03/04/2026
ဆရာစံလမ်းပေါ်က ဒီ တီးဟောက်စ် အသစ်...မနက်စာတွေ စုံသလားမမေးနဲ့...ငွေ ၂,၅၀၀-၃,၀၀၀ လောက်က စသတဲ့..😱🔥
မနက်စာတွေ နဲ့ နေ့လည်စာ ထမင်းဟင်းလေးတွေ နှစ်ပိုင်းပဲ ရောင်းတယ်...
တနေကုန် ခေတ်ဟောင်းသီချင်းလေးတွေ ဖွင့်ထားတတ်တဲ့ ရန်ကုန် ဆရာစံလမ်းပေါ်က တီးဟောက်စ် အသစ်လေး...🎶☕️
မနက် ၇ နာရီတည်းက ဖွင့်တဲ့ ဒီတီးဟောက်စ်လေး မှာ မနက်စာတွေဆို ၂,၅၀၀ လောက်ကနေ ၄,၅ ထောင် ဝန်းကျင်တွေများတယ်။
အီကြာကွေး ၊ပလာတာတွေ တပွဲမှ ၂,၅၀၀ ကျပ်တဲ့။ အဓိကက ဈေးနှုန်းထက် ဆိုင်ကောင်းကောင်းမှာ ဆီသန့်သန့်လေးနဲ့ စိတ်
သန့်သန့်ရှင်းရှင်း စားရတယ်။
ပလာတာဆို ၁၀ မျိုးတောင် ရတယ်။ အလွတ်၊ သကြား ၊ ပဲ ၊ ကြက်ဥ ၊ လမ်းသရဲ ၊ လိပ်ခုတ်၊ ငှက်ပျော ၊ ပြည်ပလာတာ၊ ဆိတ်ကီးမား၊ ကြက်ကီးမား အမလေး စုံလိုက်တာ ငွေ ၂,၅၀၀ ကနေ စတယ်။
တီးဟောက်စ် က အသစ်ဆိုတော့ ဆိုင်က ဝန်ထမ်းတွေ နဲ့ chef တွေကို မေးကြည့်တာ ဒီရောက်ရင် မဖြစ်မနေ စားသင့်တာမျိုး ဘာတွေ စားကောင်းလဲ ညွှန်ပေးဆို...
✅ဆိတ်ရိုး၊ဆိတ်အကြောသား ပဆုံရိုးတွေ ရယ် အဆီနှစ်တွေအိပျော်ကျနေတဲ့ ဆိတ်စွပ်ရှယ် ကို သံပုရာသီးလေးနဲ့ညှစ်၊ နံပြားလေး တို့စားပါတဲ့။
✅ဆိုင်ရဲ့ ဆီချက်ခေါက်ဆွဲ နဲ့ ရှမ်းခေါက်ဆွဲ ကို ဝက်ခေါက်ကင်၊ ဝက်လက်၊ ဝက်နံရိုး၊ ငါးမျှစ်ချဉ်၊ကြက်ပေါင်၊ ကြက်သား topping တွေနဲ့ စားကြည့်ပါတဲ့။
✅မဖြစ်မနေ စားရမှာ တစ်ပွဲ ၄,၀၀၀ တန် ဇော်ဂျီ သုံးမျိုးစပ် မုန့်ဟင်းခါး။ သူက ငါးကြင်း၊ ငါးခူ၊ ငါးကျည်း သုံးမျိုးကို အချိုမှုန့်မသုံးဘဲ မပျစ်မကျဲ ရန်ကုန်စတိုင်ချက်ထားတာ။ တော်တော်မွှေးတာ။ ပိုကောင်းတာက ငါးရေခွံအမည်းတွေပါမပါအောင် အကုန်နိုင်သလောက် ဖယ်ထားတာ။
✅ဇော်ဂျီ ပလာတာလည်း စားခဲ့။ ပလာတာထဲမှာ ကန်စွန်းဥနှစ်တွေအများကြီး ပြည့်သိပ်နေအောင်ထည့်ထားပေးတာကို နို့ဆီလေးနဲ့ စားရတာ ကောင်းချက်ပဲ။
✅စီလုံတီးကို Latte Art လို ပုံဖော်ပြီး မလိုင်ဖတ်များများ နွားနို့ ပျစ်ပျစ် နဲ့ ဖျော်ထားတာကတော့ ဆိမ့်တက်နေတာပဲ။
✅ဘာစားစား တစ်ပွဲ ၄,၀၀၀ နဲ့ ထမင်းကြော်၊ ပဲငံပြာရည်ထမင်းကြော်၊ နနွင်းဝါ ထမင်းကြော်တွေလည်းရှိတယ်။ အသားပေါင်းတွေ၊ ဟင်းတွေနဲ့ မှာစားလို့ရတယ်။
