04/12/2025
صباح الفل ❤️
🙄 عمرك سألت روحك علاش كي تحل شيبس… ما تنجمش توقّف؟
تاكل حاجة صغيرة… تلقى روحك كملّت الكيس؟
ولا تاكل بيسكوي وحدة… وتكمل الباكو الكل؟ 👀
⛔ المشكل موش ضعف إرادة — بدنك هو اللي يتلعب بيه.
👆 حسب دراسات جديدة، الأطباء يقولوا اللي الماكلة المُعالَجة برشة
(شيبسي، قازوز، بيسكويت، كيكات مصنّعة…)
تنجّم تكون إدمان بالحق.
⚠️ خاطرها معمولة بخليط متاع دهون + سكر + ملح بطريقة محسوبة بش تطلق دوبامين في المخ — هرمون المتعة.
يعطيك إحساس باللذة بسرعة… ويقطع إشارات الشبع العادية.
⛔ وزيد المواد المُضافة (النطائع، المنكهات، المونوصوديوم، القوام الصناعي…)
تزيد تعلّقك وتخلي الماكلة “مُغرية” للمخ — كيف المخدرات بالضبط 😬.
ومع الوقت، المخ يتعوّد على الدوبامين العالي
ويطلب أكثر بش يحس بنفس المتعة… كيف أي إدمان 🫣.
🚨 والمشكل موش كان في الزيادة في الوزن!
الدراسات تربط بين الماكلة هاذي و:
– أمراض القلب
– السكري
– القلق والاكتئاب
– التعب الذهني وعدم التركيز
⛔ يعني “كيس شيبسي صغير”… موش صغير كيما نحسبو فيه
💡 شنوة الحل، خاصة لصغارنا وشبابنا؟
👈 نقص شوية بشوية من الماكلة المُعالَجة.
اختار حاجات طبيعية: فاكهة، مكسرات، فشار، ماكلة دار.
👈 كان جرّبت تنقص وما قدرتش…
هذي علامة اللي بدنك متعلّق، ولازم تتعامل معاه كإدمان.
👈 يلزمك نقص تدريجي
وبرشا مرات يلزم تعاون مع مختص بش تعاود تسيطر.
👈 الموضوع كبير… وتأثيره على جيل كامل خطير.
❤️ الّي حسّ روحو مدمن على الماكلة هاذي… يقولّنا كيفاش قدر ينقص منها؟
نحبكم في الله ❤️
