26/09/2025
📣RISE center မှ ဖွင့်လှစ်ခဲ့သော အသက်မွေးဝမ်းကျောင်းသင်တန်းများ ကိုတက်ရောက်ခဲ့ကြသော သင်တန်းသူ/ သားများ ထံသို့
🌱သင်တန်းသားအနေဖြင့်သင်တန်းဆင်းပြီး လက်တွေ့ ပြန်လည်အသုံးချရန် အတွက်လိုအပ်သော စွမ်းဆောင်ရည်များ ပိုမို မြင့်တက် လာစေရန် ရည်ရွယ်၍ (၃) ရက်တာ Workshop လေးကို “ Strengthening Skills and Resilience: Vocational Empowerment” ခေါင်းစဥ်ဖြင့် RISE Center တွင်ပြုလုပ်သွားမှာဖြစ်ပါတယ်။
အစီအစဉ်၏ အဓိကရည်ရွယ်ချက်မှာ
👉အခြေခံစီးပွားရေး အသိပညာများ ပိုမို နားလည် သဘောပေါက်လာစေရန်၊
👉သင်တန်းသူ/သား များ အချင်းချင်း အပြန်အလှန် ချိတ်ဆက်မှု ပိုမို အားကောင်းလာစေရန်၊
👉သင်တန်းမှရရှိခဲ့သော ပညာရပ်များကို ပြန်လည်အသုံးချရန်အတွက် လိုအပ်သော ပူးပေါင်းဆောင်ရွက်မှုများအားကောင်းလာစေရန် နှင့်
👉လိုအပ်သော စိတ်ပိုင်ဆိုင်ရာ ပံ့ပိုးကူညီမှုပေးနိုင်ရန် ဖြစ်ပါသည်။
(၃) ရက်တာ Workshop ကို အောက်ပါ အစီစဥ်များဖြင့် ပြုလုပ်သွားမှာဖြစ်ပါတယ်။
၁။ သတင်းအချက်အလက် မျှဝေခြင်းအစီအစဉ် - လက်တွေ့အသုံးချနိုင်သော အချက်အလက်နှင့် အတွေ့အကြုံများကို မျှဝေခြင်း။
၂။ စိတ်ပိုင်းဆိုင်ရာ အားပေးမြှင့်တင်ခြင်းအစီအစဉ် - စိတ်ဓာတ်ကြံ့ခိုင်မှုနှင့် ကြံ့ကြံ့ခံနိုင်စွမ်းကို မြှင့်တင်ပေးခြင်း။
၃။ အခြေခံစီးပွားရေးသင်ခန်းစာများ - နေ့စဉ်ဘဝနှင့် လုပ်ငန်းငယ်များ လည်ပတ်ရာတွင် အထောက်အကူပြုမည့် စီးပွားရေးအခြေခံများကို သင်ကြားပို့ချခြင်း။
၄။ ဆွေးနွေးခဲ့သော အကြောင်းအရာများကို အတူတကွ စဉ်းစားအဖြေရှာခြင်းအစီအစဉ် နှင့်အတူ ရရှိထားသောပညာရပ်များကို မည်သို့ထိရောက်စွာ အသုံးချမည်၊ မည်သို့ပူးပေါင်းဆောင်ရွက်မည် ဆိုသည်ကို အုပ်စုလိုက် ဆွေးနွေးတင်ပြခြင်း။ စသောအစီစဥ် (၄) ရပ်ဖြင့် ပြုလုပ်သွားမှာဖြစ်ပါတယ်။
အစီအစဥ် အသေးစိတ်
နေ့ရက် - အောက်တိုဘာလ ၁ ရက်မှ ၃ ရက်နေ့အထိ (၃ ရက်)
အချိန် - မနက် ၉း၃၀ မှ ညနေ ၃း၃၀ အထိ
နေရာ - RISE Center (မယ်တောင်)
🌱🌱🌱🌱🌱🌱🌱🌱🌱🌱🌱
🎉သင်တန်းကာလတွင် နေ့လည်စာများ စီစဉ်ပေးထားပါသည်။
🎉 သင်တန်းသူ/သားများအနေဖြင့် မိမိတို့၏ ကိုယ်ပိုင်ထုတ်ကုန်များကို မိတ်ဆက်ခြင်း၊ ပြသရောင်းချခြင်းများ ပြုလုပ်နိုင်ပါသည်။ (ဆွေးနွေးပွဲအတွင်း သီးသန့်အချိန်သတ်မှတ်ပေးသွားမည်ဖြစ်ပါသည်)
သင်တန်းကာလအတွင်း တွေ့ဆုံခဲ့ရသော မိတ်ဆွေများ၊ ဆရာ/ဆရာမများနှင့် ပြန်လည်ဆုံတွေ့ကြပြီး အသစ်အသစ်သော အသိပညာများ၊ အတွေ့အကြုံများဖြင့် အတူတကွ အားယူရှေးဆက် နိုင်ကြရန် အတွက် သင်တန်းသားများအားလုံး အပြည့်အဝ တက်ရောက်ရန် ကြိုဆိုဖိတ်ခေါ်အပ်ပါသည်။
