំងឺមហារីកគ្រាប់ឈាម។ វាជួយស្ដារប្រព័ន្ធបង្កើតគ្រាប់ឈាម ពង្រឹងប្រព័ន្ធភាពស៊ាំ និងបង្កើនឱកាសនៃការរស់រានមានជីវិត និងកាត់បន្ថយឱកាសនៃការកើតជំងឺនេះឡើងវិញម្ដងទៀត។ ប្រសិនបើរកឃើញភាពមិនប្រក្រតី អ្នកគួរតែត្រូវបានពិគ្រោះជាមួយវេជ្ជបណ្ឌិតឯកទេសជាបន្ទាន់សម្រាប់ការធ្វើរោគវិនិច្ឆ័យ និងរៀបចំផែនការនៃការព្យាបាលយ៉ាងត្រឹមត្រូវ
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ការស្តារឡើងវិញនៃបញ្ហាស្លាប់មួយចំហៀងខ្លួនបន្ទាប់ពីជំងឺដាច់សរសៃឈាមខួរក្បាលជាមួយ TMSអ្នកជំងឺដាច់សរសៃឈាមខួរក្បាលជារឿយៗជួបប្រ...
20/08/2025

ការស្តារឡើងវិញនៃបញ្ហាស្លាប់មួយចំហៀងខ្លួនបន្ទាប់ពីជំងឺដាច់សរសៃឈាមខួរក្បាលជាមួយ TMS
អ្នកជំងឺដាច់សរសៃឈាមខួរក្បាលជារឿយៗជួបប្រទះនឹងភាពខ្វិន និងស្លាប់មួយចំហៀងខ្លួន ដែលធ្វើឱ្យពិបាកធ្វើចលនា និងតម្រូវឱ្យមានការស្តារឡើងវិញក្នុងរយៈពេលប្រាំមួយខែដំបូង ដែលជារយៈពេលមាសសម្រាប់ការជាសះស្បើយឡើងវិញ
បច្ចេកវិទ្យាមួយដែលបង្កើនប្រសិទ្ធិភាពនៃការស្តារនីតិសម្បទាគឺ TMS (Transcranial Magnetic Stimulation) ឬឧបករណ៍រំញោចខួរក្បាលដោយរលកអេឡិចត្រូម៉ាញ៉េទិច ដោយគ្រូពេទ្យនិងដាក់បំណះរំញោចនៅលើផ្នែកដែលរងផលប៉ះពាល់នៃក្បាល ដើម្បីជំរុញសកម្មភាពខួរក្បាល ជំរុញការបង្កើតប្រព័ន្ធបញ្ជាថ្មីនៃកោសិការសរសៃប្រសាទ ជួយឪ្យដៃជើងអាចធ្វើចលនាប្រសើរជាងមុន
គុណសម្បត្តិនៃបច្ចេកវិទ្យា TMS
• មិនចាំបាច់ធ្វើការវះកាត់
• គ្មានការឈឺចាប់ អ្នកប្រហែលជាមានអារម្មណ៍រមួលសាច់ដុំបន្តិចបន្ដួចក្នុងពេលព្យាបាល
• មានសុវត្ថិភាព និងមិនចាំបាច់សម្រាកក្នុងមន្ទីរពេទ្យ
• ប្រើរួមជាមួយនឹងការព្យាបាលដោយចលនាបំបាត់ដើម្បីទទួលបានលទ្ធផលល្អបំផុត
ការហាមឃាត់៖ អ្នកដែលមានឧបករណ៍លោហៈនៅក្នុងខ្លួន ដូចជា ឧបករណ៍រំញោចខួរក្បាល Deep Brain Stimulation (DBS), ឧបករណ៍រំញោចបេះដូង, ការដាក់ប្រសាទត្រចៀកសិប្បនិម្មិត, អ្នកដែលដាក់បំពង់បង្ហូរទឹកដែលអាចផ្លាស់ប្ដូរទិន្នន័យបានដើម្បីព្យាបាលបញ្ហាទឹកដក់ក្នុងខួរក្បាល និងអ្នកដែលមានប្រវត្តិប្រកាច់ វិលមុខ ឬឈឺក្បាលដោយមិនមានមូលហេតុ
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ការឈឺចាប់ធ្លាក់ទៅជើង ស្ពឹក និងដើរមិនបានឆ្ងាយ គឺជាសញ្ញាព្រមាននៃការជំងឺក្រិនឆ្អឹងខ្នងជំងឺក្រិនឆ្អឹងខ្នង (Spinal canal Sten...
18/08/2025

