04/08/2025
“စူပါအစားအစာ” လို့ တင်စားခံရတဲ့
Chia Seeds ချီယာစေ့ 🖤
Chia seeds ဆိုတာ Salvia hispanica L. ဆိုတဲ့ အပင်ကရတဲ့ အစေ့လေးတွေ ဖြစ်ပါတယ်။
သေးငယ်တဲ့ ချီယာစေ့လေးတွေရဲ့ ကျန်းမာရေးအကျိုးပြုပုံက အံ့မခန်းပါပဲ။ ချီယာစေ့မှာ အမျှင်ဓာတ်၊ အသားဓာတ်၊ ခန္ဓာကိုယ်အကျိုးပြု အဆီဓာတ် omega-3, omega-6၊ ကယ်လ်ဆီယမ်နဲ့ မဂ္ဂနီဆီယမ်၊ ဓာတ်တိုးဆန့်ကျင်ပစ္စည်း (antioxidants)စတဲ့ ခန္ဓာကိုယ်အကျိုးပြုတဲ့ အာဟာရဓာတ်တွေ ကြွယ်ဝတာမို့ အာဟာရပညာရှင်တွေက “စူပါအစားအစာ (super food)” လို့တောင် တင်စားကြပါတယ်။
ချီယာစေ့ရဲ့ ကျန်းမာရေး အကျိုးကျေးဇူးများ
➤ ခန္ဓာကိုယ်တွင်း မကောင်းတဲ့ ကိုလတ်စထရောပမာဏကို လျော့ချနိုင်တဲ့အတွက် သွေးတွင်း အဆီဓာတ်ကို ညီမျှစေပြီး သွေးတိုးရောဂါနဲ့ နှလုံးကျန်းမာရေးကို အကျိုးပြုပါတယ်။
➤ အမျိုးအစား၂ သွေးချို ဆီးချို၊ အဝလွန်ခြင်း၊ သွေးဖိအားများခြင်း၊ သွေးတွင်း ကိုလက်စထရောများခြင်း၊ သွေးကြောများ ပိတ်ဆို့ခြင်း ဖြစ်နိုင်တဲ့ အန္တရာယ်ကို လျော့ကျစေပြီး၊ သွေးတွင်းသကြားဓာတ်မြင့်တက်ခြင်းကို ကာကွယ်ထိန်းညှိပေးပါတယ်။
➤ အစာအိမ်နဲ့ အူလမ်းကြောင်းကျန်းမာရေးကို ကောင်းမွန်စေပါတယ်။
အမျှင်ဓာတ်ကြွယ်ဝတာမို့ အစာခြေစနစ်ကို အထောက်အကူပြုရုံသာမက အမျှင်ဓာတ်ရဲ့ ရေကိုစုပ်ယူနိုင်တဲ့ အာနိသင်ကြောင့် ဝမ်းချုပ်သက်သာစေပြီး အူမကြီးလှုပ်ရှားမှုကို တိုးတက်စေပါတယ်။
➤ ကယ်လ်ဆီယမ်၊ မဂ္ဂနီဆီယမ်၊ ဖော့စဖရပ် စတဲ့ သတ္တုဓာတ်တွေပါဝင်တာကြောင့်အရိုးနဲ့ သွားတွေကို သန်မာစေပါတယ်။
➤ ဓာတ်တိုးဆန့်ကျင်သတ္တိ (antioxidants) အာနိသင်ကြွယ်ဝတာကြောင့် ဆဲလ်တွေ ဓာတ်တိုးပျက်စီးခြင်းကနေ ကာကွယ်ပေးပြီး ကင်ဆာနဲ့ တခြားရောဂါတွေ ဖြစ်နိုင်ခြေကို လျှော့ချပေးပါတယ်။
➤ ကိုယ်အလေးချိန် လျှော့ချရာမှာလည်း တစ်စိတ်တစ်ပိုင်း အထောက်အကူပြုပါတယ်။ ချီယာစေ့မှာပါတဲ့ အမျှင်ဓာတ်က ရေကိုစုပ်ယူတာကြောင့် စားပြီး အချိန်ကြာကြာ ပြည့်အင့်နေစေတဲ့ ခံစားမှုကိုပေးပြီး အစာစားချင်စိတ်ကို လျော့ကျစေပါတယ်။ မကောင်းတဲ့ ကိုလတ်စထရော (LDL) ကိုလည်း လောင်ကျွမ်းစေတာမို့ ဝိတ်ချနေသူများအတွက် စူပါ food ပါပဲ။
Chia စေ့ကို နေ့စဉ်စားသောက်နေတဲ့ အခြားအစားအစာတွေနဲ့ ဘယ်လိုတွဲဖက် စားလို့ရမလဲ?
