11/10/2025
Истифодаи Google Classroom дар курсҳои такмили ихтисоси маҷозӣ (онлайнӣ)
Рақамикунонии соҳаи маорифи кишвар, махсусан, дар курсҳои такмили ихтисос зери роҳбарияти Донишкадаи ҷумҳуриявии такмили ихтисос ва бозомӯзии кормандони соҳаи маориф ва филиалҳои он қарор дорад. Дар ин замина, нақшаи чорабиниҳо амалӣ гардида истодаанд.
Курсҳои такмили ихтисос барои омӯзгорон ба воситаи барномаи Google Classroom метавонад яке аз воситаҳои асосии омӯзиши онлайнӣ ва фосилавӣ ба ҳисоб равад.
Барномаи Google Classroom имконият медиҳад, ки омӯзишҳои онлайнӣ дар курсҳои такмили ихтисос ба таври муассир ва системавӣ ташкил карда шаванд. Ин платформа чунин афзалият дорад:
- муносиб барои тақсимоти маводҳои таълимӣ, супоришҳо ва тестҳои санҷишӣ;
- фаъолсозии муоширати мутақобилан судманд байни омӯзгор ва шунавандагон;
- назорати осон ва баҳогузорӣ ба корҳои инфиродӣ;
- дастрасӣ ба маълумот дар вақти дилхоҳ новобаста аз ҷой ва ғайра.
Истифодаи ин барнома дар курсҳои такмили ихтисос ба фарогирӣ, интерактивӣ ва раванди таълими шунавандагон мусоидат менамояд.
Воридшавӣ ба барномаи Google Classroom (Класрум) хеле осон аст ва онро тавассути компютер ё телефони мобилӣ анҷом додан мумкин аст.
Барои ворид шудан, шумо ҳатман бояд ҳисоби (аккаунти) Google дошта бошед (яъне, бояд Gmail дошта бошед).
1. Воридшавӣ тавассути Компютер (Web).
1. Браузерро кушоед: Браузери вебиро (масалан, Chrome, Firefox ё Safari) кушоед.
2. Ба Класрум гузаред: Дар сатри суроғаҳо (адресная строка) нависед:classroom.google.com
3. Ворид шавед (Sign In): Агар шумо аллакай ба ҳисоби Google-и худ ворид нашуда бошед, аз шумо талаб карда мешавад, ки почтаи электронии (Gmail) худро ворид кунед.
Рамз (парол)-и худро ворид кунед ва саҳифаи асосии Google Classroom ворид мешавед, ки дар он ҳамаи синфҳое, ки шумо сохтаед, ё ба онҳо ҳамроҳ шудаед, нишон дода мешаванд.
2. Воридшавӣ тавассути Телефон ё Планшет (App)
1. Барномаро насб кунед:
Барои Android: Google Play Store-ро кушоед ва "Google Classroom"-ро ҷустуҷӯ кунед.
Барои iOS (iPhone/iPad): App Store-ро кушоед ва "Google Classroom"-ро ҷустуҷӯ кунед.
Барномаро насб (установка) кунед.
2. Барномаро кушоед: Нишонаи (значоки) Classroom-ро пахш кунед.
3. Ҳисобро интихоб кунед: Барнома аз шумо хоҳиш мекунад, ки бо як ҳисоби Google ворид шавед. Ҳисоберо, ки мехоҳед барои дарсҳо истифода баред, интихоб кунед.
Ҳамин тариқ, гузаронидани курсҳои маҷозӣ тариқи барномаи Googl Classroom муҳим буда, маводи таълимӣ сабт шуда, муддати зиёд нигоҳ дошта мешаванд. Инчунин, тақвияти ҳамкориҳо миёни шунавандагон ва омӯзгорон дучанд мегардад.