ការឈឺចាប់ធ្លាក់ទៅជើង ស្ពឹក និងដើរមិនបានឆ្ងាយ គឺជាសញ្ញាព្រមាននៃការជំងឺក្រិនឆ្អឹងខ្នង
ជំងឺក្រិនឆ្អឹងខ្នង (Spinal canal Stenosis) គឺជាជំងឺដែលជួបញឹកញាប់ចំពោះមនុស្សចាស់ ដោយមានមូលហេតុចម្បងមកពីការទ្រុឌទ្រោមនៃរចនាសម្ព័ន្ធឆ្អឹងខ្នង មិនថាជាទ្រនាប់ឆ្អឹងខ្នង (ឌីស) សរសៃចង ឬសន្លាក់នោះទេ។ នៅពេលដែលអាយុកាន់តែច្រើន ប្រហោងឆ្អឹងខ្នងចាប់ផ្ដើមរួមតូចបន្តិចម្តងៗ ដែលបណ្តាលឱ្យមានការគាបសរសៃប្រសាទ និងរោគសញ្ញាផ្សេងៗ រួមមាន៖
• ឈឺចង្កេះ ត្រគាក
• ការឈឺចាប់ធ្លាក់ទៅជើង, ឈឺកាន់តែខ្លាំងនៅពេលដើរយូរ
• ការឈឺចាប់កាន់តែខ្លាំងនៅពេលពត់ខ្លួនទៅក្រោយ និងប្រសើរឡើងនៅពេលដែលសម្រាក និងពត់ខ្លួនទៅមុខ
ការព្យាបាលសម្រាប់ការជំងឺក្រិនឆ្អឹងខ្នងមានច្រើនវិធី អាស្រ័យលើភាពធ្ងន់ធ្ងរនៃជំងឺ៖
• ការព្យាបាលដោយចលនា
• ថ្នាំបំបាត់ការឈឺចាប់ និងថ្នាំប្រឆាំងនឹងការរលាក
• ការចាក់ថ្នាំប្រឆាំងនឹងការរលាកត្រង់ចំនុច
• ការវះកាត់ក្នុងករណីមានរោគសញ្ញាធ្ងន់ធ្ងរ ឬមិនឆ្លើយតបទៅនឹងការព្យាបាលបឋម
បច្ចុប្បន្ននេះ ការវះកាត់អាចអនុវត្តដើម្បីពង្រីកប្រឡាយប្រសាទបាន តាមរយៈកាមេរ៉ា មីក្រូទស្សន៍ (microscope) ឬ Endoscope ដែលធ្វើឱ្យរបួសតូច ការឈឺចាប់តិច និងការជាសះស្បើយលឿនជាងមុន
ប្រសិនបើអ្នកសម្គាល់ឃើញថាមានរោគសញ្ញាខាងលើនៅក្នុងខ្លួនអ្នក ឬមនុស្សជាទីស្រលាញ់របស់អ្នកដែលបង្ហាញថាជាជំងឺក្រិនឆ្អឹងខ្នង អ្នកគួរតែទៅជួបគ្រូពេទ្យជាបន្ទាន់សម្រាប់ការធ្វើរោគវិនិច្ឆ័យ និងរៀបចាំផែនការព្យាបាលដែលសមស្រប ការព្យាបាលចាប់តាំងពីដំណាក់កាលដំបូងៗ អាចកាត់បន្ថយហានិភ័យនៃផលវិបាក និងធ្វើឱ្យគុណភាពជីវិតរបស់អ្នកកាន់តែប្រសើរឡើង
_______________________________________________________
Line/Telegram: +66892019000
Telegram Chanel: https://t.me/+jGnh2mNpz643OTI1
Youtube: http://bit.ly/2OpDlOv
IG: https://www.instagram.com/vejthani.hospital/
Twitter: https://twitter.com/Vejthani
Website: https://www.vejthani.com/km/
Cambodia Hotline: +66 (0) 89 201 9000

ที่อยู่

1 Ladprao 111 , Klong-Chan Bangkapi
Bangkok
10240

เบอร์โทรศัพท์

+66892019000

เว็บไซต์

แจ้งเตือน

รับทราบข่าวสารและโปรโมชั่นของ Vejthani Hospital-មន្ទីរពេទ្យវេជ្ជថានីผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ การปฏิบัติ

ส่งข้อความของคุณถึง Vejthani Hospital-មន្ទីរពេទ្យវេជ្ជថានី:

ทางลัด

แนะนำ

แชร์

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

ประเภท

Our Story

មន្ទីរពេទ្យវេជ្ជថានីត្រូវបានទទួលស្គាល់ថាជាអ្នកផ្តល់សេវាសុខាភិបាលដល់អ្នកជំងឺអន្តរជាតិល្អផ្តាច់គេដោយអង្គការអ្នកផ្តល់សេវាសុខាភិបាលសកល 'Global Healthcare Accreditation (GHA) ដោយបានទទួលពិន្ទុក្នុងការវាយតម្លៃនេះខ្ពស់បំផុត។ មន្ទីរពេទ្យវេជ្ជថានីបានទទួលការទទួលស្គាល់ពី GHA ជាមួយនឹងពិន្ទុសរុប 100% ក្រោមកម្មវិធី GHA Program's 10 Critical Success Factors (CSFs)។ GHA ជាអង្គការអ្នកផ្តល់សេវាសុខាភិបាលសកលដែលមានមូលដ្ឋាននៅសហរដ្ឋអាមេរិចមាននាទីត្រួតពិនិត្យនិងផ្តល់ការទទួលស្គាល់ដល់មន្ទីរពេទ្យឬអ្នកផ្តល់សេវាកម្មវេជ្ជសាស្រ្តដែលមានសមត្ថភាពខ្ពស់។ បច្ចុប្បន្ននេះមានតែមន្ទីរពេទ្យចំនួន 3 ប៉ុននោះ ក្រៅពីសហរដ្ឋអាមេរិកដែលមានការទទួលស្គាល់ពីអង្គការអ្នកផ្តល់សេវាសុខាភិបាលសកល 'Global Healthcare Accreditation (GHA)។

មន្ទីរពេទ្យវេជ្ជថានីជាមន្ទីរពេទ្យអន្តរជាតិដែលឈានមុខមួយនៅប្រទេសថៃ បាននឹងកំពុងផ្តល់សេវាកម្មដល់អ្នកជម្ងឺទាំងក្នុងនិងក្រៅប្រទេស។ មន្ទីរពេទ្យនេះត្រូវបានបង្កើតឡើងនៅឆ្នាំ១៩៩៤បានទទួលស្គាល់ពីអង្គការបញ្ជាក់ពីគុណភាពស្តង់ដាអន្តរជាតិ ISO9001:2000 នៅឆ្នាំ២០០៣ និង នៅឆ្នាំ២០០៧ និងស្រមតាមស្តង់ដារបស់គណកម្មការអន្តរជាតិរួម JCI 2010 ជាអង្គការស្របតាមមាត្រដ្ឋានរបស់សហរដ្ឋអាមេរិកដែលត្រូវបានទទួលស្គាល់នៅទូទាំងពិភពលោកថាជាស្តង់ដាមាសសម្រាប់អ្នកផ្តល់សេវាកម្មថែទាំសុខភាពក្នុងលំដាប់កំពូលនៅទូទំាងពិភពលោក។ មន្ទីរពេទ្យមានបំពាក់ទៅដោយឧបករណ៏បចេ្ចកវិទ្យាដ៏ប្រណិត មានគុណភាពខ្ពស់និងមានអ្នកឯកទេសមានជំនាញច្បាស់លាស់។ យើងមានមោទនភាពចំពោះខ្លួនឯងផ្ទាល់ដោយយើងជាអ្នកជំនាញខាងផ្នែកផ្តល់ការព្យាបាលនាំមុខមួយ នៅក្នុងប្រទេសថៃ។

ការប្តេជ្ញាចិត្តរបស់យើងជាបេសកកម្មនៃការធានាផ្តល់ជូនសុខភាពនិងជីវិតដែលល្អប្រសើរដល់អ្នកជំងឺទាំងអស់តាមរយៈបច្ចេកវិទ្យានិងការព្យាបាលដែលទទួលស្គាល់គុណភាពដោយអង្កការអន្តរជាតិ និងពាន់រង្វាន់ជាច្រើន។ មន្ទីរពេទ្យវេជ្ជថានីបានទទួលការទទួលស្គាល់ជាផ្លូវការពីគណៈកម្មការចម្រុះនៃគណៈកម្មការអន្តរជាតិ (JCI) ចាប់តាំងពីឆ្នាំ 2010 និងទទួលបានវិញ្ញាបនប័ត្រ ISO 9001: 2000 ចាប់តាំងពីឆ្នាំ 2003 និង ទទួលការទទួលស្គាល់ពី Thailand Hospital Accreditation (HA)​ តាំងពីឆ្នាំ 2007 ។ ថ្មីៗនេះសេវាកម្មគំរូរបស់យើងបានទទួលពានរង្វាន់ពីនាយករដ្ឋមន្រ្តីពីរដងក្នុងឆ្នាំ 2011 និង 2017។ លើសពីនេះទៀតកម្មវិធីព្យាបាលជំងឺឆ្លងរបស់យើងសម្រាប់ការវះកាត់ឆ្អឹងខ្នង ការប្តូរសន្លាក់ចង្វាក់បេះដូង ជំងឺទឹកនោមផ្អែមប្រភេទទី 2 និងជំងឺរលាកថ្លើមប្រភេទ B បានទទួលវិញ្ញាបនប័ត្រកម្មវិធីថែទាំព្យាបាលតាមស្តង់ដា JCI Standards Clinical Care Program Certifications ។