ချီယာစေ့ကို တစ်နေ့ ထမင်းစားဇွန်း ၁ ဇွန်းမှ အများဆုံး ထမင်းစားဇွန်း ၂ ဇွန်း (30g) စားပေးလို့ ရပါတယ်။
ချီယာစေ့ကို ရေနဲ့ နာရီဝက်ခန့်စိမ်ပြီး အစေ့လေးတွေပွလာရင် နှစ်သက်သလို စားသုံးလို့ရပါတယ်။
✔︎ မိမိနှစ်သက်ရာ ဖျော်ရည်၊ ဒိန်ချဉ်၊ နွားနို့၊ ကော်ဖီ၊ ရေခဲမုန့်၊ အုန်းရည်၊ ရှားစောင်းလက်ပတ်ရည်နဲ့ တွဲဖက်စားသုံးလို့ ရပါတယ်။
✔︎ အုတ်ဂျုံ (oat) ၊ အရွက်သုတ် (salad) တွေမှာလည်း ဖြူးပြီး စားလေ့ရှိသလို
✔︎ ပူတင်း၊ ကွတ်ကီး၊ ကျောက်ကျော စတဲ့ အိမ်လုပ်အချိုပွဲတွေမှာလည်း ထည့်လို့ရပါတယ်။
✔︎ တချို့ကတော့ ရေကျက်အေး တစ်ဖန်ခွက်ထဲကို ချီယာစေ့ ၁ ဇွန်း၊ သံပုရာသီး၊ ပျားရည်၊ ပူစီနံရွက် ထည့်ပြီး detox water အဖြစ် နံနက်ပိုင်းမှာ သောက်လေ့ရှိပါတယ်။
✔︎ ရေမှာစိမ်သောက်တာ အကောင်းဆုံးနဲ့ အလွယ်ဆုံးပါ။
☀️ မနက်စောစော ဘာမှမစားခင် သောက်တာတော့ အကောင်းဆုံးဖြစ်ပါတယ်။ အစာအိမ်က ဦးဆုံးဝင်လာတဲ့ Chia Seeds ရဲ့ အာဟာရဓာတ်ကို အပြည့်အဝစုပ်ယူနိုင်ခြင်းကြောင့်ပါ။
🍴အစာမစားခင် သောက်ခြင်းဖြင့် ဗိုက်လည်းပြည့်၊ အာဟာရလည်းပြည့်တော့ တခြားအစားလျှော့တဲ့အခါ အာဟာရချို့တဲ့မှာ မပူရတော့ဘူး။
⏳️ဝိတ်လျှော့သူတိုင်း/အစားလျှော့သူတိုင်း Chia seeds စားပေးသင့်တဲ့ အကြောင်းရင်း (၈) ချက်ရှိပါတယ်။
၁။ ဝိတ်လျှော့ဖို့ အစားလျှော့တဲ့အခါ ခန္ဓာကိုယ်က လိုအပ်တဲ့အာဟာရလုံလောက်စွာ စားမပေးနိုင်တဲ့အခါ ရေရှည်မှာ အာဟာရချို့တဲ့တတ်ပါတယ်။ Chia Seeds မှာ ခန္ဓာကိုယ်အတွက် နေ့စဉ်လိုအပ်နေတဲ့ သဘာ၀ အာဟာရဓာတ် ပေါကြွယ်၀ပါတယ်။
၂။ ဝိတ်ချဖို့ အစားလျှော့သူများ အများစု ခံစားရတာ သွေးအားကျတာနဲ့ ခုခံအားကျဆင်းခြင်းပါပဲ။ မူးတယ်၊ အားအင်မရှိသလို နုံးချိတယ်။ Chia seeds ဟာ သွေးနီဥပွားများစေလို့ သွေးအားနည်းသူတွေအတွက် ကောင်းတယ်။ ခန္ဓာကိုယ် ခုခံအားကို တိုးမြှင့်ပေးတယ်။
