20/01/2026
التدخل النفسي الحركي
التدخل الوقائي
(الجزء 3 الأخير )
منحكيوش عليه برشا وقتلي هو على قدر كبير من الاهمية
التدخل النفسي الحركي الوقائي نستحقوه وقت نلاحظو :
مهارات غير ناضجة و غير معممة وقتلي يكون عمر اكتسابها والتمكن منها قريب ⏰️ و من المفروض نحسو الطفل حاضر ليها اما هو مازال بعيد او مرتبك .
لهنا منحكيوش على تأخر انما خطر تأخر ❗️
على مستوى المهارات 🤸♀️👩🏫
✍️مثال1 : الطفل قادر على امساك القلم و لكن المسكة غير ثابتة او ينجم يخطط و نسق التخطيط عنده بطيء
التدخل لهنا يكون لوضع أسس كتابة خطية سليمة و لتفاديصعوبات الخط
مثال 2 : صعوبات في تحديد اليد المهيمنة خلط بين اليد اليمنى واليسرى اثناء الانشطة في حدود الست سنوات
التدخل النفسي الحركي يكون لدعم اليد المهيمنة و تعزيز التمييز بين اليمنى واليسرى بش الصغير ميوليش عندو مشاكل قراءة و كتابة و رياضيات و تنسيق حركي عام .
على المستوى النفسي 🔱🧠
التدخل النفسي الحركي مهم وقت يعيش الفرد او الطفل انتقالات عاطفية مهمة
كيما التحضير لانتقال مقر السكن ، لانفصال مع الام او الجدة الحاضنة ، لتغيير مدرسة ، لانفصال الوالدين ، عند مرض جسدي ، مرافقة حادث ، مواكبة اكتئاب الام او الاب ، فقدان
تصاحب التجارب هذي احيانا مشاكل نوم و قلق انجاز مدرسي و مشاكل انتباه و تركيز و مشاكل عاطفية جسدية
التدخل النفسي الحركي الوقائي لهنا يكون بالتوازي مع التدخل النفسي السريري 🤝و يحمل بعد علائقي اكثر يرافق المعيش متع الفرد بحيث يخلق زمن احتواء رمزي🪹، يسمع الانفعال يحد من مخلفاته على انجازاته واليومي متاعه .
التدخل الوقائي مهم زادة وقتلي عارض كيما الخوف او القلق او الحركية تكون كبيرة مقارنة بالسقف النسبي المتوقع 🌡في مرحلة عمرية معينة
يعني مثلا في سن الثلاثة سنوات الاطفال حركيين عموما
اذا الطفل كان حركي بطريقة عشوائية و مفرطة و معممة حتى بعد لعب مكثف
او منطوي و قليل التفاعل
خائف أو متعلق بطريقة معيقة للتطور النفسي الحركي متاعه
التدخل لهنا يهدف انه يفهم الاعراض في سياقها التربوي يشتغل عليهم و يخفف من حدة بروز اعراض مستقبلية بش يخلي الطفل عنده آليات و مهارات التأقلم .
و نتفكرو كل ما يكون التدخل أبكر كل ما يكون انجع و التحسن أكثر سلاسة 💁♀️