✅နေ့လည်ခင်းကျရင် ထမင်းနဲ့ ဟင်းပါLimited အိမ်ချက်အရသာ ဟင်းတွေ
ဒီတီးဟောက်စ် အသစ်လေးရဲ့ ထူးခြားချက်က ဆိုင်လေး သန့်ရှင်းနေတဲ့ အပြင် ထိုင်ရတာ တကယ် စိတ်ချမ်းသာတယ်။ ဟိုးစတူရီယိုခေတ်က သီချင်းလေးတွေ ဖွင့်ထားတယ်။ ပြီးတော့ ဝန်ထမ်းလေးတွေ သဘောကောင်းတယ်။
ပြောရရင် မနက်စာ နဲ့ နေ့လည်စာ ထမင်း၊ ဟင်း ၂ မျိုးပဲရောင်းတာ။
သူ့ဆီက ဟင်းတွေကလည်း စားချင်စရာတွေချည်းပဲ...ဘဲဥငံပြာရည်ချက်၊ ဝက်အူစုံအချိုချက်၊ ဝက်အချိုချက်၊ ငါးကြင်းကြော်၊ ငါးခူကြော်၊ အမဲနှပ်၊ အမဲကြော်၊ ဆိတ်မွကြော်၊ ကြက်ကြော် စုံနေတာပဲ။
မနက်ခင်းဆို အသားကြော်လေးတွေနဲ့ ထမင်းကြော်နဲ့စား။ နေ့လည်ဆို ထမင်းဖြူလေးနဲ့ အချိုချက်၊အသားနှပ်လေးတွေနဲ့စား။ ဟင်းတွေက ပုံမှန် ထမင်းဆိုင်တွေက ဈေးပဲ။ ၃,၀၀၀ ကနေ ၈,၀၀၀ ဝန်းကျင် ။ ဒါပေမယ့် Chef လက်ရာ အိမ်ထမင်း အိမ်ဟင်းလို သေချာချက်ထားတာ။
အအေးတွေ၊ ကော်ဖီတွေ၊ Juice လေးတွေလည်း စုံတယ်။ တီးဟောက်စ် ထက် ကဖေး လှလှလေးနဲ့ ပိုတူတယ်။☕️
ဆိုင်နာမည်လေးက အဆန်း ခေါ်လို့လည်း ကောင်းတယ်။ "ဇော်ဂျီတီးဟောက်စ်" တဲ့။
မနက် ၇ နာရီဆို ဖွင့်ပြီ။ သေချာတယ် လူကြီးတွေအပြင် အိမ်က မိသားစု အကုန် သဘောကျမှာ။
ဆိုင်ကတော့ ညနေ ၃ နာရီဆို ပိတ်တယ်။
ဆိုင်ရှေ့မှာ လင်းလင်းထင်းထင်း ခြံကျယ်လေးလို ထိုင်လို့ရတယ်။ ဆိုင်ထဲမှာက အဲကွန်းအေးအေးနဲ့ သန့် ရှင်းနေရော။ တီးဟောက်စ် ကို ပရီမီယမ် ဆန်ဆန်လေးမို့ ထိုင်ရတာ စိတ်ချမ်းသာတယ်။
ပြီးတော့ ဧပြီတလလုံး တသောင်းဖိုးစားတိုင်း လက်ဖက်ရည် ကြိုက်ရာ အရသာတခွက်တိုက်တယ်။ ၃သောင်းဖိုးဆို ၃ခွက်သောက်ရတယ်။‼️
သွားထိုင်ကြည့်ကြနော်။ ကားဆီ စီတန်းရင်းနဲ့လည်း မှာလို့ရတယ်။ ဆိုင်ရှေ့နားဆို ကားပေါ်ထိ ပို့ပေးတယ်တဲ့။👀
ဒီ Post လေးကို ရှဲထားပြီး Eat with Seng ပိုစ့်တွေ့လို့ လာတာလို့ပြောရင် အသားတွေ၊ ပွဲပြင်တွေ ပိုထည့်ပေးမယ် ပြောတယ်။ ကဲ...ရှဲထားလိုက်ကြတော့..😎
Zawgyi Tea House
⏰ဆိုင်ဖွင့်ချိန် - မနက် ၇ နာရီ မှ ညနေ ၃ နာရီထိ
☎️ဖုန်း - 𝟬𝟵 𝟳𝟳𝟳 𝟭𝟬𝟬 𝟱𝟴𝟴
📍လိပ်စာ -အမှတ် ၄၄ ( မြေညီထပ် ) ဆရာစံလမ်းနဲ့ ကုက္ကိုင်းရေကူးကန်လမ်းထောင့်၊ ဗဟန်းမြို့နယ်၊ရန်ကုန်မြို့။
#လက်ဖက်ရည်ဆိုင် #တီးဟောက်စ် #မြန်မာစာ #မနက်စာ