၃။ ၀ရာကနေ အချိန်တိုအတွင်း ပိန်သွားတဲ့အခါ လေပူဖေါင်းက လေထုတ်လိုက်သလိုပဲ အရေပြားက မကျစ်ဘဲ တွန့်သွားတတ်ပါတယ်။ ဒီပြဿနာကို Chia seeds က ကူညီဖြေရှင်းပေးပါတယ်။ Chia seeds ဟာ အသားအရည် တင်းရင်း လှပပြီး အရွယ်နုပျိုစေပါတယ်။
၄။ ဝိတ်လျှော့တဲ့လူဟာ ၀မ်းမှန်ဖို့လိုပါတယ်။ Chia seeds မှာ ဖိုင်ဘာဓာတ်ကြွယ်၀တဲ့အတွက် ဝမ်းမှန်စေတယ်။
၅။ ၀တဲ့လူတွေက သွေးထဲမှာ ကိုလက်စထရော မြင့်တတ်ပါတယ်။ High cholesterol ကြောင့် နှလုံးသွေးကြောကျဉ်း၊ နှလုံးသွေးကြောပိတ်၊ ဦးနှောက်သွေးကြောပိတ်၊ သွေးတိုးနဲ့ ဆီးချိုတွေ ဖြစ်တတ်ပါတယ်။ Chia seeds ဟာ ခန္ဓာကိုယ်အတွင်းက Bad cholesterol (LDL) တွေကို ချေဖျက်ပေးပြီး high cholesthrol မဖြစ်အောင် ထိန်းပေးတယ်။ နှလုံးရောဂါဖြစ်နိုင်ချေကို ကာကွယ်တယ်။ ဆီးချို၊ သွေးတိုး level ထိန်းပေး တယ်။ ဒါကြောင့် ၀တဲ့လူက chia seeds စားပေးသင့်တာပါ။
၆။ ဗိုက်ခဏခဏဆာတာ ဝိတ်လျှော့သူများရဲ့အဓိက ရန်သူပဲ။ Chia seeds ဟာ အာဟာရပြည့်တဲ့အပြင် ဗိုက်အဆာခံတဲ့အတွက် ဝိတ်လျှော့သူများအတွက် အရမ်းကို သင့်တော်ပါတယ်။
၇။ ဝိတ်လျှော့ဖို့ လေ့ကျင့်ခန်းလုပ်တဲ့အခါ ကြွက်သားတွေ အားရှိဖို့လိုပါတယ်။ Chia seeds ဟာ ကြွက်သားများကို အားအင်ပြည့်၀စေတဲ့အတွက် ကြွက်တက်ခြင်းမှကာကွယ်တယ်။ အားကစား စွမ်းရည်ပိုမို မြင့်မားစေတယ်။
၈။ လူဟာ အစားပုပ်တာ တစ်မျိုးတည်းကြောင့်၀တာမဟုတ်ဘူး။ စိတ်ဖိစီးမှုနဲ့ အိပ်ရေးပျက်ခြင်းကလည်း လူကို ၀စေပါတယ်။ Chia seeds ဟာ စိတ်ဖိစီးမှုလျော့နည်းစေတယ်။ နှစ်ခြိုက်စွာ အိပ်ပျော်စေတယ်။
အဲဒါကြောင့် chia seeds ကို super food လို့ ကမ္ဘာက သတ်မှတ်ပါတယ်။ အထူးသဖြင့် Fitness လောကမှာ ခေတ်စားလှပါတယ်။
လှပတဲ့ ကိုယ်ခန္နာရရှိစေဖို့
ချီယာစေ့ကိုသောက်ကြပါစို့
#ချီယာစေ့
