24/02/2022
Chers ami(e) s
اليوم officiellement سكرت ال cabinet.. بحُكم ارتباطاتي الأخرى ما نجمش نوَفّق بين هكا وهكا
شكرًا على ثقتكم ومحبتكم وعلى كل كلمة وكل لحظة ساندتوني فيها.
ما كانتش تجربة ساهلة.. أنا صغيرة في العمر وفي التجربة المهنية، والظرف كان صعيب، أما ورغم ذلك لقيت ناس آمنت بيا ووقثت في كل كلمة نقولها. لقيت ناس سلمتلي صحتها وصحة عايلاتها.
ال cabinet، والا ال cabine والا المحل والا الحانوت والا ال infirmerie.. كل حد كيفاه يسميها.. ما كانتش حانوت صغير فيه زرارق و tension
كانت بالنسبة ليا عالم صرفت عليه من فلوسي ووقتي ومحبتي ويشهد ربي اللي أنا خدمت فيه بكل جهدي وما بخلت على حد بحتى معلومة نعرفها والا حاجة تنجم تنفعو.
ال cabinet خلاني نعرف ناس، نعمل أصحاب، نعمل فلوس في ظرف اقتصادي صعيب على الناس الكل.. خلاتني نكسب محبة العباد، كلمة يرحم والديك وربي يباركلك وعيش بنتي ويخفف مرضك وبرشا كلام آخر ما يتشراش بالفلوس.
كتجربة أنا فرحانة برشا.. ما خرجتش منها فارغة، خرجت مليانة بمحبة الناس وعرفت روحي اللي أنا قادرة نتحمل مسؤولية مشروع ونخلص كراء وناقف في قباضة ونجري على matériel و traitement injectables ونتعلم حاجات جديدة ونطور روحي.
اليوم، ما خرجتش خاسرة.. خرجت رابحة.. خرجت لتجربة جديدة في مستشفى الحروق ان شاء الله زادا تكون ناجحة.
صحيح متأثرة وبكيت عليها ال infirmerie..
Ce n'est jamais facile de quitter les choses
بالنسبة للناس اللي تعرفني أنا مازلت موجودة، أي حد يستحقني ينجم يكلمني يجيني لدارنا والا نجيه للدار مرحبا بيكم الناس الكل وشكرًا ألف مرة على ثقتكم ومحبتكم. 🌹🌹🌹🌹❤️❤️❤️❤️❤️❤️
